ಮುಂಬೈ: ಅವಿವಾಹಿತ ಯುವಕರು (Bachelors) ಸಂಘವೊಂದು ವಿವಾಹವಾಗಲು (Wedding) ಹೆಣ್ಣು ಸಿಗುತ್ತಿಲ್ಲ, ವಧುವನ್ನು (Brides) ಹುಡುಕಿಕೊಡಿ ಎಂದು ರಾಜ್ಯ ಸರ್ಕಾರಕ್ಕೆ ಮನವಿ ಮಾಡಿ ಮಹಾರಾಷ್ಟ್ರದ (Maharashtra) ಸೋಲಾಪುರದಲ್ಲಿ ಮೆರವಣಿಗೆ ನಡೆಸಿದರು.
ವಧು-ವರ ಮೋರ್ಚಾ ಎಂಬ ಸಂಘಟನೆಯೊಂದು ಈ ಮೆರವಣಿಗೆಯನ್ನು ನಡೆಸಿದೆ. ಮೆರವಣಿಗೆಯಲ್ಲಿ ಭಾಗವಹಿಸಿದ್ದ ಅವಿವಾಹಿತರು ವಧುವನ್ನು ಹುಡುಕಿಕೊಡುವಂತೆ ರಾಜ್ಯ ಸರ್ಕಾರಕ್ಕೆ ಪತ್ರ ಬರೆದು ಒತ್ತಾಯಿಸಿದೆ.
ಈ ವೇಳೆ ಹಲವಾರು ಮದುವೆಯಾಗದ ಹುಡುಗರು ವರನಂತೆ ವೇಷ ಧರಿಸಿ ಬ್ಯಾಂಡ್‍ನೊಂದಿಗೆ ಕುದುರೆ ಸವಾರಿ ಮಾಡಿರುವುದು ಕಂಡುಬಂತು. ಅಷ್ಟೇ ಅಲ್ಲದೇ ಜಿಲ್ಲಾಧಿಕಾರಿ ಕಚೇರಿಗೆ ಮೆರವಣಿಗೆಯ ಮೂಲಕವೇ ಹೋಗಿ ತಮಗಾಗಿ ಹುಡುಗಿಯರನ್ನು ಹುಡುಕಿಕೊಡಿ ಎಂದು ಮನವಿ ಮಾಡಿದರು. ಇದನ್ನೂ ಓದಿ: ಸಾಕು ತಂದೆಯ ವಚನ ಪಾಲಿಸಲು ಮುಂದಾಗಿ ಸಿಎಂ ಗೊಂದಲದಲ್ಲಿದ್ದಾರೆ – ಬಿಎಸ್‍ವೈ ವಿರುದ್ಧ ಯತ್ನಾಳ್ ಪರೋಕ್ಷ ವಾಗ್ದಾಳಿ
ಪತ್ರದಲ್ಲಿ ಮಹಾರಾಷ್ಟ್ರದಲ್ಲಿ ಪುರುಷ- ಮಹಿಳೆಯರ ಅನುಪಾತವನ್ನು ಸುಧಾರಿಸಲು ಗರ್ಭಧಾರಣೆಯ ಪೂರ್ವ ಹಾಗೂ ಪ್ರಸವಪೂರ್ವ ನಿಯಂತ್ರಣ ತಂತ್ರಗಳ (ಪಿಸಿಪಿಎನ್‍ಡಿಟಿ) ಕಾಯ್ದೆಯನ್ನು ಕಟ್ಟುನಿಟ್ಟಾಗಿ ಅನುಷ್ಠಾನಗೊಳಿಸುವಂತೆ ಕೋರಿದ್ದಾರೆ.
ಮಹಾರಾಷ್ಟ್ರದ ಲಿಂಗ ಅನುಪಾತವು 1,000 ಹುಡುಗರಿಗೆ 889 ಹುಡುಗಿಯರಿದ್ದಾರೆ. ಹೆಣ್ಣು ಭ್ರೂಣಹತ್ಯೆಯಿಂದಾಗಿ ಈ ಅಸಮಾನತೆ ಉಂಟಾಗಿದ್ದು, ಇದಕ್ಕೆ ಸರಕಾರವೇ ಹೊಣೆಯಾಗಿದೆ ಎಂದು ಪ್ರತಿಭಟನಾಕಾರರು ಕಿಡಿಕಾರಿದರು. ಇದನ್ನೂ ಓದಿ: ನಿಷೇಧಿತ ಕೋಳಿ ಜೂಜಾಟ – ಬಿಜೆಪಿ ಮುಖಂಡನ ವಿರುದ್ಧ ಎಫ್‌ಐಆರ್‌
