ಬೈಕ್ ಸವಾರರ ಮೇಲೆ ಸಂಚಾರಿ ಪೊಲೀಸರು ದರ್ಪ

ಹಾವೇರಿ: ಬೈಕ್ ಸವಾರರ ಮೇಲೆ ಹಾವೇರಿ ಸಂಚಾರಿ ಠಾಣೆಯ ಪೊಲೀಸರು ದರ್ಪ ತೋರಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ.

ಹಾವೇರಿ ನಗರದ ಜಿ.ಎಚ್.ಕಾಲೇಜ್ ಬಳಿ ಈ ಘಟನೆ ನಡೆದಿದೆ. ಸಂಚಾರಿ ಠಾಣೆಯ ಇಬ್ಬರು ಪೊಲೀಸರಾದ ಎಂ.ಎಸ್ ಹತ್ತಿ ಮತ್ತು ಸಿ.ಎಂ ಕರ್ಜಗಿ ಎಂಬವರು ಈ ಹಲ್ಲೆ ಮಾಡಿದ್ದಾರೆ.

ಪೊಲೀಸರ ಹೊಡೆತಕ್ಕೆ ಬೈಕ್ ಸವಾರರು ಕಕ್ಕಾಬಿಕ್ಕಿಯಾಗಿದ್ದರು. ದಾಖಲಾತಿ ಹಾಗೂ ಹೆಲ್ಮೆಟ್ ಕೇಳಿದಾಗ ಪೊಲೀಸ್ ಹಾಗೂ ಬೈಕ್ ಸವಾರರ ನಡುವೆ ಪರಸ್ಪರ ಮಾತಿನ ಚಕಮಕಿ ನಡೆದಿದೆ. ಪರಸ್ಪರ ಅವಾಚ್ಯ ಪದಗಳಿಂದ ನಿಂದನೆ ಮಾಡಿಕೊಂಡಿದ್ದಾರೆ. ಆಗ ಕಾನೂನು ಕೈಗೆತ್ತಿಕೊಂಡ ಪೊಲೀಸ್ ಸಿಬ್ಬಂದಿ ಸವಾರರ ಎದುರು ದರ್ಪ ಪ್ರದರ್ಶಿಸಿದ್ದಾರೆ.

ಕೇಸ್ ದಾಖಲಿಸುವ ಬದಲು ರೌಡಿಗಳಂತೆ ಹಲ್ಲೆ ಮಾಡಿ ದರ್ಪ ಪ್ರದರ್ಶಿಸಿದ್ದು, ಜಿಲ್ಲೆಯ ಜನರು ಖಂಡಿಸಿದ್ದಾರೆ. ಹಲ್ಲೆ ನಂತರ ಪೊಲೀಸರಿಂದ ಬಿಡಿಸಿಕೊಂಡು ಬೈಕ್ ಸವಾರರು ಹೋಗಿದ್ದಾರೆ. ಪೊಲೀಸರು ಹಲ್ಲೆ ಮಾಡಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ.

ಹಾವೇರಿ ಸಂಚಾರಿ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv