ಮುಂಬೈ: ಬಾಲಿವುಡ್ ನಟಿ ಹಾಗೂ ಮಾಡೆಲ್ ಸೋಫಿಯಾ ಹಯಾತ್‍ಗೆ ವ್ಯಕ್ತಿಯೊಬ್ಬ ಆಕೆಯ ರೇಟ್ ಕೇಳಿದ್ದಾನೆ. ಇದ್ದಕ್ಕೆ ಸೋಫಿಯಾ ಪ್ರತಿಕ್ರಿಯಿಸಿ ಆತನಿಗೆ ಖಡಕ್ ಉತ್ತರವನ್ನು ನೀಡಿದ್ದಾರೆ.
ಸೋಫಿಯಾ ಯಾವಾಗಲೂ ಇನ್‍ಸ್ಟಾಗ್ರಾಂನಲ್ಲಿ ಸಕ್ರಿಯರಾಗಿರುತ್ತಾರೆ. ಆಗಾಗ ಫೋಟೋ, ವಿಡಿಯೋವನ್ನು ಹಾಕುತ್ತಿರುತ್ತಾರೆ. ಇತ್ತೀಚೆಗೆ ಸೋಫಿಯಾ ಇನ್‍ಸ್ಟಾಗ್ರಾಂನಲ್ಲಿ ಫೋಟೋ ಹಾಕಿದ್ದಾಗ ವ್ಯಕ್ತಿಯೋರ್ವ ನಟಿಗೆ ಮೆಸೇಜ್ ಮಾಡಿ ಒಂದು ರಾತ್ರಿಗೆ ನೀನು ಎಷ್ಟು ಹಣ ಪಡೆಯುತ್ತೀಯ? ಎಂದು ಕೇಳಿದ್ದಾನೆ.
ವ್ಯಕ್ತಿಯ ಈ ಮೆಸೇಜ್ ನೋಡಿದ ಸೋಫಿಯಾ ಆ ಮೆಸೇಜ್‍ಗೆ ಪ್ರತಿಕ್ರಿಯಿಸಿದ್ದಾರೆ. “ಮೊದಲು ನೀನು ನಿನ್ನ ತಾಯಿ ಹತ್ತಿರ, ನಂತರ ನಿನ್ನ ಸಹೋದರಿ ಬಳಿಕ ನಿನ್ನ ಪತ್ನಿ ಹತ್ತಿರ ಅವರ ರೇಟ್ ಕೇಳು ಎಂದು ಖಡಕ್ ಉತ್ತರ ನೀಡಿ ಆ ವ್ಯಕ್ತಿ ಮಾಡಿದ ಮೆಸೇಜ್‍ನ ಸ್ಕ್ರೀನ್‍ಶಾಟ್ ತೆಗೆದು ತನ್ನ ಇನ್‍ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿಕೊಂಡಿದ್ದಾರೆ.
ಸೋಫಿಯಾ ಉತ್ತರ ಪಡೆದ ಬಳಿಕ ಆ ವ್ಯಕ್ತಿ ನನ್ನ ತಾಯಿ, ತಂಗಿ ಹಾಗೂ ಪತ್ನಿ ನಿನ್ನ ತರಹ ದೇಹ ತೋರಿಸುವುದಿಲ್ಲ ‘ಗೋ ಟು ಹೆಲ್’ ಎಂದು ಹೇಳಿದ್ದಾನೆ. ಆಗ ಸೋಫಿಯಾ ನೀನು ಹುಟ್ಟಿದಾಗ ನಿನ್ನ ತಾಯಿ ತನ್ನ ದೇಹ ಹಾಗೂ ಕಾಲುಗಳನ್ನು ತೋರಿಸಿದ್ದರು. ನೀನು ನಿನ್ನ ಮನಸ್ಸನ್ನು ಶುದ್ಧಿಗೊಳಿಸು. ನಿನಗೆ ರಂಜಾನ್ ಎಂದರೆ ಏನೇನು ಅಲ್ಲ ತಿರುಗೇಟು ನೀಡಿದ್ದಾರೆ.
ಈ ಹಿಂದೆ ಮತ್ತೊಬ್ಬ ವ್ಯಕ್ತಿ ಸೋಫಿಯಾಗೆ ಒಂದು ರಾತ್ರಿ ಕಳೆಯಲು 20 ಲಕ್ಷ ರೂ. ಆಫರ್ ಮಾಡಿದ್ದನು. ಇದ್ದಕ್ಕೆ ಸೋಫಿಯಾ ಪ್ರತಿಕ್ರಿಯಿಸಿ ಆತನಿಗೆ ಖಡಕ್ ಉತ್ತರವನ್ನು ನೀಡಿದ್ದರು. ಅಲ್ಲದೇ ಆತ ಮೆಸೇಜ್ ಮಾಡಿದ ಆ ಸ್ಕ್ರೀನ್ ಶಾಟ್ ಅನ್ನು ಕೂಡ ಸೋಫಿಯಾ ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದರು. 20 ಲಕ್ಷ ಅಲ್ಲ 20 ಕೋಟಿ ರೂ. ಇದ್ದರೂ ನನ್ನನ್ನು ಖರೀದಿಸಲು ಸಾಧ್ಯವಿಲ್ಲ. ಆ 20 ಲಕ್ಷ ರೂ.ನಲ್ಲಿ ನಿನ್ನನ್ನು ಖರೀದಿಸಲಾಗುತ್ತಾ ಎಂದು ನಿನ್ನ ತಾಯಿಗೆ ಕೇಳಿ ನೋಡು ಎಂದು ಕೋಪದಲ್ಲಿ ಸೋಫಿಯಾ ವ್ಯಕ್ತಿಯ ಆ ಆಫರ್ ಗೆ ಖಡಕ್ ಉತ್ತರ ನೀಡಿದ್ದರು.
Leave a Reply