ಪ್ರಿಯತಮೆ ಮದ್ವೆಯಾದ 10 ದಿನದಲ್ಲಿ 36ಕ್ಕೂ ಹೆಚ್ಚು ಆಕೆಯ ಅಶ್ಲೀಲ ಫೋಟೋವನ್ನು ಪತಿಗೆ ಸೆಂಡ್ ಮಾಡ್ದ!

ಭುವನೇಶ್ವರ: ತನ್ನ ಮಾಜಿ ಗೆಳತಿಯ ಮದುವೆಯಾದ 10 ದಿನದಲ್ಲೇ ಪ್ರಿಯತಮ ಆಕೆಯ 36ಕ್ಕೂ ಹೆಚ್ಚು ಅಶ್ಲೀಲ ಫೋಟೋ, ವಿಡಿಯೋಗಳನ್ನು ಆಕೆಯ ಪತಿಗೆ ಕಳುಹಿಸಿದ ಘಟನೆ ಒಡಿಶಾದ ಕೋರಾಪುಟ್‍ನ ಜೆಪೋರ್ ನಲ್ಲಿ ನಡೆದಿದೆ.

ಪ್ರಿಯತಮೆ ಬೇರೆಯವನ ಜೊತೆ ಮದುವೆಯಾಗಿದ್ದಕ್ಕೆ ಪ್ರಿಯಕರ ಆಕೆಯ 36ಕ್ಕೂ ಹೆಚ್ಚು ಅಶ್ಲೀಲ ಫೋಟೋ, ವಿಡಿಯೋಗಳನ್ನು ಆಕೆಯ ಪತಿಗೆ ಕಳುಹಿಸಿದ್ದಾನೆ. ಆ ಫೋಟೋಗಳನ್ನು ನೋಡಿ ಯುವತಿಯ ಪತಿ ಜೆಪೋರ್ ಸದಾರ್ ಪೊಲೀಸ್ ಠಾಣೆಯಲ್ಲಿ ಇಂದು ಬೆಳಗ್ಗೆ ಯುವಕನ ವಿರುದ್ಧ ದೂರು ನೀಡಿದ್ದಾನೆ.

ಯುವಕನ ಜೊತೆಯಿರುವ ತನ್ನ ಪತ್ನಿಯ ಅಶ್ಲೀಲ ಫೋಟೋ, ವಿಡಿಯೋಗಳನ್ನು ನೋಡಿದ ಪತಿ ನಾನು ನನ್ನ ಮುಂದಿನ ಜೀವನವನ್ನು ಈಕೆಯ ಜೊತೆ ಕಳೆಯಲು ಇಷ್ಟಪಡುವುದಿಲ್ಲ ಎಂದು ಪೊಲೀಸ್ ಠಾಣೆಯಲ್ಲಿ ಹೇಳಿದ್ದಾನೆ.

ಪೊಲೀಸರ ಪ್ರಕಾರ ಯುವಕ ಆ ಯುವತಿಯ ಪ್ರಿಯಕರ ಎಂದು ಹೇಳಿಕೊಂಡಿದ್ದಾನೆ. ಅಲ್ಲದೇ ಆಕೆಯ ಪತಿಯ ವಾಟ್ಸಾಪ್ ನಂಬರ್ ಕೂಡ ಪಡೆದಿದ್ದಾನೆ. ನಂತರ ಆರೋಪಿ ಯುವತಿ ಜೊತೆಯಿರುವ 36 ಅಶ್ಲೀಲ ಫೋಟೋ, ವಿಡಿಯೋವನ್ನು ಯುವತಿಯ ಪತಿಗೆ ಕಳುಹಿಸಿದ್ದಾನೆ ಎಂದು ಹೇಳಿದ್ದಾರೆ. ಸದ್ಯ ಪೊಲೀಸರು ಈ ಘಟನೆ ಕುರಿತು ತನಿಖೆ ನಡೆಸುತ್ತಿದ್ದಾರೆ.