ಚೆನ್ನೈ: ಯುವನ್ ಶಂಕರ್ ರಾಜಾ ಇತ್ತೀಚೆಗೆ ತಮ್ಮ ತಂದೆ ಇಳಯರಾಜ ಮತ್ತು ಮಗಳು ಜಿಯಾ ವೀಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ.
ವೀಡಿಯೋದಲ್ಲಿ ಇಳಯರಾಜ ಪಿಯಾನೋವನ್ನು ಜಿಯಾಗೆ ಹೇಗೆ ನುಡಿಸಬೇಕೆಂದು ಕಲಿಸಿಕೊಡುತ್ತಿರುತ್ತಾರೆ. ಈ ವೇಳೆ ಪಿಯಾನೋ ನುಡಿಸುತ್ತಿದ್ದಂತೆಯೇ ಜಿಯಾ ಬೇರೆ ಕಡೆಗೆ ಬೇಗ ಗಮನ ಹರಿಸುತ್ತಾಳೆ. ಈ ವೀಡಿಯೋಗೆ ಶ್ರುತಿ ಹಾಸನ್, ವಿಜಯ್ ಯೇಸುದಾಸ್ ಸೇರಿದಂತೆ ಅನೇಕ ಮಂದಿ ಕಾಮೆಂಟ್ ಮಾಡುವ ಮೂಲಕ ಸಂತೋಷ ವ್ಯಕ್ತಪಡಿಸಿದ್ದಾರೆ.
ಶುಕ್ರವಾರ ಯುವನ್ ಶಂಕರ್ ಇಳಯರಾಜಾ ಮೊಮ್ಮಗಳು ಜಿಯಾ ಜೊತೆ ಕಾಲಕಳೆಯುತ್ತಿರುವ ಮುದ್ದಾದ ವೀಡಿಯೋವೊಂದನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು. ಈ ವೀಡಿಯೋದಲ್ಲಿ ಇಳಯಾರಾಜ ಜಿಯಾ ಅವರೊಟ್ಟಿಗೆ ಟ್ಯೂನ್‍ವೊಂದನ್ನು ನುಡಿಸಿದ್ದಾರೆ. ಈ ಸುಂದರವಾದ ಕ್ಷಣವನ್ನು ಯುವನ್ ಸೆರೆ ಹಿಡಿದು ಸೋಶಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ.
ವೀಡಿಯೋದಲ್ಲಿ ಜಿಯಾ ಪಿಯಾನೊ ನುಡಿಸಲು ಪ್ರಯತ್ನಿಸುತ್ತಿದ್ದ ವೇಳೆ ಇಳಯರಾಜ ಅವರು, ಅವಳನ್ನು ಮೇಜಿನ ಮೇಲೆ ನಿಲ್ಲಲು ಸಹಾಯ ಮಾಡುತ್ತಾರೆ. ಬಳಿಕ ಅವಳಿಗೆ ಪಿಯಾನೋ ನುಡಿಸುವುದನ್ನು ಹೇಳಿಕೊಡಲು ಮುಂದಾದಾಗ ಜಿಯಾ ಮೇಜಿನ ಮೇಲೆ ಇಟ್ಟಿರುವ ಕಲಾಕೃತಿಯೊಂದಿಗೆ ಆಟ ಆಡುವುದನ್ನು ಕಾಣಬಹುದಾಗಿದೆ.
View this post on Instagram