ತುಮಕೂರು: ತೆಂಗಿನ ಕಾಯಿ ಕದ್ದ ಕಳ್ಳನನ್ನು ಕಂಬಕ್ಕೆ ಕಟ್ಟಿ ಹಾಕಿ ದೊಣ್ಣೆಯಿಂದ ಹಲ್ಲೆ ಮಾಡಿದ ಘಟನೆ ತುರುವೇಕೆರೆ ತಾಲೂಕಿನ ತಾವರಕೆರೆ ಗ್ರಾಮದಲ್ಲಿ ನಡೆದಿದೆ.
ಹರೀಶ್ ತೆಂಗಿನಕಾಯಿ ಕದ್ದ ಕಳ್ಳ. ಈತ ರಾಜು ಎಂಬವರ ತೋಟದ ತೆಂಗಿನ ಕಾಯಿಯನ್ನು ಕಳ್ಳತನ ಮಾಡುವ ಸಂದರ್ಭದಲ್ಲಿ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾನೆ. ಬಳಿಕ ರಾಜು ಕಳ್ಳನನ್ನು ತೋಟದಲ್ಲಿದ್ದ ಕಂಬಕ್ಕೆ ಕಟ್ಟಿ ಹಾಕಿ ದೊಣ್ಣೆಯಿಂದ ಹಲ್ಲೆ ನಡೆಸಿದ್ದಾರೆ. ಹಲ್ಲೆ ಮಾಡಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇದನ್ನೂ ಓದಿ: ಆರ್‌ಬಿಐ ಪರಿಶೀಲನೆ ವೇಳೆ ನಕಲಿ ನೋಟುಗಳು ಪತ್ತೆ
ಈ ಸಂಬಂಧ ತುರುವೇಕೆರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಹುಬ್ಬಳ್ಳಿ: ನಿವೇನಾದ್ರೂ ಸ್ಲೈಸ್ ಪ್ರಿಯರಾ? ಅದನ್ನು ಕುಡಿಯೋಕೆ ಇಷ್ಟಪಡ್ತೀರಾ. ಹಾಗಾದ್ರೆ ಕುಡಿಯುವ ಮುನ್ನ ಒಮ್ಮೆ ಬಾಟಲಿಯೊಳಗೆ ನೋಡಿ.
ಕುಡಿಯಲೆಂದು ಸ್ಲೈಸ್ ತೊಗೊಂಡ್ರೆ ಅದ್ರಲ್ಲಿ ಪಾಚಿಯಂಥ ಕಸ ಸಿಕ್ಕದೆ. ಇಂಥದ್ದೊಂದು ಘಟನೆಗೆ ವಾಣಿಜ್ಯ ನಗರಿ ಹುಬ್ಬಳ್ಳಿ ಸಾಕ್ಷಿಯಾಗಿದೆ. ಹುಬ್ಬಳ್ಳಿಯ ಗಾಮನಗಟ್ಟಿ ನಿವಾಸಿ ಸುಭಾಶ್ ಎಂಬವರು ಅಂಗಡಿಯೊಂದರಲ್ಲಿ ಎರಡು ಬಾಟಲ್ ಸ್ಲೈಸ್ ತೆಗೆದುಕೊಂಡಿದ್ದರು.
ಬಾಟಲಿನಲ್ಲಿ ಪಾಚಿಯಂಥ ಕಸ ಇರೋದನ್ನ ಗಮನಿಸಿ ನೇರವಾಗಿ ಅಂಗಡಿಗೆ ಹೋಗಿ ಅಲ್ಲಿ ಪರಿಶೀಲಿಸಿದ್ದಾರೆ. ಅಲ್ಲೂ ಕೂಡ ಬಾಟಲಿಗಳಲ್ಲಿ ಕಸ ಇರೋದನ್ನ ಗಮನಿಸಿದ್ದಾರೆ. ಬಳಿಕ ಆರೋಗ್ಯ ಇಲಾಖೆ ಅಧಿಕಾರಿಗಳನ್ನ ಸಂಪರ್ಕಿಸಿದ್ದು, ಯಾವುದೇ ಪ್ರಯೋಜನವಾಗಿಲ್ಲ ಎಂದು ಅವರು ದೂರಿದ್ದಾರೆ.
