ಮುಂಬೈ: ಭಾರತದ ಎಂಜಿನಿಯರ್‍ವೊಬ್ಬರು ತನ್ನ ಸಲಿಂಗಿ ಪ್ರಿಯಕರನನ್ನು ಸಂಪ್ರದಾಯಬದ್ಧವಾಗಿ ಮದುವೆಯಾದ ಘಟನೆ ಡಿಸೆಂಬರ್ 30ರಂದು ಮಹಾರಾಷ್ಟ್ರದ ಯವತ್‍ಮಲ್‍ನಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಹೃಶಿ ಮೋಹನ್‍ಕುಮಾರ್ ಸತವಾನೆ(40) ತನ್ನ ಪ್ರಿಯಕರನಾದ ವಿಯೆಟ್ನಾಂ ಮೂಲದ ವಿನ್ ಜೊತೆ ಗುರು-ಹಿರಿಯರ ಆರ್ಶಿವಾದದೊಂದಿಗೆ ಎಸ್‍ಪಿ ಕಚೇರಿಯ ಹತ್ತಿರದಲ್ಲೇ ಇರುವ ಹೋಟೆಲ್ ನಲ್ಲಿ ಮದುವೆಯಾಗಿದ್ದಾರೆ. ಹೃಶಿ ಬಾಂಬೆಯ ಐಐಟಿಯಲ್ಲಿ ಬಿ.ಟೆಕ್ ಮುಗಿಸಿ ಸದ್ಯ ಕ್ಯಾಲಿಫೋನಿರ್ಯಾದಲ್ಲಿ ವಾಸವಿದ್ದು, ಅಮೆರಿಕದಲ್ಲಿ ಗ್ರೀನ್ ಕಾರ್ಡ್ ಕೂಡ ಹೊಂದಿದ್ದಾರೆ.
ಹೃಶಿಯ ಸಾಮಾಜಿಕ ಜಾಲತಾಣ ಖಾತೆಯೊಂದರ ಪ್ರಕಾರ ಹೃಶಿ ಸಲಿಂಗ ಮದುವೆ ಆಗುತ್ತಿರುವುದು ಆತನ ಪೋಷಕರಿಗೆ ಇಷ್ಟವಿರಲಿಲ್ಲ. ಆತನ ಪೋಷಕರು ಈ ಮದುವೆಯನ್ನು ನಿರಾಕರಿಸಿದ್ದರು. ಆದ್ರೆ ಹೃಶಿ ಕೊನೆಗೂ ತನ್ನ ಪೋಷಕರನ್ನು ಒಪ್ಪಿಸಿ ಈ ಮದುವೆ ಆಗಿದ್ದಾರೆ.
2017ರಲ್ಲಿ ಈ ಜೋಡಿ ತಮ್ಮ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ನಂತರ ಅಮೆರಿಕ ಸಂಪ್ರದಾಯದಂತೆ ಅಕ್ಟೋಬರ್‍ನಲ್ಲಿ ವಿವಾಹವಾಗಿದ್ದರು. ಅವರ ಮದುವೆಯ ಫೋಟೋವನ್ನು ಹೃಶಿ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದರು. ಇದೊಂದು ಅರಳ ವಿವಾಹವಾಗಿತ್ತು ಎಂದು ಹೋಟೆಲ್ ಮಾಲೀಕ ತಿಳಿಸಿದ್ದಾರೆ.
ಸಲಿಂಗಿ ಮದುವೆ ಭಾರತದಲ್ಲಿ ಕಾನೂನು ಬಾಹಿರವಾದ ಕಾರಣ ಈ ಜೋಡಿಯ ಪೋಷಕರು ಹಾಗೂ ಹೋಟೆಲ್ ಸಿಬ್ಬಂದಿ ವಿವಾಹದ ವಿಷಯವನ್ನ ಯಾರಿಗೂ ತಿಳಿಸದೆ ಮುಚ್ಚಿಟ್ಟಿದ್ದಾರೆ. ಈ ಮದುವೆ ಎಸ್‍ಪಿ ಕಚೇರಿ ಹತ್ತಿರದಲ್ಲೇ ನಡೆದಿದ್ದರೂ ಯಾರ ಗಮನಕ್ಕೂ ಬಂದಿಲ್ಲ.
Leave a Reply