Bloggers Unite

Tag: Sex education

  • ಲೈಂಗಿಕ ಶಿಕ್ಷಣ ಕುರಿತು ಸಿನಿಮಾ ಮಾಡಲಿದ್ದಾರೆ ಬಾಲಿವುಡ್ ನಟ ಅಕ್ಷಯ್ ಕುಮಾರ್

    ಲೈಂಗಿಕ ಶಿಕ್ಷಣ ಕುರಿತು ಸಿನಿಮಾ ಮಾಡಲಿದ್ದಾರೆ ಬಾಲಿವುಡ್ ನಟ ಅಕ್ಷಯ್ ಕುಮಾರ್

    ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅಚ್ಚರಿಯ ಹೇಳಿಕೆಯೊಂದನ್ನು ನೀಡಿದ್ದಾರೆ. ರೆಡ್ ಸಿ ಇಂಟರ್ ನ್ಯಾಷನಲ್ ಫಿಲ್ಮ್ ಫೆಸ್ಟಿವೆಲ್ ನಲ್ಲಿ ಭಾಗಿ ಆಗಿರುವ ಅವರು, ತಮ್ಮದೊಂದು ಹೊಸ ಸಿನಿಮಾ ಬರುತ್ತಿದ್ದು, ಅದು ಲೈಂಗಿಕ ಶಿಕ್ಷಣ ಕುರಿತಾದ ಚಿತ್ರವಾಗಿದೆ ಎಂದು ಹೇಳುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಸತತ ಸೋಲಿನ ಬೆನ್ನಲ್ಲೇ ಈ ಸಿನಿಮಾ ಘೋಷಿಸಿರುವುದು ಮ‍ತ್ತೊಂದು ಚರ್ಚೆಗೆ ಕಾರಣವಾಗಿದೆ.

    ರೆಡ್ ಸಿ ಇಂಟರ್ ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಮಾತನಾಡಿರುವ ಅವರು ಈಗಾಗಲೇ ಸಮಾಜಕ್ಕೆ ಸಂದೇಶ ನೀಡುವಂತಹ ಸಾಕಷ್ಟು ಸಿನಿಮಾಗಳನ್ನು ಮಾಡಿದ್ದೇನೆ. ಇದೀಗ ಲೈಂಗಿಕ ಶಿಕ್ಷಣದ ಕುರಿತು ಸಿನಿಮಾ ಮಾಡುವ ತಯಾರಿ ನಡೆದಿದೆ. ಇದು ನನ್ನ ಜೀವನದಲ್ಲೇ ಅತೀ ಶ್ರೇಷ್ಠ ಸಿನಿಮಾ ಆಗಿರಲಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಎಲ್ಲ ಕಡೆಗಳಲ್ಲೂ ಇದು ಇಲ್ಲ. ಇಂತಹ ವಿಷಯಗಳನ್ನು ನಾವು ಕಲಿಸಲೇಬೇಕಾಗಿದೆ ಎಂದಿದ್ದಾರೆ ಅಕ್ಷಯ್. ಇದನ್ನೂ ಓದಿ: `ಅವತಾರ್ 2′ ಚಿತ್ರದ ಬಗ್ಗೆ ಭಾರಿ ನಿರೀಕ್ಷೆ: 2 ಕೋಟಿ ಟಿಕೆಟ್ ಸೋಲ್ಡ್ ಔಟ್

    ಪ್ಯಾಡ್ ಮ್ಯಾನ್ ಸೇರಿದಂತೆ ಅನೇಕ ಸಿನಿಮಾಗಳ ಮೂಲಕ ಸಾಮಾಜಿಕ ಸಂದೇಶವನ್ನು ನೀಡುತ್ತಲೇ ಬಂದಿದ್ದಾರೆ ಅಕ್ಷಯ್ ಕುಮಾರ್. ಇದೇ ಮೊದಲ ಬಾರಿಗೆ ಅವರು ಲೈಂಗಿಕ ಶಿಕ್ಷಣದ ಕುರಿತಾಗಿ ಯೋಚಿಸಿದ್ದಾರೆ. ಕಮರ್ಷಿಯಲ್ ಮತ್ತು ತೃಪ್ತಿ ನೀಡುವಂತಹ ಸಿನಿಮಾಗಳ ಬಗ್ಗೆಯೂ ಅವರು ಮಾತನಾಡಿದ್ದಾರೆ. ಎಲ್ಲ ಸಿನಿಮಾಗಳನ್ನೂ ದುಡ್ಡಿಗಾಗಿಯೇ ಮಾಡುವುದಕ್ಕೆ ಆಗುವುದಿಲ್ಲ ಎನ್ನುವುದು ಅವರ ಮಾತು.

    ಈಗಾಗಲೇ ಅಕ್ಷಯ್ ಕುಮಾರ್ ಸೋಲಿನ ಹೊಡೆತಕ್ಕೆ ಕಂಗಾಲಾಗಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ಚಿತ್ರಗಳು ಸಾಲು ಸಾಲು ಸೋತಿವೆ. ಹೀಗಾಗಿಯೇ ಅವರು ಮತ್ತೊಂದು ರೀತಿಯ ಚಿತ್ರಕ್ಕೆ ಸಹಿ ಮಾಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಸದ್ಯ ಕೆಲವು ಮಾಹಿತಿಯನ್ನು ಮಾತ್ರ ಅವರು ಹೊರ ಹಾಕಿದ್ದಾರೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ವಿಷಯಗಳನ್ನು ಅವರು ಬಹಿರಂಗ ಪಡಿಸಬಹುದು.

    Live Tv
    [brid partner=56869869 player=32851 video=960834 autoplay=true]

  • ಶಾಲಾ ಪಠ್ಯದಲ್ಲಿ ಲೈಂಗಿಕ ಶಿಕ್ಷಣ ಅಳವಡಿಸಲು ತಮಿಳು ನಾಡು ಸರಕಾರಕ್ಕೆ ಮನವಿ ಮಾಡಿದ ನಿರ್ದೇಶಕ ವೆಟ್ರಿಮಾರನ್

    ಶಾಲಾ ಪಠ್ಯದಲ್ಲಿ ಲೈಂಗಿಕ ಶಿಕ್ಷಣ ಅಳವಡಿಸಲು ತಮಿಳು ನಾಡು ಸರಕಾರಕ್ಕೆ ಮನವಿ ಮಾಡಿದ ನಿರ್ದೇಶಕ ವೆಟ್ರಿಮಾರನ್

    ಶಾಲಾ ಮಕ್ಕಳು ಲೈಂಗಿಕ ಶಿಕ್ಷಣವನ್ನು ಕಲಿಯುವುದರ ಅವಶ್ಯಕತೆ ಇದೆ. ಶಾಲಾ ಪಠ್ಯಕ್ರಮದ ಭಾಗವಾಗಿ ಲೈಂಗಿಕ ಶಿಕ್ಷಣವನ್ನು ಸೇರ್ಪಡೆ ಮಾಡುವುದರ ಬಗ್ಗೆ ಕೇರಳ ಹೈಕೋರ್ಟ್ ಅಭಿಪ್ರಾಯ ವ್ಯಕ್ತ ಪಡಿಸಿರುವ ತಮಿಳಿನ ಖ್ಯಾತ ನಿರ್ದೇಶಕ ವೆಟ್ರಿಮಾರನ್, ಇದನ್ನು ತಮಿಳುನಾಡಿನಲ್ಲೂ ಜಾರಿಗೊಳಿಸಬೇಕು ಎಂದು ಅವರು ಮನವಿ ಮಾಡಿದ್ದಾರೆ. ವಿಶ್ವ ಲೈಂಗಿಕ ಆರೋಗ್ಯ ದಿನ ಸಂದರ್ಭದಲ್ಲಿ ಮಾತನಾಡಿದ ಅವರು ಸಲಿಂಗ ವಿವಾಹವನ್ನೂ ಬೆಂಬಲಿಸುವುದಾಗಿ ಘೋಷಿಸಿದ್ದಾರೆ.

    ಬಾಂಗ್ಲಾದೇಶದ ಮಹಿಳೆ ಮತ್ತು ತಮಿಳುನಾಡಿನ ಮಹಿಳೆಯ ನಡುವೆ ನಡೆದ ಮದುವೆಯನ್ನು ಉದಾಹರಣೆಯಾಗಿ ತಗೆದುಕೊಂಡ ಅವರು ಇಂತಹ ಮದುವೆಯನ್ನು ನಾಗರೀಕ ಸಮಾಜ ಪ್ರೋತ್ಸಾಹಿಸಬೇಕು ಎಂದು ಅವರು ಮನವಿ ಮಾಡಿದರು. ಅಲ್ಲದೇ, ತಮಿಳುನಾಡಿನ ಸುಭಿಕ್ಷಾ ಸುಬ್ರಮಣಿ ಹಾಗೂ ಟೀನಾ ದಾಸ್ ಸಲಿಂಗಿಗಳು ತಮಿಳು ಸಾಂಪ್ರದಾಯಿಕ ಶೈಲಿಯಲ್ಲಿ ಮದುವೆಯಾಗಿದ್ದನ್ನೂ ಅವರು ನೆನಪಿಸಿಕೊಂಡರು. ಇದನ್ನೂ ಓದಿ: ಮತ್ತೆ ಶುರುವಾಯ್ತು ಬಾಲಿವುಡ್ ಬಾಯ್‌ಕಾಟ್ ಟ್ರೆಂಡ್: `ಬ್ರಹ್ಮಾಸ್ತ್ರʼ ಚಿತ್ರಕ್ಕೆ ವಿರೋಧ

    ಪ್ರತಿಯೊಬ್ಬರೂ ತಮ್ಮ ತಮ್ಮ ಹಕ್ಕುಗಳನ್ನು ಪಡೆದುಕೊಂಡು ಬದುಕಬೇಕು. ತೃತಿಯ ಲಿಂಗಿಗಳಿಗೆ ತಮ್ಮದೇ ಆದ ಬದುಕಿನ ಹಕ್ಕು ನೀಡುವಂತೆ ಕರೆಕೊಟ್ಟ ವೆಟ್ರಿಮಾರನ್, ಲೈಂಗಿಕ ಶಿಕ್ಷಣದ ಬಗ್ಗೆ ಒತ್ತು ನೀಡುವಂತೆ ಅವರು ಕೇಳಿಕೊಂಡಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಮದ್ರಾಸ್ ಹೈಕೋರ್ಟ್ ನಿವೃತ್ತ ನ್ಯಾಯಾಧೀಶರು ಸೇರಿದಂತೆ ಹಲವು ಗಣ್ಯರು ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

    Live Tv
    [brid partner=56869869 player=32851 video=960834 autoplay=true]

  • ಕ್ಯಾಲಿಫೋರ್ನಿಯಾದ ಶಾಲೆಗಳಲ್ಲಿ ಕಾಂಡೋಮ್ ರೇಸ್-ಬೀದಿಗಿಳಿದು ಪೋಷಕರ ಪ್ರತಿಭಟನೆ

    ಕ್ಯಾಲಿಫೋರ್ನಿಯಾದ ಶಾಲೆಗಳಲ್ಲಿ ಕಾಂಡೋಮ್ ರೇಸ್-ಬೀದಿಗಿಳಿದು ಪೋಷಕರ ಪ್ರತಿಭಟನೆ

    ಸ್ಯಾಕ್ರಮೆಂಟೋ : ಶಾಲೆಗಳಲ್ಲಿ ಮಕ್ಕಳಿಗೆ ಎಲ್ಲ ರೀತಿಯ ಶಿಕ್ಷಣ ನೀಡುತ್ತಾರೆ. ಪಠ್ಯದ ಜೊತೆಗೆ ಆಟಗಳನ್ನು ಶಾಲೆಗಳಲ್ಲಿ ಹಮ್ಮಿಕೊಳ್ಳಲಾಗುತ್ತದೆ. ಕ್ಯಾಲಿಫೋರ್ನಿಯಾದ ಶಾಲೆಗಳಲ್ಲಿ ಕಾಂಡೋಮ್ ರೇಸ್ ನಡೆಸಲು ಅಲ್ಲಿಯ ಶಿಕ್ಷಣ ಮಂಡಳಿ ಆದೇಶಿಸಿದೆ. ಶಿಕ್ಷಣ ಮಂಡಳಿ ತನ್ನ ಆದೇಶವನ್ನು ಹಿಂಪಡೆಯಬೇಕೆಂದು ಪೋಷಕರು ಪ್ರತಿಭಟನೆ ನಡೆಸಿದ್ದಾರೆ.

    ಏನಿದು ಕಾಂಡೋಮ್ ರೇಸ್?
    ಶಾಲೆಗಳಲ್ಲಿ ಸುಮಾರು 10 ರಿಂದ 12 ವಯಸ್ಸಿನ ವಿದ್ಯಾರ್ಥಿನಿಯರು ತನ್ನ ಎಲ್ಲ ಸಹಪಾಠಿಗಳ (ಹುಡುಗರು ಸೇರಿದಂತೆ) ಮುಂದೆ ಕಾಂಡೋಮ್ ಬಳಕೆಯನ್ನು ತೋರಿಸಬೇಕು. ಆಟಿಕೆಯ ವಸ್ತುವಿಗೆ ಕಾಂಡೋಮ್ ಹಾಕುವ ಮೂಲಕ ಎಲ್ಲರಿಗೆ ಬಳಕೆಯ ವಿಧಾನದ ಬಗ್ಗೆ ತಿಳಿಸುವುದು.

    ಈ ಕುರಿತು ಪ್ರತಿಕ್ರಿಯಿಸಿರುವ ಮಕ್ಕಳ ಹಕ್ಕುಗಳ ಹೋರಾಟಗಾರ್ತಿ ರೆಬೆಚಾ ಫ್ರೀಡ್ರಿಚ್, ಇದೊಂದು ಶಾಕಿಂಗ್ ನಿರ್ಧಾರವಾಗಿದ್ದು, 10ರಿಂದ 12 ವರ್ಷದ ವಿದ್ಯಾರ್ಥಿನಿಯರು ಎಲ್ಲರ ಮುಂದೆ ಆಟಕೆಗೆ ಕಾಂಡೋಮ್ ತೊಡಿಸುವ ವಿಧಾನ ಶಾಲೆಗಳಲ್ಲಿ ಜಾರಿಗೆ ತಂದಿರೋದು ಅಪಾಯಕಾರಿ ಬೆಳವಣಿಗೆಯಾಗಿದೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.

    ಸಾರ್ವಜನಿಕವಾಗಿ ಲೈಂಗಿಕ ಶಿಕ್ಷಣದ ಕುರಿತು ತುಂಬಾ ಎಚ್ಚರಿಕೆಯಿಂದ ಮಾತನಾಡುತ್ತೇನೆ. ನನ್ನ ಮಾತುಗಳಿಂದ ಯಾರು ಮುಜುಗರಕ್ಕೆ ಒಳಗಾಬಾರದೆಂಬವುದು ನನ್ನ ನಿಲುವು. ಶಾಲೆಯ ಕೊಠಡಿಯಲ್ಲಿ ಹುಡುಗರ ಮುಂದೆ ವಿದ್ಯಾರ್ಥಿನಿಯರು ಕಾಂಡೋಮ್ ಬಳಕೆಯ ಬಗ್ಗೆ ಮಾತನಾಡುವುದು ಅಪಾಯಕಾರಿ. ವಿದ್ಯಾರ್ಥಿ ಮತ್ತು ವಿದ್ಯಾರ್ಥಿನಿಯರಿಗೆ ಪ್ರತ್ಯೇಕವಾಗಿ ಲೈಂಗಿಕ ಶಿಕ್ಷಣ ನೀಡಬೇಕೆಂದು ಪ್ರೀಡ್ರಿಚ್ ಸ್ಥಳೀಯ ಶಿಕ್ಷಣ ಮಂಡಳಿಗೆ ಸಲಹೆ ನೀಡಿದ್ದಾರೆ.

    ಶಿಕ್ಷಣ ಮಂಡಳಿ ಮೇ ನಲ್ಲಿ ಈ ಆದೇಶವನ್ನು ಹೊರಡಿಸಿದೆ. ಶಿಕ್ಷಣ ಮಂಡಳಿ ಕೂಡಲೇ ತನ್ನ ನಿರ್ಧಾರವನ್ನು ಹಿಂಪಡೆಯಬೇಕೆಂದು ಕ್ಯಾಲಿಫೋರ್ನಿಯಾದೆಲ್ಲಡೆ ಪೋಷಕರು ಪ್ರತಿಭಟನೆ ನಡೆಸುತ್ತಿದ್ದಾರೆ. ಪೋಷಕರ ಪ್ರತಿಭಟನೆಗೆ ಹೋರಾಟಗಾರ್ತಿ ಪ್ರೀಡ್ರಿಚ್ ಬೆಂಬಲ ನೀಡಿದ್ದಾರೆ.

  • ಚಿಕ್ಕ ಮಕ್ಕಳಿಗೆ ಸೆಕ್ಸ್ ಎಜುಕೇಷನ್ ಪಾಠ ಮಾಡಿದ ಯೋಗೀಶ್ ಮಾಸ್ಟರ್ – ವಿಡಿಯೋ ವೈರಲ್

    ಚಿಕ್ಕ ಮಕ್ಕಳಿಗೆ ಸೆಕ್ಸ್ ಎಜುಕೇಷನ್ ಪಾಠ ಮಾಡಿದ ಯೋಗೀಶ್ ಮಾಸ್ಟರ್ – ವಿಡಿಯೋ ವೈರಲ್

    ಬೆಂಗಳೂರು: ಮಕ್ಕಳಿಗೆ ಸೆಕ್ಸ್ ಎಜುಕೇಷನ್ ಬಗ್ಗೆ ದೇಶಾದ್ಯಂತ ಬಿಸಿಬಿಸಿ ಚರ್ಚೆ ನಡೆಯುತ್ತಿರುವಾಗಲ್ಲೇ ಯೋಗೀಶ್ ಮಾಸ್ಟರ್ ತಮ್ಮ ಮಕ್ಕಳಿಗೆ ಸೆಕ್ಸ್ ಎಜುಕೇಷನ್ ಬಗ್ಗೆ ಪಾಠ ಮಾಡಿದ್ದಾರೆ. ಮಕ್ಕಳು ಸೆಕ್ಸ್ ಎಜುಕೇಷನ್ ಬಗ್ಗೆ ಮಾತನಾಡುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಪರ ವಿರೋಧದ ಚರ್ಚೆ ಕೂಡ ಜೋರಾಗಿದೆ.

    ಡುಂಡಿ ಎಂಬ ಪುಸ್ತಕದಿಂದ ಹೆಸರುವಾಸಿಯಾದ ಯೋಗೀಶ್ ಮಾಸ್ಟರ್ ಈಗ ಮತ್ತೊಮ್ಮೆ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದ್ದಾರೆ. ತಮ್ಮ ಇಬ್ಬರು ಮಕ್ಕಳಿಗೆ ಸೆಕ್ಸ್ ಆರ್ಗನ್ಸ್ ಹಾಗೂ ಸೆಕ್ಸ್ ಎಜುಕೇಷನ್ ಬಗ್ಗೆ ಪಾಠ ಮಾಡಿದ್ದಾರೆ.

    ಮಾಸ್ಟರ್: ಸೆಕ್ಸ್ ಎಜುಕೇಷನ್ ಬೇಕು ಅಥವಾ ಬೇಡ ಎಂದು ಒಬ್ಬೊಬ್ಬರು ಒಂದೊಂದು ಥರಾ ಹೇಳ್ತಾರೆ. ನೀವೇನು ಹೇಳ್ತೀರಿ?
    ಇಬ್ಬರೂ: ಬೇಕು
    ಮಾಸ್ಟರ್: ಸೆಕ್ಸ್ ಎಜುಕೇಷನ್ ಬೇಕು ಅಂತೀರಿ. ಸೆಕ್ಸ್ ಅಂದರೆ ಏನು? ಸೆಕ್ಸ್ ಎಜುಕೇಷನ್ ಅಂದ್ರೆ ಏನು?
    ದೇವಿ (ಮಗಳು): ಹುಡುಗ – ಹುಡುಗಿ ಅಂತ ಐಡೆಂಟಿಫೈ ಮಾಡೋದು, ಗುರುತಿಸೋದು ಅವರವರ ಸೆಕ್ಸ್ ಆರ್ಗನ್ಸ್ ಮೇಲೆ. ಈ ಸೆಕ್ಸ್ ಆರ್ಗನ್ ಏನು ಕೆಲಸ ಮಾಡುತ್ತೆ ಅಂತ ತಿಳಿದುಕೊಳ್ಳೋದೇ ಸೆಕ್ಸ್ ಎಜುಕೇಷನ್.
    ಮಾಸ್ಟರ್: ಸರಿ ಸೆಕ್ಸ್ ಎಜುಕೇಷನ್ ಎಲ್ಲಿಂದ ಶುರು ಮಾಡೋದು?
    ದೇವಿ (ಮಗಳು): ನಮಗೆ ಅದರ ಹೆಸರೇಳಿ? ಅದೇನು ಕೆಲಸ ಮಾಡುತ್ತೆ ಅಂತಾನೆ ಶುರು ಮಾಡ್ಬೇಕು.
    ಮಾಸ್ಟರ್: ನಿಮಗೆ ಅದರ ಹೆಸರು ಗೊತ್ತಾ….?
    ಕೈವಲ್ಯ (ಮಗಳು): ಗೊತ್ತು. ತಿ……..!
    ದೇವಿ (ಮಗಳು): ತಿ…..ಅಲ್ಲ. ತಿ……ಅಂದ್ರೆ ಹಿಂದೆ ಇರೋದು. ಸೆಕ್ಸ್ ನ ಐಡೆಂಟಿಫೈ ಮಾಡೋ ಆರ್ಗನ್ನು ಹುಡುಗಿಯರಿಗೆ…… ಅಂತ ಇಂಗ್ಲಿಷ್‍ ನಲ್ಲಿ. ಕನ್ನಡದಲ್ಲಿ ……. ಅಂತೀವಿ. ಹುಡುಗರದಕ್ಕೆ…..ಅಂತ ಅಂತೀವಿ
    ಮಾಸ್ಟರ್: ನೀವು ಹೀಗೆಲ್ಲಾ ಓಪನ್ನಾಗಿ ಸೆಕ್ಸ್ ಬಗ್ಗೆ ಮಾತಾಡ್ಬೋದಾ?
    ಕೈವಲ್ಯ (ಮಗಳು): ಹೌದು. ಕಣ್ಣು ಮೂಗು ಬಾಯಿ ಇದ್ದಂತೆ ಅದೂನೂ ಪಾರ್ಟ್ ಆಫ್ ದಿ ಬಾಡಿ.
    ಮಾಸ್ಟರ್: ಸರಿ, ನಿಮ್ಮ ಸ್ಕೂಲಲ್ಲಿ ಪಾರ್ಟ್ ಆಫ್ ದಿ ಬಾಡಿನೆಲ್ಲಾ ಹೇಳ್ಕೊಟ್ರಾ?
    ಕೈವಲ್ಯ (ಮಗಳು): ಇಲ್ಲ. ಪಾರ್ಟ್ ಆಫ್ ದಿ ಬಾಡಿ ಪಿಕ್ಚರ್ ನಲ್ಲಿ ಏನೂ ಹೇಳಿಕೊಟ್ಟಿಲ್ಲ
    ಮಾಸ್ಟರ್: ಅವೆಲ್ಲಾ ಹೇಳಲೇಬೇಕಾ?
    ಕೈವಲ್ಯ (ಮಗಳು): ಹೌದಲ್ವಾ ದಿನಾನು ನಾವು ಅದನೆಲ್ಲಾ ನೋಡ್ತೀವಿ. ಅದರ ಫಂಕ್ಷನ್ಸ್ ನೆಲ್ಲಾ ನೋಡ್ತಾ ಇರ್ತೀವಿ
    ಮಾಸ್ಟರ್: ಇದೆನೆಲ್ಲಾ ಯಾರು ಹೇಳಿದ್ದು?
    ದೇವಿ (ಮಗಳು): ನೀನು ಮತ್ತು ಅಮ್ಮ
    ಮಾಸ್ಟರ್: ಸೆಕ್ಸ್ ಎಜುಕೇಷನ್ ಯಾರು ಕೊಡಬೇಕು?
    ದೇವಿ (ಮಗಳು): ಪೇರೆಂಟ್ಸ್ ಮತ್ತು ಟೀಚರ್ಸ್
    ಮಾಸ್ಟರ್: ಮತ್ತೆ ಸೆಕ್ಸ್ ಎಜುಕೇಷನ್ ಸಪರೇಟ್ ಲೆಸನ್ ಬೇಕಾ?
    ದೇವಿ (ಮಗಳು): ಏನೂ ಬೇಡ ಅನ್ಸುತ್ತೆ. ಪಾರ್ಟ್ ಆಫ್ ದಿ ಬಾಡಿ ಹೇಳಿಕೊಟ್ರೆ ಅದನ್ನೂ ಹೇಳಿಕೊಟ್ರೆ ಸಾಕು.
    ಕೈವಲ್ಯ (ಮಗಳು): ಮತ್ತೆ ಅದನ್ನು ನೋಡ್ದಾಗ ಮಕ್ಕಳಿಗೆ ಶೇಮ್ ಶೇಮ್ ಅನ್ನಬಾರದು. ಶೇಮ್ ಶೇಮ್ ಅಂದ್ರೆ ಮಕ್ಕಳು ಅದರ ಬಗ್ಗೆ ಯಾರತ್ರನೂ ಮಾತಾಡದೇ ಇಲ್ಲ

    ನೋಡಿದ್ರಲ್ಲ ಮಕ್ಕಳು ಸೆಕ್ಸ್ ಎಜುಕೇಷನ್ ಬಗ್ಗೆ ಹೇಗೆಲ್ಲ ಮಾತನಾಡಿದ್ದು ಎಂದು. ಇಂತಹ ಎಜುಕೇಷನ್ ಮನೆಯಲ್ಲೇ ಹೇಳಿಕೊಟ್ಟರೆ ಮಕ್ಕಳು ಮುಂದೆ ತಪ್ಪು ಮಾಡುವುದು ಶೇಕಡಾ 90 ರಷ್ಟು ಕಡಿಯಾಗುತ್ತೆ ಎಂದು ಯೋಗೀಶ್ ಮಾಸ್ಟರ್ ಹೇಳುತ್ತಾರೆ.