ಸೋಯಾ ಚಿಕನ್: ಚಿಕನ್ ಸಾಂಬಾರುಗಳನ್ನು ಹಲವು ವಿಧಾನಗಳಲ್ಲಿ ಮಾಡಬಹುದು. ಅವುಗಳಲ್ಲಿ ಸೋಯ ಚಿಕನ್ ಕೂಡ ಒಂದು ವಿಧ. ಕೇವಲ 6 ಸಾಮಾಗ್ರಿಗಳನ್ನು ಬಳಸಿಕೊಂಡು ಸೋಯಾ ಚಿಕನ್ ಮಾಡೋ ಸಿಂಪಲ್ ವಿಧಾನ ಇಲ್ಲಿದೆ.
ಬೇಕಾಗುವ ಸಾಮಗ್ರಿಗಳು:
1. ಚಿಕನ್- 1/2 ಕೆಜಿ
2. ಸೋಯಾ ಸಾಸ್- 5 ಚಮಚ
3. ಶುಂಠಿ ಬೆಳ್ಳುಳ್ಳಿ ಪೇಸ್ಟ್- 3 ಚಮಚ
4. ಖಾರದ ಪುಡಿ- 3 ಚಮಚ
5. ಉಪ್ಪು – ರುಚಿಗೆ ತಕ್ಕಷ್ಟು
6. ಸಕ್ಕರೆ- ಒಂದು ಚಿಟಿಕೆ
ಮಾಡುವ ವಿಧಾನ:
* ಮೊದಲಿಗೆ ಒಂದು ಪಾತ್ರೆಯಲ್ಲಿ ಚಿಕನ್ ಹಾಕಿ ಅದಕ್ಕೆ ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಸೋಯಾ ಸಾಸ್, ಖಾರದಪುಡಿ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಕಲಸಿ. (ಸೋಯಾಸಾಸ್‍ನಲ್ಲಿ ಉಪ್ಪಿನ ಅಂಶ ಇರುವುದರಿಂದ ಕಡಿಮೆ ಉಪ್ಪು ಹಾಕುವುದು)
* ಕಲಸಿಟ್ಟ ಚಿಕನ್ ಮಿಶ್ರಣವನ್ನು ಒಂದು ಗಂಟೆಯ ಕಾಲ ಫ್ರಿಡ್ಜ್‍ನಲ್ಲಿಟ್ಟು ನೆನೆಯಲು ಬಿಡಿ.
* ನಂತರ ಫ್ರಿಡ್ಜ್‍ನಿಂದ ಚಿಕನ್ ತೆಗೆದು 10 ನಿಮಿಷ ರೂಂ ಟೆಂಪರೇಚರ್‍ನಲ್ಲಿಡಿ(ಯಾವುದೇ ಪದಾರ್ಥವನ್ನು ಫ್ರಿಡ್ಜ್‍ನಿಂದ ತೆಗೆದ ತಕ್ಷಣವೇ ಉಪಯೋಗಿಸಬಾರದು)
* ಒಂದು ಪ್ಯಾನ್‍ಗೆ ಒಂದು ಚಿಟಿಕೆ ಸಕ್ಕರೆ ಹಾಕಿ ಬಾಡಿಸಿ. ಅದು ಕರಗಿದ ನಂತರ ನೆನೆಸಿದ ಚಿಕನ್ ಹಾಕಿ ಚೆನ್ನಾಗಿ ಫ್ರೈ ಮಾಡಿ.
* ಇದಕ್ಕೆ ಎಣ್ಣೆ ಹಾಕುವ ಅವಶ್ಯಕತೆ ಇಲ್ಲ. ಬೇಕಾದಲ್ಲಿ ಸ್ವಲ್ಪ ನೀರು ಚುಮುಕಿಸಬಹುದು.
* ಆಗಾಗ ಕೈಯ್ಯಾಡಿಸುತ್ತಾ ಚಿಕನ್‍ನಲ್ಲಿ ಸಂಪೂರ್ಣವಾಗಿ ನೀರು ಇಂಗುವವೆರೂ ಫ್ರೈ ಮಾಡಿದರೆ ಸೋಯಾ ಚಿಕನ್ ರೆಡಿ.