ಅಭಿಮಾನಿಗಳ ದೇಶಭಕ್ತಿ ಕಂಡು ಎಮೋಶನಲ್ ಆದ್ರು ವಿರಾಟ್: ವಿಡಿಯೋ ವೈರಲ್

ನವದೆಹಲಿ: ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಇಂಗ್ಲಂಡ್‍ನಲ್ಲಿರುವ ಅಭಿಮಾನಿಗಳ ದೇಶಭಕ್ತಿಯನ್ನು ಕಂಡು ಎಮೋಶನಲ್ ಆಗಿದ್ದಾರೆ.

ಇಂದು ಭಾರತ ತಂಡ ಮೂರನೇ ಏಕದಿನ ಪಂದ್ಯವಾಡುತ್ತಿದೆ. ಪಂದ್ಯವಾಡುವ ಮೊದಲು ವಿರಾಟ್ ಸಾಮಾಜಿಕ ಜಾಲತಾಣದಲ್ಲಿ ಒಂದು ವಿಡಿಯೋ ಶೇರ್ ಮಾಡಿ ಭಾವನಾತ್ಮಕ ಸಂದೇಶವನ್ನು ಬರೆದುಕೊಂಡಿದ್ದಾರೆ. ಅಲ್ಲದೇ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

ವಿರಾಟ್ ಕೊಹ್ಲಿ ಸಾಮಾಜಿಕ ಜಾಲತಾಣದಲ್ಲಿ ಒಂದು ವಿಡಿಯೋ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ಆ ವಿಡಿಯೋದಲ್ಲಿ ಕ್ರಿಕೆಟ್ ಮೈದಾನದಲ್ಲಿ ರಾಷ್ಟ್ರಗೀತೆ ಮೊಳಗುವಾಗ ಅಭಿಮಾನಿಗಳು ಸ್ಟೇಡಿಯಂನಲ್ಲಿ ನಿಂತಿದ್ದಾರೆ. ಕೈಯಲ್ಲಿ ತ್ರಿವರ್ಣ ಧ್ವಜ ಹಿಡಿದು ಅಭಿಮಾನಿಗಳು ಒಂದೇ ರಾಗದಲ್ಲಿ ತುಂಬು ಹೃದಯದಿಂದ ರಾಷ್ಟ್ರಗೀತೆ ಹಾಡಿದ್ದಾರೆ. ಇಡೀ ಸ್ಟೇಡಿಯಂನಲ್ಲಿ ‘ಜನ ಗಣ ಮನ’ ಹಾಡು ಕೇಳಿಬರುತ್ತಿತ್ತು.

ಈ ವಿಡಿಯೋವನ್ನು ನೋಡಿದ ವಿರಾಟ್ ಅಭಿಮಾನಿಗಳ ಅಭಿಮಾನಿ ಆಗಿದ್ದಾರೆ. “ಈ ವಿಡಿಯೋ ನೋಡಿ ನನಗೆ ತುಂಬಾ ಖುಷಿಯಾಯಿತ್ತು. ನಿರಂತರವಾಗಿ ಯಾವುದೇ ಷರತ್ತಿಲ್ಲದೇ ನಮ್ಮನ್ನು ಬೆಂಬಲಿಸುತ್ತಿರುವುದ್ದಕ್ಕೆ ಧನ್ಯವಾದಗಳು. ನಿಮ್ಮ ಈ ಪ್ರೀತಿ ನಮಗೆ ಇನ್ನಷ್ಟು ಪರಿಶ್ರಮ ಪಡಲು ಪ್ರೇರೆಪಿಸುತ್ತದೆ” ಎಂದು ಕೊಹ್ಲಿ ಬರೆದುಕೊಂಡಿದ್ದಾರೆ.

ಸದ್ಯ ಟೀಂ ಇಂಡಿಯಾ ಏಕದಿನ ಪಂದ್ಯದಲ್ಲಿ ಒಂದು ಪಂದ್ಯವನ್ನು ಗೆದ್ದು, ಮತ್ತೊಂದು ಪಂದ್ಯದಲ್ಲಿ ಸೋತಿದ್ದು, ಇಂದು ಕೊನೆಯ ಪಂದ್ಯವನ್ನು ಆಡುತ್ತಿದೆ.

One of the best feelings watching this video! Thank you everyone for your constant and unconditional support for us. Your cheers and love motivates us to keep trying harder every time! 🇮🇳🙏😇 pic.twitter.com/WLxSnyfmVZ

— Virat Kohli (@imVkohli) July 16, 2018

One of the best feelings watching this video! Thank you everyone for your constant and unconditional support for us. Your cheers and love motivates us to keep trying harder every time! ????????????????

A post shared by Virat Kohli (@virat.kohli) on Jul 16, 2018 at 10:50am PDT