ಬಾಲಿವುಡ್ ಬ್ಯೂಟಿ ಸಾರಾ ಆಲಿ ಖಾನ್ ಡೇಟಿಂಗ್ ವಿಚಾರವಾಗಿ ಮತ್ತೆ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗಷ್ಟೇ ಕಾಲಿವುಡ್ ನಟ ಧನುಷ್ ಜೊತೆ ಸಾರಾ ಹೆಸರು ಥಳಕು ಹಾಕಿಕೊಂಡಿದ್ದು. ಇದೀಗ ತನಗಿಂತ 5 ವರ್ಷ ಚಿಕ್ಕವನೊಂದಿಗೆ ಸಾರಾ ಆಲಿ ಖಾನ್ ಡೇಟಿಂಗ್ ಮಾಡುತ್ತಿದ್ದಾರೆ.
ಬಿಟೌನ್‌ನಲ್ಲಿ ಸಾಕಷ್ಟು ಸಿನಿಮಾಗಳ ಮೂಲಕ ಮೋಡಿ ಮಾಡಿರುವ ಸೈಫ್ ಆಲಿ ಖಾನ್ ಪುತ್ರಿ ಸಾರಾ, ಸಿನಿಮಾಗಿಂತ ಡೇಟಿಂಗ್ ವಿಚಾರವಾಗಿಯೇ ಸಿಕ್ಕಾಪಟ್ಟೆ ಸುದ್ದಿಯಲ್ಲಿರುತ್ತಾರೆ. ಸದ್ಯ ಸಾರಾ ಹೆಸರು ಶುಬ್‌ಮನ್ ಗಿಲ್ ಜೊತೆ ಸೌಂಡ್ ಮಾಡುತ್ತಿದೆ. ಇಬ್ಬರು ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗುತ್ತಿದೆ.
ಭಾರತದ ಆರಂಭಿಕ ಯುವ ಆಟಗಾರ ಶುಬ್‌ಮನ್ ಗಿಲ್ ಸಾರಾಗಿಂತ 5 ವರ್ಷ ಚಿಕ್ಕವನಾಗಿದ್ದಾರೆ. ಶುಬ್‌ಮನ್ ಮತ್ತು ಸಾರಾ ಡೇಟಿಂಗ್ ವಿಚಾರ ನಿಜ ಎಂಬುದಕ್ಕೆ ಸದ್ಯ ಇವರಿಬ್ಬರು ಡಿನ್ನರ್ ಡೇಟ್ ಮಾಡುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ದುಬೈನ ರೆಸ್ಟೋರೆಂಟ್‌ವೊಂದರಲ್ಲಿ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಇದನ್ನೂ ಓದಿ:ದುಬಾರಿ ಸಂಭಾವನೆ ಕೇಳಿ, ಅವಕಾಶ ಕಳೆದುಕೊಂಡ `ವಜ್ರಕಾಯ’ ನಟಿ ನಭಾ ನಟೇಶ್
ಇನ್ನು ಈ ಹಿಂದೆ ಶುಬ್‌ಮನ್ ಗಿಲ್ ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ಜತೆ ಡೇಟಿಂಗ್‌ನಲ್ಲಿದ್ದರು. ಈ ವಿಚಾರವು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸೌಂಡ್ ಮಾಡಿತ್ತು. ಈಗ ಸಾರಾ ಆಲಿ ಖಾನ್ ಜೊತೆ ಶುಭ್‌ಮನ್ ಡೇಟಿಂಗ್‌ನಲ್ಲಿದ್ದಾರೆ.