Tag: Shehnaaz Kaur Gill

ಛತ್ತೀಸ್‍ಗಢ್: ಹಿಂದಿ ಬಿಗ್‍ಬಾಸ್-13ರ ಸ್ಪರ್ಧಿ ಹಾಗೂ ಪಂಜಾಬಿ ನಟಿ ಶೆಹ್ನಾಜ್ ಗಿಲ್ ಅವರ ತಂದೆ ಗನ್ ತೋರಿಸಿ ನನಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಮಹಿಳೆಯೊಬ್ಬರು ದೂರು ನೀಡಿದ್ದಾರೆ.

ಗಿಲ್ ತಂದೆ ಸಂತೋಖ್ ಸಿಂಗ್ ಅವರ ವಿರುದ್ಧ ಪ್ರಕರಣ ದಾಖಲಾಗಿದೆ. ದೂರು ನೀಡಿದ ಮಹಿಳೆಯನ್ನು ಜಲಂಧರ್ ಎಂದು ಗುರುತಿಸಲಾಗಿದೆ. ಈಕೆ ಸಿಂಗ್ ನನ್ನನ್ನು ಮೇ 14ರಂದು ತನ್ನ ಗೆಳಯನನ್ನು ಭೇಟಿ ಮಾಡಲು ಅವರ ಮನಗೆ ಹೋದಾಗ ಕಾರಿನಲ್ಲಿ ಗನ್ ತೋರಿಸಿ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾಳೆ.

ಪೊಲೀಸರು ನೀಡಿರುವ ಮಾಹಿತಿ ಪ್ರಕಾರ, ಜಲಂಧರ್ ಓರ್ವ ವ್ಯಕ್ತಿಯ ಜೊತೆ ಸಂಬಂಧ ಇಟ್ಟುಕೊಂಡಿದ್ದು, ಆತನನ್ನು ರಣಧೀರ್ ಸಿಂಗ್ ಎಂದು ಗುರುತಿಸಲಾಗಿದೆ. ರಣಧೀರ್ ಮತ್ತು ಜಲಂಧರ್ 12 ವರ್ಷದಿಂದ ಜೊತೆಗೆ ಇದ್ದು, ಈಗ ಯಾವುದೋ ವಿಚಾರಕ್ಕೆ ಜಗಳವಾಡಿಕೊಂಡು ದೂರವಾಗಿದ್ದರು ಹಾಗೂ ರಣಧೀರ್ ಅಜಿತ್ ನಗರದಲ್ಲಿ ಇರುವ ಸಂತೋಖ್ ಸಿಂಗ್ ಅವರ ಮನೆಯಲ್ಲಿ ಬಾಡಿಗೆಗೆ ಇದ್ದ ಎಂದು ಹೇಳಿದ್ದಾರೆ.

ನಡೆದ ಘಟನೆಯ ಬಗ್ಗೆ ಮಾತನಾಡಿರುವ ಜಲಂಧರ್, ನಾನು ಮೇ 14ರಂದು ರಣಧೀರ್ ಸಿಂಗ್ ನನ್ನು ಭೇಟಿಯಾಗಲು ಆತನ ಮನೆಗೆ ಹೋಗಿದ್ದೆ. ಅಲ್ಲಿ ಆತ ಇರಲಿಲ್ಲ ಬದಲಿಗೆ ಅಲ್ಲಿ ಸಂತೋಖ್ ಸಿಂಗ್ ಇದ್ದರು. ಈ ವೇಳೆ ಅವರು ರಣಧೀರ್ ಸಿಂಗ್ ಅನ್ನು ಭೇಟಿ ಮಾಡಿಸುವುದಾಗಿ ಹೇಳಿದರು. ಆಗ ನಾನು ಅವರು ಅವರ ಕಾರಿನಲ್ಲೇ ರಣಧೀಪ್ ನನ್ನು ಹುಡುಕಿಕೊಂಡು ಹೋದೆವು ಎಂದು ಹೇಳಿದ್ದಾಳೆ.

ಕಾರಿನಲ್ಲಿ ಹೋಗಬೇಕಾದರೆ ರೋಹಿ ಸೇತುವೆ ಬಳಿ ಬಂದಾಗ ಸಂತೋಖ್ ಯಾರು ಇಲ್ಲದ ಜಾಗದಲ್ಲಿ ಕಾರು ನಿಲ್ಲಿಸಿದರು. ನಂತರ ನನಗೆ ಗನ್ ತೋರಿಸಿ ಹೆದರಿಸಿ ಲೈಂಗಿಕ ಕಿರುಕುಳ ನೀಡಿದರು. ನಂತರ ಯಾರಿಗೂ ಹೇಳಬೇಡ, ಹೇಳಿದರೆ ನಿನ್ನನ್ನು ಕೊಲೆ ಮಾಡುವುದಾಗಿ ಬೆದರಿಸಿದರು. ಆದರೆ ನಾನು ನಂತರ ಅಲ್ಲಿಂದ ಬಂದು ಮೇ 15ರಂದು ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದೇನೆ ಎಂದು ಮಾಹಿತಿ ನೀಡಿದ್ದಾಳೆ.

ಆದರೆ ಮಹಿಳೆಯ ಈ ಆರೋಪವನ್ನು ಗಿಲ್ ಸಹೋದರ ತಳ್ಳಿ ಹಾಕಿದ್ದು, ನನ್ನ ಅಪ್ಪನಿಗೆ ಕೆಟ್ಟ ಹೆಸರು ತರಬೇಕು ಎಂದು ಮಹಿಳೆ ಈ ಆರೋಪ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾನೆ. ಶೆಹ್ನಾಜ್ ಗಿಲ್ ಬಿಗ್‍ಬಾಸ್-13ರ ಸೆಕೆಂಡ್ ರನ್ನರ್ ಆಪ್ ಆಗಿದ್ದು, ಪಂಜಾಬಿಯಲ್ಲಿ ಹಲವಾರು ಸಿನಿಮಾಗಳಲ್ಲಿ ನಟಿಸಿ ಹೆಸರು ಮಾಡಿದ್ದಾರೆ. ಜೊತೆಗೆ ಅವರು ಒಳ್ಳೆಯ ಸಿಂಗರ್ ಆಗಿದ್ದು, ಹಾಡುಗಳನ್ನು ಹಾಡುತ್ತಾರೆ.