ಸಾಬೂನಿನಿಂದ ಕೈ ತೊಳೆದ್ರೆ ಆಗುವ ಲಾಭ ಮಕ್ಕಳಿಗೆ ತಿಳಿಸಿದ ಶಿಕ್ಷಕಿ-ವಿಡಿಯೋ ವೈರಲ್

ಬೆಂಗಳೂರು: ಸಾಬೂನಿನಿಂದ ಕೈ ತೊಳೆದರೆ ಆಗುವ ಲಾಭವನ್ನ ಶಿಕ್ಷಕಿ ಮಕ್ಕಳಿಗೆ ತಿಳಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕೊರೊನಾ ವೈರಸ್ ಹಿನ್ನೆಲೆಯಲ್ಲಿ ಶುಚಿಯಾಗಿರಬೇಕು ಎಂಬ ಮಾತುಗಳಿ ಕೇಳಿ ಬರುತ್ತಿವೆ. ಕೈಯನ್ನು ಶುಚಿಯಾಗಿಟ್ಟುಕೊಳ್ಳಬೇಕು ಎಂಬ ಸಲಹೆ ಮತ್ತು ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ನೋಡುತ್ತಿರುತ್ತೇವೆ. ಮಾರ್ಚ್ 13ರಂದು ಈ ವಿಡಿಯೋ ಟ್ವಿಟ್ಟರ್ ನಲ್ಲಿ ಅಪ್ಲೋಡ್ ಆಗಿದ್ದು, 61 ಲಕ್ಷಕ್ಕೂ ಅಧಿಕ ವ್ಯೂವ್ ಪಡೆದುಕೊಂಡಿದೆ. ಕಾಳು ಮೆಣಸಿನ ಪೌಡರ್ ಬಳಸಿ ಮಕ್ಕಳಿಗೆ ಶಿಕ್ಷಕಿ ಸರಳವಾಗಿ ಪಾಠ ಮಾಡಿದ್ದಾರೆ. ಸರಳ ವಿಧಾನ ನೋಡಿದ ನೆಟ್ಟಿಗರು ವಿಡಿಯೋವನ್ನು ಹಂಚಿಕೊಳ್ಳುತ್ತಿದ್ದಾರೆ.

The PERFECT demo for kids as to why soap is SO IMPORTANT and EFFECTIVE from an elementary school teacher, SOUND ON: (h/t u/beep_boop_doot) pic.twitter.com/12m3YWjPub

— Lee Trott (@MC372) March 13, 2020

ವಿಡಿಯೋದಲ್ಲಿ ಏನಿದೆ?
ವಿಡಿಯೋದಲ್ಲಿ ಎರಡು ತಟ್ಟೆಗಳು ಇರೋದನ್ನು ಕಾಣಬಹುದು. ಒಂದರಲ್ಲಿ ನೀರು ಹಾಕಿ ಮೇಲ್ಗಡೆ ಕಾಳು ಮೆಣಸಿನ ಪುಡಿ ಹಾಕಲಾಗಿದೆ. ಮತ್ತೊಂದರಲ್ಲಿ ಸಾಬೂನು (ದ್ರವ ರೂಪದಲ್ಲಿರುವ) ಇರಿಸಲಾಗಿದೆ. ನೀರಿನ ಮೇಲೆ ತೇಲುತ್ತಿರುವ ಮೆಣಸಿನ ಪುಡಿಯನ್ನು ವೈರಸ್ ಗೆ ಹೋಲಿಸುತ್ತಾರೆ. ನಂತರ ತಮ್ಮ ಬೆರಳನ್ನು ನೀರಿನಲ್ಲಿ ಅದ್ದಿದಾಗ ಮೆಣಸಿನ ಪುಡಿ ಅಂಟಿಕೊಳ್ಳುತ್ತದೆ. ಆವಾಗ ನೋಡಿ ಹೇಗೆ ವೈರಸ್ ನನ್ನ ಬೆರಳಿಗೆ ಅಂಟಿಕೊಳ್ತು. ಅದೇ ಬೆರಳನ್ನು ಸಾಬೂನು ಇರಿಸಲಾಗಿದ್ದ ತಟ್ಟೆಯಲ್ಲಿ ಅದ್ದಿದಾಗ ಕೈ ಶುಚಿಯಾಗುತ್ತೆ. ಕೊನೆಗೆ ಶುಚಿಯಾದ ಬೆರಳನ್ನು ಮೆಣಸಿನ ಪುಡಿ ಹಾಕಲಾಗಿರುವ ತಟ್ಟೆಯಲ್ಲಿ ಇರಿಸುತ್ತಾರೆ. ಶುಚಿಯಾದ ಬೆರಳು ತಟ್ಟೆಯಲ್ಲಿಡುತ್ತಿದ್ದಂತೆ ಮೆಣಸಿನ ಪುಡಿ ದೂರ ಹೋಗುತ್ತೆ.

ಮೆಣಸಿನ ಪುಡಿ ದೂರ ಹೋಗುತ್ತಿದ್ದಂತೆ ಮಕ್ಕಳು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಕೊನೆಗೆ ಶಿಕ್ಷಕಿ ಸಾಬೂನಿನಿಂದ ಕೈ ತೊಳೆದ್ರೆ ಯಾವ ವೈರಾಣುಗಳು ನಿಮ್ಮ ಬಳಿ ಸುಳಿಯಲ್ಲ ಎಂಬುದನ್ನ ಮಕ್ಕಳಿಗೆ ಮನವರಿಕೆ ಮಾಡಿಕೊಟ್ಟಿದ್ದಾರೆ.