Bloggers Unite

Tag: Troll

  • ಟ್ರೋಲ್ ಪೇಜ್ ಗಳಿಗೆ ನೀರಿಳಿಸಿದ ರಶ್ಮಿಕಾ ಮಂದಣ್ಣ: ರಾತ್ರೋರಾತ್ರಿ ಆದ ಸ್ಟಾರ್ ನಾನಲ್ಲ ಎಂದ ನಟಿ

    ಟ್ರೋಲ್ ಪೇಜ್ ಗಳಿಗೆ ನೀರಿಳಿಸಿದ ರಶ್ಮಿಕಾ ಮಂದಣ್ಣ: ರಾತ್ರೋರಾತ್ರಿ ಆದ ಸ್ಟಾರ್ ನಾನಲ್ಲ ಎಂದ ನಟಿ

    ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣಗೂ ಟ್ರೋಲ್ ಪೇಜ್ ಗಳಿಗೂ ಒಂದು ರೀತಿಯಲ್ಲಿ ಹಾಲು ಹಣ್ಣು ಸಂಬಂಧ. ರಶ್ಮಿಕಾ ಏನೇ ಮಾಡಿದರೂ ಟ್ರೋಲ್ ಆಗುತ್ತಲೇ ಇರುತ್ತಾರೆ. ಹಾಗಾಗಿಯೇ ಅವರು ಆಗಾಗ್ಗೆ ಟ್ರೋಪ್ ಪೇಜ್ ಗಳ ವಿರುದ್ಧ ಗರಂ ಆಗುತ್ತಲೇ ಇರುತ್ತಾರೆ.  ಇತ್ತೀಚೆಗಷ್ಟೇ ಅವರ ಸಾಧನೆಯ ಕುರಿತು ಅನುಮಾನ ವ್ಯಕ್ತ ಪಡಿಸುವಂತಹ ಘಟನೆಗಳು ನಡೆದಿವೆ. ಅದನ್ನೂ ಕೂಡ ಕೆಲವರು ಟ್ರೋಲ್ ಮಾಡಿದ್ದಾರೆ. ಹಾಗಾಗಿ ರಶ್ಮಿಕಾ ಅಪ್ ಸೆಟ್ ಆಗಿದ್ದಾರೆ.

    RASHMIKA

    ರಶ್ಮಿಕಾ ಮಂದಣ್ಣ ಕೂಡ ಎಲ್ಲ ಕಲಾವಿದರಂತೆಯೇ ಸ್ಟ್ರಗಲ್ ಮಾಡಿ ಬಂದಿದ್ದಾಳೆ. ನಾನು ರಾತ್ರೋರಾತ್ರಿ ಸ್ಟಾರ್ ಆಗಿರುವಂತಹ ನಟಿಯಲ್ಲ. ಹಲವು ಭಾಷೆಗಳಲ್ಲಿ ನಟಿಸಿದ್ದೇನೆ. ಅನೇಕ ನಟರ ಜೊತೆ ಕೆಲಸ ಮಾಡಿದ್ದೇನೆ. ಪ್ರತಿ ಸಿನಿಮಾದಲ್ಲೂ ಕಷ್ಟಪಟ್ಟಿದ್ದೇನೆ. ಈ ಯಶಸ್ಸಿನಲ್ಲಿ ನನ್ನ ಕಷ್ಟದ ಪಾಲೂ ಇದೆ ಎನ್ನುವ ಅರ್ಥದಲ್ಲಿ ಅವರು ಮಾತನಾಡಿದ್ದಾರೆ. ಈ ಮೂಲಕ ನಾನೂ ಕೂಡ ಕಷ್ಟಪಟ್ಟೇ ಮೇಲಕ್ಕೆ ಬಂದಿದ್ದು ಎಂದು ಸಂದೇಶವನ್ನು ರವಾನಿಸಿದ್ದಾರೆ. ಇದನ್ನೂ ಓದಿ:Bigg Boss: `ನಾನು ಪ್ರೀತಿಯಲ್ಲಿ ಕೊಲ್ತೀನಿ’ ಎಂದು ಸಾನ್ಯ ಅಯ್ಯರ್ ಹೇಳಿದ್ಯಾರಿಗೆ?

    ಕನ್ನಡ ಸಿನಿಮಾ ರಂಗದಿಂದ ಬಣ್ಣದ ಪ್ರಪಂಚಕ್ಕೆ ಕಾಲಿಟ್ಟ ರಶ್ಮಿಕಾ, ಆನಂತರ ತೆಲುಗು ಮತ್ತು ತಮಿಳು ಚಿತ್ರಗಳನ್ನು ಒಪ್ಪಿಕೊಂಡರು. ನಟಿಸಿದ ಬಹುತೇಕ ಚಿತ್ರಗಳು ಹಿಟ್ ಆದವು. ಕೇವಲ ಕನ್ನಡದಲ್ಲಿ ಮಾತ್ರವಲ್ಲ, ತಮಿಳು ಹಾಗೂ ತೆಲುಗಿನಲ್ಲೂ ಅಪಾರ ಸಂಖ್ಯೆಯಲ್ಲಿ ಅಭಿಮಾನಿಗಳು ಹುಟ್ಟಿಕೊಂಡರು. ಹೀಗಾಗಿ ಅವರನ್ನು ಬಾಲಿವುಡ್ ಕೂಡ ಕೈ ಬೀಸಿ ಕರೆಯಿತು. ಅಲ್ಲಿಯೂ ಕೂಡ ರಶ್ಮಿಕಾ ತಮ್ಮ ಛಾಪನ್ನು ಒತ್ತುತಿದ್ದಾರೆ.

    Live Tv
    [brid partner=56869869 player=32851 video=960834 autoplay=true]

  • ಲಲಿತ್ ಮೋದಿ ಡೇಟಿಂಗ್ ವಿಚಾರ: ಟ್ರೋಲಿಗರಿಗೆ ಸುಶ್ಮಿತಾ ಸೇನ್ ತಿರುಗೇಟು

    ಲಲಿತ್ ಮೋದಿ ಡೇಟಿಂಗ್ ವಿಚಾರ: ಟ್ರೋಲಿಗರಿಗೆ ಸುಶ್ಮಿತಾ ಸೇನ್ ತಿರುಗೇಟು

    ಇಂಟರ್‌ನೆಟ್‌ನಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡುತ್ತಿರುವ ಸುದ್ದಿ ಅಂದ್ರೆ ಭುವನ ಸುಂದರಿ ಸುಶ್ಮಿತಾ ಸೇನ್ ಮತ್ತು ಲಲಿತ್ ಮೋದಿ ಡೇಟಿಂಗ್ ವಿಚಾರ. ಮದುವೆನೂ ಇಲ್ಲ, ರಿಂಗೂ ಇಲ್ಲ ಅಂತಾ ಡೇಟಿಂಗ್ ವಿಚಾರಕ್ಕೆ ಸುಶ್ಮಿತಾ ಸೇನ್ ಕ್ಲ್ಯಾರಿಟಿ ಕೊಟ್ರು ಟ್ರೋಲಿಗರು ನಟಿಯನ್ನ ಟ್ರೋಲ್ ಮಾಡುವುದನ್ನ ಬಿಟ್ಟಿಲ್ಲ. ಹಾಗಾಗಿ ಟ್ರೋಲಿಗರಿಗೆ ಸುಶ್ಮಿತಾ ಸೇನ್ ಖಡಕ್ ಪ್ರತಿಕ್ರಿಯೆ ಕೊಟ್ಟಿದ್ದಾರೆ.

    ಕಳೆದ ಎರಡು ದಿನಗಳಿಂದ ಸಿಕ್ಕಾಪಟ್ಟೆ ಚರ್ಚೆ ಆಗುತ್ತಿರುವ ವಿಚಾರ ಅಂದ್ರೆ ಸುಶ್ಮಿತಾ ಸೇನ್ ಮತ್ತು ಲಲಿತ್ ಮೋದಿ ಡೇಟಿಂಗ್ ವಿಚಾರ. ಇವರಿಬ್ಬರ ವಯಸ್ಸಿನ ಬಗ್ಗೆ, ಡೇಟಿಂಗ್ ಕುರಿತು ನಟಿ ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದ್ದು, ಟ್ರೋಲಿಗರ ವಿರುದ್ಧ ಈಗ ನಟಿ ಫುಲ್ ಗರಂ ಆಗಿದ್ದಾರೆ. ಲಲಿತ್ ಮೋದಿ ಆಗರ್ಭ ಶ್ರೀಮಂತ ಸಾವಿರಾರು ಕೋಟಿಯ ಒಡೆಯ ಹಾಗಾಗಿ ಸುಶ್ಮಿತಾ ಅವರ ಜತೆ ಇದ್ದಾರೆ ಎಂದು ಸಖತ್ ಚರ್ಚೆ ಆಗುತ್ತಿರೋ ಬೆನ್ನಲ್ಲೇ ಸಾಮಾಜಿಕ ಜಾಲತಾಣದಲ್ಲಿ ನಟಿ ಸ್ಪಷ್ಟನೆ ನೀಡಿದ್ದಾರೆ.

    ಲಲಿತ್ ಮೋದಿ ಚಿನ್ನದ ಗಂಟು ಎಂಬರ್ಥದಲ್ಲಿ ಚಿನ್ನದ ಹಿಂದೆ ಬಿದ್ದಿದ್ದಾರೆ ಎಂದು ಸುಶ್ಮಿತಾರನ್ನ ಟ್ರೋಲ್ ಮಾಡುತ್ತಿದ್ದು, ಇದಕ್ಕೆ ನಟಿ ಖಡಕ್ ಉತ್ತ ನೀಡಿದ್ದಾರೆ. ನಾನು ಚಿನ್ನಕ್ಕಿಂತ ಆಳವಾಗಿ ಅಗೆಯುತ್ತೇನೆ. ನಾನು ಯಾವಾಗಲೂ ವಜ್ರಗಳಿಗೆ ಆಧ್ಯತೆ ನೀಡುತ್ತೇನೆ. ಇನ್ನೂ ಅವುಗಳನ್ನು ನಾನೇ ಖರೀದಿಸುತ್ತೇನೆ. ನಿಮ್ಮ ಸುಶ್ ಸಂಪೂರ್ಣವಾಗಿ ಚೆನ್ನಾಗಿದ್ದಾರೆ ಎಂದೂ ಪೋಸ್ಟ್ ಮಾಡಿ, ಎಲ್ಲಾ ಗಾಸಿಪ್‌ಗೂ ನಟಿ ಅಂತ್ಯ ಹಾಡಿದ್ದಾರೆ. ಇದನ್ನೂ ಓದಿ:ಗೆಳತಿಯ ಜೊತೆ ‘ಲಿಪ್ ಲಾಕ್’ ಮಾಡಿಕೊಂಡ ನಟಿ ನಿಶ್ವಿಕಾ ನಾಯ್ಡು

     

    View this post on Instagram

     

    A post shared by Sushmita Sen (@sushmitasen47)

    ಸುಶ್ಮಿತಾ ಸೇನ್ ಪೋಸ್ಟ್ಗೆ ಬೆಂಬಲವಾಗಿ ಪ್ರಿಯಾಂಕ ಚೋಪ್ರಾ, ರಣ್‌ವೀರ್ ಸಿಂಗ್, ಸುನೀಲ್ ಶೆಟ್ಟಿ, ನೇಹಾ ಧೂಫಿಯಾ ರಿಯಾಕ್ಟ್ ಮಾಡಿದ್ದಾರೆ. ಈ ಮೂಲಕ ಬಾಲಿವುಡ್ ಮಂದಿ ಸುಶ್ಮಿತಾ ನಡೆಗೆ ಸಾಥ್ ನೀಡಿದ್ದಾರೆ.

    Live Tv
    [brid partner=56869869 player=32851 video=960834 autoplay=true]

  • ಬಯೋಪಿಕ್ ಮಾಡಬೇಡಿ ಎಂದು ಅಕ್ಷಯ್ ಕುಮಾರ್ ಗೆ ಸಲಹೆ ನೀಡಿದ ಫ್ಯಾನ್ಸ್

    ಬಯೋಪಿಕ್ ಮಾಡಬೇಡಿ ಎಂದು ಅಕ್ಷಯ್ ಕುಮಾರ್ ಗೆ ಸಲಹೆ ನೀಡಿದ ಫ್ಯಾನ್ಸ್

    ಇತ್ತೀಚಿನ ದಿನಗಳಲ್ಲಿ ಅಕ್ಷಯ್ ಕುಮಾರ್ ನಟನೆಯ ಸಿನಿಮಾಗಳು ಬಾಕ್ಸ್ ಆಫೀಸಿನಲ್ಲಿ ಮಕಾಡೆ ಮಲಗುತ್ತಿವೆ. ಕೆಲ ದಿನಗಳ ಹಿಂದೆಯಷ್ಟೇ ರಿಲೀಸ್ ಆಗಿರುವ ಸಾಮ್ರಾಟ್ ಪೃಥ್ವಿರಾಜ್ ಸಿನಿಮಾ ನಿರ್ಮಾಪಕರಿಗೆ ಸಾಕಷ್ಟು ನಷ್ಟವನ್ನುಂಟು ಮಾಡಿದೆ. ಸರಿಯಾದ ತಯಾರಿ ಮತ್ತು ಪಾತ್ರಗಳ ಆಯ್ಕೆಯನ್ನು ಮುಂದಿಟ್ಟುಕೊಂಡು ಸೋಲಿನ ವಿಮರ್ಶೆ ಮಾಡಲಾಗುತ್ತಿದೆ. ಈ ನಡುವೆ ಅಕ್ಷಯ್ ಕುಮಾರ್ ಮತ್ತೊಂದು ಬಯೋಪಿಕ್ ಮಾಡಲು ಮುಂದಾಗಿದ್ದಾರೆ.

    ಅಕ್ಷಯ್ ಕುಮಾರ್ ನಟನೆಯ ಮತ್ತೊಂದು ಬಯೋಪಿಕ್ ‘ಕ್ಯಾಪ್ಸೋಲ್ ಗಿಲ್’ ಸಿನಿಮಾದ ಪೋಸ್ಟರ್ ರಿಲೀಸ್ ಆಗಿದ್ದು, ಸಿನಿಮಾದ ಪೋಸ್ಟರ್ ಬಿಡುಗಡೆ ಆಗುತ್ತಿದ್ದಂತೆಯೇ ಸಖತ್ ‍ಟ್ರೋಲ್ ಗೆ ಒಳಗಾಗಿದ್ದಾರೆ ಅಕ್ಷಯ್ ಕುಮಾರ್. ಅದು ಸಿಂಗ್ ಪಾತ್ರವಾಗಿದ್ದರಿಂದ ಕೃತಕ ಗಡ್ಡ ಮೀಸೆ ಅಂಟಿಸಲಾಗಿದೆ. ಅವೆರಡೂ ಅಕ್ಷಯ್ ಕುಮಾರ್ ಗೆ ಒಪ್ಪಿಲ್ಲವಾದರಿಂದ ಮತ್ತು ಪಾತ್ರಕ್ಕಾಗಿ ಅವರು ಸಮಯ ಕೊಡದೇ ನಟಿಸುವುದರಿಂದ ಪಾತ್ರಗಳು ಅವರಿಗೆ ಒಪ್ಪುವುದಿಲ್ಲ ಎಂದು ಕಾಮೆಂಟ್ ಮಾಡಿದ್ದಾರೆ. ಇದನ್ನೂ ಓದಿ:ಸೀರೆಯಲ್ಲಿ ಮಿಂಚಿದ ಉರ್ಫಿ ಜಾವೇದ್: ಹೀಗೂ ಸೀರೆ ಉಡಬಹುದಾ ಎಂದ ಫ್ಯಾನ್ಸ್

    ಅಮೀರ್ ಖಾನ್ ಸೇರಿದಂತೆ ಹಲವು ಕಲಾವಿದರು ಕೃತಕವಾಗಿ ಯಾವುದೇ ಪಾತ್ರಗಳಲ್ಲಿ ಕಾಣಿಸುವುದಿಲ್ಲ. ಕಾರಣ, ಅವರ ತಯಾರಿಯೇ ಆಗಿರುತ್ತದೆ. ಆದರೆ, ಅಕ್ಷಯ್ ಆ ರೀತಿಯ ತಯಾರಿ ಮಾಡಿಕೊಳ್ಳುವುದೇ ಇಲ್ಲ. ಹಾಗಾಗಿ ಪಾತ್ರಗಳಿಗೆ ಒಪ್ಪುವುದಿಲ್ಲ. ಇನ್ಮುಂದೆ ನೀವು ಬಯೋಪಿಕ್ ಮಾಡಬೇಡಿ ಎಂದು ಸ್ವತಃ ಅಕ್ಷಯ್ ಅಭಿಮಾನಿಗಳೇ ಕಾಮೆಂಟ್ ಮಾಡಿದ್ದಾರೆ.

    Live Tv
    [brid partner=56869869 player=32851 video=960834 autoplay=true]

  • ಉರ್ಫಿ ಜಾವೇದ್ ಅವತಾರಕ್ಕೆ ಬೆಂಡೆತ್ತಿದ ನೆಟ್ಟಿಗರು: ಕಾಸ್ಟ್ಯೂಮ್ ಡಿಸೈನರ್ ಹುಡುಕಾಟದಲ್ಲಿ ಅಭಿಮಾನಿಗಳು

    ಉರ್ಫಿ ಜಾವೇದ್ ಅವತಾರಕ್ಕೆ ಬೆಂಡೆತ್ತಿದ ನೆಟ್ಟಿಗರು: ಕಾಸ್ಟ್ಯೂಮ್ ಡಿಸೈನರ್ ಹುಡುಕಾಟದಲ್ಲಿ ಅಭಿಮಾನಿಗಳು

    ಸಿನಿಮಾ, ಟಿವಿ ಕಾರ್ಯಕ್ರಮಗಳಿಗಿಂತಲೂ ಬಾಲಿವುಡ್ ನಟಿ ಉರ್ಫಿ ಜಾವೇದ್ ಧರಿಸುವ ಬಟ್ಟೆಗಳೇ ಬಿಟೌನ್‍ನಲ್ಲಿ ಹೆಚ್ಚು ಸದ್ದು ಮಾಡುತ್ತಿವೆ. ದಿನಕ್ಕೊಂದು ವೇಷ ಧರಿಸಿಕೊಂಡು ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಳ್ಳುವ ಉರ್ಫಿ ಇದೀಗ ಮತ್ತೊಂದು ಹೊಸ ಅವತಾರದಲ್ಲಿ ಪ್ರತ್ಯಕ್ಷರಾಗಿದ್ದಾರೆ. ಅವರ ಧರಿಸಿರುವ ಕಾಸ್ಟ್ಯೂಮ್ ನೋಡುಗರ ಕಣ್ಣು ಕೆಂಪಗಾಗಿಸಿದೆ. ಈ ಅವತಾರಕ್ಕೆ ತುಂಬಾ ಜನ ಉರ್ಫಿ ಬೆಂಡೆತ್ತಿದ್ದಾರೆ.

    ಉರ್ಫಿ ಜಾವೇದ್ ಕಾಸ್ಟ್ಯೂಮ್‍ ಗಳೇ ವಿಚಿತ್ರವಾಗಿರುತ್ತವೆ. ಮತ್ತು ಅವುಗಳಿಗೆ ಬಳಸುವ ಮಟಿರೀಯಲ್ಸ್ ಕೂಡ ಅಚ್ಚರಿ ಮೂಡಿಸುವಂತಿರುತ್ತವೆ. ಅವುಗಳಿಂದಲೇ ಕಾಸ್ಟ್ಯೂಮ್ ಡಿಸೈನ್ ಮಾಡಿಸಿಕೊಂಡು ಅಭಿಮಾನಿಗಳನ್ನು ರಂಜಿಸುತ್ತಾರೆ ನಟಿ. ಸೊಳ್ಳೆ ನೆಟ್, ಪ್ಲಾಸ್ಟಿಕ್, ಹೂವುಗಳು ಹೀಗೆ ಸಿಕ್ಕ ಸಿಕ್ಕ ವಸ್ತುಗಳಲ್ಲೇ ಅವರು ಬಟ್ಟೆಯನ್ನು ಕಾಣುತ್ತಾರೆ. ಅವುಗಳಿಂದಲೇ ದೇಹವನ್ನು ಸಿಂಗರಿಸುತ್ತಾರೆ. ಈ ಕಾರಣಕ್ಕಾಗಿ ಹೆಚ್ಚು ಟ್ರೋಲ್‍ಗೆ ಒಳಗಾಗುತ್ತಾರೆ. ಇದನ್ನೂ ಓದಿ:ಪೂಲನ್ ದೇವಿ ಬದುಕಿಗೆ ನಿರ್ದೇಶಕ ರಾಜಗುರು ಅವರ ಹೊಸ ಸ್ಪರ್ಶ

    ಈವರೆಗೂ ಕೇವಲ ಉರ್ಫಿ ಅವರ ಕಾಸ್ಟ್ಯೂಮ್ ಬಗ್ಗೆ ತಲೆಕೆಡಿಸಿಕೊಂಡಿದ್ದ ಅಭಿಮಾನಿಗಳು, ಇದೀಗ ಅವರ ಕಾಸ್ಟ್ಯೂಮ್ ಡಿಸೈನರ್ ಯಾರು ಎಂದು ಹುಡುಕುತ್ತಿದ್ದಾರೆ. ಹಲವರು ಕಾಸ್ಟ್ಯೂಮ್ ಡಿಸೈನ್ ಮಾಡುವವರನ್ನು ಪರಿಚಯಿಸಿ ಎಂದೂ ಕೇಳಿದ್ದಾರೆ. ಆದರೆ, ಈ ಕುರಿತು ಉರ್ಫಿ ಯಾವುದೇ ಕಾರಣಕ್ಕೂ ಉತ್ತರ ಕೊಟ್ಟಿಲ್ಲ. ಮತ್ತು ಕಾಸ್ಟ್ಯೂಮರ್ ಯಾರು ಅಂತಾನೂ ಹೇಳಿಲ್ಲ.

    Live Tv
    [brid partner=56869869 player=32851 video=960834 autoplay=true]

  • ನಟ ಶಿವರಾಜ್ ಕುಮಾರ್ ಅವರಿಗೂ ಬಿಡಲಿಲ್ಲ ಟ್ರೋಲ್ ಕಾಟ

    ನಟ ಶಿವರಾಜ್ ಕುಮಾರ್ ಅವರಿಗೂ ಬಿಡಲಿಲ್ಲ ಟ್ರೋಲ್ ಕಾಟ

    ಕನ್ನಡದ ಹೆಸರಾಂತ ನಟ ಶಿವರಾಜ್ ಕುಮಾರ್ ಅವರಿಗೂ ಟ್ರೋಲಿಗರು ಸುಮ್ಮನೆ ಬಿಡುತ್ತಿಲ್ಲ. ಶಿವರಾಜ್ ಕುಮಾರ್ ಯಾವುದೇ ಕಾರ್ಯಕ್ರಮದಲ್ಲಿ ಭಾಗಿ ಆಗಿರಲಿ, ಅಲ್ಲಿನ ವಿಡಿಯೋಗಳನ್ನು ಎತ್ತಿಕೊಂಡು ಟ್ರೋಲ್ ಮಾಡಲಾಗುತ್ತಿದೆ. ಆ ಟ್ರೋಲ್ ಗಳು ಕೂಡ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ. ಹೀಗಾಗಿಯೇ ಶಿವರಾಜ್ ಕುಮಾರ್ ಇನ್ಮುಂದೆ ಹೆಚ್ಚು ಹೊತ್ತು ಮಾತನಾಡಲಾರೆ, ಮಾಧ್ಯಮಗಳ ಕ್ಯಾಮೆರಾ ಮುಂದೆ ಹೆಚ್ಚೆಚ್ಚು ನಿಲ್ಲಲಾರೆ ಎನ್ನುವ ತೀರ್ಮಾನಕ್ಕೆ ಬಂದಿದ್ದಾರಂತೆ.

    ಉಪೇಂದ್ರ ನಿರ್ದೇಶನದ ಹೊಸ ಸಿನಿಮಾದ ಮುಹೂರ್ತದಲ್ಲಿ ಮುಂದೆ ಕುಳಿತಿದ್ದವರಿಗೆ ವಿಚಿತ್ರ ಭಂಗಿಯಲ್ಲಿ ಶಿವರಾಜ್ ಕುಮಾರ್ ತಿವಿದಿದ್ದರು. ಸುಮ್ಮನೆ ಕುಳಿತುಕೊಳ್ಳುವಂತೆ ಆ ರೀತಿಯಲ್ಲಿ ಹೇಳಿದ್ದರು. ಅಲ್ಲದೇ, ತಮ್ಮದೇ ನಟನೆಯ ಸಿನಿಮಾದ ಮುಹೂರ್ತದಲ್ಲಿ ತಮ್ಮ ಪಾಡಿಗೆ ತಾವು ಸುದೀಪ್ ನಟನೆಯ ರಾ ರಾ ರಕ್ಕಮ್ಮ ಹಾಡಿಗೆ ತಮಗರಿವಿಲ್ಲದಂತೆ ಡಾನ್ಸ್ ಮಾಡಿದ್ದರು. ಅದನ್ನೂ ಶೂಟ್ ಮಾಡಿದ್ದ ಕ್ಯಾಮೆರಾಗಳು ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದವು. ಆ ವಿಡಿಯೋ ಕೂಡ ಟ್ರೋಲ್ ಆಗುತ್ತಿವೆ. ಇದನ್ನೂ ಓದಿ:ಅನಾಥ ಮಹಿಳೆಗೆ ಮನೆ ಕಟ್ಟಿಸಿಕೊಟ್ಟ ಕಿಚ್ಚ ಸುದೀಪ್

    ತಮ್ಮ ವಿಡಿಯೋ ತುಣುಕುಗಳು ಟ್ರೋಲ್ ಗೆ ಗುರಿಯಾಗುತ್ತಿದ್ದಂತೆಯೇ ಎಚ್ಚೆತ್ತುಕೊಂಡಿರುವ ಶಿವರಾಜ್ ಕುಮಾರ್, ಇನ್ಮುಂದೆ ಎಷ್ಟು ಬೇಕೋ ಅಷ್ಟನ್ನೇ ಮಾತನಾಡುತ್ತಾರಂತೆ. ಅಲ್ಲದೇ ಹೆಚ್ಚಿಗೆ ಕ್ಯಾಮೆರಾ ಮುಂದೆ ನಿಲ್ಲುವುದಿಲ್ಲ ಎಂದು ನಿರ್ಧಾರ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಇಂಥದ್ದೊಂದು ನಿರ್ಧಾರವು ಶಿವರಾಜ್ ಕುಮಾರ್ ಅಭಿಮಾನಿಗಳಲ್ಲಿ ಬೇಸರ ತರಿಸಿದೆ. ಅವರು ಟ್ರೋಲ್ ಮಾಡುವವರ ವಿರುದ್ಧ ಗರಂ ಆಗಿದ್ದಾರೆ.

    Live Tv

  • ಬ್ರಾ ಧರಿಸದೇ ಸಾರ್ವಜನಿಕವಾಗಿ ಕಾಣಿಸಿಕೊಂಡ ಪೂನಂ ಪಾಂಡೆ: ನೆಟ್ಟಿಗರು ಗರಂ

    ಬ್ರಾ ಧರಿಸದೇ ಸಾರ್ವಜನಿಕವಾಗಿ ಕಾಣಿಸಿಕೊಂಡ ಪೂನಂ ಪಾಂಡೆ: ನೆಟ್ಟಿಗರು ಗರಂ

    ಬಾಲಿವುಡ್ ನಟಿ ಪೂನಂ ಪಾಂಡೆ ಮತ್ತೆ ಸುದ್ದಿಯಲ್ಲಿದ್ದಾರೆ. ಸಿನಿಮಾಗಿಂತ ವೈಯಕ್ತಿಕ ವಿಚಾರಗಳಿಂದ ಹೆಚ್ಚು ಗುರುತಿಸಿಕೊಳ್ಳುವ ಪೂನಂ ಪಾಂಡೆ, ಈಗ ಬ್ರಾ ಧರಿಸದೇ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದು, ನೆಟ್ಟಿಗರಿಂದ ಟ್ರೋಲ್‌ಗೆ ಒಳಗಾಗಿದ್ದಾರೆ.

    ಸಿನಿಮಾಗಳಲ್ಲಿ, ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಎಂತಹದ್ದೇ ಬೋಲ್ಡ್ ಫೋಟೋಗಳನ್ನು ಧರಿಸಿದ್ದರು. ಸಾರ್ವಜನಿಕವಾಗಿ ತಾರೆಯರು ಸಿಕ್ಕಾಗ ಸಭ್ಯತೆಯಿಂದ ಕಾಣಿಸಿಕೊಂಡರೆ ಚೆಂದ ಎಂಬ ನಿಲುವು ಅಭಿಮಾನಿಗಳಿಗೆ ಇರುತ್ತೆ ಹೀಗಿರುವಾಗ ನಟಿ ಪೂನಂ ಪಾಂಡೆ ಈಗ ನೆಟ್ಟಿಗರ ಕೆಂಗಣ್ಣಿಗೆ ಗುರುಯಾಗಿದ್ದಾರೆ. ನಟಿಯ ಅತಿಯಾದ ಬೋಲ್ಡ್‌ನೆಸ್‌ಗೆ ಅಭಿಮಾನಿಗಳು ಫುಲ್ ಗರಂ ಆಗಿದ್ದಾರೆ. ಇದನ್ನೂ ಓದಿ:ಕಿಚ್ಚ ಸುದೀಪ್‌ಗೆ ವಿಶೇಷ ಉಡುಗೊರೆ ನೀಡಿದ ಕಪಿಲ್ ದೇವ್

     

    View this post on Instagram

     

    A post shared by Viral Bhayani (@viralbhayani)

    ಮುಂಬೈನಲ್ಲಿ ಕ್ರಾಪ್ ಟಾಪ್ ಧರಿಸಿ ರಸ್ತೆಗಳಿದಿರುವ ಪೂನಂ, ಒಳ ಉಡುಪುಯಿಲ್ಲದೇ ಕಾಣಿಸಿಕೊಂಡಿದ್ದಾರೆ. ಈ ವೇಳೆ ಖಾಸಗಿ ಅಂಗ ಪ್ರದರ್ಶನವಾಗಿದೆ. ನಟಿಯ ಅವತಾರ ಫ್ಯಾನ್ಸ್ ಗಮನಕ್ಕೆ ಬಂದಿದೆ. ನಾವು ನಿಮ್ಮ ಅಭಿಮಾನಿಗಳು ನಿಜ, ದಯವಿಟ್ಟು ಈ ರೀತಿ ಸಾರ್ವಜನಿಕ ಸ್ಥಳದಲ್ಲಿ ಕಾಣಿಸಿಕೊಳ್ಳಬೇಡಿ. ಸ್ವಲ್ಪವಾದರೂ ಗೌರವ ಉಳಿಸಿಕೊಳ್ಳಿ ಎಂದು ಪೂನಂಗೆ ಫ್ಯಾನ್ಸ್ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಇನ್ನಾದರೂ ಇದನ್ನ ತಿದ್ದಿಕೊಂಡು ಸಭ್ಯವಾಗಿ ಕಾಣಿಸಿಕೊಳ್ತಾರಾ ಪೂನಂ ಕಾದುನೋಡಬೇಕಿದೆ.

    Live Tv

  • ಝೀರೋ.. ಝೀರೋ.. ಝೀರೋ – ಶೂನ್ಯ ಸುತ್ತಿದ ಕೊಹ್ಲಿಗೆ ರಾಕಿಭಾಯ್ ಸ್ಟೈಲ್‌ನಲ್ಲಿ ಟ್ರೋಲ್

    ಝೀರೋ.. ಝೀರೋ.. ಝೀರೋ – ಶೂನ್ಯ ಸುತ್ತಿದ ಕೊಹ್ಲಿಗೆ ರಾಕಿಭಾಯ್ ಸ್ಟೈಲ್‌ನಲ್ಲಿ ಟ್ರೋಲ್

    ಮುಂಬೈ: ಪ್ರಸಕ್ತ ಸಾಲಿನ ಐಪಿಎಲ್ ಟೂರ್ನಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ 3ನೇ ಬಾರಿಗೆ ಗೋಲ್ಡನ್ ಡಕ್‌ ಔಟ್ ಆಗುವ ಮೂಲಕ ಭಾರೀ ಟ್ರೋಲ್‌ಗೆ ಗುರಿಯಾಗಿದ್ದಾರೆ.

    15ನೇ ಆವೃತ್ತಿಯ ಐಪಿಎಲ್‌ನಲ್ಲಿ ಗ್ರೀನ್ ಜೆರ್ಸಿಯಲ್ಲಿ ಕಣಕ್ಕಿಳಿದ ಕೊಹ್ಲಿ ಮೊದಲ ಎಸೆತದಲ್ಲಿ ತಮ್ಮ ವಿಕೆಟ್ ಒಪ್ಪಿಸಿದ್ದು, ಇದರಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಟ್ರೋಲ್‌ಗೆ ಗುರಿಯಾಗಿದ್ದಾರೆ. ಇದನ್ನೂ ಓದಿ: ಹೈದ್ರಾಬಾದ್ ಹಾರಾಟಕ್ಕೆ ಬ್ರೇಕ್ ಹಾಕಿದ ‘ಗ್ರೀನ್‌ಬಾಯ್ಸ್’- RCBಗೆ 67 ರನ್‌ಗಳ ಭರ್ಜರಿ ಜಯ

    https://twitter.com/RoyalRajput2021/status/1523244933188005888?ref_src=twsrc%5Etfw%7Ctwcamp%5Etweetembed%7Ctwterm%5E1523244933188005888%7Ctwgr%5E%7Ctwcon%5Es1_&ref_url=https%3A%2F%2Fwww.prajavani.net%2Fsports%2Fcricket%2Fipl-2022-fans-are-brutally-trolling-virat-kohli-after-he-was-dismissed-for-golden-duck-3rd-time-935048.html

    ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲೂ ವಿರಾಟ್, ಮೊದಲ ಎಸೆತದಲ್ಲೇ ಶೂನ್ಯಕ್ಕೆ ಔಟ್ ಆದರು. ಈ ಮೂಲಕ ಹೈದರಾಬಾದ್ ವಿರುದ್ಧವೇ 2ನೇ ಸಲ ಗೋಲ್ಡನ್ ಡಕ್‌ಔಟ್ ಆಗಿದ್ದಾರೆ. ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧವೂ ಮೊದಲ ಎಸೆತದಲ್ಲಿ ಔಟ್ ಆಗಿದ್ದರು. ಇದನ್ನೂ ಓದಿ: ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಹಸಿರು ಜೆರ್ಸಿಯಲ್ಲಿ ಕಂಗೊಳಿಸಲಿದೆ ಆರ್‌ಸಿಬಿ

    ಕೆಜಿಎಫ್-2 ಚಿತ್ರದಲ್ಲಿ ರಾಕಿ ಭಾಯ್ ಅವರ ಜನಪ್ರಿಯ `ವೈಲೆನ್ಸ್, ವೈಲೆನ್ಸ್, ವೈಲೆನ್ಸ್’ ಡೈಲಾಗ್‌ಗೆ ಕೊಹ್ಲಿ ಅವರನ್ನು ಟ್ರೋಲ್ ಮಾಡಲಾಗಿದೆ. `ಝೀರೋ… ಝೀರೋ… ಝೀರೋ…ಐ ಡೋಂಟ್ ಲೈಕ್ ಇಟ್… ಐ ಅವಾಯ್ಡ್…. ಬಟ್ ಝೀರೋ ಲೈಕ್ಸ್ ಮಿ… ಐ ಕಾಂಟ್ ಅವಾಯ್ಡ್’ ಎಂದು ವ್ಯಂಗ್ಯ ಮಾಡಲಾಗಿದೆ.

    https://twitter.com/RobinSaroy2002/status/1523248438867263488?ref_src=twsrc%5Etfw%7Ctwcamp%5Etweetembed%7Ctwterm%5E1523248438867263488%7Ctwgr%5E%7Ctwcon%5Es1_&ref_url=https%3A%2F%2Fwww.prajavani.net%2Fsports%2Fcricket%2Fipl-2022-fans-are-brutally-trolling-virat-kohli-after-he-was-dismissed-for-golden-duck-3rd-time-935048.html

    ಇದರೊಂದಿಗೆ ವಿರಾಟ್, ಅನುಷ್ಕಾ ಶರ್ಮಾ ಅವರೊಂದಿಗೆ ಜಾಲಿಮೂಡ್‌ನಲ್ಲಿರುವ ಫೋಟೋ ಒಂದನ್ನು ಹಾಕಿದ್ದು, `ಐಪಿಎಲ್ ಲೀಗ್ ಹೇಗಾದರೂ ಮುಗಿಯಲಿ, ಒಂದು ವಿರಾಮ ತೆಗೆದುಕೊಳ್ಳಿ’ ಎಂದು ಟ್ರೋಲ್ ಮಾಡಿದ್ದಾರೆ. ಇದನ್ನೂ ಓದಿ: ಮುಂಬೈ ತಂಡಕ್ಕೆ ರೋಚಕ ಜಯ – 3ನೇ ಸೋಲಿನ ಕಹಿ ಅನುಭವಿಸಿದ ಗುಜರಾತ್‌

    ಒಟ್ಟಾರೆ ಈವರೆಗೆ ಕೊಹ್ಲಿ 9ನೇ ಬಾರಿಗೆ ಶೂನ್ಯಕ್ಕೆ ಔಟ್ ಆಗಿದ್ದು, ಇದರಲ್ಲಿ 6 ಗೋಲ್ಡನ್ ಡಕ್ ಸೇರಿವೆ. ಈ ಪೈಕಿ ಪ್ರಸಕ್ತ ಸಾಲಿನಲ್ಲಿ 3ನೇ ಸಲ ಗೋಲ್ಡನ್ ಡಕ್‌ಔಟ್ ಆಗಿದ್ದಾರೆ. 1 ಪಂದ್ಯದಲ್ಲಿ ಮಾತ್ರ ಅರ್ಧ ಶತಕ ಗಳಿಸಿದ ಕೊಹ್ಲಿ ಕಳೆದ 12 ಪಂದ್ಯಗಳಲ್ಲಿ 19.6ರ ಸರಾಸರಿಯಲ್ಲಿ 216 ರನ್ ಗಳಿಸಿದ್ದಾರೆ.

  • ಶೂನ್ಯ ಸುತ್ತಿದ ಕೊಹ್ಲಿ, ರೋಹಿತ್ – 2022ರ ಐಪಿಎಲ್‍ನಲ್ಲಿ ಕಳಪೆ ಪ್ರದರ್ಶನ

    ಶೂನ್ಯ ಸುತ್ತಿದ ಕೊಹ್ಲಿ, ರೋಹಿತ್ – 2022ರ ಐಪಿಎಲ್‍ನಲ್ಲಿ ಕಳಪೆ ಪ್ರದರ್ಶನ

    ಮುಂಬೈ: ಟೀಮ್ ಇಂಡಿಯಾದ ರನ್ ಮಿಷಿನ್ ವಿರಾಟ್ ಕೊಹ್ಲಿ ಮತ್ತು ಹಿಟ್ ಮ್ಯಾನ್ ರೊಹೀತ್ ಶರ್ಮಾ ಐಪಿಎಲ್ 2022ರ ಟೂರ್ನಿಯಲ್ಲಿ ಅತ್ಯಂತ ಕಳಪೆ ಬ್ಯಾಟಿಂಗ್‍ಗನ್ನು ಪ್ರದರ್ಶಿಸುತ್ತಿದ್ದಾರೆ.

    ಐಪಿಎಲ್ 2022ರಲ್ಲಿ ರೋಹಿತ್ ಶರ್ಮಾ ಆಡಿದ ಇದುವರೆಗಿನ 7 ಪಂದ್ಯಗಳಲ್ಲಿ, ಕೇವಲ 114 ರನ್ ಗಳಿಸಿದ್ದಾರೆ. ರೋಹಿತ್ ಸತತ ವೈಫಲ್ಯಗಳ ಮೊದಲು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 41 ರನ್ ಗಳಿಸಿದ್ದರು. ನಂತರದ ಪಂದ್ಯಗಳಲ್ಲಿ ರೋಹಿತ್ 10, 3, 26, 28, ಮತ್ತು 6 ರನ್ ಗಳಿಸಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಶೂನ್ಯ ಸುತ್ತಿದ್ದಾರೆ.

    ಕಳೆದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಸಹ ಡಕ್ ಔಟ್ ಆಗಿದ್ದರು. ಈಗ ಮುಂಬೈ ತಂಡದ ರೋಹಿತ್ ಶರ್ಮಾ ಕೂಡಾ ಶೂನ್ಯ ಸುತ್ತುವ ಮೂಲಕ ವಿಕೆಟ್ ಒಪ್ಪಿಸಿರುವುದು ಅಭಿಮಾನಿಗಳಲ್ಲಿ ಬೇಸರ ತಂದಿದೆ.

    ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಚೆನ್ನೈ ತಂಡ ರೋಹಿತ್ ಪಡೆಯನ್ನು ಬ್ಯಾಟಿಂಗೆ ಆಹ್ವಾನಿಸಿತ್ತು. ಮುಂಬೈ ಬ್ಯಾಟರ್‍ಗಳಿಗೆ ಆರಂಭದಲ್ಲೇ ಕಡಿವಾಣ ಹಾಕಿದ ಬೌಲರ್ ಮುಖೇಶ್ ಚೌಧರಿ ಆರಂಭಿಕ ಆಟಗಾರರನ್ನು ಮೊದಲ ಓವರ್‍ನಲ್ಲೇ ಪೆವಿಲಿಯನ್‍ತ್ತ ಸಾಗಲು ದಾರಿ ಮಾಡಿಕೊಟ್ಟರು. ಮುಂಬೈ ತಂಡದ ಆರಂಭಿಕ ಬ್ಯಾಟರ್ ಇಶಾನ್ ಕಿಶಾನ್ ಅವರು ಸಹ ಖಾತೆ ತೆರೆಯುವ ಮುಂಚೆಯೇ ಚೌಧರಿಗೆ ವಿಕೆಟ್ ಒಪ್ಪಿಸಿ ತಂಡದ ಹಿನ್ನೆಡೆಗೆ ಕಾರಣರಾದರು.

    ಈವರೆಗೆ ರೋಹಿತ್ 14 ಬಾರಿಗೆ ಶೂನ್ಯಕ್ಕೆ ಔಟಾದ ಅನಗತ್ಯ ದಾಖಲೆ ಬರೆದಿದ್ದಾರೆ. ಈ ಹಿನ್ನೆಲೆ ಟೀಮ್ ಇಂಡಿಯಾದ ಪ್ರಮುಖ ಬ್ಯಾಟ್ಸಮನ್‍ಗಳು ಟ್ರೋಲ್‍ಗೆ ಗುರಿಯಾಗಿದ್ದಾರೆ.

  • ಪೂಜಾ ಹೆಗ್ಡೆಗೆ ಐರೆನ್ ಲೆಗ್ ಅಂತಾ ಕರೆದ ದಳಪತಿ ವಿಜಯ್ ಫ್ಯಾನ್ಸ್!

    ಪೂಜಾ ಹೆಗ್ಡೆಗೆ ಐರೆನ್ ಲೆಗ್ ಅಂತಾ ಕರೆದ ದಳಪತಿ ವಿಜಯ್ ಫ್ಯಾನ್ಸ್!

    ಸೌತ್ ಸಿನಿ ಇಂಡಸ್ಟ್ರಿಯಲ್ಲಿ ಲಕ್ಕಿ ಚಾರ್ಮ್ ಎಂದೇ ಫೇಮಸ್ ಆಗಿರೋ ಪೂಜಾ ಹೆಗ್ಡೆ ಇದೀಗ ಸಿನಿಮಾಗಳಿಗಿಂತ ಟ್ರೋಲ್ ವಿಚಾರವಾಗಿ ಸಿಕ್ಕಾಪಟ್ಟೆ ಸೌಂಡ್ ಮಾಡ್ತಿದ್ದಾರೆ. ದಳಪತಿ ವಿಜಯ್ ಫ್ಯಾನ್ಸ್ ಅದ್ಯಾಕೋ ಪೂಜಾ ಹೆಗ್ಡೆ ಮೇಲೆ ಕಿಡಿಕಾರಿದ್ದಾರೆ. ಈ ನಟಿಯನ್ನ ಐರೆನ್ ಲೆಗ್ ಅಂತಾ ಕರೆದು ಟ್ರೋಲ್ ಮಾಡ್ತಿದ್ದಾರೆ.

    ಕರಾವಳಿ ಬ್ಯೂಟಿ ಪೂಜಾ ಅಭಿನಯಿಸಿರುವ `ಅರವಿಂದ ಸಮೇತ ವೀರ ರಾಘವ’, ʻಅಲ್ಲಾ ವೈಕುಂಠಪುರಂಮುಲೋʼ, ʻಮಹರ್ಷಿʼ ಚಿತ್ರಗಳು ಬ್ಲಾಕ್ ಬಸ್ಟರ್ ಹಿಟ್ ಆಗಿತ್ತು. ಆದರೆ ಈಗ ಪೂಜಾ ನಟನೆಯ `ರಾಧೆ ಶ್ಯಾಮ್’ ಮತ್ತು `ಬೀಸ್ಟ್’ ಚಿತ್ರಗಳು ಗಲ್ಲಾಪೆಟ್ಟಿಗೆಯ ಕಲೆಕ್ಷನ್ ಮಾಡೋದರಲ್ಲಿ ಸೋತಿದೆ. ಹಾಗಾಗಿ ದಳಪತಿ ವಿಜಯ್ ಫ್ಯಾನ್ಸ್ ಪೂಜಾ ಮೇಲೆ ಫುಲ್ ಗರಂ ಆಗಿದ್ದಾರೆ. ಇದನ್ನೂ ಓದಿ:ಕನ್ನಡದಲ್ಲೂ ಬಂತು ಬಾಲಿವುಡ್ ನ ‘ದಿ ಕಾಶ್ಮೀರ್ ಫೈಲ್ಸ್’ ಸಿನಿಮಾ

    ʻರಾಧೆ ಶ್ಯಾಮ್‌ʼ ಮತ್ತು ʻಬೀಸ್ಟ್‌ʼ ಚಿತ್ರದ ಸೋಲಿಗೆ ಪೂಜಾರನ್ನ ಹೊಣೆ ಮಾಡ್ತಿದ್ದು, ವಿಜಯ್‌  ಅಭಿಮಾನಿಗಳು ಪೂಜಾರನ್ನು ಐರೆನ್ ಲೆಗ್ ಎಂದು ಟ್ರೋಲ್ ಮಾಡ್ತಿದ್ದಾರೆ.  ಇವರ ಜತೆಗೆ ಪ್ರಭಾಸ್ ಫ್ಯಾನ್ಸ್ ಕೂಡ ಸೇರಿಕೊಂಡಿದ್ದಾರೆ. ಸದ್ಯ ಸಾಲು ಸಾಲು ಸ್ಟಾರ್ ಸಿನಿಮಾಗಳಿಗೆ ನಾಯಕಿಯಾಗಿ ನಟಿಸುತ್ತಿರೋ ಪೂಜಾಗೆ ಬೇಡಿಕೆ ಕಮ್ಮಿಯಾಗಿಲ್ಲ. ಪೂಜಾ ನಟನೆಯ ಮುಂದಿನ ಚಿತ್ರಗಳ ಸಕ್ಸಸ್ ಟ್ರೋಲಿಗರಿಗೆ ಉತ್ತರವಾಗುತ್ತಾ ಅಂತಾ ಕಾದುನೋಡಬೇಕಿದೆ.

  • ಕೆಜಿಎಫ್ ಚಾಪ್ಟರ್-2 ಡೈಲಾಗ್ ಮೂಲಕ ಮುಂಬೈ ಇಂಡಿಯನ್ಸ್ ತಂಡಕ್ಕೆ ವ್ಯಂಗ್ಯ

    ಕೆಜಿಎಫ್ ಚಾಪ್ಟರ್-2 ಡೈಲಾಗ್ ಮೂಲಕ ಮುಂಬೈ ಇಂಡಿಯನ್ಸ್ ತಂಡಕ್ಕೆ ವ್ಯಂಗ್ಯ

    ಮುಂಬೈ: ಸತತ ಸೋಲಿನಿಂದ ಕಂಗೆಟ್ಟಿರುವ ಮುಂಬೈ ಇಂಡಿಯನ್ಸ್ ತಂಡವು ಈ ಬಾರಿಯ ಐಪಿಎಲ್ 2022ರ ಆವೃತ್ತಿಯಲ್ಲಿ ಅತ್ಯಂತ ಕಳಪೆ ಆಟವನ್ನು ಪ್ರದರ್ಶಿಸುತ್ತಿದೆ.

    ಹಾಲಿ ಚಾಂಪಿಯನ್ ತಂಡವು ಈಗಾಗಲೇ ಸತತ ಆರು ಸೋಲುಗಳನ್ನು ಕಂಡು ಐಪಿಎಲ್ ಪಾಯಿಂಟ್ಸ್ ಪಟ್ಟಿಯ ಕೊನೆಯ ಸ್ಥಾನದಲ್ಲಿದೆ. ಈ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಮೀಮ್ಸ್‌ಗಳು ಹರಿದಾಡುತ್ತಿದ್ದು, ರೋಹಿತ್ ಪಡೆಯು ಟ್ರೋಲ್‍ಗೆ ಗುರಿಯಾಗಿದೆ. ಇದನ್ನೂ ಓದಿ: ಐಪಿಎಲ್ 2022: ದೆಹಲಿ ಕ್ಯಾಪಿಟಲ್ಸ್ ತಂಡದ ಪ್ರಮುಖ ಆಟಗಾರ ಮಿಚೆಲ್ ಮಾರ್ಷ್‍ಗೆ ಕೋವಿಡ್ ದೃಢ

    ಕನ್ನಡದ ಹೆಮ್ಮೆ ಕೆಜಿಎಫ್ ಚಾಪ್ಟರ್-2 ಚಿತ್ರದ ಯಶ್ ಅವರ ವೈಲೆನ್ಸ್.. ವೈಲೆನ್ಸ್.. ಎಂಬ ಜನಪ್ರಿಯ ಡೈಲಾಗ್ ಬದಲು ನೆಟ್ಟಿಗರು ಸೋಲು ಸೋಲು ಸೋಲು ಎಂದು ಬರೆದು ಮುಂಬೈ ತಂಡಕ್ಕೆ ವ್ಯಂಗ್ಯ ಮಾಡಿದ್ದಾರೆ. ಇದನ್ನೂ ಓದಿ: 2023ರಲ್ಲಿ ಆರಂಭಗೊಳ್ಳಲಿದೆ 6 ತಂಡಗಳ ನಡುವಿನ ಮಹಿಳಾ ಐಪಿಎಲ್

    ದಾಖಲೆಯ 5 ಬಾರಿಯ ಐಪಿಎಲ್ ಪಟ್ಟವನ್ನು ಮುಡಿಗೇರಿಸಿಕೊಂಡಿದ್ದ ಮುಂಬೈ ತಂಡವು ಈ ಬಾರಿ ಆವೃತ್ತಿಯಲ್ಲಿ ಆಡಿರುವ ಆರಕ್ಕೆ ಆರೂ ಪಂದ್ಯಗಳಲ್ಲಿ ಸೋಲುಂಡಿದೆ. ಹೀಗಾಗಿ ಕನಿಷ್ಠ ಪಕ್ಷ ಒಂದು ಪಂದ್ಯವನ್ನಾದರು ಮುಂಬೈ ತಂಡ ಗೆಲ್ಲಲಿ ಎಂದು ನೆಟ್ಟಿಗರೊಬ್ಬರು ಅಪಹಾಸ್ಯ ಮಾಡಿದ್ದಾರೆ.

    ನಾಯಕ ರೋಹಿತ್ ಶರ್ಮಾ ಅವರ ಯೋಜನೆಗಳೆಲ್ಲವೂ ವಿಫಲವಾಗಿವೆ. ಬ್ಯಾಟಿಂಗ್‍ನಲ್ಲಿ ಅತ್ಯಂತ ಕಳಪೆ ಆಟವನ್ನು ತೋರುತ್ತಿರುವ ಎಮ್‍ಐ ತಂಡವು ಬೌಲಿಂಗ್‍ನಲ್ಲೂ ಸಹ ಅಷ್ಟೇ ಕಳಪೆ ಆಟವನ್ನು ತೋರುತ್ತಿದೆ. ಇದರ ನಡುವೆಯೂ ಮುಂಬೈ ತಂಡದ ಅಭಿಮಾನಿಗಳು ತಂಡದ ಮೇಲಿನ ಅಭಿಮಾನವನ್ನು ಕಳೆದುಕೊಂಡಿಲ್ಲ.