ಜಿಮ್‍ನಲ್ಲಿ ಕ್ರಂಚಸ್, ಸಿಟ್ ಅಪ್ – ಬೆಕ್ಕಿನ ವರ್ಕೌಟ್ ವೀಡಿಯೋ ವೈರಲ್

ನವದೆಹಲಿ: ಜಿಮ್‍ನಲ್ಲಿ ಬೆಕ್ಕು ವರ್ಕೌಟ್ ಮಾಡುತ್ತಿರುವ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಟ್ರೆಂಡ್ ಕ್ರಿಯೇಟ್ ಮಾಡಿದೆ.

ಇತ್ತೀಚಿನ ದಿನಗಳಲ್ಲಿ ಜನರಿಗೆ ಆರೋಗ್ಯದ ಮೇಲೆ ಕಾಳಜಿ ಹೆಚ್ಚಾಗಿದ್ದು ಜಿಮ್ ಗೆ ಹೋಗಿ ಬೆವರಿಳಿಸುತ್ತಿದ್ದಾರೆ. ಆದರೆ ಇಲ್ಲೊಂದು ಬೆಕ್ಕು ಜಿಮ್ ಗೆ ಹೋಗಿ ಸಖತ್ ಆಗಿ ವರ್ಕೌಟ್ ಮಾಡಿದೆ. ಈ ವೀಡಿಯೋ ನೋಡಿ ಎಷ್ಟೋ ಜನರು ಸ್ಫೂರ್ತಿಯನ್ನು ತೆಗೆದುಕೊಳ್ಳುತ್ತಿದ್ದೇವೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

Me in my dreams ???? pic.twitter.com/B7p17Bztt8

— jass???? (@anu2181) December 8, 2021

ಈ ವೀಡಿಯೋದಲ್ಲಿ, ಬೆಕ್ಕು ಹೊಟ್ಟೆಯನ್ನು ಕಡಿಮೆ ಮಾಡಲು ಜಿಮ್‍ನಲ್ಲಿ ಕ್ರಂಚಸ್ ಮತ್ತು ಸಿಟ್-ಅಪ್‍ಗಳನ್ನು ಮಾಡಿದೆ. ಮನುಷ್ಯರಂತೆ ಈ ಬೆಕ್ಕು ಜಿಮ್‍ನಲ್ಲಿ ವರ್ಕ್‍ಬೆಂಚ್‍ನ ಪಕ್ಕದಲ್ಲಿ ಕ್ರಂಚ್‍ಗಳನ್ನು ಮಾಡುತ್ತಿದ್ದು, ಮ್ಯೂಸಿಕ್ ಜೊತೆಗೆ ವರ್ಕೌಟ್ ಮಾಡಿದೆ. ಈ ವೀಡಿಯೋ ಚೀನಾದ ಜಿನಿಂಗ್ ನಗರದಲ್ಲಿ ಈ ಕ್ರೇಜಿ ಘಟನೆ ನಡೆದಿದೆ ಎಂದು ತಿಳಿದುಬಂದಿದೆ. ಇದನ್ನೂ ಓದಿ: ವೆಡ್ಡಿಂಗ್ ಕೇಕ್ ಬೀಳಿಸಿ ದಂಪತಿಗೆ ಶಾಕ್ ಕೊಟ್ಟ ಸಪ್ಲೈಯರ್

So, kitty Kat wants bro muscleup. Very funny.

— I Love Trance (@ILoveTrance9) December 8, 2021

ಈ ವೀಡಿಯೋವನ್ನು ಟ್ವಟ್ಟರ್ ನಲ್ಲಿ ‘ಅನು2181’ ಹೆಸರಿನವರು ಟ್ವೀಟ್ ಮಾಡಿದ್ದು, ನಾನು ನನ್ನ ಕನಸಿನಲ್ಲಿ ಹೀಗೆ ಮಾಡುತ್ತೇನೆ ಎಂಬ ರೀತಿ ಬರೆದು ಟ್ವೀಟ್ ಮಾಡಲಾಗಿದೆ. ಪ್ರಸ್ತುತ ಈ ವೀಡಿಯೋ ಸೋಶಿಯಲ್ ವೀಡಿಯೋದಲ್ಲಿ ವೈರಲ್ ಆಗಿದ್ದು, ಜನರಲ್ಲಿ ಕ್ರೇಜ್ ಮೂಡಿಸಿದೆ. ಈ ವೀಡಿಯೋ ನೋಡಿದವರು ನಗುವಿನ ಎಮೋಜಿಗಳು ಮತ್ತು ಕಮೆಂಟ್‍ಗಳನ್ನು ಮಾಡುತ್ತಿದ್ದಾರೆ. ಇದನ್ನು ನೋಡಿದ ನೆಟ್ಟಿಗರು, ಕಿಟ್ಟಿ ಕ್ಯಾಟ್ ಮಸ್ಸೆಲ್ಸ್ ಬಿಲ್ಡ್ ಮಾಡಲು ಬಯಸುತ್ತಿದೆ. ಇದು ತುಂಬಾ ತಮಾಷೆಯಾಗಿದೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ.