ಪರಸ್ತ್ರಿಯೊಂದಿಗಿದ್ದಾಗ ರೆಡ್ ಹ್ಯಾಂಡ್ ಆಗಿ ಸಿಕ್ಕಿ ಬಿದ್ದ ಕ್ರಿಮಿನಲ್ ಲಾಯರ್

ಹೈದರಾಬಾದ್: ಮದುವೆಯಾಗಿದ್ದರೂ ವಕೀಲನೊಬ್ಬ ಪರ ಸ್ತ್ರಿಯೊಂದಿಗೆ ಸಂಬಂಧ ಹೊಂದಿದ್ದಾಗ ಆತನ ಪತ್ನಿಯೇ ರೆಡ್ ಹ್ಯಾಂಡ್ ಆಗಿ ಹಿಡಿದಿರುವ ಘಟನೆ ತೆಲಂಗಾಣದ ಉಪ್ಪಾಳದಲ್ಲಿ ನಡೆದಿದೆ.

ಕೃಷ್ಣಮಚಾರಿ ಪತ್ನಿಗೆ ಸಿಕ್ಕಿ ಬಿದ್ದ ಕ್ರಿಮಿನಲ್ ವಕೀಲ. ಕೃಷ್ಣಮಚಾರಿ 2008ರಲ್ಲಿ ವಿಂದ್ಯಾರಾಣಿಯನ್ನು ಮದುವೆಯಾಗಿದ್ದನು. ವಿಂದ್ಯಾರಾಣಿ ರಾಜಸ್ಥಾನದಲ್ಲಿ ವೈದ್ಯಕೀಯ ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಪತಿಯಿಂದ ದೂರ ವಾಸಿಸುತ್ತಿದ್ದರು. ಆದರೆ ಪತಿಗಾಗಿ ಹಣವನ್ನು ಕಳುಹಿಸುತ್ತಿದ್ದರು.

ಇತ್ತ ಪತಿ ಕೃಷ್ಣಮಚಾರಿ ತನ್ನ ಪತ್ನಿ ಕಳುಹಿಸಿದ ಹಣದೊಂದಿಗೆ ಅದ್ಧೂರಿ ಜೀವನಶೈಲಿ ನಡೆಸುತ್ತಿದ್ದನು. ಅಷ್ಟೇ ಅಲ್ಲದೇ ಇನ್ನೊಬ್ಬ ಮಹಿಳೆಯೊಂದಿಗೆ ಅನೈತಿಕ ಸಂಬಂಧವನ್ನು ಹೊಂದಿದ್ದನು. ಇಬ್ಬರು ಓಲ್ಡ್ ರಾಮಂತಪುರದಲ್ಲಿ ಬಾಡಿಗೆ ಫ್ಲಾಟ್ ನಲ್ಲಿ ವಾಸಿಸುತ್ತಿದ್ದರು.

ಇತ್ತ ವಿಂದ್ಯಾರಾಣಿ ಸ್ವಯಂಪ್ರೇರಿತ ರಾಜೀನಾಮೆ ಪಡೆದು ಹೈದರಾಬಾದ್ ಗೆ ಹಿಂದಿರುಗಿ ಪತಿಯೊಂದಿಗೆ ವಾಸಿಸುತ್ತಿದ್ದರು. ದಿನಕಳೆದಂತೆ ವಿಂದ್ಯಾರಾಣಿ ಅವರಿಗೆ ತಮ್ಮ ಪತಿಯ ಬೇರೆ ಮಹಿಳೆಯ ಜೊತೆ ಸಂಬಂಧ ಹೊಂದಿದ್ದಾನೆ ಎಂದು ಅನುಮಾನ ಬಂದಿದೆ. ಬಳಿಕ ನಂತರ ವಿಂದ್ಯಾರಾಣಿ ತನ್ನ ಸಂಬಂಧಿಕರು ಮತ್ತು ಮಾಧ್ಯಮದ ಸಹಾಯದಿಂದ ತನ್ನ ಪತಿಯನ್ನು ಮಹಿಳೆಯ ಜೊತೆ ಇದ್ದಾಗಲೇ ರೆಡ್ ಹ್ಯಾಂಡ್ ಆಗಿ ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ.

ಪೊಲೀಸರು ಈ ಬಗ್ಗೆ ದೂರು ದಾಖಲಿಸಿಕೊಂಡಿದ್ದು, ತನಿಖೆ ಮುಂದುವರಿಸಿದ್ದಾರೆ. ಆಗ ಆರೋಪಿ ವಕೀಲ ಅನೇಕ ಮಹಿಳೆಯರಿಗೆ ಮದುವೆಯಾಗುತ್ತೇನೆ ಎಂದು ನಂಬಿಸಿ ಮೋಸ ಮಾಡುತ್ತಿರುವುದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿದೆ ಅಂತ ಪೊಲೀಸರು ತಿಳಿಸಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv