ಬೆಂಗಳೂರು: ಟೆಸ್ಟ್ ಕ್ರಿಕೆಟ್, 50 ಓವರ್ ಮ್ಯಾಚ್ ಗಳಂತೆ ಟಿ20 ಕ್ರಿಕೆಟ್ ಯುಗವೂ ಬೇಗನೇ ಮುಗಿಯುತ್ತಾ ಗೊತ್ತಿಲ್ಲ. ಆದರೆ ಈ ವರ್ಷಾಂತ್ಯಕ್ಕೆ ಟೆನ್-10 ಕ್ರಿಕೆಟ್ ಆಟ ಶುರುವಾಗಲಿದೆ. ಟೆನ್10 ಕ್ರಿಕೆಟ್ ಪಂದ್ಯದಲ್ಲಿ ದಿಗ್ಗಜರಾದ ವೀರೇಂದ್ರ ಸೆಹ್ವಾಗ್, ಕ್ರಿಸ್ ಗೇಲ್, ಶಾಹಿದ್ ಆಫ್ರಿದಿ ಮುಂತಾದವರೆಲ್ಲಾ ಬ್ಯಾಟ್ ಬೀಸಲಿದ್ದಾರೆ.
ಯುಎಇಯಲ್ಲಿ ನಡೆಯಲಿರುವ ಪಂದ್ಯಾವಳಿಯಲ್ಲಿ ಶ್ರೀಲಂಕಾ ಆಟಗಾರ ಕುಮಾರ ಸಂಗಕ್ಕರ ಅವರು ಕೂಡಾ ಭಾಗಿಯಾಗಲಿದ್ದಾರೆ ಎನ್ನಲಾಗಿದೆ.
ಟೆನ್ 10 ಮೊದಲ ಸೀಸನ್ ಕೇವಲ 4 ದಿನದ ಆಟದಲ್ಲಿ ಮುಗಿಯಲಿದೆ. ಡಿಸೆಂಬರ್ 21ರಿಂದ 24ರವರೆಗೆ ಈ ಪಂದ್ಯಾವಳಿ ನಡೆಯಲಿದ್ದು ಸುಮಾರು 20ಕ್ಕೂ ಹೆಚ್ಚು ಸೆಲೆಬ್ರಿಟಿಗಳು ಪಾಲ್ಗೊಳ್ಳಲಿದ್ದಾರೆ ಎನ್ನಲಾಗಿದೆ. ಇದು ಐಸಿಸಿ ಆಯೋಜಿಸಿರುವ ಟೂರ್ನಿ ಅಲ್ಲದಿದ್ದರೂ ಸದ್ಯ ಖ್ಯಾತಿ ಪಡೆದಿರುವ ಬಹುಪಾಲು ಆಟಗಾರರು ಇದರಲ್ಲಿ ಪಾಲ್ಗೊಳ್ಳುತ್ತಿರೋದರಿಂದ ಜನರಿಗೆ ಮನರಂಜನೆ ಅಂತೂ ತಪ್ಪಿದ್ದಲ್ಲ.
ಇದನ್ನೂ ಓದಿ: ನಾಳೆ ನಡೆಯಲಿರುವ ಭಾರತ, ಶ್ರೀಲಂಕಾ ಪಂದ್ಯಕ್ಕೆ ರಾಷ್ಟ್ರಗೀತೆ ಮೊಳಗಲ್ಲ ಯಾಕೆ?
Leave a Reply