ಮುಟ್ಟು, ಸೆಕ್ಸ್ ಬಗ್ಗೆ ಮಾತಾಡಿ ಕಿರುಕುಳ ನೀಡ್ತಿದ್ದ ಕಂಪೆನಿ ಮ್ಯಾನೆಜರ್ ಅರೆಸ್ಟ್!

ನವದೆಹಲಿ: 18ರ ವರ್ಷದ ಯುವತಿ ಬಳಿ ಮುಟ್ಟು ಹಾಗೂ ಸೆಕ್ಸ್ ಬಗ್ಗೆ ಮಾತನಾಡುತ್ತಾ ಲೈಂಗಿಕ ಕಿರುಕುಳ ನೀಡುತ್ತಿದ್ದ ದೆಹಲಿಯ ಮ್ಯಾನೇಜರ್ ನನ್ನು ಪೊಲೀಸರು ಬಂಧಿಸಿದ್ದಾರೆ.

ಯುವತಿ ಉತ್ತರ ದೆಹಲಿಯ ಆಶ್ರಯ ಮನೆಯಲ್ಲಿ ವಾಸಿಸುತ್ತಿದ್ದಳು. ಯುವತಿ ಏಪ್ರೆಲ್ ತಿಂಗಳಿನಲ್ಲಿ ಇಂಟರ್ನ್‍ಶಿಪ್‍ಗಾಗಿ ಕಂಪೆನಿಗೆ ಸೇರಿದ್ದಳು. ಆಗ ಅಲ್ಲಿನ ಮ್ಯಾನೆಜರ್ ಆಕೆ ಜೊತೆ ಮುಟ್ಟು ಹಾಗೂ ಸೆಕ್ಸ್ ಬಗ್ಗೆ ಮಾತನಾಡುತ್ತಾ ಲೈಂಗಿಕ ಕಿರುಕುಳ ನೀಡುತ್ತಿದ್ದನು.

ನಾನು 2015ರಿಂದ ಆಶ್ರಯ ಮನೆಯಲೇ ವಾಸಿಸುತ್ತಿದ್ದೇನೆ. ನನ್ನ ಕೇರ್ ಟೇಕರ್ ನನಗೆ ಇಂಟರ್ನ್‍ಶಿಪ್‍ಗಾಗಿ ಕಂಪೆನಿಗೆ ಕಳುಹಿಸಿದ್ದರು. ಆದರೆ ಆ ಕಂಪೆನಿಯಲ್ಲಿ ಮ್ಯಾನೆಜರ್ ಕೆಟ್ಟದಾಗಿ ಮಾತನಾಡಲು ಶುರು ಮಾಡಿದ್ದನು. ಮುಟ್ಟು ಹಾಗೂ ಸೆಕ್ಸ್ ಬಗ್ಗೆ ಮಾತನಾಡುತ್ತಿದ್ದ. ಹಲವು ಬಾರಿ ಆತ ನನ್ನ ಹಿಬ್ಬಂದಿಗೆ ಹೊಡೆಯುತ್ತಿದ್ದನು ಎಂದು ಯುವತಿ ದೂರಿದ್ದಾಳೆ.

ನನ್ನ ಕೆಲಸ ಎಲ್ಲಿ ಕಳೆದುಕೊಳ್ಳುತ್ತೇನೆ ಎಂಬ ಭಯದಿಂದ ನಾನು ಈ ಬಗ್ಗೆ ದೂರು ನೀಡಿರಲಿಲ್ಲ. ಆದರೆ ಆತ ಹೆಚ್ಚು ಕಿರುಕುಳ ನೀಡಲು ಶುರು ಮಾಡಿದ್ದಾಗ ನಾನು ನನ್ನ ಸ್ನೇಹಿತರ ಬಳಿ ಹಾಗೂ ಕೌನ್ಸಿಲರ್ ಬಳಿ ಹೇಳಿದೆ. ಆಗ ಅವರು ಪೊಲೀಸರಿಗೆ ದೂರು ನೀಡಲು ಸಲಹೆ ನೀಡಿದ್ದರು ಎಂದು ಸಂತ್ರಸ್ತೆ ತಿಳಿಸಿದ್ದಾಳೆ.

ಈ ಘಟನೆ ನಡೆಯುವಾಗ ಯುವತಿ ಅಪ್ರಾಪ್ತೆಯಾಗಿದ್ದಳು. ಹಾಗಾಗಿ ನಾವು ಮ್ಯಾನೆಜರ್ ವಿರುದ್ಧ ಪೋಸ್ಕೋ ಕಾಯ್ದೆ ಅಡಿ ಪ್ರಕರಣ ದಾಖಲಿಸಿಕೊಂಡಿದ್ದೇವೆ. ಸದ್ಯ ಆ ಮ್ಯಾನೆಜರ್ ನನ್ನು ನಾವು ಬಂಧಿಸಿದ್ದೇವೆ ಎಂದು ಡಿಸಿಪಿ ವಿಜಯ್ ಕುಮಾರ್ ತಿಳಿಸಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv