ದೂರು ನೀಡಲು ಬಂದ ಬಾಲಕಿಯನ್ನು ಅವಮಾನಿಸಿದ ಪೊಲೀಸ್: ವಿಡಿಯೋ ವೈರಲ್

– ಪೊಲೀಸ್ ವಿರುದ್ಧ ಪ್ರಿಯಾಂಕ ಗಾಂಧಿ ಕಿಡಿ

ಲಕ್ನೋ: ಹಿರಿಯ ಪೊಲೀಸ್ ಪೇದೆಯೊಬ್ಬ ದೂರು ನೀಡಲು ಬಂದ ಬಾಲಕಿಯನ್ನು ಅವಮಾನಿಸಿದ ಘಟನೆ ಉತ್ತರ ಪ್ರದೇಶದ ಕಾನ್ಪೂರ್ ಜಿಲ್ಲೆಯಲ್ಲಿ ನಡೆದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ.

ಬಾಲಕಿ ಕಿರುಕುಳ ಸಂಬಂಧ ದೂರು ನೀಡಲು ನಜೀರಾಬಾದ್ ಪೊಲೀಸ್ ಠಾಣೆಗೆ ಹೋಗಿದ್ದಳು. ಈ ವೇಳೆ ಬಾಲಕಿಯನ್ನು ಕರೆದ ಹಿರಿಯ ಪೇದೆ ಏನಾಯಿತು ಎಂದು ಕೇಳಿದ್ದಾನೆ. ಆಗ ಬಾಲಕಿ, ನಾನು ನೀರು ತರಲು ಹೋಗಿದ್ದಾಗ ವಿಕ್ಕಿ ಲಂಗಡಾ, ಆಶಿಕ್ ಹಾಗೂ ಅಮರ್ ತಿವಾರಿ ಎಂಬವರು ನನಗೆ ಕಿರುಕುಳ ನೀಡಿದರು. ಇದನ್ನು ಪ್ರಶ್ನಿಸಿದ್ದಕ್ಕೆ ಸಹೋದರಿಗೂ ಮೂವರು ಸೇರಿ ಹೊಡೆದರು ಎಂದು ಅಳಲು ತೋಡಿಕೊಂಡಿದ್ದಾಳೆ.

ಈ ವೇಳೆ ಹಿರಿಯ ಪೊಲೀಸ್ ಪೇದೆ ದೂರು ದಾಖಲಿಸಿಕೊಳ್ಳದೇ, ನೀನು ಯಾಕೆ ಉಂಗುರ, ಬಳೆಗಳನ್ನು ಹಾಗೂ ಲಾಕೆಟ್ ಹಾಕಿಕೊಂಡಿರುವೇ? ಯಾರಿಗಾಗಿ ಇವುಗಳನ್ನು ಧರಿಸಿರುವೇ? ನೀನು ಶಾಲೆಗೆ ಹೋಗುತ್ತೀಯಾ ಎಂದು ಪ್ರಶ್ನಿಸಿದಾಗ, ಬಾಲಕಿ ಶಾಲೆಗೆ ಹೋಗುವುದಿಲ್ಲವೆಂದು ಉತ್ತರಿಸಿದ್ದಾಳೆ. ಆಗ ಪೊಲೀಸ್ ಪೇದೆ, ಇವೆಲ್ಲವೂ ನೀನು ಏನು ಎನ್ನುವುದನ್ನು ತೋರಿಸುತ್ತದೆ ಎಂದು ಅಸಭ್ಯವಾಗಿ ಮಾತನಾಡಿದ್ದಾನೆ.

#WATCH A Policeman at Nazirabad PS in Kanpur humiliates a girl who approached him with a molestation complaint. Policeman tells her 'Why are you wearing all these rings, bangles and locket? All this itself shows what you are'. The Policeman has been sent to district line. (22.7) pic.twitter.com/n3Vn0psDzm

— ANI UP/Uttarakhand (@ANINewsUP) July 25, 2019

ಹಿರಿಯ ಪೊಲೀಸ್ ಪೇದೆ ಬಾಲಕಿಗೆ ಅಸಭ್ಯವಾಗಿ ಪ್ರಶ್ನಿಸಿದ ದೃಶ್ಯವನ್ನು ಸ್ಥಳದಲ್ಲಿದ್ದ ವ್ಯಕ್ತಿಯೊಬ್ಬರು ತಮ್ಮ ಮೊಬೈಲ್‍ನಲ್ಲಿ ಸೆರೆ ಹಿಡಿದ್ದಾರೆ. ಬಳಿಕ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು, ವಿಡಿಯೋ ವೈರಲ್ ಆಗಿದೆ. ಪೊಲೀಸ್ ವರ್ತನೆಯ ಬಗ್ಗೆ ನೆಟ್ಟಿಗರು ವ್ಯಾಪಕ ಟೀಕೆ ವ್ಯಕ್ತಪಡಿಸಿದ್ದಾರೆ.

ಉತ್ತರ ಪ್ರದೇಶದ ಪೂರ್ವ ಕಾಂಗ್ರೆಸ್ ಉಸ್ತುವಾರಿ ಪ್ರಿಯಾಂಕ ಗಾಂಧಿ ಟ್ವೀಟ್ ಮೂಲಕ ಪೊಲೀಸ್ ವಿರುದ್ಧ ಕಿಡಿಕಾರಿದ್ದಾರೆ. ಕಿರುಕುಳ ದೂರು ನೀಡಲು ಬಂದ ಬಾಲಕಿಯ ಜೊತೆಗೆ ಪೊಲೀಸ್ ಪೇದೆ ಅಸಭ್ಯವಾಗಿ ನಡೆದುಕೊಂಡಿದ್ದಾರೆ. ಒಂದೆಡೆ ಉತ್ತರ ಪ್ರದೇಶದಲ್ಲಿ ಮಹಿಳೆಯರ ವಿರುದ್ಧ ನಡೆಯುತ್ತಿರುವ ಅಪರಾಧಗಳು ಕಡಿಮೆಯಾಗುತ್ತಿಲ್ಲ. ಮತ್ತೊಂದು ಕಡೆ ಕಾನೂನು ಪಾಲಕರು ಇಂತಹ ವರ್ತನೆ ತೋರುತ್ತಿದ್ದಾರೆ. ಮಹಿಳೆಗೆ ನ್ಯಾಯ ಒದಗಿಸಿಕೊಡುವುದಕ್ಕೂ ಮೊದಲು ಆಕೆಯ ಮಾತನ್ನು ಕೇಳಬೇಕು ಎಂದು ಟ್ವೀಟ್ ಮಾಡಿ ಆಕ್ರೋಶ ಹೊರ ಹಾಕಿದ್ದಾರೆ.

छेड़खानी की रिपोर्ट लिखवाने गई लड़की के साथ थाने में इस तरह का व्यवहार हो रहा है।

एक तरफ उत्तर प्रदेश में महिलाओं के खिलाफ अपराध कम नहीं हो रहे, दूसरी तरफ कानून के रखवालों का ये बर्ताव।

महिलाओं को न्याय दिलाने की पहली सीढ़ी है उनकी बात सुनना।

Video credits @benarasiyaa pic.twitter.com/J0FdqBR2Tt

— Priyanka Gandhi Vadra (@priyankagandhi) July 25, 2019