ತನ್ನದೇ ದೇಶದ ಸಂಧಾನಕಾರನನ್ನು ಹತ್ಯೆಗೈದ ಉಕ್ರೇನ್

ಕೀವ್: ಉಕ್ರೇನ್ ಮತ್ತು ರಷ್ಯಾ ನಡುವೆ 10 ದಿನಗಳಿಂದ ಭೀಕರ ಯುದ್ಧ ನಡೆಯುತ್ತಿದ್ದು, ದಿನಕ್ಕೊಂದು ಹೊಸ ಸುದ್ದಿ ಕೇಳಿಬರುತ್ತಿದೆ. ಇಂದು ತನ್ನದೇ ದೇಶದ ಸಂಧಾನಕಾರನನ್ನು ಉಕ್ರೇನ್ ಹತ್ಯೆ ಮಾಡಿದೆ ಎಂದು ವರದಿಯಾಗಿದೆ.

ಉಕ್ರೇನ್ ನಿನ್ನೆಯೂ ಸಹ ತನ್ನ ದೇಶವನ್ನು ರಷ್ಯಾದಿಂದ ಬಚಾವ್ ಮಾಡಲು ತನ್ನದೇ ಹಡಗನ್ನು ಸ್ಫೋಟಿಸಿಕೊಂಡಿತ್ತು. ಆದರೆ ಇಂದು ಉಕ್ರೇನ್ ಸಂಧಾನಕಾರ ರಷ್ಯಾ ಜೊತೆಗೆ ಕೈ ಜೋಡಿಸಿದ್ದಾನೆ ಎಂದು ಶಂಕೆ ಹಿನ್ನೆಲೆಯಲ್ಲಿ ಆತನನ್ನು ಹತ್ಯೆ ಮಾಡಲಾಗಿದೆ. ಇದನ್ನೂ ಓದಿ: ಉಕ್ರೇನ್‍ನಲ್ಲಿ ಸಿಲುಕಿದ್ದ ಬೀದರ್ ಮೂಲದ ಇಬ್ಬರು ವಿದ್ಯಾರ್ಥಿಗಳು ತಾಯ್ನಾಡಿಗೆ

10 ದಿನಗಳಿಂದ ನಿರಂತರವಾಗಿ ನಡೆಯುತ್ತಿದ್ದ ಯುದ್ಧಕ್ಕೆ ರಷ್ಯಾ 6 ಗಂಟೆ ಬ್ರೇಕ್ ಕೊಟ್ಟಿತ್ತು. ಈ ನಡುವೆಯೂ ಸಹ ರಷ್ಯಾ ಉಕ್ರೇನ್ ಮೇಲೆ ದಾಳಿ ಮಾಡಿದ್ದಾರೆ. ಇದು ನಿಯಮ ಉಲ್ಲಂಘನೆ ಎಂದು ತಿಳಿದಿದ್ದರೂ ರಷ್ಯಾ ಈ ಕೃತ್ಯವನ್ನು ಮಾಡಿದೆ. ಇದಕ್ಕೆ ತನ್ನ ದೇಶದ ಸಂಧಾನಕನೇ ಕಾರಣವೆಂದು ಶಂಕಿಸಿದ ಉಕ್ರೇನ್ ಅವನ ಮೇಲೆಯೇ ದಾಳಿ ಮಾಡಿ ಕೊಂದಿದ್ದಾರೆ. ಒಂದು ಕಡೆ ಕದನ ವಿರಾಮ ಇದ್ದರೂ, ಇನ್ನೊಂದು ಕಡೆ ತೀವ್ರ ದಾಳಿ ನಡೆಯುತ್ತಿದೆ.