ಬೆಂಗಳೂರು: ನಗರದ ಮಲ್ಲೇಶ್ವರಂನ 18ನೇ ಕ್ರಾಸ್‍ನಲ್ಲಿ ಇಂದು ಸೀರೆ ಮ್ಯಾರಥಾನ್ ಏರ್ಪಡಿಸುವ ಮೂಲಕ ವಿಭಿನ್ನ ರೀತಿಯ ಮ್ಯಾರಾಥಾನ್‍ಗೆ ಹಿರಿಯ ನಟಿ ಗಿರಿಜಾ ಲೋಕೇಶ್ ಚಾಲನೆ ನೀಡಿದರು.
ಜಾಗಿಂಗ್ ಮತ್ತು ಓಡಾಟಕಕ್ಕೆ ಸೀರೆ ಅಡ್ಡಿಯಲ್ಲ, ಸೀರೆಯಲ್ಲೇ ಫಿಟ್ನೆಸ್ ಸಾಬೀತು ಪಡಿಸಬಹುದೆಂದು ಹಠತೊಟ್ಟ ಕೆಲವು ಗೃಹಿಣಿಯರು “ಡ್ರೆಸ್ ಕೋಡ್ ಬಗ್ಗೆ ಚಿಂತೆ ಬೇಡ, ಸೀರೆಯಲ್ಲೇ ಫಿಟ್ನೆಸ್ ಸಾಬೀತು ಪಡಿಸಿ” ಎಂಬ ಟ್ಯಾಗ್ ಲೈನ್ ಮೂಲಕ ಮ್ಯಾರಥಾನ್‍ನಲ್ಲಿ ನೂರಾರು ಗೃಹಿಣಿಯರು ಭಾಗಿಯಾಗಿ ಯಶಸ್ವಿಗೊಳಿಸಿದ್ದಾರೆ.
ವಿಭಿನ್ನ ಮ್ಯಾರಥಾನ್ ಉದ್ಘಾಟನೆ ಮಾಡಿದ ಬಳಿಕ ಮಾತನಾಡಿದ ಹಿರಿಯ ನಟಿ ಗಿರಿಜಾ ಲೋಕೇಶ್‍ರವರು, ಇಂದು ಸಾರಿ ಹಾಕಿಕೊಂಡೇ ಮ್ಯಾರಥಾನ್ ನಡೆಸಲಾಗಿದ್ದು, ಸಾಮಾನ್ಯವಾಗಿ ಸೀರೆಯಲ್ಲಿ ಜಾಗಿಂಗ್ ಹಾಗೂ ಓಡಾಟ ಮಾಡಲು ತೊಂದರೆಯಾಗುತ್ತದೆ. ಅದರಿಂದ ಹೊರ ಬಂದು ಸೀರೆ ಮೂಲಕವೇ ಫಿಟ್ನೆಸ್ ಸಾಬೀತುಪಡಿಸಲು ಸಾಧ್ಯ ಅನ್ನುವುದನ್ನು ಈ ಮೂಲಕ ತೋರಿಸಿಕೊಡುತ್ತಿದ್ದೇವೆ ಎಂದು ಹೇಳಿದರು.
ಮ್ಯಾರಥಾನ್‍ನಲ್ಲಿ ನಟಿ ಸಮುನ್ ನಗರ್ಕರ್ ಸೇರಿದಂತೆ ಇನ್ನೂ ಹಲವರು ಕಾಣಿಸಿಕೊಂಡಿದ್ದು ವಿಶೇಷವಾಗಿತ್ತು.
