ಬಳ್ಳಾರಿ: ಹೆಲ್ಮೆಟ್ ಹಾಗೂ ಲೈಸನ್ಸ್ ಇಲ್ಲದಿದ್ದರೂ ಪರವಾಗಿಲ್ಲ. 50 ರೂ. ಲಂಚ ಕೊಟ್ಟರೆ ಸಾಕು ನಿಮ್ಮನ್ನೂ ಬಿಟ್ಟು ಬಿಡ್ತಾರೆ ನಮ್ಮ ಪೊಲೀಸರು.
ಹೌದು. ಬೈಕ್ ಸವಾರರ ದಾಖಲೆಗಳನ್ನು ಪರಿಶೀಲನೆ ಮಾಡೋ ನೆಪದಲ್ಲಿ ಬಳ್ಳಾರಿ ಪೊಲೀಸರು ಹಣ ವಸೂಲಿಗೆ ಇಳಿದುಬಿಟ್ಟಿರೋ ಪ್ರಕರಣವೊಂದು ಇದೀಗ ಬೆಳಕಿಗೆ ಬಂದಿದೆ. ಇದಕ್ಕೆ ಸಾಕ್ಷಿ ಎನ್ನುವಂತೆ ಬೈಕ್ ಸವಾರರೊಬ್ಬರಿಂದ 50 ರೂಪಾಯಿ ಲಂಚ ವಸೂಲಿ ಮಾಡುತ್ತಿರುವ ವಿಡಿಯೋ ಇದೀಗ ಎಲ್ಲೆಡೆ ಹರಿದಾಡುತ್ತಿದೆ.
ಹೊಸಪೇಟೆ ತಾಲೂಕಿನ ಕಮಲಾಪುರ ಪೊಲೀಸ್ ಠಾಣೆಯ ಮುಖ್ಯ ಪೇದೆ ತಿಪ್ಪೇಸ್ವಾಮಿ ದಿನನಿತ್ಯ ಬೈಕ್ ಸವಾರರರಿಂದ ಲಂಚ ವಸೂಲಿ ಮಾಡುತ್ತಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ. ಹೆಲ್ಮೆಟ್ ಧರಿಸದೆ ಪ್ರಯಾಣಿಸುತ್ತಿದ್ದ ಬೈಕ್ ಸವಾರ ತಪ್ಪಾಯ್ತು ಸರ್ ಇನ್ನೂ ಮುಂದೆ ಹಾಗೆ ಮಾಡಲ್ಲ ಅಂದಿದ್ದಾರೆ. ಆದರೂ 50 ರೂ. ಲಂಚ ವಸೂಲಿ ಮಾಡುತ್ತಿರುವುದನ್ನು ಸ್ಥಳೀಯರೊಬ್ಬರು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ.
Leave a Reply