ಉದ್ಘಾಟನೆಗೆ ಸಿದ್ಧಗೊಂಡಿದೆ ಜಗತ್ತಿನ ಉದ್ದದ ಸಮುದ್ರ ಸೇತುವೆ

ಬೀಜಿಂಗ್: ಚೀನಾ-ಹಾಂಕಾಂಗ್ ಮಧ್ಯೆ ಸೇತುವೆಯೊಂದು ನಿರ್ಮಾಣವಾಗಿದ್ದು ಈಗ ಜಗತ್ತಿನಲ್ಲಿಯೇ ಅತೀ ಉದ್ದದ ಸಮುದ್ರ ಸೇತುವೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

2009ರಲ್ಲಿ ಆರಂಭವಾಗಿದ್ದ ಈ ಸೇತುವೆಯ ನಿರ್ಮಾಣ ಕಾರ್ಯ ಮುಕ್ತಾಯವಾಗಿದ್ದು, ಬರೋಬ್ಬರಿ 55 ಕಿಲೋ ಮೀಟರ್ ಉದ್ದವಿರುವ ಈ ಸೇತುವೆ ಅಕ್ಟೋಬರ್ 24 ರಂದು ಉದ್ಘಾಟನೆಯಾಗಲಿದೆ. ಚೀನಾ ಝಹೈನಿಂದ ಹಾಂಕಾಂಗ್ ನ ಮಕಾವೋಗೆ ಪ್ರಯಾಣ ಮಾಡಲು ಕೇವಲ 30 ನಿಮಿಷ ಸಾಗುತ್ತದೆ. ಇದಕ್ಕೂ ಮೊದಲು ಎರಡು ನಗರಗಳ ನಡುವೆ ಪ್ರಯಾಣಿಸಲು 3 ಗಂಟೆ ಬೇಕಾಗಿತ್ತು.

ಆರಂಭದಲ್ಲಿ ಸೇತುವೆಯನ್ನು ನೇರವಾಗಿ ಹಾಂಕಾಂಗ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಸಂಪರ್ಕ ಕಲ್ಪಿಸಲು ಯೋಜನೆ ಸಿದ್ಧಪಡಿಸಲಾಗಿತ್ತು. ಆದರೆ ಇದರಿಂದ ಟ್ರಾಫಿಕ್ ಸಮಸ್ಯೆ ಹೆಚ್ಚಾಗಬಹುದು ಎಂದು ಚಿಂತಿಸಿದ ಹಾಂಕಾಂಗ್ ಯೋಜನೆಯ ಪ್ಲಾನ್ ಬದಲಿಸಲು ತಿಳಿಸಿತ್ತು ಎಂದು ಮಾಧ್ಯಮಗಳು ವರದಿ ಮಾಡಿದೆ.

ಈ ಸೇತುವೆ ನಿರ್ಮಾಣಕ್ಕೆ ಚೀನಾ 9.83 ಲಕ್ಷ ಕೋಟಿ ರೂ. ಹಣ ವೆಚ್ಚಮಾಡಿದೆ. ಸೇತುವೆ ಮೇಲೆ ಪ್ರಯಾಣ ಮಾಡಲು ಟೋಲ್ ದರ ನಿಗದಿ ಮಾಡಲಾಗಿದೆ. 2030ರ ವೇಳೆಗೆ ಪ್ರತಿದಿನ ಸೇತುವೆಯಲ್ಲಿ 29,100 ವಾಹನಗಳು ಚಲಿಸಬಹುದು ಎಂದು ಅಂದಾಜಿಸಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

Enjoy a bird's-eye view of the mega bridge Hong Kong-Zhuhai-Macau Bridge in China🇨🇳, the world's longest sea bridge🧐. pic.twitter.com/O8MqeE3raD

— People's Daily, China (@PDChina) August 9, 2018