Bloggers Unite

Tag: viral video

  • ವಿಡಿಯೋ: ಅಸಭ್ಯವಾಗಿ ವರ್ತಿಸಿದ ಯುವಕನಿಗೆ ಕಾಲಿಗೆ ಬಿದ್ದು ಕ್ಷಮೆ ಕೇಳುವಂತೆ ಮಾಡಿದ ಇಂಡಿಗೋ ಸಿಬ್ಬಂದಿ

    ವಿಡಿಯೋ: ಅಸಭ್ಯವಾಗಿ ವರ್ತಿಸಿದ ಯುವಕನಿಗೆ ಕಾಲಿಗೆ ಬಿದ್ದು ಕ್ಷಮೆ ಕೇಳುವಂತೆ ಮಾಡಿದ ಇಂಡಿಗೋ ಸಿಬ್ಬಂದಿ

     

    ಹೈದರಾಬಾದ್: ಅಸಭ್ಯವಾಗಿ ವರ್ತಿಸಿದ್ದಕ್ಕೆ ಯುವಕನನ್ನ ಇಂಡಿಗೋ ಏರ್ ಲೈನ್ಸ್ ಸಿಬ್ಬಂದಿಯೊಬ್ಬರು ತನ್ನ ಕಾಲಿಗೆ ಬಿದ್ದು ಕ್ಷಮೆ ಕೇಳುವಂತೆ ಮಾಡಿದ ಘಟನೆ ಹೈದರಾಬಾದ್‍ನಲ್ಲಿ ನಡೆದಿದ್ದು, ಇದರ ವಿಡಿಯ ಈಗ ವೈರಲ್ ಆಗಿದೆ.

    ಶನಿವಾರದಂದು ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಮಹಿಳಾ ಸಿಬ್ಬಂದಿಯ ಕಾಲಿಗೆ ಬಿದ್ದ ಯುವಕ ಮದ್ಯಪಾನ ಮಾಡಿದ್ದ ಎಂದು  ಏರ್ ಲೈನ್ಸ್ ಆರೋಪಿಸಿದೆ. ಮಹಿಳೆ ಆತನಿಗೆ “ನನ್ನ ಕಾಲಿಗೆ ಬೀಳು” ಎಂದು ತೆಲುಗಿನಲ್ಲಿ ಹೇಳೋದನ್ನ ವಿಡಿಯೋದಲ್ಲಿ ಕಾಣಬಹುದು.

    ನಡೆದಿದ್ದೇನು: ಮಹಿಳೆ ತನ್ನ ಬೆಳಗ್ಗಿನ ಶಿಫ್ಟ್ ಕೆಲಸಕ್ಕೆ ರಿಪೋರ್ಟ್ ಮಾಡಿಕೊಳ್ಳಲು ಪಾರ್ಕಿಂಕ್‍ನಿಂದ ವಿಮಾನ ನಿಲ್ದಾಣದ ಒಳಗೆ ಹೋಗುತ್ತಿದ್ರು. ಈ ವೇಳೆ ಯುವಕ ಮತ್ತು ಆತನ ಗೆಳೆಯ ಆಕೆಯನ್ನು ಹಿಂಬಾಲಿಸಿದ್ದಾರೆ. ನಂತರ ಮಹಿಳೆ ಟ್ರಾಫಿಕ್ ಪೊಲೀಸ್‍ಗೆ ಈ ಬಗ್ಗೆ ದೂರು ನೀಡಿದ್ದಾರೆ. ಆಗ ಟ್ರಾಫಿಕ್ ಪೊಲೀಸ್ ಇಬ್ಬರನ್ನೂ ವಿಮಾನ ನಿಲ್ದಾಣದ ಪೊಲೀಸ್ ಪೋಸ್ಟ್ ಗೆ ಎಳೆದೊಯ್ದಿದ್ದಾರೆ. ಈ ವೇಳೆ ಒಬ್ಬಾತ, ನಿಮ್ಮ ಕಾಲಿಗೆ ಬೇಕದ್ರೂ ಬೀಳ್ತೀನಿ, ಬಿಟ್ಟುಬಿಡಿ ಎಂದು ಮಹಿಳೆಯ ಬಳಿ ಮನವಿ ಮಾಡಿಕೊಂಡಿದ್ದಾನೆ.

    ಇಬ್ಬರೂ ವಿದ್ಯಾರ್ಥಿಗಳು ಎಂದು ಗೊತ್ತಾದ ಬಳಿಕ ಮಹಿಳೆ ಯಾವುದೇ ದೂರು ದಾಖಲಿಸಲಿಲ್ಲ. ಆದರೆ ಸಾರ್ವನಿಕ ಸ್ಥಳದಲ್ಲಿ ಈ ರೀತಿ ಮಾಡಿದ್ದರಿಂದ ಅವರನ್ನ ಕೆಲವು ಗಂಟೆಗಳ ಕಾಲ ವಶದಲ್ಲಿರಿಸಿಕೊಂಡು ನಂತರ ಬಿಟ್ಟು ಕಳಿಸಲಾಯ್ತು ಎಂದು ಪೊಲೀಸ್ ಅಧಿಕಾರಿ ರಮೇಶ್ ನಾಯ್ಕ್ ಹೇಳಿದ್ದಾರೆ.

    ಮಹಿಳಾ ಸಿಬ್ಬಂದಿ ಜೊತೆ ಅಸಭ್ಯವಾಗಿ ವರ್ತಿಸಿದ್ದರಿಂದ ಇಬ್ಬರನ್ನೂ ಪೊಲೀಸರಿಗೆ ಒಪ್ಪಿಸಲಾಯ್ತು ಎಂದು ಇಂಡಿಗೋ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

    https://www.youtube.com/watch?v=-d9rlBdRhpA

  • ಟ್ರಕ್ ಮುಂದೆ ಓಡಿದ ಬಾಲಕ ಕೂದಲೆಳೆ ಅಂತರದಲ್ಲಿ ಪಾರಾದ- ಎದೆ ಜಲ್ಲೆನಿಸೋ ವಿಡಿಯೋ ನೋಡಿ

    ಟ್ರಕ್ ಮುಂದೆ ಓಡಿದ ಬಾಲಕ ಕೂದಲೆಳೆ ಅಂತರದಲ್ಲಿ ಪಾರಾದ- ಎದೆ ಜಲ್ಲೆನಿಸೋ ವಿಡಿಯೋ ನೋಡಿ

    ಓಸ್ಲೋ: ಬಾಲಕನೊಬ್ಬ ರಸ್ತೆ ದಾಟುವಾಗ ಟ್ರಕ್‍ಗೆ ಅಡ್ಡವಾಗಿ ಓಡಿದ್ದು, ಕೂದಲೆಳೆ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

    ನಾರ್ವೇಯಲ್ಲಿ ಈ ಘಟನೆ ನಡೆದಿದ್ದು, ಇದರ ದೃಶ್ಯ ಮತ್ತೊಂದು ವಾಹನದ ಡ್ಯಾಶ್‍ಕ್ಯಾಮ್‍ನಲ್ಲಿ ಸೆರೆಯಾಗಿದೆ. ಜೂನ್‍ನಲ್ಲಿ ಈ ಘಟನೆ ನಡೆದಿದ್ದು, ಡ್ಯಾಶ್‍ಕ್ಯಾಮ್ ಹೊಂದಿದ್ದ ವಾಹನದ ಮಾಲೀಕ ಪಾದಚಾರಿಗಳಿಗೆ ಎಚ್ಚರಿಕೆ ನೀಡೋ ಸಲುವಾಗಿ ಈಗ ವಿಡಿಯೋವನ್ನ ಬಿಡುಗಡೆ ಮಾಡಿದ್ದಾರೆ. ಸದ್ಯ ಈ ವಿಡಿಯೋ ವೈರಲ್ ಆಗಿದೆ.

    ಶಾಲಾ ಬಸ್‍ವೊಂದು ರಸ್ತೆಯಲ್ಲಿ ನಿಲುಗಡೆಯಾಗಿ 5 ಮಕ್ಕಳು ಬಸ್‍ನಿಂದ ಕೆಳಗಿಳಿದಿದ್ದಾರೆ. ನಂತರ ಬಾಲಕನೊಬ್ಬ ಟ್ರಕ್ ಬರುತ್ತಿದ್ದುದು ನೋಡದೆ ರಸ್ತೆ ದಾಟಲೆಂದು ಹೋಗಿದ್ದಾನೆ. ಬಾಲಕನ ಹಿಂದೆಯೇ ಮತ್ತೊಬ್ಬ ವಿದ್ಯಾರ್ಥಿಯೂ ಓಡೋದನ್ನ ಕಾಣಬಹುದು. ದೊಡ್ಡ ಟ್ರಕ್ ಬಂದಿದ್ದನ್ನು ನೋಡಿ ಎರಡನೇ ವಿದ್ಯಾರ್ಥಿ ಅಲ್ಲೇ ನಿಂತಿದ್ದು, ಮೊದಲು ಓಡಿದ ಬಾಲಕ ಮಾತ್ರ ಟ್ರಕ್‍ನಿಂದ ಮುಂದೆ ಓಡಿ ಪ್ರಾಣ ಉಳಿಸಿಕೊಂಡಿದ್ದಾನೆ. ಈ ವೇಳೆ ಟ್ರಕ್ ಚಾಲಕನೂ ಬ್ರೇಕ್ ಹಾಕಿದ್ದರಿಂದ ದುರಂತವಾಗೋದು ತಪ್ಪಿದೆ.

    ಒಂದು ವೇಳೆ ಬಾಲಕ ಓಡದೇ ಭಯದಿಂದ ಅಲ್ಲೇ ನಿಂತಿದ್ದರೆ ಅನಾಹುತವೇ ಆಗುತ್ತಿತ್ತು. ಹೀಗಾಗಿ ರಸ್ತೆ ದಾಟುವಾಗ ಪಾದಚಾರಿಗಳು ಎಚ್ಚರಿಕೆ ವಹಿಸಬೇಕು ಎಂದು ಮನದಟ್ಟು ಮಾಡಲು ವಾಹನ ಮಾಲೀಕ ಈ ವಿಡಿಯೋ ಹಂಚಿಕೊಂಡಿದ್ದಾರೆ.

    https://www.youtube.com/watch?v=BGc5El65eWY

  • ಸಚಿವರ ಕಾಲು ಒತ್ತಿ ಮಸಾಜ್ ಮಾಡಿದ ಬಿಜೆಪಿ ಕಾರ್ಯಕರ್ತರು- ವಿಡಿಯೋ ವೈರಲ್

    ಸಚಿವರ ಕಾಲು ಒತ್ತಿ ಮಸಾಜ್ ಮಾಡಿದ ಬಿಜೆಪಿ ಕಾರ್ಯಕರ್ತರು- ವಿಡಿಯೋ ವೈರಲ್

    ಲಕ್ನೋ: ಅಲಹಾಬಾದ್‍ನಲ್ಲಿ ಚುನಾವಣಾ ಪ್ರಚಾರಕ್ಕಾಗಿ ಓಡಾಡಿ ಸುಸ್ತಾಗಿದ್ದ ಸಂಪುಟ ಸಚಿವರಿಗೆ ಬಿಜೆಪಿ ಕಾರ್ಯಕರ್ತರು ಕಾಲಿನ ಮಸಾಜ್ ಮಾಡಿದ್ದು, ಇದರ ವಿಡಯೋ ಇದೀಗ ವೈರಲ್ ಆಗಿದೆ.

    ಉತ್ತರಪ್ರದೇಶದ ಬಿಜೆಪಿ ಸಚಿವ ನಂದ ಗೋಪಾಲ್ ಗುಪ್ತಾ ಅವರಿಗೆ ಪಕ್ಷದ ಕಾರ್ಯಕರ್ತರು ಕಾಲು ಒತ್ತಿ ಮಸಾಜ್ ಮಾಡಿದ್ದಾರೆ. ಇದರ ವಿಡಿಯೋವನ್ನ ಸುದ್ಧಿ ಸಂಸ್ಥೆ ಪೋಸ್ಟ್ ಮಾಡಿದ್ದು ಸಾಕಷ್ಟು ಬಾರಿ ರೀಟ್ವೀಟ್ ಆಗಿದೆ.

    ಗುಪ್ತಾ ಅವರು ತಾವಾಗೇ ಕಾರ್ಯಕರ್ತರಿಗೆ ಕಾಲು ಒತ್ತುವಂತೆ ಕೇಳಿದರೋ ಅಥವಾ ಕಾರ್ಯಕರ್ತರೇ ಸ್ವಯಂಪ್ರೇರಿತರಾಗಿ ಸೇವೆ ಮಾಡಿದರೋ ಎಂಬ ಬಗ್ಗೆ ಸ್ಪಷ್ಟವಾಗಿಲ್ಲ. ಆದ್ರೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ನೋಡಿದವರು ಈ ಬಗ್ಗೆ ಖಂಡನೆ ವ್ಯಕ್ತಪಡಿಸಿದ್ದಾರೆ.

    ಇನ್ನೂ ಕೆಲವರು ಗುಪ್ತಾ ಅವರನ್ನ ಸಮರ್ಥಿಸಿಕೊಂಡಿದ್ದಾರೆ. ಅವರು ಲೋ ಬ್ಲಡ್ ಶುಗರ್‍ನಿಂದ ಬಳಲಿದ್ದಿರಬಹುದು. ಹೀಗಾಗಿ ಕಾರ್ಯಕರ್ತರು ಕೂಡಲೇ ಅದಕ್ಕೆ ಸ್ಪಂದಿಸಿರಬಹುದು ಎಂದು ಹೇಳಿದ್ದಾರೆ.

    https://twitter.com/TheLegendChap/status/930478739120709632?ref_src=twsrc%5Etfw&ref_url=https%3A%2F%2Ftimesofindia.indiatimes.com%2Findia%2Ftired-up-minister-gets-foot-massage-from-bjp-workers-video-goes-viral%2Farticleshow%2F61653386.cms

    https://twitter.com/MahadevBhardwaj/status/930460983813951491?ref_src=twsrc%5Etfw&ref_url=https%3A%2F%2Ftimesofindia.indiatimes.com%2Findia%2Ftired-up-minister-gets-foot-massage-from-bjp-workers-video-goes-viral%2Farticleshow%2F61653386.cms

  • ಸಿಂಹಗಳನ್ನ ಬೈಕ್‍ನಲ್ಲಿ ಚೇಸ್ ಮಾಡಿ ಮಜಾ ತಗೊಂಡ್ರು- ವಿಡಿಯೋ ವೈರಲ್

    ಸಿಂಹಗಳನ್ನ ಬೈಕ್‍ನಲ್ಲಿ ಚೇಸ್ ಮಾಡಿ ಮಜಾ ತಗೊಂಡ್ರು- ವಿಡಿಯೋ ವೈರಲ್

    ಅಹಮದಾಬಾದ್: ಬೈಕ್ ಸವಾರರ ಗುಂಪೊಂದು ಗುಜರಾತ್‍ನ ಗಿರ್ ಅರಣ್ಯಧಾಮದಲ್ಲಿ ಸಿಂಹಗಳನ್ನ ಚೇಸ್ ಮಾಡಿರೋ ವಿಡಿಯೋ ವೈರಲ್ ಆಗಿದೆ.

    ಘಟನೆಗೆ ಸಂಬಂಧಿಸಿದಂತೆ ನಾಲ್ವರಲ್ಲಿ ಒಬ್ಬ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ. ಈ ನಾಲ್ವರು ಸಿಂಹಗಳು, ಸಿಂಹಿಣಿಗಳು ಹಾಗೂ ಮರಿಗಳನ್ನು ಬೈಕ್‍ನಲ್ಲಿ ಚೇಸ್ ಮಾಡಿದ್ದಾರೆ. ಒಂದು ಬೈಕಿನ ಲೈಸೆನ್ಸ್ ಪ್ಲೇಟ್ ವಿಡಿಯೋದಲ್ಲಿ ಕಾಣಿಸುತ್ತದೆ. ಸಿಂಹಗಳು ಬೈಕ್ ಸದ್ದಿಗೆ ಬೆದರಿ ಅಲ್ಲಿಂದ ದಿಕ್ಕಾಪಾಲಾಗಿ ಓಡಿವೆ. ಇದರ ವಿಡಿಯೋವನ್ನ ಬುಧವಾರದಂದು ಫೇಸ್‍ಬುಕ್‍ನಲ್ಲಿ ಹಂಚಿಕೊಳ್ಳಲಾಗಿತ್ತು.

    ವನ್ಯಜೀವಿ ಅಧಿಕಾರಿಗಳು ಉಳಿದ ಆರೋಪಿಗಳ ಪತ್ತೆಗಾಗಿ ಹಾಗೂ ವಿಡಿಯೋದ ಮೂಲದ ಬಗ್ಗೆ ತಿಳಿಯಲು ಪ್ರಯತ್ನ ನಡೆಸಿದ್ದಾರೆ.

    ಇಂದು ರಾಜ್‍ಕೋಟ್ ಬಳಿ ಓರ್ವ ಬೈಕ್ ಸವಾರನನ್ನು ಬಂಧಿಸಲಾಗಿದೆ. ಬೈಕ್ ನೋಂದಣಿ ಸಂಖ್ಯೆ ಹಾಗೂ ಸ್ಥಳೀಯ ಗ್ರಾಮಸ್ಥರ ಮಾಹಿತಿ ಆಧರಿಸಿ ಆತನನ್ನು ಪತ್ತೆಹಚ್ಚಲಾಗಿದೆ. ಉಳಿದ ಮೂವರು ಆರೋಪಿಗಳಲ್ಲಿ ಇಬ್ಬರು ಸೌರಾಷ್ಟ್ರದ ಅಮ್ರೇಲಿ ಜಿಲ್ಲೆಯವರು ಎಂದು ವರದಿಯಾಗಿದೆ.

     

     

    ಗುಜರಾತ್‍ನ ಗಿರ್ ಅರಣ್ಯಧಾಮ ಏಷ್ಯಾಟಿಕ್ ಲಯನ್‍ಗಳ ಏಕೈಕ ನೈಸರ್ಗಿಕ ವಾಸಸ್ಥಾನವಾಗಿದೆ. 1400 ಚದರ ಅಡಿ ವಿಸ್ತೀರ್ಣದ ಈ ವನ್ಯಜೀವಿಧಾಮದಲ್ಲಿ 400 ಸಿಂಹಗಳಿವೆ. ಜೂನ್‍ನಲ್ಲಿ ಅಮ್ರೇಲಿ ಜಿಲ್ಲೆಯಲ್ಲಿ ಕಾರಿನಲ್ಲಿದ್ದ ಯುವಕರ ಗುಂಪೊಂದು ಸಿಂಹದ ಮರಿಯನ್ನು ಚೇಸ್ ಮಾಡಿದ ವಿಡಿಯೋ ಹರಿದಾಡಿತ್ತು.

    https://www.youtube.com/watch?v=-6-vyqTM644

  • ಗಾಡಿ ಹರಿಸ್ತೀನಿ ಅಂದ್ರೂ ಹೆದರಲಿಲ್ಲ- ಎಸ್‍ಯುವಿ ವಾಹನ ಚಾಲಕನಿಗೆ ಪಾಠ ಕಲಿಸಿದ ಬೈಕ್ ಸವಾರ

    ಗಾಡಿ ಹರಿಸ್ತೀನಿ ಅಂದ್ರೂ ಹೆದರಲಿಲ್ಲ- ಎಸ್‍ಯುವಿ ವಾಹನ ಚಾಲಕನಿಗೆ ಪಾಠ ಕಲಿಸಿದ ಬೈಕ್ ಸವಾರ

     

    ಭೋಪಾಲ್: ಒನ್ ವೇನಲ್ಲಿ ರಾಂಗ್ ಸೈಡ್‍ನಿಂದ ಬರೋದು ತಪ್ಪು ಅಂತ ಗೊತ್ತಿದ್ರೂ ಇಲ್ಲೊಬ್ಬ ಎಸ್‍ಯುವಿ ವಾಹನ ಚಾಲಕ, ವಿರುದ್ಧ ದಿಕ್ಕಿನಿಂದ ಬಂದಿದ್ದಲ್ಲದೆ ಬೈಕ್ ಸವಾರನ ಮೇಲೆ ಹಲ್ಲೆ ಮಾಡಿದ್ದಾನೆ. ಆದ್ರೆ ಬೈಕ್ ಸವಾರ ಧೈರ್ಯಗೆಡದೆ ಆ ವಾಹನ ಸವಾರನಿಗೆ ತಕ್ಕ ಪಾಠ ಕಲಿಸಿದ್ದಾನೆ.

    ನವೆಂಬರ್ 3ರಂದು ಮಧ್ಯಪ್ರದೇಶದ ಭೋಪಾಲ್‍ನಲ್ಲಿ ಈ ಘಟನೆ ನಡೆದಿದೆ. ವಿರುದ್ಧ ದಿಕ್ಕಿನಿಂದ ಬಂದ ಎಸ್‍ಯುವಿ ವಾಹನ ಮುಂದೆ ಹೋಗದಂತೆ ಬೈಕ್ ಸವಾರ ಅಡ್ಡಗಟ್ಟಿ ನಿಂತಿದ್ದರು. ಇದರಿಂದ ಕೋಪಗೊಂಡ ಎಸ್‍ಯುವಿ ವಾಹನ ಚಾಲಕ ಬೈಕ್ ಸವಾರನ ಮೇಲೆ ವಾಹನ ಹರಿಸುವುದಾಗಿ ಹೆದರಿಸಿದ್ದ. ವಾಹನವನ್ನ ಚಲಾಯಿಸಿ ಬೈಕ್‍ಗೆ ತೀರಾ ಸಮೀಪ ತಂದಿದ್ದ.

    ಆದರೂ ಇದಕ್ಕೆಲ್ಲಾ ಹೆದರದ ಬೈಕ್ ಸವಾರ ಅಲ್ಲಿಂದ ಒಂದಿಷ್ಟೂ ಕದಲಲಿಲ್ಲ. ಎಷ್ಟು ಹೊತ್ತಾದ್ರೂ ಎಸ್‍ಯುವಿ ವಾಹನ ಚಾಲಕ ಕೂಡ ಅಲ್ಲಿಂದ ಹಿಂದಕ್ಕೆ ಹೋಗದ ಕಾರಣ ಬೈಕ್ ಸವಾರ ಆ ವಾಹನದ ನಂಬರ್ ಪ್ಲೇಟ್ ಫೋಟೋ ತೆಗೆದುಕೊಂಡು ಮುಂದೆ ಹೋಗಲು ಗಾಡಿ ಸ್ಟಾರ್ಟ್ ಮಾಡಿದ್ದರು.

    ಆದ್ರೆ ಎಸ್‍ಯುವಿ ಚಾಲಕ ಕೂಡ ಬಂದು ಬೈಕ್ ನಂಬರ್ ಪ್ಲೇಟ್‍ನ ಫೋಟೋ ತೆಗೆದುಕೊಂಡಿದ್ದಾನೆ. ನಂತರ ಇದ್ದಕ್ಕಿದ್ದಂತೆ ಬೈಕ್ ಸವಾರನ ಮೇಲೆ ಹಲ್ಲೆ ಮಾಡಿದ್ದಾನೆ. ಬೈಕ್ ಸವಾರನನ್ನು ಬ್ಯಾರಿಕೇಡ್‍ಗಳ ಮೇಲೆ ನೂಕಾಡಿದ್ದು, ರಸ್ತೆಯಲ್ಲೇ ಜಗಳವಾಗಿದೆ. ಇದನ್ನು ನೋಡಿ ಕೆಲ ಸ್ಥಳೀಯರು ಇಬ್ಬರ ಮಧ್ಯೆ ಏನಾಯಿತೆಂದು ವಿಚಾರಿಸಲು ಯತ್ನಿಸಿದ್ದಾರೆ. ಈ ಎಲ್ಲಾ ದೃಶ್ಯಗಳು ಹತ್ತಿರದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

    ಸಿಸಿಟಿವಿ ದೃಶ್ಯಾವಳಿಗಳನ್ನು ಇಂದೋರ್ ನಿವಾಸಿಯಾದ ನಿಲಯ್ ವರ್ಮಾ ಎಂಬವರು ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಮಾಡಿದ್ದು, ಇದೀಗ ವೈರಲ್ ಆಗಿದೆ. ಈವರೆಗೆ ವಿಡಿಯೋ 1.4 ಕೋಟಿಗೂ ಅಧಿಕ ಬಾರಿ ವೀಕ್ಷಣೆಯಾಗಿದೆ.

    ಬೈಕ್ ಸವಾರನ ಧೈರ್ಯವನ್ನು ನಿಲಯ್ ಕೊಂಡಾಡಿದ್ದು, ವಿಡಿಯೋ ನೋಡಿದವರೂ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ಎಸ್‍ಯುವಿ ವಾಹನ ಚಾಲಕನ ವಿರುದ್ಧ ದಾಖಲಾದ ಎಫ್‍ಐಆರ್ ಪ್ರತಿಯನ್ನೂ ಕೂಡ ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಮಾಡಿದ್ದಾರೆ.

    https://www.facebook.com/nilayv/videos/pcb.10155887382929851/10155887380764851/?type=3&theater

    https://www.facebook.com/nilayv/posts/10155887382929851

  • ವೋಕ್ಸ್ ವೇಗನ್ ಕಾರಿನಲ್ಲಿ ಅಡ್ಡಾದಿಡ್ಡಿ ಚಾಲನೆ- ವಾಹನ ಸವಾರನನ್ನ ನಡುರಸ್ತೆಯಲ್ಲೇ ನಿಂದಿಸಿದ ಮಹಿಳೆ

    ವೋಕ್ಸ್ ವೇಗನ್ ಕಾರಿನಲ್ಲಿ ಅಡ್ಡಾದಿಡ್ಡಿ ಚಾಲನೆ- ವಾಹನ ಸವಾರನನ್ನ ನಡುರಸ್ತೆಯಲ್ಲೇ ನಿಂದಿಸಿದ ಮಹಿಳೆ

     

    ಹೈದರಾಬಾದ್: ಮಹಿಳೆಯೊಬ್ಬರು ಅಡ್ಡಾದಿಡ್ಡಿ ಕಾರ್ ಚಾಲನೆ ಮಾಡಿದ್ದಲ್ಲದೆ ವ್ಯಕ್ತಿಯನ್ನ ನಡುರಸ್ತೆಯಲ್ಲೇ ನಿಂದಿಸಿರೋ ಘಟನೆ ಬೇಗಂಪೇಟ್‍ನಲ್ಲಿ ನಡೆದಿದೆ.

    ಗುರುವಾರದಂದು ಮಹಿಳೆಯೊಬ್ಬರು ವೋಕ್ಸ್ ವೇಗನ್ ಕಾರನ್ನ ಅಡ್ಡಾದಿಡ್ಡಿ ಚಲಾಯಿಸಿದ್ದಾರೆ. ರಸ್ತೆಯಲ್ಲಿ ಮನಬಂದಂತೆ  ಡ್ರೈವಿಂಗ್ ಮಾಡಿದ್ದು, ಹಲವು ವಾಹನ ಸವಾರರು ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ. ಮಹಿಳೆ ದ್ವಿಚಕ್ರ ವಾಹನ ಸವಾರರೊಬ್ಬರನ್ನ  ಬಾಯಿಗೆ ಬಂದಂತೆ ನಿಂದಿಸಿದ್ದಾರೆ.

    ಪ್ರತ್ಯಕ್ಷದರ್ಶಿಯೊಬ್ಬರು ಈ ಘಟನೆಯ ದೃಶ್ಯವನ್ನ ಮೊಬೈಲ್‍ನಲ್ಲಿ ರೆಕಾರ್ಡ್ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಸದ್ಯ ಈ ವಿಡಿಯೋ ವೈರಲ್ ಆಗಿದೆ.

    ಕಾರನ್ನ ಮನಬಂದಂತೆ ಚಾಲನೆ ಮಾಡಿದ ಮಹಿಳೆಯನ್ನ ಬೇಗಂಪೇಟ್‍ನಲ್ಲಿ ವ್ಯಕ್ತಿಯೊಬ್ಬರು ತಡೆದು ಪ್ರಶ್ನಿಸಿದ್ದಾರೆ. ಆದ್ರೆ ಆಕೆ ಆ ವ್ಯಕ್ತಿಯ ಮೇಲೆಯೇ ಮಹಿಳೆ ತಿರುಗಿ ಬಿದ್ದಿದ್ದು ಬಾಯಿಗೆ ಬಂದಂತೆ ಬೈದಿದ್ದಾರೆ. ಸ್ಥಳದಲ್ಲಿದ್ದ ಟ್ರಾಫಿಕ್ ಪೊಲೀಸರು ಮಹಿಳೆಯನ್ನ ಸಮಾಧಾನ ಮಾಡಲು ಯತ್ನಿಸೋದನ್ನ ವಿಡಿಯೋದಲ್ಲಿ ಕಾಣಬಹುದು.

    ಅಡ್ಡಾದಿಡ್ಡಿ ಡ್ರೈವಿಂಗ್ ಮಾಡಿದ್ದಲ್ಲದೆ ಸಂಚಾರಕ್ಕೆ ಅಡ್ಡಿಪಡಿಸಿದ ಹಿನ್ನೆಲೆಯಲ್ಲಿ ಎಸ್‍ಆರ್ ನಗರ ಟ್ರಾಫಿಕ್ ಇನ್ಸ್ ಪೆಕ್ಟರ್ ನೀಡಿದ ದೂರಿನನ್ವಯ ಮಹಿಳೆಯ ವಿರುದ್ಧ ಪ್ರಕರಣ ದಾಖಲಾಗಿದೆ ಎಂದು ವರದಿಯಾಗಿದೆ.

    https://www.youtube.com/watch?time_continue=61&v=LrTxh66-jf8

    https://www.youtube.com/watch?time_continue=82&v=aATJGCfn7X8

     

  • ವಿಡಿಯೋ: ಪ್ರಜ್ಞಾಹೀನಳಾಗಿ ರಸ್ತೆಯಲ್ಲಿ ಬಿದ್ದ ಮಹಿಳೆಗೆ ಒದ್ದು ಕ್ರೌರ್ಯ ಮೆರೆದ ವ್ಯಕ್ತಿ

    ವಿಡಿಯೋ: ಪ್ರಜ್ಞಾಹೀನಳಾಗಿ ರಸ್ತೆಯಲ್ಲಿ ಬಿದ್ದ ಮಹಿಳೆಗೆ ಒದ್ದು ಕ್ರೌರ್ಯ ಮೆರೆದ ವ್ಯಕ್ತಿ

    ಬರ್ಮಿಂಗ್‍ಹ್ಯಾಮ್: ರಸ್ತೆಯಲ್ಲಿ ಪ್ರಜ್ಞಾಹೀನಳಾಗಿ ಬಿದ್ದಿದ್ದ ಮಹಿಳೆಯೊಬ್ಬರ ತಲೆಗೆ ಕಾಲಿನಿಂದ ಒದ್ದು ಓರ್ವನೊಬ್ಬ ಕ್ರೌರ್ಯವನ್ನು ಮರೆದಿರುವ ಘಟನೆ ಇಂಗ್ಲೆಂಡ್ ನ ಬರ್ಮಿಂಗ್‍ಹ್ಯಾಮ್ ನಲ್ಲಿ ನಡೆದಿದೆ.

    ಮಹಿಳೆಯೊಬ್ಬರು ನಗರದ ಟೆಸ್ಕೋ ಸೂಪರ್ ಮಾರ್ಕೆಟ್ ಬಳಿ ಪ್ರಜ್ಞೆ ತಪ್ಪಿ ಬಿದ್ದಿದ್ದರು. ಮಹಿಳೆಗೆ ಆ ವೇಳೆ ಸಹಾಯದ ಅವಶ್ಯಕತೆಯಿದ್ದು, ಆದರೆ ಅಲ್ಲಿಗೆ ಬಂದ ಜಾಕೆಟ್ ಧರಿಸಿದ ವ್ಯಕ್ತಿಯೊಬ್ಬ ತಲೆಗೆ ಒದ್ದು ಹೋಗಿದ್ದಾನೆ. ಮೊದಲೇ ನಿತ್ರಾಣಗೊಂಡಿದ್ದ ಮಹಿಳೆ ಮತ್ತಷ್ಟು ಅಸ್ವಸ್ತಗೊಂಡಿದ್ದಾರೆ. ಕೂಡಲೇ ಹಿಂಬದಿಯಿಂದ ಮತ್ತೊಬ್ಬ ವ್ಯಕ್ತಿ ಮಹಿಳೆಯನ್ನು ಮೇಲೆಕ್ಕೆತ್ತಲು ಪ್ರಯತ್ನಿಸಿದ್ದಾರೆ. ಈ ಎಲ್ಲ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

    ಈ ವಿಡಿಯೋವನ್ನು ಬ್ರಿಮ್ಜ್ ಎಂಬವರು ತಮ್ಮ ಫೇಸ್‍ಬುಕ್ ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ವಿಡಿಯೋ ಅಪ್ಲೋಡ್ ಆದ ಒಂದು ಗಂಟೆಯಲ್ಲಿ 10 ಸಾವಿರಕ್ಕೂ ಅಧಿಕ ಶೇರ್ ಆಗಿದೆ. ವಿಡಿಯೋ ನೋಡಿದ ನೋಡುಗರು ಮಹಿಳೆಗೆ ಸಹಾಯ ಮಾಡುವ ಬದಲು ಅಹಂಕಾರ ತೋರಿಸಿದ ವ್ಯಕ್ತಿಯ ವಿರುದ್ಧ ಆಕ್ರೋಶವನ್ನು ಹೊರಹಾಕಿದ್ದಾರೆ.

    ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸ್ಥಳೀಯ ಪೊಲೀಸರು ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಪೊಲೀಸರು 45 ವರ್ಷದ ವ್ಯಕ್ತಿಯೋರ್ವನನ್ನು ಬಂಧಿಸಿದ್ದು, ವಿಚಾರಣೆ ನಡೆಸುತ್ತಿದ್ದಾರೆ.

    ಸಾಮಾಜಿಕ ಜಾಲತಾಣಗಳ ಮೂಲಕ ಆರೋಪಿಗಳನ್ನು ಪತ್ತೆ ಹಚ್ಚಲು ಹೆಚ್ಚು ಸಹಕಾರಿ ಆಗಿದೆ. ನಮಗೆ ವಿಡಿಯೋ ತಲುಪಿದ 24 ಗಂಟೆಯೊಳಗೆ ಆರೋಪಿಯನ್ನು ಬಂಧಿಸುವಲ್ಲಿ ನಾವು ಯಶಸ್ವಿಯಾಗಿದ್ದೇವೆ. ಇನ್ನೂ ಹಲ್ಲೆಗೊಳಗಾದ ಮಹಿಳೆಯ ಬಗ್ಗೆ ಇದೂವರೆಗೂ ಯಾವುದೇ ಮಾಹಿತಿಗಳು ಲಭ್ಯವಾಗಿಲ್ಲ. ನಾವು ಮಹಿಳೆಯನ್ನು ಪತ್ತೆ ಹಚ್ಚುವಲ್ಲಿ ನಿರತರಾಗಿದ್ದೇವೆ ಎಂದು ವೆಸ್ಟ್ ಮಿಡ್‍ಲ್ಯಾಂಡ್‍ನ ಪೊಲೀಸ್ ಅಧಿಕಾರಿ ಇಫ್ತಿ ಅಹ್ಮದ್ ತಿಳಿಸಿದ್ದಾರೆ.

    https://www.youtube.com/watch?v=lguoWL6XMNI

  • ವಿಶ್ವದ ಅತೀ ದೊಡ್ಡ ಪ್ಯಾಸೆಂಜರ್ ವಿಮಾನದ ಭಯಾನಕ ಲ್ಯಾಂಡಿಂಗ್ ವಿಡಿಯೋ ವೈರಲ್

    ವಿಶ್ವದ ಅತೀ ದೊಡ್ಡ ಪ್ಯಾಸೆಂಜರ್ ವಿಮಾನದ ಭಯಾನಕ ಲ್ಯಾಂಡಿಂಗ್ ವಿಡಿಯೋ ವೈರಲ್

    ಬರ್ಲಿನ್: ಜೋರಾಗಿ ಬೀಸುತ್ತಿದ್ದ ಗಾಳಿಯ ನಡುವೆಯೂ ವಿಶ್ವದ ಅತೀ ದೊಡ್ಡ ಪ್ಯಾಸೆಂಜರ್ ವಿಮಾನವಾದ ಏರ್‍ಬಸ್ ಎ380 ವಿಮಾನ ಜರ್ಮನಿಯ ಡಸ್ಸೆಲ್‍ಡಾರ್ಫ್ ನಲ್ಲಿ ಲ್ಯಾಂಡಿಂಗ್ ಮಾಡುವ ವಿಡಿಯೋ ಇದೀಗ ವೈರಲ್ ಆಗಿದೆ.

    ಕಾರ್ಗೋಸ್ಪಾಟರ್ ಎಂಬ ಯೂಟ್ಯೂಬ್ ಖಾತೆಯಲ್ಲಿ ಎಮಿರೇಟ್ಸ್ ಏ380 ವಿಡಿಯೋ ಅಪ್‍ಲೋಟ್ ಮಾಡಲಾಗಿದ್ದು, ಇದುವೆರಗೂ 1 ಕೋಟಿಗೂ ಹೆಚ್ಚು ಬಾರಿ ವೀಕ್ಷಣೆಯಾಗಿದೆ.

    ಜೋರಾಗಿ ಬೀಸುತ್ತಿರೋ ಗಾಳಿಯ ಮಧ್ಯೆ ವಿಮಾನ ಅಲುಗಾಡುತ್ತಲೇ ಕೆಳಗೆ ಬಂದಿದೆ. ರನ್‍ವೇ ಗೆ ಇಳಿದ ನಂತರ ವಿಮಾನ ಭಯ ಹುಟ್ಟಿಸುವ ರೀತಿಯಲ್ಲಿ ಅತ್ತಿತ್ತ ತಿರುಗಿದೆ. ಕೆಲವು ಸೆಕೆಂಡ್‍ಗಳ ಕಾಲ ಈ ರೀತಿ ಆಗಿದ್ದು ನಂತರ ಪೈಲಟ್ ವಿಮಾನವನ್ನ ನಿಯಂತ್ರಣಕ್ಕೆ ತಂದಿದ್ದಾರೆ. ಆದ್ರೆ ಡಬಲ್ ಡೆಕ್ಕರ್ ವಿಮಾನದಲ್ಲಿದ್ದ ಪ್ರಯಾಣಿಕರಿಗೆ ಯಾವ ರೀತಿಯ ಅನುಭವವಾಗಿರಬಹದು ಎಂಬುದು ಊಹಿಸಲಸಾಧ್ಯ.

    ಇದು ಪೈಲಟ್‍ನ ಕೌಶಲ್ಯವನ್ನು ನಿರೂಪಿಸಿದೆ. ಅನಿರೀಕ್ಷಿತ ಗಾಳಿಯ ರಭಸದ ಮಧ್ಯೆಯೂ ವಿಮನವನ್ನ ರನ್‍ವೇ ನಲ್ಲಿ ಸರಿಯಾದ ಕ್ರಮದಲ್ಲಿ ಬರುವಂತೆ ನೋಡಿಕೊಂಡಿದ್ದಾರೆ. ಇದು ಪೈಲಟ್‍ನ ಅದ್ಭುತ ಕೆಲಸ ಎಂದು ಯೂಟ್ಯೂಬ್‍ನಲ್ಲಿ ವಿಡಿಯೋ ಅಪ್‍ಲೋಡ್ ಮಾಡಿದವರು ಬರೆದುಕೊಂಡಿದ್ದಾರೆ.

    ಅಕ್ಟೋಬರ್ 5ರಂದು ಈ ಘಟನೆ ನಡೆದಿದ್ದು, ಪ್ರಯಾಣಿಕರಿಗಾಗಲೀ, ವಿಮಾನದ ಸಿಬ್ಬಂದಿಗಾಗಲೀ ಇದರಿಂದ ಯಾವುದೇ ತೊಂದರೆಯಾಗಿಲ್ಲ ಎಂದು ಎಮಿರೈಟ್ಸ್‍ನ ವಕ್ತಾರರು ಪತ್ರಿಕೆಯೊಂದಕ್ಕೆ ತಿಳಿಸಿದ್ದಾರೆ.

    600ಕ್ಕೂ ಹೆಚ್ಚು ಪ್ರಯಾಣಿಕರನ್ನ ಕರೆದೊಯ್ಯಬಲ್ಲ ಸಾಮಥ್ರ್ಯವುಳ್ಳ ಏರ್‍ಬಸ್ ಎ380 ವಿಮಾನ ವಿಶ್ವದ ಅತೀ ದೊಡ್ಡ ಪ್ಯಾಸೆಂಜರ್ ವಿಮಾನ ಎನಿಸಿಕೊಂಡಿದೆ.

  • ಅರ್ಧಕ್ಕೇ ನಿಂತ್ಹೊಯ್ತು ಸೌದಿ ರಾಜನ ‘ಚಿನ್ನದ ಎಸ್ಕಲೇಟರ್’- ವಿಡಿಯೋ ವೈರಲ್

    ಅರ್ಧಕ್ಕೇ ನಿಂತ್ಹೊಯ್ತು ಸೌದಿ ರಾಜನ ‘ಚಿನ್ನದ ಎಸ್ಕಲೇಟರ್’- ವಿಡಿಯೋ ವೈರಲ್

    ಮಾಸ್ಕೋ: ಹೊಳೆಯೋದೆಲ್ಲಾ ಚಿನ್ನ ಅಲ್ಲ ಅಂತ ಮಾತಿದೆ. ಆದ್ರೆ ಇಲ್ಲಿ ಹೊಳೆಯುತ್ತಿದ್ದದ್ದು ಚಿನ್ನವೇ. ಆದ್ರೆ ಸರಿಯಾಗಿ ಕೆಲಸ ಮಾಡ್ತಿರ್ಲಿಲ್ಲ ಅಷ್ಟೇ! ಸೌದಿ ಅರೇಬಿಯಾದ ರಾಜ ಸಲ್ಮಾನ್ ಬಿನ್ ಅಬ್ದುಲ್ ಅಜೀಜ್ ಕಳೆದ ಬುಧವಾರ ಮಾಸ್ಕೋ ಭೇಟಿಗೆಂದು ಬಂದಿದ್ರು. ಈ ವೇಳೆ ಅವರು ತಮ್ಮ ಖಾಸಗಿ ಪ್ಲೇನ್‍ನಿಂದ ಹೊರಬರುತ್ತಿದ್ದಂತೆ ತೊಂದರೆ ಎದುರಾಯ್ತು.

    ದುಬಾರಿ ಪ್ರಯಾಣ ಮಾಡೋದ್ರಲ್ಲಿ ಫೇಮಸ್ ಆಗಿರೋ ರಾಜ ಪ್ಲೇನ್‍ನಿಂದ ಹೊರಬಂದು ಮಿರಮಿರ ಮಿಂಚುತ್ತಿದ್ದ ಚಿನ್ನದ ಎಸ್ಕಲೇಟರ್ ಮೇಲೆ ನಿಂತ್ರು. ಆದ್ರೆ ಅದ್ಯಾಕೋ ಎಸ್ಕಲೇಟರ್ ಅರ್ಧಕ್ಕೇ ನಿಂತುಹೋಯ್ತು. ಇದರಿಂದ ಸ್ವಲ್ಪ ಸಮಯ ರಾಜ ಹಾಗೂ ಅವರ ಜೊತೆಯಿದ್ದ ಸಿಬ್ಬಂದಿ ಕನ್‍ಫ್ಯೂಸ್ ಆಗಿ ನಿಂತಲ್ಲೇ ನಿಂತಿದ್ರು.

    ನಂತರ ರಾಜ ಕಾಲ್ನಡಿಗೆಯಲ್ಲೇ ಉಳಿದ ಮೆಟ್ಟಿಲುಗಳನ್ನ ಇಳಿದ್ರು. 81 ವರ್ಷದ ಸಲ್ಮಾನ್ ಅವರು ಕೆಳಗಿಳಿಯುತ್ತಿದ್ರೆ ಅವರ ಸಹಾಯಕರು ಗೊಂದಲದಲ್ಲೇ ಹಿಂಬಾಲಿಸಿದ್ರು. ಇದರ ವಿಡಿಯೋ ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸಾಕಷ್ಟು ಹಾಸ್ಯಾಸ್ಪದ ಕಮೆಂಟ್‍ಗಳು ಬಂದಿವೆ.

    ರಾಜ ಸಲ್ಮಾನ್ ಬಿನ್ ಅಬ್ದುಲ್ ಅಜೀಜ್ 4 ದಿನಗಳ ರಷ್ಯಾ ಪ್ರವಾಸದಲ್ಲಿದ್ದಾರೆ. ವಿಶೇಷ ಎಸ್ಕಲೇಟರ್ ಮಾತ್ರವಲ್ಲದೆ ತನ್ನ ಜೊತೆಗೆ 1500 ಜನರನ್ನ ಕರೆತಂದಿದ್ದಾರೆ. ಕಾರ್ಪೆಟ್ ಸೇರಿದಂತೆ ಸ್ವಂತ ಪೀಠೋಪಕರಣ ಹಾಗೂ 800 ಕೆಜಿ ಆಹಾರ ಸಾಮಗ್ರಿಗಳನ್ನ ಸೌದಿಯಿಂದ ಜೊತೆಯಲ್ಲಿ ತಂದಿದ್ದಾರೆ.

    https://twitter.com/RT_com/status/915974579604066305?ref_src=twsrc%5Etfw&ref_url=https%3A%2F%2Fwww.ndtv.com%2Foffbeat%2Fwatch-saudi-king-salman-bin-abdulazizs-gold-escalator-stops-midway-then-this-1759434

    https://twitter.com/Tin_Tin_in_Tibt/status/915999095587819520?ref_src=twsrc%5Etfw&ref_url=https%3A%2F%2Fwww.ndtv.com%2Foffbeat%2Fwatch-saudi-king-salman-bin-abdulazizs-gold-escalator-stops-midway-then-this-1759434

    https://twitter.com/SeeboldHelen/status/916037244103905280?ref_src=twsrc%5Etfw&ref_url=https%3A%2F%2Fwww.ndtv.com%2Foffbeat%2Fwatch-saudi-king-salman-bin-abdulazizs-gold-escalator-stops-midway-then-this-1759434

    https://twitter.com/sukhan85/status/916049111144480769?ref_src=twsrc%5Etfw&ref_url=https%3A%2F%2Fwww.ndtv.com%2Foffbeat%2Fwatch-saudi-king-salman-bin-abdulazizs-gold-escalator-stops-midway-then-this-1759434

  • ಲವ್ ಮುಂದುವರೆಸಲು ನಿರಾಕರಿಸಿದ್ದಕ್ಕೆ ಪ್ರೇಯಸಿಯ ಮೇಲೆ ಲೈಂಗಿಕ ದೌರ್ಜನ್ಯ -ಗೆಳೆಯರಿಂದ ವಿಡಿಯೋ ಮಾಡಿಸ್ದ

    ಲವ್ ಮುಂದುವರೆಸಲು ನಿರಾಕರಿಸಿದ್ದಕ್ಕೆ ಪ್ರೇಯಸಿಯ ಮೇಲೆ ಲೈಂಗಿಕ ದೌರ್ಜನ್ಯ -ಗೆಳೆಯರಿಂದ ವಿಡಿಯೋ ಮಾಡಿಸ್ದ

    ಹೈದರಾಬಾದ್: ರಿಲೇಷನ್‍ಶಿಪ್ ಮುಂದುವರೆಸಲು ನಿರಾಕರಿಸಿದ್ದಕ್ಕೆ ಯುವಕನೊಬ್ಬ ತನ್ನ ಪ್ರೇಯಸಿಯ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿ ಅದನ್ನ ಗೆಳೆಯರಿಂದ ವಿಡಿಯೋ ಮಾಡಿಸಿದ್ದು, ಇದೀಗ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

    ಆಗಸ್ಟ್ ನಲ್ಲಿ ಆಂಧ್ರಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ವಿಡಿಯೋ ವೈರಲ್ ಆಗಿತ್ತು. ವಿಡಿಯೋ ಮಾಡಿದ ಸ್ನೇಹಿತರು ಸೇರಿದಂತೆ ಪ್ರಮುಖ ಆರೋಪಿ ಸಾಯಿಯನ್ನು ಪೊಲೀಸರು ಬಂಧಿಸಿದ್ದಾರೆ.

    ಯುವತಿ ಹಾಗೂ ಆರೋಪಿ ಸಾಯಿ ಪರಸ್ಪರ ಪ್ರೀತಿಸುತ್ತಿದ್ದರು. ಆದ್ರೆ ಇತ್ತೀಚೆಗೆ ಯುವತಿ ಸಾಯಿಯನ್ನು ಅವಾಯ್ಡ್ ಮಾಡುತ್ತಿದ್ದಳು. ಪ್ರೇಮವನ್ನು ಮುಂದುವರೆಸಲು ನಿರಾಕರಿಸಿದ್ದಳು. ಹೀಗಾಗಿ ಸಾಯಿ ಆಕೆಗೆ ಪಾಠ ಕಲಿಸಬೇಕೆಂದು ತನ್ನ ಸ್ನೇಹಿತರ ಜೊತೆಗೂಡಿ ಲೈಂಗಿಕ ದೌರ್ಜನ್ಯವೆಸಗುವ ಪ್ಲ್ಯಾನ್ ಮಾಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

    ಮೂವರು ಯುವಕರು ಯುವತಿಗೆ ದೇವಸ್ಥಾನಕ್ಕೆ ಹೋಗುತ್ತಿದ್ದೇವೆ ಎಂದು ಹೇಳಿ ಕರೆದುಕೊಂಡು ಹೋಗಿದ್ದರು. ಅದ್ರೆ ನಿರ್ಜನ ಪ್ರದೇಶಕ್ಕೆ ಕರೆದುಕೊಂಡು ಹೋಗಿ ಸಾಯಿ ಲೈಂಗಿಕ ದೌರ್ಜನ್ಯವೆಸಗಿದ್ದಾನೆ. ಈ ವೇಳೆ ಮತ್ತೊಬ್ಬ ಯುವತಿಯೂ ಅಲ್ಲಿದ್ದು, ತನ್ನ ಗೆಳತಿಯನ್ನ ರಕ್ಷಿಸಲು ಯತ್ನಿಸಿ ವಿಫಲಳಾಗಿದ್ದಾಳೆ.

    ಸಂತ್ರಸ್ತ ಯುವತಿ ಅಳುತ್ತಾ ಅಂಗಲಾಚುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಈ ವಿಡಿಯೋವನ್ನ ಆರೋಪಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದು, ವೈರಲ್ ಆಗಿತ್ತು. ವಿಡಿಯೋ ನೋಡಿದ ಕನಿಗಿರಿ ಪೊಲೀಸರು ಸ್ವಯಂಪ್ರೇರಿತ ಪ್ರಕರಣ ದಾಖಲಿಸಿಕೊಂಡಿದ್ದರು. ನಂತರ ಸಂತ್ರಸ್ತ ಯುವತಿಯನ್ನು ಪತ್ತೆ ಮಾಡಿದ ಪೊಲೀಸರು ಆಕೆಯನ್ನ ಸಂಪರ್ಕಿಸಿ, ಆಕೆಗೆ ಹಾಗೂ ಪೋಷಕರಿಗೆ ದೂರು ದಾಖಲಿಸುವಂತೆ ಹೇಳಿದ್ದರು.

    ಪ್ರಮುಖ ಆರೋಪಿ ಸಾಯಿ ಬಿಎಸ್‍ಸಿ ಕೃಷಿ ಓದುತ್ತಿದ್ದು, ಮತ್ತೊಬ್ಬ ಆರೋಪಿ ಕಾರ್ತಿಕ್ ಬಿಟೆಕ್ ವ್ಯಾಸಂಗ ಮಾಡುತ್ತಿದ್ದಾನೆ. ಮೂರನೇ ಆರೋಪಿ ಪವನ್ ಪೊಲೀಸ್ ಕಾನ್ಸ್ ಟೇಬಲ್‍ವೊಬ್ಬರ ಮಗ ಎಂದು ವರದಿಯಾಗಿದೆ. ಎಲ್ಲಾ ಮೂವರು ಆರೋಪಿಗಳ ವಿರುದ್ಧ ನಿರ್ಭಯಾ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ.

    ಮೂರು ದಿನಗಳ ಹಿಂದೆ ನಮಗೆ ಈ ಘಟನೆ ಬಗ್ಗೆ ತಿಳಿಯಿತು. ನಂತರ ನಾವು ಪ್ರಕರಣ ದಾಖಲಿಸಿಕೊಂಡು ಆರೋಪಿಗಳನ್ನ ಬಂಧಿಸಿದ್ದೇವೆ. ಶಿಕ್ಷಕರು ಹಾಗೂ ಪೋಷಕರಿಗೆ ತಮ್ಮ ಮಕ್ಕಳ ಚಟುವಟಿಕೆಗಳ ಬಗ್ಗೆ ಕಣ್ಣಿಡುವಂತೆ ಮನವಿ ಮಾಡಿದ್ದೇವೆ ಎಂದು ಪೊಲೀಸರು ಹೇಳಿದ್ದಾರೆ.

    https://www.youtube.com/watch?v=p0Td9z0QsiE