ಬೆಂಗಳೂರು: ಪಬ್‍ಜಿ ಗೇಮ್ ಆಸಕ್ತರು ತಮ್ಮ ಹೆಚ್ಚಿನ ಸಮಯವನ್ನು ಮೊಬೈಲ್ ಜೊತೆಯೇ ಕಳೆಯುತ್ತಾರೆ. ಪಬ್ ಜೀ ಆಡುತ್ತಾ ತಾವು ಏಲ್ಲಿದ್ದೇವೆ? ಸಮಯ ಕಳೆಯುತ್ತಿರೋದ ಕಡೆ ಗಮನವೇ ನೀಡಲ್ಲ. ಯುವಕನೊಬ್ಬ ತನ್ನ ಮದುವೆಯಲ್ಲಿ ಪಬ್ ಜಿ ಆಡುತ್ತಿರುವ ಟಿಕ್ ಟಾಕ್ ವಿಡಿಯೋ ವೈರಲ್ ಆಗಿದೆ.
ಅದ್ಧೂರಿ ಮದುವೆ ನಡೆಯುತ್ತಿದ್ದು, ವೇದಿಕೆ ಮೇಲೆ ವಧು-ವರ ಆಸೀನರಾಗಿದ್ದಾರೆ. ಬಂಧು, ಸ್ನೇಹಿತರು ಆಗಮಿಸಿ ಗಿಫ್ಟ್ ನೀಡಿ ಶುಭಾಶಯ ಕೋರುತ್ತಿದ್ದರೆ ವರ ಮಾತ್ರ ನನಗೇನೂ ಸಂಬಂಧವಿಲ್ಲವಂತೆ ಪಬ್ ಜಿ ಆಡುವಲ್ಲಿ ಮಗ್ನನಾಗಿದ್ದಾನೆ. ತನ್ನ ಪತಿ ಗೇಮ್ ಆಡೋದನ್ನ ಪತ್ನಿ ಬೇಸರದಿಂದ ನೋಡುತ್ತಿರುವ ದೃಶ್ಯವನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ಆದ್ರೆ ಈ ಮದುವೆ ಎಲ್ಲಿ ನಡೆದಿದೆ ಎಂಬುವುದು ವರದಿಯಾಗಿಲ್ಲ. ಇದನ್ನೂ ಓದಿ: ಪ್ರತಿ ದಿನ ಬರೋಬ್ಬರಿ 20 ಕೋಟಿ ಗಳಿಸುತ್ತೆ ಪಬ್‍ಜಿ!
8ಕೆ ವಾಲ್ ಪೇಪರ್ ಎಂಬ ಫೇಸ್‍ಬುಕ್ ಪೇಜ್ ನಲ್ಲಿ ಈ ಟಿಕ್ ಟಾಕ್ ವಿಡಿಯೋವನ್ನು ಅಪ್ಲೋಡ್ ಮಾಡಲಾಗಿದೆ. ಕಮೆಂಟ್ ನಲ್ಲಿ ನಿಮಗೆ ಗೊತ್ತಿರುವ ಪಬ್‍ಜಿ ಲವರ್ ಹೆಸರನ್ನು ಕಮೆಂಟ್ ಮಾಡಿ ಎಂದು ಬರೆಯಲಾಗಿದೆ. ಇದೂವರೆಗೂ 600ಕ್ಕೂ ಹೆಚ್ಚು ಶೇರ್, 1.8 ಲಕ್ಷಕ್ಕೂ ಅಧಿಕ ವ್ಯೂವ್ ಪಡೆದುಕೊಂಡಿದೆ. ಇದನ್ನೂ ಓದಿ: ಪಬ್‍ಜಿ ಆಡುವ ಭರದಲ್ಲಿ ನೀರೆಂದು ಆ್ಯಸಿಡ್ ಕುಡಿದ ಯುವಕ!
https://www.facebook.com/Ishare4/videos/579163512603324/