ಮಂಡ್ಯ: ಎಸ್‍ಎಸ್‍ಎಲ್‍ಸಿ ಪರೀಕ್ಷೆಯಲ್ಲಿ ಫೇಲಾದ ವಿದ್ಯಾರ್ಥಿನಿಗೆ ಸಮಾಧಾನ ಹೇಳುವ ನೆಪದಲ್ಲಿ ಲವ್ ಯೂ ಎಂದು ಹೇಳಿದ ಪೋಲಿ ಶಿಕ್ಷಕನನ್ನು ಮಂಡ್ಯ ಪೂರ್ವ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಶಿಕ್ಷಕ ಮೇಘನಾಥ್‍ನನ್ನು ಬಂಧಿತ ಆರೋಪಿ. ಮಂಡ್ಯ ನಗರದ ಖಾಸಗಿ ಶಾಲೆಯಲ್ಲಿ ಮೇಘನಾಥ್ ಇಂಗ್ಲಿಷ್ ಶಿಕ್ಷಕನಾಗಿದ್ದನು. ಎಸ್‍ಎಸ್‍ಎಲ್‍ಸಿ ಪರೀಕ್ಷೆಯಲ್ಲಿ ಫೇಲಾಗಿದ್ದ ವಿದ್ಯಾರ್ಥಿನಿಗೆ ಮೇಘನಾಥ್ ಪ್ರೀತಿಸುವಂತೆ ಪೀಡಿಸಿ, ದೌರ್ಜನ್ಯ ಎಸಗಿದ್ದ.
ಶಿಕ್ಷಕ ಮೇಘನಾಥ್ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ಸಹ ದಾಖಲಾಗಿತ್ತು. ಶಿಕ್ಷಕ ವಿದ್ಯಾರ್ಥಿನಿಯ ಜೊತೆ ದೂರವಾಣಿ ಸಂಭಾಷಣೆಯಲ್ಲಿ ಪ್ರೀತಿಸುವಂತೆ ಪೀಡಿಸಿದ ಆಡಿಯೋ ಸಾಕ್ಷಧಾರವಾಗಿ ಇಟ್ಟುಕೊಂಡು ಪೊಲೀಸರು ಆತನನ್ನು ಬಂಧಿಸಿದ್ದಾರೆ.
ಏನಿದು ಪ್ರಕರಣ?
ವಿದ್ಯಾರ್ಥಿನಿ ಎಸ್‍ಎಸ್‍ಎಲ್‍ಸಿ ಪರೀಕ್ಷೆಯಲ್ಲಿ ಎರಡು ವಿಷಯಗಳಲ್ಲಿ ಫೇಲ್ ಆಗಿದ್ದಳು. ವಿದ್ಯಾರ್ಥಿನಿ ಫೇಲ್ ಆಗಿರುವುದನ್ನು ತಿಳಿದ ಶಿಕ್ಷಕ ಮೇಘನಾಥ್ ಒಂದು ವಿಷಯದಲ್ಲಿ ಫೇಲ್ ಆಗಿದೆ ಎಂದು ಹೇಳು ಎಂದು ವಿದ್ಯಾರ್ಥಿನಿಗೆ ಹೇಳಿದ್ದಾನೆ. ಅಲ್ಲದೆ ನಾನು ನಿನಗೆ ನೋಟ್ಸ್ ಕೊಟ್ಟು ಎಕ್ಸಾಂ ಬರೆಸ್ತೀನಿ ಎಂದು ಹೇಳಿದ್ದಾನೆ. ಬಳಿಕ ಬೇಜಾರಾಗಬೇಡ ನಾಳೆ ಅಥವಾ ನಾಡಿದ್ದು ಫೋನ್ ಮಾಡ್ತೀನಿ. ಆಗ ನೀನು ಬರುವಂತೆ. ಈಗ ಲೌಡ್ ಸ್ಪೀಕರ್ ಆಫ್ ಮಾಡಿದ್ಯಾ?. “ಸಂಜೆ ಸಿಗು?. ಐ ಲವ್ ಯೂ ಕಣೋ” ಎಂದು ಶಿಕ್ಷಕ ಫೋನಿನಲ್ಲಿ ವಿದ್ಯಾರ್ಥಿನಿಗೆ ಹೇಳಿದ್ದಾನೆ.
Leave a Reply