Tag: Sreeleela

ಶ್ರೀಲೀಲಾ (Sreeleela) ಸದ್ದು ಮಾಡುತ್ತಿಲ್ಲ. ಕಳೆದ ವರ್ಷ ಬರೋಬ್ಬರಿ 4 ಫ್ಲಾಪ್ ಸಿನಿಮಾ ಕೊಟ್ಟು ಅನಾಮತ್ತು ಹುಡುಗರ ನಿದ್ದೆ ಕೆಡಿಸಿದ್ದ ಶ್ರೀಲೀಲಾ ಈಗ ಸೈಲೆಂಟ್ ಆಗಿದ್ದಾರೆ. ಹೀಗಿದ್ದರೂ ಶ್ರೀಲೀಲಾ ಕೋಟಿ ಕೋಟಿ ಕಾಸು ಪಡೆಯುತ್ತಿದ್ದಾರೆ. ಹಾಗಿದ್ದರೆ ಕಿಸ್ ಬೆಡಗಿ ಈ ವರ್ಷದ ಹಣೆ ಬರಹ ಏನು? ಎಷ್ಟು ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ? ಇಲ್ಲಿದೆ ಮಾಹಿತಿ.

ರವಿತೇಜಾ ಜೊತೆ ‘ಧಮಾಕಾ’ (Dhamaka) ಸೂಪರ್ ಹಿಟ್ ಆಗಿದ್ದೇ ತಡ, ಶ್ರೀಲೀಲಾ ಮುಟ್ಟಿದ್ದೆಲ್ಲ ಚಿನ್ನವಾಯಿತು. ಕಾರಣ ಅಷ್ಟೊಂದು ಕಿಕ್ ಕೊಟ್ಟಿದ್ದರು ಇವರು. ಆದರೆ ಅದಾದ ಮೇಲೆ 4 ಸಿನಿಮಾ ರಿಲೀಸ್ ಆದವು. ಅದರಲ್ಲಿ ಬಾಲಕೃಷ್ಣ ಜೊತೆಗಿನ ‘ಭಗವಂತ ಕೇಸರಿ’ ಹಿಟ್ ಆಯಿತು. ಆದರೆ ಅದರ ಕ್ರೆಡಿಟ್ ಸಿಕ್ಕಿದ್ದು ಬಾಲಯ್ಯನಿಗೆ ಶ್ರೀಲೀಲಾ ಮುಡಿಗಲ್ಲ. ಸಂಕ್ರಾಂತಿಗೆ ಬಂದಿದ್ದು ‘ಗುಂಟೂರೂ ಖಾರಂ’ ಸಿನಿಮಾ. ಹಂಗೂ ಹಿಂಗೂ ನೂರು ಕೋಟಿ ಮಾಡಿತು. ಈ ಸಿನಿಮಾದ ಸಕ್ಸಸ್ ಕೂಡ ಮಹೇಶ್ ಬಾಬು (Mahesh Babu) ಪಾಲಿಗೆ ಸೇರಿತು. ಹೀಗಾಗಿ ಶ್ರೀಲೀಲಾ ಹೊಸ ಚಿತ್ರ ಒಪ್ಪಿಕೊಳ್ಳುತ್ತಿಲ್ಲ. ಇದನ್ನೂ ಓದಿ:ಅಬುದಾಬಿಯಲ್ಲಿ ಮೊಳಗಿತು ‘ಕರಟಕ ದಮನಕ’ ಸಾಂಗ್

ರಶ್ಮಿಕಾ (Rashmika Mandanna) ಬಾಲಿವುಡ್‌ನಲ್ಲಿ (Bollywood) ಮೆರೆಯುತ್ತಿದ್ದಾರೆ. ಟಾಲಿವುಡ್ ಅಂಗಳ ಖಾಲಿ ಖಾಲಿ. ಆ ಜಾಗವನ್ನು ತುಂಬಬೇಕಿದ್ದ ಶ್ರೀಲೀಲಾ ತಣ್ಣಗಾಗಿದ್ದಾರೆ. ಸೋಲು ಅವರನ್ನು ದಿಕ್ಕೆಡಿಸಿದೆ. ಹೀಗಿದ್ದರೂ ಸಂಭಾವನೆ ಕಮ್ಮಿ ಆಯಿತಾ? ನೋ ಚಾನ್ಸ್. ಆದ್ರೂ 3ರಿಂದ 4 ಕೋಟಿ ರೂ. ಶ್ರೀಲೀಲಾ ಪಡೆಯುತ್ತಾರೆ. ಇವರಿಗೆ ಸಮನಾದ ಇನ್ನೊಂದು ಹುಡುಗಿ ಇಲ್ಲ. ಶ್ರೀಲೀಲಾ ಕೇಳಿದಷ್ಟು ಕೊಡದೇ ನಿರ್ಮಾಪಕರಿಗೆ ಬೇರೆ ದಾರಿ ಇಲ್ಲ. ಪರಿಣಾಮ ಶ್ರೀಲೀಲಾ ರಾಕಿಂಗ್ ಅಂಡ್ ಡಾನ್ಸಿಂಗ್. ಮತ್ತೊಬ್ಬ ನಟಿ ಟಾಲಿವುಡ್‌ಗೆ ಎಂಟ್ರಿ ಆಗಬೇಕು. ಆಕೆ ಹಿಟ್ ಕೊಡಬೇಕು. ಆಗ ಮಾತ್ರ ಶ್ರೀಲೀಲಾ ಸೀಟು ಖಾಲಿ.

ಇತ್ತೀಚೆಗೆ ನಟಿಸಿದ ಸಿನಿಮಾಗಳ ಸಕ್ಸಸ್ ಕ್ರೆಡಿಟ್ ಶ್ರೀಲೀಲಾ ಪಾಲಿಗೆ ಇಲ್ಲದೇ ಇದ್ರೂ. ಕನ್ನಡದ ಬ್ಯೂಟಿಗಿರುವ ಡಿಮ್ಯಾಂಡ್ ಕೊಂಚವು ಕಮ್ಮಿಯಾಗಿಲ್ಲ.

‘ಗುಂಟೂರು ಖಾರಂ’ ಇನ್ನೇನು ಬರಲಿದೆ. ಜನವರಿ 12ಕ್ಕೆ ಸಿನಿಮಾ ರಿಲೀಸ್ ಆಗಲಿದೆ. ಅದಕ್ಕೂ ಮುನ್ನ ಪ್ರಿನ್ಸ್ ಮಹೇಶ್ ಬಾಬು- ಶ್ರೀಲೀಲಾ (Sreeleela) ಕಾಂಬಿನೇಶನ್ ಭರ್ಜರಿ ಸದ್ದು ಮಾಡುತ್ತಿದೆ. ಅದಕ್ಕೆ ಸರಿಯಾಗಿ ಮಹೇಶ್ ಬಾಬು ಕೂಡ ಶ್ರೀಲೀಲಾ ಕುಣಿತಕ್ಕೆ ಮಾರು ಹೋಗಿದ್ದಾರೆ. ಇನ್ನೆಂದೂ ನಾನು ಶ್ರೀಲೀಲಾ ಜೊತೆ ಕಾಂಪಿಟೇಶನ್ ಮಾಡಲ್ಲ ಎಂದಿದ್ದಾರೆ. ಇದನ್ನು ಕೇಳಿ ಶ್ರೀಲೀಲಾ ಥ್ರಿಲ್ ಆಗಿದ್ದಾರೆ.

ಕಳೆದ ವರ್ಷ ನಾಲ್ಕು ಸಿನಿಮಾಗಳಲ್ಲಿ ಶ್ರೀಲೀಲಾ ನಟಿಸಿದ್ದರು. ಆದರೆ 3 ಸಿನಿಮಾಗಳು ಮಕಾಡೆ ಮಲಗಿದೆ. ‘ಭಗವಂತ ಕೇಸರಿ’ ಗೆದ್ದರೂ ಅದರ ಕ್ರೆಡಿಟ್ ಈಕೆಗೆ ಸಲ್ಲಲಿಲ್ಲ. ಬಾಲಕೃಷ್ಣ ಪಾಲಾಯಿತು. ಈಗ ‘ಗುಂಟೂರೂ ಖಾರಂ’ (Guntur Kaaram) ಬರಲಿದೆ. ಜನವರಿ 12ಕ್ಕೆ ಬಿಡುಗಡೆಯಾಗುತ್ತಿದೆ. ಟಾಲಿವುಡ್ ಹ್ಯಾಂಡ್ಸಮ್ ಹಂಕ್ ಮಹೇಶ್ ಬಾಬು (Mahesh Babu) ಜೊತೆ ಶ್ರೀಲೀಲಾ ಕುಣಿದಿದ್ದಾರೆ. ಅದು ಗೆದ್ದರೆ ಶ್ರೀಲೀಲಾ ಭವಿಷ್ಯ ಉಜ್ವಲ. ಇನ್ನೂ ಸಿನಿಮಾ ಪ್ರಚಾರ ಕಾರ್ಯದ ವೇಳೆ, ಪ್ರಿನ್ಸ್ ಶ್ರೀಲೀಲಾ ಅಭಿನಯ ಹಾಗೂ ಕುಣಿತವನ್ನು ಮನಸಾರೆ ಹೊಗಳಿದ್ದಾರೆ. ಇದನ್ನೂ ಓದಿ:ರಜನಿ ಅಭಿಮಾನಿಗಳಿಗೆ ನಿರಾಸೆ : ಸಂಕ್ರಾಂತಿಗೆ ಬರ್ತಿಲ್ಲ ‘ಲಾಲ್ ಸಲಾಂ’

ಶ್ರೀಲೀಲಾ ಕುಣಿತಕ್ಕೆ (Dance) ನಾನು ಹೆಜ್ಜೆ ಹಾಕುವುದರಲ್ಲಿ ಸುಸ್ತಾಗಿ ಹೋದೆ. ನಿಜಕ್ಕೂ ಆ ಹುಡುಗಿ ಅದ್ಭುತ. ನನಗೆ ಆ ಹುಡುಗಿ ಜೊತೆ ಕಾಂಪೀಟ್ ಮಾಡೋಕೆ ಆಗಲ್ಲ. ಮಹೇಶ್ ಬಾಬು ಮಾತು, ಶ್ರೀಲೀಲಾಗೂ ಇದು ಖುಷಿ ಕೊಟ್ಟಿದೆ. ಮತ್ತಷ್ಟು ಸಿನಿಮಾ ಬಗ್ಗೆ ಆಸಕ್ತಿ ಕಿಸ್ ನಟಿಗೆ ಹೆಚ್ಚಾಗಿದೆ. ಇದೆಲ್ಲದರ ನಡುವೆ ಶ್ರೀಲೀಲಾ- ಮಹೇಶ್ ಬಾಬು ಜೋಡಿಯ ಕಾಂಬಿನೇಷನ್ ಬೆಳ್ಳಿಪರದೆ ಮೇಲೆ ನೋಡಲು ಕಾಯುತ್ತಿದ್ದಾರೆ. 3 ಚಿತ್ರಗಳ ಸೋಲಿನ ನಂತರ ಗುಂಟೂರು ಖಾರಂ ಕೈ ಹಿಡಿಯುತ್ತದಾ ಇಲ್ಲವಾ? ಕಾದುನೋಡಬೇಕಿದೆ.

ಕನ್ನಡದ ಕಿಸ್, ಭರಾಟೆ, ಸಿನಿಮಾಗಳ ಮೂಲಕ ನಾಯಕಿಯಾಗಿ ಪರಿಚಿತರಾದ ಶ್ರೀಲೀಲಾ ಈಗ ಟಾಲಿವುಡ್‌ನಲ್ಲಿ ಹವಾ ಕ್ರಿಯೇಟ್ ಮಾಡ್ತಿದ್ದಾರೆ. ಟಾಪ್ ಹೀರೋಗಳಿಗೆ ನಾಯಕಿಯಾಗಿ ಕನ್ನಡದ ನಟಿ ಸದ್ದು ಮಾಡ್ತಿದ್ದಾರೆ.