ರಿಯಾಲಿಟಿ ಶೋ ಮಕ್ಕಳ ಡ್ಯಾನ್ಸ್ ನೋಡಿ ರಮ್ಯಾ ಹೀಗಂದ್ರು

ಬೆಂಗಳೂರು: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುವ ರಿಯಾಲಿಟಿ ಶೋ ಕಾರ್ಯಕ್ರಮದಲ್ಲಿ ಮಕ್ಕಳ ಡ್ಯಾನ್ಸ್ ನೋಡಿ ಮಾಜಿ ಸಂಸದೆ ಹಾಗೂ ಕಾಂಗ್ರೆಸ್ ಸಾಮಾಜಿಕ ಜಾಲತಾಣಗಳ ಮುಖ್ಯಸ್ಥೆ ರಮ್ಯಾ ಅಭಿನಂದಿಸಿದ್ದಾರೆ.

ಈ ವಾರ ಸ್ಯಾಂಡಲ್‍ ವುಡ್‍ನ ಬೆಸ್ಟ್ ಪೇರ್ ಅಂತಾ ಕರೆಸಿಕೊಳ್ಳುವ ಜೋಡಿಯ ಮಾದರಿಯಂತೆ ಸ್ಪರ್ಧಿಗಳು ನೃತ್ಯ ಮಾಡಬೇಕಿತ್ತು. ಸ್ಪರ್ಧೆಯ ನಿಯಮದಂತೆಯೇ ಸ್ಪರ್ಧಿಗಳಾದ ಸೂರಜ್ ಮತ್ತು ಶ್ರಾವ್ಯ ಜೋಡಿ `ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್’ ವೇದಿಕೆಯ ಮೇಲೆ ನಟಿ ರಮ್ಯಾ ಅವರ `ಆಕಾಶ್’ ಸಿನಿಮಾ ಹಾಡಿಗೆ ಅದ್ಭುತವಾಗಿ ಡ್ಯಾನ್ಸ್ ಮಾಡಿ ಎಲ್ಲರ ಕಣ್ಮನ ಸೆಳೆದಿದ್ದರು. ಅವರು ಮಾಡಿದ ವಿಡಿಯೋ ಕ್ಲಿಪ್‍ಯೊಂದನ್ನು ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿ ದಿವ್ಯ ಪ್ರಸನ್ನ ಎಂಬವರು ನಟಿ ರಮ್ಯಾರಿಗೆ ಟ್ಯಾಗ್ ಮಾಡಿದ್ದರು.

Never saw DKD stage this Beautiful ❤😻😍 The Queen everywhere!
Such a Cute performance by these kids 😍#NeverEndingCraze #NeverEndingLove @divyaspandana Queen Ruling Hearts ❤💓 Forever 😘 pic.twitter.com/S0oxVwgUGy

— Divyaprasanna (@divya96prasanna) July 8, 2018

ವಿಡಿಯೋ ಜೊತೆಗೆ ಈ ಮಕ್ಕಳ ಇಂತಹ ಸುಂದರ ಪ್ರದರ್ಶನವನ್ನು ಇದುವರೆಗೂ ಈ ವೇದಿಕೆಯಲ್ಲಿ ನೋಡಿಲ್ಲ. ಅಷ್ಟೂ ಕ್ಯೂಟ್ ಆಗಿ ಡ್ಯಾನ್ಸ್ ಮಾಡಿದ್ದಾರೆ ಎಂದು ಬರೆದು ಪೋಸ್ಟ್ ಮಾಡಿಕೊಂಡಿದ್ದರು.

ಇದೇ ವೇದಿಕೆಯಲ್ಲಿ ಅಭಿಜಾತ್ ಮತ್ತು ವಂಶಿ ಜೋಡಿಯೂ ನಟಿ ರಮ್ಮಾ ಮತ್ತು ನಟ ಕಿಚ್ಚ ಸುದೀಪ್ ಜೋಡಿಯ `ಜಸ್ಟ್ ಮಾತ್ ಮಾತಲ್ಲಿ’ ಸಿನಿಮಾದ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋವನ್ನು ಹಾಕಿ `ನನ್ನ ಮೆಚ್ಚಿನ ರಮ್ಮಾ ಮತ್ತು ಸುದೀಪ್ ಜೋಡಿ ಮತ್ತೆ ಪರದೆಯ ಮೇಲೆ ಬಂದಿದ್ದಾರೆ. ಮತ್ತೆ ನಿಮ್ಮಿಬ್ಬರನ್ನು ಪರದೆಯ ಮೇಲೆ ನೋಡಲು ಬಯಸುತ್ತೇನೆ ಎಂದು ಬರೆದು ಪೋಸ್ಟ್ ಮಾಡಿದ್ದು, ಅದನ್ನು ರಮ್ಯಾ ಅವರಿಗೆ ಟ್ಯಾಗ್ ಮಾಡಿದ್ದಾರೆ.

ದಿವ್ಯಪ್ರಸನ್ನ ಅವರ ಟ್ವೀಟ್ ಗೆ ರಮ್ಯಾ “ಈ ಮಕ್ಕಳು ನನಗಿಂತ ಉತ್ತಮವಾಗಿ ಡ್ಯಾನ್ಸ್ ಮಾಡುತ್ತಾರೆ” ಎಂದು ರೀಟ್ವೀಟ್ ಮಾಡಿದ್ದಾರೆ.

ಖಾಸಗಿ ವಾಹಿನಿಯಲ್ಲಿ `ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಲಿಟಲ್ ಮಾಸ್ಟರ್’ ಶೋ ನಡೆಯುತ್ತಿದೆ. ಈ ಕಾರ್ಯಕ್ರಮ ಪ್ರತಿ ಶನಿವಾರ ಮತ್ತು ಭಾನುವಾರ ಪ್ರಸಾರವಾಗುತ್ತದೆ. ಈ ಶೋನಲ್ಲಿ ನಟಿ ರಕ್ಷಿತ ಪ್ರೇಮ್, ನಟ ವಿಜಯ್ ರಾಘವೇಂದ್ರ ಮತ್ತು ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯ ಅವರು ತೀರ್ಪುಗಾರಾಗಿದ್ದಾರೆ.

Here is another one!
Favorite on screen Pair @divyaspandana and @KicchaSudeep
Wish to see you both on screen again! pic.twitter.com/8FHCu8wQJl

— Divyaprasanna (@divya96prasanna) July 8, 2018