ಲಾಡ್ಜಿನಲ್ಲಿ ಪ್ರೇಯಸಿ ಜೊತೆ ಚೆಲ್ಲಾಟವಾಡ್ತಿದ್ದ ಪತಿಗೆ ಗೂಸಾ ಕೊಟ್ಟ ಪತ್ನಿ

ಲಕ್ನೋ: ಲಾಡ್ಜಿನಲ್ಲಿ ರೂಮ್ ಮಾಡಿಕೊಂಡು ಪ್ರೇಯಸಿ ಜೊತೆ ಮಜಾ ಮಾಡುತ್ತಿದ್ದ ಪತಿಯನ್ನು ರೆಡ್ ಹ್ಯಾಡ್ ಹಿಡಿದ ಪತ್ನಿ ಸಖತ್ ಗೂಸಾ ಕೊಟ್ಟಿರುವ ಘಟನೆ ಉತ್ತರ ಪ್ರದೇಶದ ಬಿಲಾಸ್ಪುರದಲ್ಲಿ ನಡೆದಿದೆ.

ಮದುವೆಯಾಗಿದ್ದರು ಪ್ರೇಯಸಿ ಜೊತೆ ಲಾಡ್ಜ್ ಮಾಡಿಕೊಂದು ಮಜಾ ಪಡೆಯುತ್ತಿದ್ದ ಪತಿಯ ರಂಗಿನಾಟಕ್ಕೆ ಪತ್ನಿ ಬ್ರೇಕ್ ಹಾಕಿದ್ದಾಳೆ. ಜಶ್ಪುರದ ಪೊಲೀಸ್ ಸಿಬ್ಬಂದಿ ಮಗನಾದ ಪ್ರೀತಮ್ ಎರಡು ವರ್ಷಗಳ ಹಿಂದೆ ಮದುವೆಯಾಗಿದ್ದನು. ಆದರೆ ಮದುವೆಗೆ ಮುಂಚೆ ಪ್ರೀತಮ್ ಜಶ್ಪುರದ ಯುವತಿಯನ್ನೇ ಪ್ರೀತಿಸುತ್ತಿದ್ದನು. ಈ ವಿಷಯ ಪತ್ನಿಗೆ ತಿಳಿದಿತ್ತು. ಆದ್ದರಿಂದ ಪತಿ ಮೇಲೆ ಪತ್ನಿ ಕಣ್ಣಿಟ್ಟಿದ್ದಳು.

ಇದೇ ಬೆನ್ನೆಲ್ಲೆ ಪತಿ ಪತ್ನಿಗೆ ಸುಳ್ಳು ಹೇಳಿ ಬಿಲಾಸ್ಪುರಕ್ಕೆ ಪ್ರೇಯಸಿ ಜೊತೆ ಹೋಗಿದ್ದನು. ಅಲ್ಲಿ ಆರಾಮಾಗಿ ಲಾಡ್ಜಿನಲ್ಲಿ ರೂಮ್ ಮಾಡಿಕೊಂಡು ಮಜಾ ಮಾಡುವ ಪ್ಲಾನ್ ಮಾಡಿದ್ದನು. ಆದ್ರೆ ಈ ಪ್ಲಾನ್‍ಗೆ ಪತ್ನಿ ಎಳ್ಳು ನೀರು ಬಿಟ್ಟಿದ್ದಾಳೆ. ಪತಿ ವಿಷಯ ತಿಳಿದು ಪತ್ನಿ, ತನ್ನ ಕುಟುಂಬಸ್ಥರ ಜೊತೆ ಲಾಡ್ಜಿಗೆ ಬಂದು ಪತಿಗೆ ಹಿಗ್ಗಾಮುಗ್ಗಾ ಬಾರಿಸಿದ್ದಾಳೆ.

ಮೋಸ ಮಾಡಿ ಬೇರೊಬ್ಬಳ ಜೊತೆ ಹೋಗಿದ್ದ ಪತಿ ವಿರುದ್ಧ ಪೊಲೀಸರಿಗೆ ಪತ್ನಿ ದೂರು ನೀಡಿದ್ದು, ಆರೋಪಿ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಸದ್ಯ ಪೊಲೀಸರು ಈ ಬಗ್ಗೆ ತನಿಖೆ ಆರಂಭಿಸಿದ್ದಾರೆ.