ಬೆಂಗಳೂರು: ರಿಯಾಲಿಟಿ ಶೋ ‘ಬಿಗ್ಬಾಸ್ ಸೀಸನ್ 7’ ಶುರುವಾದಾಗಿನಿಂದ ವಾಸುಕಿ ವೈಭವ್ ಮತ್ತು ಶೈನ್ ಶೆಟ್ಟಿ ಇಬ್ಬರು ಒಳ್ಳೆಯ ಗೆಳೆಯರಾಗಿ ಗುರುತಿಸಿಕೊಂಡಿದ್ದಾರೆ. ಇದೀಗ ಶೈನ್, ನಾನು ಹಾಕ್ಕೊಟ್ಟು ಮಜಾ ತೆಗೆದುಕೊಳ್ಳುವ ವ್ಯಕ್ತಿ ಅಲ್ಲ ಎಂದು ವಾಸುಕಿಗೆ ಹೇಳಿದ್ದಾರೆ.
ಶುಕ್ರವಾರ ಪ್ರಸಾರವಾದ ಸಂಚಿಕೆಯಲ್ಲಿ ಶೈನ್, ವಾಸುಕಿ ಮತ್ತು ಭೂಮಿ ಮಾತನಾಡುತ್ತಿದ್ದರು. ಆಗ ಶೈನ್, ಫೈನಲ್ ಹತ್ತಿರ ಬರುತ್ತಿದ್ದಂತೆ ನೀವು ಹಾಕೊಡುತ್ತಿದ್ದೀರಾ, ಬೇಕಿದ್ದರೆ ಭೂಮಿ ಹತ್ತಿರ ಕೇಳಿ ಎಂದು ವಾಸುಕಿ ನನಗೆ ಹೇಳಿದ್ದಾರೆ. ನಾನು ನಿಮ್ಮ ಮತ್ತು ಅವರ ಮಧ್ಯೆ ಹಾಕೊಡುತ್ತಿದ್ದೀನಾ ಎಂದು ಬೇಸರದಿಂದ ಭೂಮಿ ಹತ್ತಿರ ಕೇಳಿದ್ದಾರೆ.
ಆಗ ಭೂಮಿ ಹಾಗೇನು ಇಲ್ಲಾ ಶೈನ್. ಹರೀಶ್ ಸರ್ ಭೂಮಿ ಯಾವಾಗಲೂ ವಾಸುಕಿ ಹಿಂದೆ ಹೋಗುತ್ತಾಳೆ. ವಾಸುಕಿಗೆ ಹಾರ್ಡ್ ಡಿಸ್ಕ್ ಆಗಿದ್ದಾಳೆ ಎಂದು ಹೇಳಿದ್ದರು. ಬಳಿಕ ಪ್ರಿಯಾಂಕಾ ಅಮ್ಮ ಬಂದು ಹೋದ ನಂತರ ನೀನು ಯಾರೇ ಬಂದು ಹೋದರೂ ಅವರಿಬ್ಬರು ಹೇಗೆ ಕೂತಿದ್ದಾರೆ ನೋಡಿ ಎಂದಿದ್ದೆ. ಮತ್ತೆ ನೀನು ಕ್ಯಾಪ್ಟನ್ ಆದಾಗ ಹಾರ್ಡ್ ಡಿಸ್ಕ್ ಹೋಗುತ್ತಿದ್ದಾಳೆ ಎಂದು ಹೇಳಿದ್ದೆ ಅದಕ್ಕೆ ಬೇಸರವಾಗಿದ್ದು ಎಂದು ಹೇಳಿದ್ದಾರೆ.
ಅದಕ್ಕೆ ಶೈನ್, ನಾನು ತಮಾಷೆ ಮಾಡಿದ್ದು, ಮೆಮೊರಿ ಟಾಸ್ಕ್ ನಲ್ಲಿ ನೀನು ತುಂಬಾ ಚೆನ್ನಾಗಿ ಆಟವಾಡಿದ್ದೆ. ಜೊತೆಗೆ ವಾಸುಕಿ ಯಾವುದೇ ಹಾಡು ಹೇಳಿದರೂ ನೆನಪಿನಲ್ಲಿಟ್ಟುಕೊಳ್ಳುತ್ತೀಯಾ, ಹೀಗಾಗಿ ನಾನು ಭೂಮಿ ಹಾರ್ಡ್ ಡಿಸ್ಕ್ ರೀತಿ, ಎಲ್ಲವನ್ನು ನೆನಪಿಕೊಟ್ಟುಕೊಳ್ಳುತ್ತಾರೆ ಎಂದು ಹೇಳಿದ್ದು. ಅದನ್ನ ಹಾಕೊಡುವುದು ಎಂದು ಹೇಳುತ್ತಾರಾ ಎಂದು ಭೂಮಿಗೆ ಪ್ರಶ್ನೆ ಮಾಡಿದ್ದಾರೆ.
ನಾನಲ್ಲ ವಾಸುಕಿ ಹೇಳಿದ್ದು ಎಂದು ಭೂಮಿ ಹೇಳಿದ್ದಾರೆ. ಅದಕ್ಕೆ ಶೈನ್, ಎಲ್ಲವನ್ನು ನೆನಪಿಟ್ಟುಕೊಳ್ಳುತ್ತೀಯಾ ಎಂಬರ್ಥದಲ್ಲಿ ನಾನು ಹಾರ್ಡ್ ಡಿಸ್ಕ್ ಅಂತ ಹೇಳಿದ್ದು, ಅದು ಬಿಟ್ಟರೆ ನಿನ್ನ ಮತ್ತು ವಾಸುಕಿ ಮಧ್ಯೆ ಹಾಕೊಡಬೇಕು ಎಂದು ಹೇಳಿಲ್ಲ. ನಿಜವಾಗಲೂ ವಾಸುಕಿ ಫೈನಲ್ ಹತ್ತಿರ ಬರುತ್ತಿರಬಹುದು ಆದರೆ ನಾನು ಹಾಕ್ಕೊಟ್ಟು ಮಜಾ ತೆಗೆದುಕೊಳ್ಳುವ ವ್ಯಕ್ತಿ ಅಲ್ಲ ಎಂದು ಶೈನ್ ಬೇಸರದಿಂದ ಹೇಳಿದ್ದಾರೆ.
