Bloggers Unite

Tag: recipe

  • 4 ರಿಂದ 6 ತಿಂಗ್ಳ ಮಕ್ಕಳಿಗೆ ಸುಲಭವಾದ ಆಹಾರ

    4 ರಿಂದ 6 ತಿಂಗ್ಳ ಮಕ್ಕಳಿಗೆ ಸುಲಭವಾದ ಆಹಾರ

    ಸಣ್ಣ ಮಕ್ಕಳಿಗೆ ಆಹಾರ ಕೊಡುವುದು ಅಂದರೆ ತುಂಬಾ ಕಷ್ಟ. ಅದರಲ್ಲೂ ಈ ಚಳಿಗಾಲದಲ್ಲಿ ಮಕ್ಕಳಿಗೆ ಆಹಾರ ತಿನ್ನಿಸುವುದು ತುಂಬಾ ಕಷ್ಟದ ಕೆಲಸವಾಗಿದೆ. ಯಾವ ಆಹಾರ ಕೊಟ್ಟರೆ ಮಕ್ಕಳಿಗೆ ಸಮಸ್ಯೆಯಾಗುವುದಿಲ್ಲ ಎಂದು ಯೋಚನೆ ಮಾಡಿ ಮಕ್ಕಳಿಗೆ ಕೊಡಬೇಕು. ಆದ್ದರಿಂದ 4 ಮತ್ತು 6 ತಿಂಗಳ ಮಕ್ಕಳಿಗೆ ಸುಲಭವಾದ ಹಣ್ಣಿನ ಆಹಾರಗಳು ಇಲ್ಲಿವೆ…

    4 ತಿಂಗಳ ಮಗುವಿನ ಆಹಾರ

    1. ಸೇಬಿನ ಲಸ್ಸಿ

    * ಮೊದಲಿಗೆ ಒಂದು ಸೇಬು ತೆಗೆದುಕೊಂಡು, ಸಿಪ್ಪೆ ತೆಗೆದು ಸಣ್ಣಗೆ ಕಟ್ ಮಾಡಿಕೊಳ್ಳಿ.
    * ಬಳಿಕ ಅದಕ್ಕೆ ಸ್ವಲ್ಪ ನೀರು ಹಾಕಿ 5 ರಿಂದ 8 ನಿಮಿಷ ಮೃದುವಾಗುವರೆಗೂ ಬೇಯಿಸಿಕೊಳ್ಳಿ.
    * ನಂತರ ಅದನ್ನು ಮಿಕ್ಷಿ ಜಾರಿಗೆ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ.
    * ಈಗ ಒಂದು ಬೌಲ್ ಗೆ ಹಾಕಿ ಮಗುವಿಗೆ ತಿನ್ನಿಸಬಹುದು. ಇದು ಆರೋಗ್ಯಕರವಾದ ಆಹಾರವಾಗಿದೆ.

    6 ತಿಂಗಳ ಮಕ್ಕಳಿಗೆ
    ಬಾಳೆ ಹಣ್ಣಿನ ಲಸ್ಸಿ

    * ಅರ್ಧ ದಪ್ಪ ಬಾಳೆಹಣ್ಣು ತೆಗೆದುಕೊಂಡು ಸಣ್ಣಗೆ ಕಟ್ ಮಾಡಿಕೊಳ್ಳಿ.
    * ಬಳಿಕ ಅದನ್ನು ಒಂದು ಬೌಲ್ ಗೆ ಹಾಕಿಕೊಂಡು ಚಮಚದಲ್ಲಿ ಸ್ಮ್ಯಾಶ್ ಮಾಡಿಕೊಳ್ಳಿ.
    * ಈಗ ಮಗುವಿನ ಸ್ವೀಟ್ ಬನಾನಾ ಲಸ್ಸಿ ತಿನ್ನಿಸಿ.

    ಪಪ್ಪಾಯ ಲಸ್ಸಿ
    * ಪಪ್ಪಾಯ ಹಣ್ಣನ್ನು ಸಣ್ಣಗೆ ಕಟ್ ಮಾಡಿಕೊಂಡು ಮಿಕ್ಷಿಗೆ ಹಾಕಿ ರುಬ್ಬಿಕೊಳ್ಳಿ.
    * ಈಗ ಒಂದು ಬೌಲ್ ಗೆ ಹಾಕಿಕೊಂಡು ಮಗುವಿಗೆ ತಿನ್ನಿಸಿ.

    ಪೇರಳೆ ಹಣ್ಣಿನ ಲಸ್ಸಿ
    * ಪೇರಳೆ ಹಣ್ಣಿನ ಸಿಪ್ಪೆ ತೆಗೆದು, ಅದನ್ನು ಸಣ್ಣಗೆ ಕತ್ತರಿಸಿಕೊಳ್ಳಿ.
    * ಬಳಿಕ ಅದಕ್ಕೆ ಸ್ವಲ್ಪ ನೀರು ಹಾಕಿ 5ರಿಂದ 8 ನಿಮಿಷ ಬೇಯಿಸಿರಿ.
    * ಈಗ ಅದನ್ನು ಮಿಕ್ಷಿಗೆ ಹಾಕಿ ರುಬ್ಬಿಕೊಂಡರೆ ಪೇರಳೆ ಹಣ್ಣಿನ ಲಸ್ಸಿ ಸಿದ್ಧ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv ಮತ್ತು Live  ವೀಕ್ಷಿಸಲು  ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್  ಮಾಡಿ: play.google.com/publictv

  • ರುಚಿಕರ ತಾಲಿಪಟ್ಟು, ಹೀರೆಕಾಯಿ ಚಟ್ನಿ ಮಾಡುವ ಸುಲಭ ವಿಧಾನ

    ರುಚಿಕರ ತಾಲಿಪಟ್ಟು, ಹೀರೆಕಾಯಿ ಚಟ್ನಿ ಮಾಡುವ ಸುಲಭ ವಿಧಾನ

    ಬೆಳಗ್ಗೆ ಏನಪ್ಪಾ ತಿಂಡಿ ಮಾಡೋದು ಅಂತಾ ಯೋಚನೆ ಮಾಡ್ತಿದ್ದೀರಾ? ಸುಲಭವಾಗಿ ಕಡಿಮೆ ಸಮಯದಲ್ಲಿ ಯಾವ ತಿಂಡಿ ಮಾಡೋದು ಅಂತಾ ಗೋತ್ತಾಗ್ತಾಯಿಲ್ವಾ? ಹಾಗಾದ್ರೆ ನಮ್ಮ ಹತ್ರ ಇದೆ ಒಂದು ಸೂಪರ್ ರೆಸಿಪಿ ಅದೇ ತಾಲಿಪಟ್ಟು.

    ಹೌದು, ಕಡಿಮೆ ಸಮಯದಲ್ಲಿ ರುಚಿಕರ ತಾಲಿಪಟ್ಟುವನ್ನು ಮಾಡುವ ಸುಲಭ ವಿಧಾನ ಇಲ್ಲಿದೆ.

    ತಾಲಿಪಟ್ಟು ಮಾಡಲು ಬೇಕಾಗುವ ಪದಾರ್ಥ:
    1. ಅಕ್ಕಿ ಹಿಟ್ಟು- 2 ಕಪ್
    2. ತುರಿದ ತೆಂಗಿನ ಕಾಯಿ- 1 ಕಪ್
    3. ಈರುಳ್ಳಿ- 2-3
    4. ಹಸಿ ಮೆಣಸು- 5-6
    5. ಕರಿಬೇವಿನ ಸೊಪ್ಪು- 5-6 ಎಲೆ
    6. ಜೀರಿಗೆ- 1 ಚಮಚ
    7. ರುಚಿಗೆ ತಕ್ಕಷ್ಟು ಉಪ್ಪು

    ಹೀರೆಕಾಯಿ ಚಟ್ನಿ ಮಾಡಲು ಬೇಕಾಗುವ ಪದಾರ್ಥ:
    1. ಕತ್ತರಿಸಿದ ಹೀರೆಕಾಯಿ
    2. ಸಾಸಿವೆ- 1 ಚಮಚ
    3. ಕರಿಬೇವಿನ ಸೊಪ್ಪು- 5-6 ಎಲೆ
    4. ಹುಣಸೆ ಹಣ್ಣು- 1-2 ಎಸಳು
    5. ಬೆಲ್ಲ- ಸ್ವಲ್ಪ
    6. ತುರಿದ ತೆಂಗಿನ ಕಾಯಿ- ಅರ್ಧ ಕಪ್
    7. ರುಚಿಗೆ ತಕ್ಕಷ್ಟು ಉಪ್ಪು

     

    ಮಾಡುವ ವಿಧಾನ:
    * ಮೊದಲು ಒಂದು ಪಾತ್ರೆಯಲ್ಲಿ 2 ಕಪ್ ಅಕ್ಕಿ ಹಿಟ್ಟು, 1 ಕಪ್ ತುರಿದ ತೆಂಗಿನ ಕಾಯಿ, 2-3 ಕತ್ತರಿಸಿದ ಈರುಳ್ಳಿ, 5-6 ಚಿಕ್ಕದಾಗಿ ಕತ್ತರಿಸಿದ ಹಸಿ ಮೆಣಸು, ಸ್ವಲ್ಪ ಕರಿಬೇವಿನ ಸೊಪ್ಪು, 1 ಚಮಚ ಜೀರಿಗೆ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಸ್ವಲ್ಪ ನೀರು ಸೇರಿಸಿ ಹದವಾಗಿ ಕಲಿಸಬೇಕು. ನಂತರ ಮಿಶ್ರಣವನ್ನು 10 ನಿಮಿಷ ಹಾಗೆಯೇ ಬಿಡಿ.
    * ನಂತರ ಗ್ಯಾಸ್ ಹಚ್ಚಿ ಅದರ ಮೇಲೆ ಒಂದು ಪ್ಯಾನ್ ಇಟ್ಟು ಕಾಯಲು ಬಿಡಿ. ಬಳಿಕ ಎತ್ತಿಟ್ಟ ಮಿಶ್ರಣದಿಂದ ಒಂದೊಂದಾಗಿ ಉಂಡೆಗಳನ್ನು ಮಾಡಿಕೊಳ್ಳಿ.
    * ಪ್ಯಾನ್ ಕಾದ ಮೇಲೆ ತಯಾರಿಸಿದ ತಾಲಿಪಟ್ಟಿನ ಮಿಶ್ರಣದ ಒಂದೊಂದೇ ಉಂಡೆಯನ್ನು ಇಟ್ಟು ಕೈಗೆ ಸ್ವಲ್ಪ ನೀರು ಹಚ್ಚಿಕೊಂಡು ರೊಟ್ಟಿಯ ರೀತಿ ತಟ್ಟಬೇಕು. ಬಳಿಕ ಮೇಲಿಂದ ಸ್ವಲ್ಪ ಎಣ್ಣೆಯನ್ನು ಹಾಕಿ ಎರಡು ಬದಿಯಲ್ಲಿ ಹದವಾಗಿ ಬೇಯಿಸಿಬೇಕು. ಹೀಗೆ ಒಂದೊಂದೆ ತಾಲಿಪಟ್ಟನ್ನು ತಟ್ಟಿ ಬೇಯಿಸಿ.

    * ಈಗ ಹೀರೆಕಾಯಿ ಚಟ್ನಿ ಮಾಡಲು ಮೊದಲು ಒಂದು ಪ್ಯಾನ್‍ನಲ್ಲಿ ಕತ್ತರಿಸಿದ ಹೀರೆಕಾಯಿ, 1 ಚಮಚ ಸಾಸಿವೆ, ಸ್ವಲ್ಪ ಕರಿಬೇವಿನ ಸೊಪ್ಪು ಎಲ್ಲವನ್ನು ಸಣ್ಣ ಉರಿಯಲ್ಲಿ ಹುರಿದುಕೊಳ್ಳಿ. ನಂತರ ಹುರಿದ ಪದಾರ್ಥದ ಜೊತೆಗೆ ಸ್ವಲ್ಪ ಹುಣಸೆ ಹಣ್ಣು, ಸ್ವಲ್ಪ ಬೆಲ್ಲ, ತುರಿದ ತೆಂಗಿನ ಕಾಯಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಸ್ವಲ್ಪ ನೀರು ಸೇರಿಸಿ ಮಿಕ್ಸಿ ಜಾರ್‍ನಲ್ಲಿ ಗ್ರೈಂಡ್ ಮಾಡಿಕೊಳ್ಳಿ.
    * ನಂತರ ತಯಾರಿಸಿದ ಹೀರೆಕಾಯಿ ಚಟ್ನಿ ಜೊತೆಗೆ ತಾಲಿಪಟ್ಟನ್ನು ಪ್ಲೇಟ್‍ನಲ್ಲಿ ಇಟ್ಟರೆ ರುಚಿಕರ ತಾಲಿಪಟ್ಟು ಸವಿಯಲು ಸಿದ್ಧ.

    ಹೀಗೆ ಸುಲಭವಾಗಿ ರುಚಿಕರ ತಾಲಿಪಟ್ಟುವನ್ನು ಕಡಿಮೆ ಸಮಯದಲ್ಲಿ ತಯಾರಿಸಬಹುದು. ಈ ರೆಸಿಪಿಯನ್ನು ನೀವು ತಯಾರಿಸಿ ಸವಿದು ಖುಷಿಪಡಿ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv ಮತ್ತು Live  ವೀಕ್ಷಿಸಲು  ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್  ಮಾಡಿ: play.google.com/publictv

  • ವಿಟಮಿನ್ ಪೂರೈಸುವ ನುಗ್ಗೆ ಸೊಪ್ಪಿನ ಪಲ್ಯ ಮಾಡುವ ವಿಧಾನ

    ವಿಟಮಿನ್ ಪೂರೈಸುವ ನುಗ್ಗೆ ಸೊಪ್ಪಿನ ಪಲ್ಯ ಮಾಡುವ ವಿಧಾನ

    ಇತ್ತೀಚಿನ ದಿನಗಳಲ್ಲಿ ಹಳ್ಳಿಯ ಸೊಗಡಿನ ರುಚಿಯಾದ ಅಡುಗೆ ಮಾಡುವುದೇ ಕಡಿಮೆಯಾಗಿದೆ. ಅದರಲ್ಲೂ ಆರೋಗ್ಯಕ್ಕೆ ಒಳ್ಳೆಯದಾದ ಸೊಪ್ಪು-ತರಕಾರಿಯ ಅಡುಗೆಗಳು ಅತೀ ವಿರಳವಾಗಿದೆ. ಹಾಗಾಗಿ ಹಳ್ಳಿ ಸೊಗಡಿನ ನುಗ್ಗೆ ಸುಪ್ಪಿನ ಪಲ್ಯ ಮಾಡುವ ವಿಧಾನ ಇಲ್ಲಿದೆ.

    ನುಗ್ಗೆ ಸೊಪ್ಪು ಔಷಧಿ ಗುಣಗಳನ್ನು ಹೊಂದಿದೆ. ಇದು ನಮ್ಮ ದೇಹಕ್ಕೆ ಅಗತ್ಯವಿರುವ ವಿಟಮಿನ್ ನನ್ನು ಪೂರೈಸುತ್ತದೆ. ಆದ್ದರಿಂದ ಈ ಸೊಪ್ಪನ್ನು ವಾರಕ್ಕೆ ಒಂದು ಬಾರಿಯಾದರೂ ಸೇವಿಸಿದರೆ ಆರೋಗ್ಯಕ್ಕೆ ಒಳ್ಳೆಯದು.

    ಬೇಗಾಗುವ ಸಾಮಾಗ್ರಿಗಳು
    1. ನುಗ್ಗೆ ಸೊಪ್ಪು – 2 ಬೌಲ್(ದೊಡ್ಡದು)
    2. ತೊಗರಿ ಬೇಳೆ – ಅರ್ಧ ಬೌಲ್
    3. ಈರುಳ್ಳಿ – 2
    4. ತೆಂಗಿನ ತುರಿ – 3/4 ಕಪ್
    5. ಬೆಳ್ಳುಳ್ಳಿ – 3 ರಿಂದ 4
    6. ಉಪ್ಪು – ರುಚಿಗೆ ತಕ್ಕಷ್ಟು
    7. ಎಣ್ಣೆ – 3 ರಿಂದ 4 ಚಮಚ
    8. ಸಾಸಿವೆ – ಅರ್ಧ ಚಮಚ
    9. ಒಣಮೆಣಸಿನ ಕಾಯಿ – 2

    ಮಾಡುವ ವಿಧಾನ
    * ಮೊದಲಿಗೆ ನುಗ್ಗೆ ಸೊಪ್ಪನ್ನು ಬಿಡಿಸಿಟ್ಟಿಕೊಳ್ಳಬೇಕು. ಆದಷ್ಟು ಕಡ್ಡಿಯಿಂದ ಎಲೆಗಳನ್ನು ಬೇರ್ಪಡಿಸಿಕೊಳ್ಳಿ.
    * ಬಳಿಕ ಸೊಪ್ಪನ್ನು ತೊಳೆದು, ಒಂದು ದೊಡ್ಡ ಬೌಲಿಗೆ ಅರ್ಧ ಬೌಲ್ ತೊಗರಿಬೇಳೆ ಮತ್ತು 3 ಲೋಟ ನೀರು ಹಾಕಿ ಬೇಯಿಸಿ.
    * ಬೇಳೆ ಒಂದು ಕುದಿ ಬಂದಾಗ ಬಿಡಿಸಿಕೊಂಡಿದ್ದ ಬೆಳ್ಳುಳ್ಳಿಯನ್ನು ಹಾಕಿರಿ.
    * ಬೇಳೆ ಸಂಪೂರ್ಣವಾಗಿ ಬೆಂದಮೇಲೆ ನುಗ್ಗೆ ಸೊಪ್ಪು ಹಾಕಿ(ಬೇಯಿಸುವಾಗ ತಟ್ಟೆ ಮುಚ್ಚಬಾರದು)
    * ಈಗ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ 10 ನಿಮಿಷ ಬೇಯಿಸಿರಿ.(ನೀರು ಕಡಿಮೆಯಾದರೆ ಬಿಸಿ ನೀರು ಹಾಕಿ)
    * ಸೊಪ್ಪು ಬೆಂದ ಬಳಿಕ ನೀರು ಮತ್ತು ಸೊಪ್ಪು ಎರಡನ್ನೂ ಬೇರೆ ಬೇರೆಯಾಗುವಂತೆ ಸೋಸಿಕೊಳ್ಳಿ.

    ಒಗ್ಗರಣೆಗೆ
    * ಒಂದು ಬಾಣಲೆಗೆ ಎಣ್ಣೆ ಹಾಕಿ ಬಿಸಿಯಾದ ಮೇಲೆ ಸಾಸಿವೆ, ಒಣ ಮೆಣಸಿನ ಕಾಯಿ, ಸಣ್ಣಗೆ ಕತ್ತರಿಸಿದ್ದ ಈರುಳ್ಳಿ ಹಾಕಿ ಫ್ರೈ ಮಾಡಿ.
    * ಈರುಳ್ಳಿ ಫ್ರೈ ಆದ ಮೇಲೆ, ತೆಂಗಿನ ತುರಿ, ಸೋಸಿಕೊಂಡಿದ್ದ  ಸೊಪ್ಪನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿದರೆ ರುಚಿರುಚಿಯಾದ ನುಗ್ಗೆ ಸೊಪ್ಪಿನ ಪಲ್ಯ ಸವಿಯಲು ಸಿದ್ಧ.

    ಸೊಪ್ಪನ್ನು ಸೋಸಿಕೊಂಡಾಗ ಉಳಿದ ನೀರನ್ನು, ರಸಂ ಅಥವಾ ಉಪ್ಸಾರನ್ನು ಮಾಡಿಕೊಳ್ಳಬಹುದು.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv ಮತ್ತು Live  ವೀಕ್ಷಿಸಲು  ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್  ಮಾಡಿ: play.google.com/publictv

  • ಸಂಡೇ ಸ್ಪೆಷಲ್: ಚಿಕನ್ ಲಿವರ್ ಫ್ರೈ ಮಾಡುವ ವಿಧಾನ

    ಸಂಡೇ ಸ್ಪೆಷಲ್: ಚಿಕನ್ ಲಿವರ್ ಫ್ರೈ ಮಾಡುವ ವಿಧಾನ

    ಭಾನುವಾರ ಬಂದರೆ ಸಾಕು ಮಕ್ಕಳು ಸೇರಿದಂತೆ ಮನೆಯವರು ರುಚಿ ರುಚಿಯಾಗಿ ನಾನ್ ವೆಜ್ ತಿನ್ನಬೇಕು ಎಂದು ಆಸೆ ಪಡುತ್ತಾರೆ. ಆದರೆ ಪ್ರತಿ ಭಾನುವಾರ ಚಿಕನ್ ಕಬಾಬ್, ಬಿರಿಯಾನಿ ತಿಂದು ಬೇಸರವಾಗಿರುತ್ತದೆ. ಹಾಗಾಗಿ ನಿಮಗಾಗಿ ಸಿಂಪಲ್ ಆಗಿ ಚಿಕನ್ ಲಿವರ್ ಫ್ರೈ ಮಾಡುವ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು
    1. ಚಿಕನ್ ಲಿವರ್ – 1/4 ಕೆಜಿ
    2. ಈರುಳ್ಳಿ – 1 ದಪ್ಪದು
    3. ಎಣ್ಣೆ – ಕೊತ್ತಂಬರಿ
    4. ಬ್ಲಾಕ್ ಪೆಪ್ಪರ್ ಪುಡಿ – ಒಂದೂವರೆ ಚಮಚ
    5. ಅರಿಶಿಣ ಪುಡಿ – ಚಿಟಿಕೆ
    6. ಖಾರದ ಪುಡಿ – 1 ಚಮಚ
    7. ನಿಂಬೆ ರಸ – 1 ಹಣ್ಣಿನ ರಸ
    8. ಶುಂಠಿ – ಬೆಳ್ಳುಳ್ಳಿ ಪೇಸ್ಟ್
    9. ಉಪ್ಪು – ರುಚಿಗೆ ತಕ್ಕಷ್ಟು

    ಮಾಡುವ ವಿಧಾನ
    * ನಾನ್ ಸ್ಟಿಕ್ ಪ್ಯಾನ್‍ಗೆ ಎಣ್ಣೆ ಹಾಕಿ. ಬಿಸಿಯಾದ ಮೇಲೆ ಅದಕ್ಕೆ ಉದ್ದುದ್ದಕ್ಕೆ ಕತ್ತರಿಸಿದ ಈರುಳ್ಳಿಯನ್ನು ಹಾಕಿ ಗೋಲ್ಡನ್ ಬ್ರೌನ್ ಬರುವ ತನಕ ಫ್ರೈ ಮಾಡಿ.
    * ಅದಕ್ಕೆ ಶುಂಠಿ – ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಹಸಿ ವಾಸನೆ ಹೋಗುವ ತನಕ ಕೈಯಾಡಿಸಿ.
    * ತೊಳೆದ ಚಿಕನ್ ಲಿವರ್ ಸೇರಿಸಿ. ಬಣ್ಣ ಬದಲಾಗುವರೆಗೆ ಫ್ರೈ ಮಾಡಿ.
    * ಲಿವರ್ ಬಣ್ಣ ಚೇಂಜ್ ಆದ ಮೇಲೆ ಅದಕ್ಕೆ ಅರಿಶಿಣ ಪುಡಿ, ಉಪ್ಪು, ಖಾರದ ಪುಡಿ, ಬ್ಲಾಕ್ ಪೆಪ್ಪರ್ ಪುಡಿ ಸೇರಿಸಿ ಮಿಕ್ಸ್ ಮಾಡಿ.
    * 3-4 ನಿಮಿಷ ಕಡಿಮೆ ಉರಿಯಲ್ಲಿ ಲಿಡ್ ಮುಚ್ಚಿ ಬೇಯಲು ಬಿಡಿ.
    * ಮಿಶ್ರಣದೊಂದಿಗೆ ಲಿವರ್ ಬೆಂದ ಬಳಿಕ. ಅದಕ್ಕೆ ಕೊತ್ತಂಬರಿ ಸೊಪ್ಪು. ನಿಂಬೆ ಹಣ್ಣಿನ ರಸ ಸೇರಿಸಿ ಕೆಳಗಿಳಿಸಿದರೆ ರುಚಿರುಚಿಯಾದ ಚಿಕನ್ ಲಿವರ್ ಫ್ರೈ ಸವಿಯಲು ಸಿದ್ಧ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
    ಪಬ್ಲಿಕ್ ಟಿವಿ ಆಪ್ ಡೌನ್ ಲೋಡ್ ಮಾಡಿ: play.google.com/publictv
    ಯೂ ಟ್ಯೂಬ್‍ನಲ್ಲಿ ಪಬ್ಲಿಕ್ ಟಿವಿಯನ್ನು ಸಬ್ ಸ್ಕ್ರೈಬ್ ಮಾಡಿ: youtube.com/publictvnewskannada
    ಫೇಸ್‍ಬುಕ್‍ನಲ್ಲಿ ಪಬ್ಲಿಕ್ ಟಿವಿಯನ್ನು ಲೈಕ್ ಮಾಡಿ: facebook.com/publictv
    ಟ್ವಿಟ್ಟರ್‌ನಲ್ಲಿ ಪಬ್ಲಿಕ್ ಟಿವಿಯನ್ನು ಫಾಲೋ ಮಾಡಿ: twitter.com/publictvnews

  • ನೆಂಟರ ಜೊತೆ ಸೇರಿ ಶೇಂಗಾ/ನೆಲಗಡಲೆ ಉಂಡೆ ಮಾಡಿ ಹಬ್ಬವನ್ನು ಸಂಭ್ರಮಿಸಿ

    ನೆಂಟರ ಜೊತೆ ಸೇರಿ ಶೇಂಗಾ/ನೆಲಗಡಲೆ ಉಂಡೆ ಮಾಡಿ ಹಬ್ಬವನ್ನು ಸಂಭ್ರಮಿಸಿ

    ಬೇರೆ ಬೇರೆ ರೀತಿಯ ಉಂಡೆಗಳನ್ನು ನೀವು ತಿಂದಿರಬಹುದು. ಆದರಲ್ಲೂ ಬಹಳಷ್ಟು ಜನರಿಗೆ ನೆಲಗಡಲೆ ಉಂಡೆ ಅಂದ್ರೆ ಬಹಳ ಅಚ್ಚುಮೆಚ್ಚು. ಹಲವು ಜನರ ಪ್ರಿಯವಾಗಿರುವ ನೆಲಗಡಲೆ ಉಂಡೆ ಮಾಡುವುದು ಸಹ ಅಷ್ಟೇನು ಕಷ್ಟದ ಕೆಲಸವಲ್ಲ. ಮನೆಯಲ್ಲೇ ಉಂಡೆ ಮಾಡಬಹುದು. ಹೇಗೂ ಮನೆಗೆ ನೆಂಟರು ಬಂದಿರುತ್ತಾರೆ. ಬಂದವರ ಜೊತೆ ಸೇರಿ ಉಂಡೆ ಮಾಡಿ ತಿಂದರೆ ಹಬ್ಬದ ಸಂಭ್ರಮವೇ ಬೇರೆ. ಹೀಗಾಗಿ ಇಲ್ಲಿ ನೆಲಗಡಲೆ ಉಂಡೆ ಮಾಡುವ ಸರಳ ವಿಧಾನವನ್ನು ವಿವರಿಸಲಾಗಿದೆ.

    ಬೇಕಾಗುವ ಸಾಮಾಗ್ರಿಗಳು
    1. ಕಡಲೆಬೀಜ – 1 ಕಪ್
    2. ತುರಿದ ಕೊಬ್ಬರಿ – 1/4 ಕಪ್
    3. ಬೆಲ್ಲ – 3/4 ಕಪ್
    4. ಎಳ್ಳು – 1/4 ಕಪ್
    5. ಏಲಕ್ಕಿ – ಚಿಟಿಕೆ

    ಮಾಡುವ ವಿಧಾನ:
    1. ದಪ್ಪ ತಳದ ಪ್ಯಾನ್ ಗೆ ಮಧ್ಯಮ ಉರಿಯಲ್ಲಿ ಕಡಲೆಬೀಜಗಳನ್ನ ಹುರಿದುಕೊಳ್ಳಿ.
    2. ಯಾವಾಗ ಕಡಲೆಬೀಜಗಳು ಕಂದು ಬಣ್ಣಕ್ಕೆ ತಿರುಗುತ್ತದೆಯೋ, ಆಗ ಅದಕ್ಕೆ ಎಳ್ಳನ್ನ ಸೇರಿಸಿ ಹುರಿದುಕೊಳ್ಳಿ
    3. ಎಳ್ಳು ಸ್ವಲ್ಪ ಕಂದು ಬಣ್ಣಕ್ಕೆ ತಿರುಗಿದ ಮೇಲೆ, ಸಣ್ಣ ಉರಿಯಲ್ಲಿ ಕೊಬ್ಬರಿ ತುರಿಯನ್ನ ಗರಿ ಗರಿಯಾಗುವವರೆಗೆ ಹುರಿದುಕೊಳ್ಳಿ. ನಂತರ ಸ್ಟವ್ ಆಫ್ ಮಾಡಿ.
    4. ಹುರಿದ ಕೊಬ್ಬರಿ, ಕಡಲೆಬೀಜ, ಎಳ್ಳು ಎಲ್ಲಾ ತಣ್ಣಗಾದ ಮೇಲೆ ಮಿಕ್ಸಿಯಲ್ಲಿ ಹಾಕಿ ಪುಡಿ ಮಾಡಿಕೊಳ್ಳಿ.
    5. ಪುಡಿಯು ಆದಷ್ಟು ತರಿ ತರಿಯಾಗಿ ಮತ್ತು ದಪ್ಪವಾಗಿರಲಿ.
    6. ಅದಕ್ಕೆ ಬೆಲ್ಲವನ್ನ ಹಾಕಿ ಪುಡಿ ಮಾಡಿಕೊಳ್ಳಿ.
    7. ಸುಮಾರು 3-4 ಸುತ್ತು ಮಿಕ್ಸಿಯಲ್ಲಿ ಪುಡಿ ಮಾಡಿ. ಅದಕ್ಕಿಂತ ಹೆಚ್ಚು ಮಾಡದಿರಿ
    8. ಈ ಪುಡಿಯನ್ನ ಒಂದು ತಟ್ಟೆಗೆ ಹಾಕಿ, ಅದಕ್ಕೆ ಏಲಕ್ಕಿ ಪುಡಿಯನ್ನ ಮಿಶ್ರ ಮಾಡಿರಿ
    9. ಸಣ್ಣ ಸಣ್ಣ ಉಂಡೆಗಳನ್ನ ಮಾಡಿ, ಗಾಳಿ ಆಡದಂತ ಡಬ್ಬಿಗೆ ಆ ಉಂಡೆಗಳನ್ನ ಹಾಕಿ, ವಾರಗಟ್ಟಲೆ ಶೇಖರಿಸಿ ಇಡಬಹುದು.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ಬೇಕರಿ ಸ್ಟೈಲ್ ಹಾಲಿನ ಪೇಡ ಮಾಡೋ ವಿಧಾನ

    ಬೇಕರಿ ಸ್ಟೈಲ್ ಹಾಲಿನ ಪೇಡ ಮಾಡೋ ವಿಧಾನ

    ಪೇಡ ಅಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ. ಎಲ್ಲರೂ ಬಾಯಿ ಚಪ್ಪರಿಸಿ ತಿನ್ನುತ್ತಾರೆ. ಆದರೆ ನೀವು ಬೇಕರಿಗೆ ಹೋಗಿಯೇ ಪೇಡ ಖರೀದಿ ಮಾಡಬೇಕಿಲ್ಲ. ಮನೆಯಲ್ಲೇ ಪೇಡ ಮಾಡಿ ತಿನ್ನಬಹುದು. ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಬೇಕರಿ ಸ್ಟೈಲ್ ಪೇಡ ಮಾಡುವ ವಿಧಾನವನ್ನು ಇಲ್ಲಿ ತಿಳಿಸಲಾಗಿದೆ.

    ಬೇಕಾಗುವ ಸಾಮಾಗ್ರಿಗಳು:
    1. ಹಾಲಿನ ಪುಡಿ – 1 ಕಪ್
    2. ಹಾಲು – 1 ಕಪ್
    3. ಸಕ್ಕರೆ – 1/3 ಕಪ್
    4. ಮೈದಾ ಹಿಟ್ಟು – 1/4 ಕಪ್
    5. ತುಪ್ಪ – 2 ಚಮಚ
    6. ಏಲಕ್ಕಿ ಪುಡಿ – ಚಿಟಿಕೆ
    7. ಕೇಸರಿ ಪುಡಿ (ಬೇಕಾದರೆ) – ಚಿಟಿಕೆ

    ಮಾಡುವ ವಿಧಾನ:
    1. ಸಕ್ಕರೆ ಪುಡಿ, ಹಾಲಿನ ಪುಡಿ, ಏಲಕ್ಕಿ ಪುಡಿ, ಕೇಸರಿ ಪುಡಿ ಎಲ್ಲವನ್ನ ಒಂದು ನಾನ್ ಸ್ಟಿಕ್ ಪ್ಯಾನಲ್ಲಿ ಹಾಕಿ ಹುರಿದುಕೊಳ್ಳಿ.
    2. ಸ್ವಲ್ಪ ಬೆಚ್ಚಗಾದ ನಂತರ ಹಾಲನ್ನ ಬೆರೆಸಿ, ಗಂಟಾಗದಂತೆ ನಿಧಾನವಾಗಿ ತಿರುಗಿಸಿ.
    3. ಮಧ್ಯಮ ಉರಿಯಲ್ಲಿ ನಿಧಾನವಾಗಿ ತಿರುಗಿಸುತ್ತಾ, ಮಿಶ್ರಣ ಸ್ವಲ್ಪ ಗಟ್ಟಿಯಾಗುತ್ತಾ ಬಂದಾಗ, ತುಪ್ಪವನ್ನ ಹಾಕಿ ತಿರುಗಿಸಿ.
    4. ಈ ಮಿಶ್ರಣ ಯಾವಾಗ ಪ್ಯಾನ್ ತಳಕ್ಕೆ ಅಂಟಿಕೊಳ್ಳದಂತೆ ನಿಮ್ಮ ಕೈಗೆ ಸಣ್ಣ ಪ್ರಮಾಣದ ಹಿಟ್ಟನ್ನ ತೆಗೆದುಕೊಂಡು ಪರೀಕ್ಷಿಸಿಕೊಳ್ಳಿ. ಈ ವೇಳೆ ಕೈಗೆ ಅಂಟಿಕೊಳ್ಳದಿದ್ದರೆ ಸ್ಟವ್ ಆರಿಸಿ.
    5. ಇತ್ತ ಒಂದು ತಟ್ಟೆಗೆ ತುಪ್ಪ ಸವರಿ ಅದಕ್ಕೆ ಹಿಟ್ಟನ್ನ ಹಾಕಿಕೊಳ್ಳಿರಿ. ಸ್ವಲ್ಪ ತಣ್ಣಗಾದ ಮೇಲೆ, ಸಣ್ಣ-ಸಣ್ಣ ಉಂಡೆಗಳನ್ನಾಗಿ ಮಾಡಿರಿ.
    6. ಪೇಡಾಗಳನ್ನ ಉಂಡೆಗಳನ್ನಾಗಿ ಮಾಡಲು ಸಾಧ್ಯವಾಗದಿದ್ದರೆ, ಮತ್ತೆ ಸ್ಟವ್ ಮೇಲೆ ಹಿಟ್ಟನ್ನ 1-2 ನಿಮಿಷದವರೆಗೂ ಬೇಯಿಸಿ.
    7. ಬೇಯಿಸಿದ ಹಿಟ್ಟನ್ನ ಚೆನ್ನಾಗಿ ನಾದಿರಿ. ನಂತರ ನಿಮ್ಮ ಕೈಗಳಿಗೆ ತುಪ್ಪವನ್ನ ಸವರಿಕೊಂಡು ಉಂಡೆಗಳನ್ನ ಮಾಡಲು ಶುರು ಮಾಡಿರಿ.
    8. ತಣ್ಣಗಾದ ಉಂಡೆಗಳನ್ನ ಕೇಸರಿ ಮತ್ತು ಬಾದಾಮಿಗಳಿಂದ ಅಲಂಕಾರ ಮಾಡಿ ಸವಿಯಿರಿ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ದೀಪಾವಳಿಗೆ ರುಚಿ ರುಚಿಯಾದ ಕುಂಬಳಕಾಯಿ ಇಡ್ಲಿ ಮಾಡೋದು ಹೇಗೆ?

    ದೀಪಾವಳಿಗೆ ರುಚಿ ರುಚಿಯಾದ ಕುಂಬಳಕಾಯಿ ಇಡ್ಲಿ ಮಾಡೋದು ಹೇಗೆ?

    ಹಬ್ಬಗಳು ಬಂದರೆ ಸಾಕು ಮನೆಯಲ್ಲಿ ಸಂಭ್ರಮದ ವಾತಾವರಣ ನಿರ್ಮಾಣವಾಗುತ್ತದೆ. ಅದರಲ್ಲೂ ಮಹಿಳೆಯರಂತೂ ತಿಂಡಿ-ತಿನಿಸುಗಳನ್ನು ಮಾಡುವುದರಲ್ಲಿ ಬ್ಯುಸಿಯಾಗುತ್ತಾರೆ. ಪ್ರತಿ ಹಬ್ಬದಲ್ಲೂ ಒಂದೇ ರೀತಿಯ ತಿಂಡಿಗಳನ್ನು ಬೇಜಾರಾಗಿರುತ್ತೆ. ಸಾಮಾನ್ಯವಾಗಿ ಅಕ್ಕಿ, ರವೆ ಮತ್ತು ರಾಗಿಯಲ್ಲಿ ಇಡ್ಲಿ ಮಾಡುತ್ತೀರಾ. ಆದರೆ ಹಬ್ಬ ಅಂದರೆ ಏನಾದರೂ ಸ್ಪೆಷನ್ ಆಗಿ ಮಾಡಬೇಕು ಅಲ್ಲವಾ.. ಅದಕ್ಕಾಗಿ ಈ ಬಾರಿ ಸಿಹಿಕುಂಬಳಕಾಯಿಯಲ್ಲಿ ಇಡ್ಲಿ ಮಾಡುವ ವಿಧಾನ ಇಲ್ಲಿದೆ..

    ಬೇಕಾಗಿರುವ ಸಾಮಾಗ್ರಿಗಳು
    1. ತುರಿದ ಕುಂಬಳಕಾಯಿ- 1 ಕಪ್
    2. ತುರಿದ ತೆಂಗಿನಕಾಯಿ – 1/2 ಕಪ್
    3. ಬೆಲ್ಲ (ರುಚಿಗೆ ತಕ್ಕಷ್ಟು) – 1/4 ಕಪ್
    4.. ಇಡ್ಲಿ ರವೆ ಅಥವಾ ಅಕ್ಕಿ ರವೆ – 1/2 ಕಪ್
    5. ಏಲಕ್ಕಿ – 1
    6. ಎಣ್ಣೆ -2-3 ಚಮಚ

    ಮಾಡುವ ವಿಧಾನ:
    *  ಮಿಕ್ಸಿ ಜಾರಿಗೆ ತೆಂಗಿನ ತುರಿ, ಏಲಕ್ಕಿ, ಮತ್ತು ಬೆಲ್ಲವನ್ನ ಹಾಕಿ ಪುಡಿ ಮಾಡಿಕೊಳ್ಳಿ.
    *  ಈ ಪುಡಿಯನ್ನ ಒಂದು ಅಗಲವಾದ ಬಟ್ಟಲಿಗೆ ಹಾಕಿಕೊಳ್ಳಿ.
    *  ಈಗ ಇದಕ್ಕೆ ತುರಿದ ಸಿಹಿಕುಂಬಳಕಾಯಿ, ಇಡ್ಲಿ ರವೆ,  ಸ್ವಲ್ಪ ನೀರನ್ನ ಹಾಕಿರಿ.
    *  ಈ ಮಿಶ್ರಣವನ್ನ ಮೃದುವಾಗಿ ಕಲಸಿಕೊಳ್ಳಿ. 5 ನಿಮಿಷ ಹಾಗೆಯೇ ಬಿಡಿ.
    *  ಇಡ್ಲಿ ಪಾತ್ರೆಗೆ ಎಣ್ಣೆ ಸವರಿ, ಇಡ್ಲಿ ಆಕಾರದಲ್ಲಿ ಈ ಮಿಶ್ರಣವನ್ನ ತುಂಬಿರಿ.
    *  12-13 ನಿಮಿಷಗಳವರೆಗೆ ಇದನ್ನ ಹಬೆಯಲ್ಲಿ ಬೇಯಿಸಿಕೊಳ್ಳಿ
    *  ಬಿಸಿ ಸಿಹಿಕುಂಬಳಕಾಯಿಯ ಇಡ್ಲಿಯನ್ನ ತುಪ್ಪ ಅಥವಾ ಜೇನುತುಪ್ಪ ಜೊತೆ ಸವಿಯಿರಿ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • 5 ನಿಮಿಷದಲ್ಲಿ ಮಾಡಿ ಸ್ವೀಟ್ ಫ್ರುಟ್ಸ್ ಸಲಾಡ್

    5 ನಿಮಿಷದಲ್ಲಿ ಮಾಡಿ ಸ್ವೀಟ್ ಫ್ರುಟ್ಸ್ ಸಲಾಡ್

    ಹಣ್ಣುಗಳು ಆರೋಗ್ಯಕ್ಕೆ ಉತ್ತಮ. ಹೀಗಾಗಿ ಮನೆಯಲ್ಲಿ ಹಣ್ಣುಗಳು ಇದ್ದೇ ಇರುತ್ತವೆ. ಆದರೆ ಮಕ್ಕಳು ಸೇರಿದಂತೆ ಮನೆಯವರು ಕೂಡ ಒಂದೊಂದೆ ಹಣ್ಣುಗಳನ್ನು ತಿನ್ನಲು ಇಷ್ಟ ಪಡುವುದಿಲ್ಲ. ಆದ್ದರಿಂದ ಅವರಿಗಾಗಿ ಸಿಂಪಲ್ ಆಗಿ 5 ನಿಮಿಷದಲ್ಲೇ ಫ್ರುಟ್ಸ್ ಸಲಾಡ್ ಮಾಡುವ ವಿಧಾನ ಇಲ್ಲಿದೆ..

    ಬೇಕಾಗುವ ಸಾಮಾಗ್ರಿಗಳು
    1. ಬನಾನಾ – 1
    2. ಸೇಬು – 1
    3. ಕಿತ್ತಳೆ – 1
    4. ಕಿವಿ ಫ್ರುಟ್ – 1
    5. ಸಕ್ಕರೆ – 100 ಗ್ರಾಂ
    6. ದ್ರಾಕ್ಷಿ ಮತ್ತು ಕಪ್ಪು ದ್ರಾಕ್ಷಿ- ಅರ್ಧ ಬೌಲ್
    7. ಚೆರ್ರಿ – 4-5

    ಮಾಡುವ ವಿಧಾನ
    * ಕಾಲ್ ಲೋಟ ನೀರಿಗೆ 100 ಗ್ರಾಂ ಸಕ್ಕರೆ ಹಾಕಿ ಕಲಸಿ.
    * ಸಕ್ಕರೆ ಕರಗಿದ ನಂತರ ಅದಕ್ಕೆ ದ್ರಾಕ್ಷಿಯನ್ನು ಸಣ್ಣಗೆ ಕಟ್ ಮಾಡಿ ಹಾಕಿ.
    * ನಂತರ ಸೇಬು, ಚೆರ್ರಿ, ಬನಾನಾವನ್ನು ಸಣ್ಣಗೆ ಕಟ್ ಮಾಡಿ ಹಾಕಿ.
    * ಈಗ ಕಿತ್ತಳೆ ಮತ್ತು ಕಿವಿ ಫ್ರುಟ್ ನ ಸಿಪ್ಪೆಯನ್ನು ತೆಗೆದು ಸಣ್ಣಗೆ ಕತ್ತರಿಸಿ ಹಾಕಿ.
    * ಎಲ್ಲ ಹಣ್ಣನ್ನು ಸಕ್ಕರೆ ನೀರಿನಲ್ಲಿ ಮಿಕ್ಸ್ ಮಾಡಿದರೆ ಸ್ವೀಟ್ ಫ್ರುಟ್ಸ್ ಸಲಾಡ್ ಸವಿಯಲು ಸಿದ್ಧ

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ಕನ್ನಡ ರಾಜ್ಯೋತ್ಸವಕ್ಕಾಗಿ ಸಿಂಪಲ್ ಆಗಿ ಟೊಮೆಟೋ, ಲೆಮನ್ ರೈಸ್ ಮಾಡಿ

    ಕನ್ನಡ ರಾಜ್ಯೋತ್ಸವಕ್ಕಾಗಿ ಸಿಂಪಲ್ ಆಗಿ ಟೊಮೆಟೋ, ಲೆಮನ್ ರೈಸ್ ಮಾಡಿ

    ನವೆಂಬರ್ 1 ಕರ್ನಾಟಕದಾದ್ಯಂತ ಕನ್ನಡ ರಾಜ್ಯೋತ್ಸವನ್ನು ಅದ್ಧೂರಿಯಾಗಿ ಆಚರಣೆ ಮಾಡಲಾಗುತ್ತದೆ. ನಮ್ಮ ಹೆಮ್ಮೆಯ ಬಾವುಟವನ್ನು ಹಾರಿಸುವ ಮೂಲಕ ಕನ್ನಡಿಗರು ರಾಜ್ಯೋತ್ಸವನ್ನು ಸಂಭ್ರಮಿಸುತ್ತಾರೆ. ಎಲ್ಲೆಲ್ಲೂ ಅರಿಶಿಣ-ಕೆಂಪು ಬಣ್ಣವೇ ರಾರಾಜಿಸುತ್ತಿರುತ್ತದೆ. ಆದ್ದರಿಂದ ನಿಮಗಾಗಿ ಎರಡು ಬಣ್ಣದ ರೈಸ್ ಗಳನ್ನು ಸುಲಭವಾಗಿ ಮಾಡುವ ವಿದಾನ ಇಲ್ಲಿದೆ.

    ಲೆಮನ್ ರೈಸ್
    ಬೇಕಾಗುವ ಸಾಮಾಗ್ರಿಗಳು
    1. ಎಣ್ಣೆ – 2 ಚಮಚ
    2. ನಿಂಬೆ ಹಣ್ಣು – 1 (ಸಣ್ಣದಿದ್ದರೆ ಎರಡು ತೆಗೆದುಕೊಳ್ಳಿ)
    3. ಕರಿಬೇವು – ಸ್ವಲ್ಪ
    4. ಸಾಸಿವೆ – 1/2 ಚಮಚ
    5. ಅರಿಶಿಣ ಪುಡಿ – 1/4
    6. ಕೊತ್ತಂಬರಿ ಸೊಪ್ಪು – ಸ್ವಲ್ಪ
    7. ಶೇಂಗಾ(ಕಡ್ಲೆ ಬೀಜ) – 2 ಚಮಚ
    8. ಉದ್ದಿನ ಬೇಳೆ – 1 ಚಮಚ
    9. ಕಡ್ಲೇ ಬೇಳೆ – 1 ಚಮಚ
    10. ಉಪ್ಪು ರುಚಿಗೆ ತಕ್ಕಷ್ಟು
    11. ಹಸಿ ಮೆಣಸಿನಕಾಯಿ- 2-3

    ಮಾಡುವ ವಿಧಾನ
    * ಎರಡು ಕಪ್ ಅಕ್ಕಿಯಲ್ಲಿ ಉದುರು-ಉದುರಾಗಿ ಅನ್ನ ಮಾಡಿ ಇಟ್ಟುಕೊಳ್ಳಿ.
    * ಈಗ ಒಂದು ಬಾಣಲೆಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದ ಮೇಲೆ ಸಾಸಿವೆ, ಉದ್ದಿನ ಬೇಳೆ, ಕಡ್ಲೆ ಬೇಳೆ, ಹಾಕಿ ಫ್ರೈ ಮಾಡಿ. (ಕಡಿಮೆ ಉರಿಯಲ್ಲಿ)
    * ನಂತರ ಹಸಿ ಮೆಣಸಿನ ಕಾಯಿ, ಶೇಂಗಾ, ಕರಿಬೇವು, ಅರಿಶಿಣ ಹಾಕಿ ಫ್ರೈ ಮಾಡಿ.
    * ಸ್ಟೌವ್ ಆಫ್ ಮಾಡಿ, ಅದು ತಣ್ಣಗಾದ ಮೇಲೆ ನಿಂಬೆರಸ, ರುಚಿಕೆ ತಕ್ಕಷ್ಟು ಉಪ್ಪು ಹಾಕಿ ಮಿಕ್ಸ್ ಮಾಡಿ.
    * ಈಗ ರೆಡಿ ಮಾಡಿಕೊಂಡಿದ್ದ ರೈಸ್ ಹಾಕಿ ಮಿಕ್ಸ್ ಮಾಡಿ.
    * ಈಗ ಸಣ್ಣಗೆ ಕಟ್ ಮಾಡಿದ್ದ ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿದರೆ ಲೆಮನ್ ರೈಸ್ ಸವಿಯಲು ಸಿದ್ಧ.

    ಟೊಮೆಟೋ ರೈಸ್
    ಬೇಕಾಗುವ ಸಾಮಾಗ್ರಿಗಳು
    1. ಟೊಮೆಟೋ -5
    2. ಈರುಳ್ಳಿ – 2
    3. ಹಸಿ ಮೆಣಸಿನ ಕಾಯಿ – 4-5
    4. ಕೊತ್ತಂಬರಿ ಸೊಪ್ಪು – ಅರ್ಧ ಕಪ್
    5. ಪುದೀನ – ಸ್ವಲ್ಪ
    6. ಖಾರದ ಪುಡಿ – 2 ಚಮಚ
    7. ಉಪ್ಪು – ರುಚಿಗೆ ತಕ್ಕಷ್ಟು
    8. ಬಟಾಣಿ -1/4 ಕಪ್(ನೆನೆಸಿರುವುದು)
    9. ಎಣ್ಣೆ – 3 ಚಮಚ
    10. ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 2 ಚಮಚ

    ಒಗ್ಗರಣೆಗೆ
    1. ಸಾಸಿವೆ – 1 ಚಮಚ
    2. ಜೀರಿಗೆ – 1 ಚಮಚ
    3. ಅರಿಶಿಣ – ಚಿಟಿಕೆ
    4. ಚಕ್ಕೆ, ಲವಂಗ, ಏಲಕ್ಕಿ – 2

    ಮಾಡುವ ವಿಧಾನ
    * ಮೊದಲಿಗೆ ಒಂದು ಲೋಟ ಅಕ್ಕಿ ತೆಗೆದುಕೊಂಡು ನೆನೆಸಿಕೊಳ್ಳಿ.
    * ಕುಕ್ಕರಿಗೆ ಎಣ್ಣೆ ಹಾಕಿ, ಚಕ್ಕೆ, ಲವಂಗ, ಏಲಕ್ಕಿ ಹಾಕಿ ಫೈ ಮಾಡಿ.
    * ಬಳಿಕ ಬಟಾಣಿ, ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಫ್ರೈ ಮಾಡಿ.
    * ಹಸಿ ಮೆಣಸಿನಕಾಯಿ, ಈರುಳ್ಳಿ(ಮೀಡಿಯಮ್ ಆಗಿ ಕಟ್ ಮಾಡಿರಬೇಕು) ಹಾಕಿ ಫ್ರೈ ಮಾಡಿ.
    * ಈರುಳ್ಳಿ ಬ್ರೌನ್ ಬಣ್ಣ ಬಂದ ಮೇಲೆ ಟೊಮೆಟೋ, ಖಾರದ ಪುಡಿ, ಚಿಟಿಕೆ ಅರಿಶಿಣ ಹಾಕಿ ಚೆನ್ನಾಗಿ ಫ್ರೈ ಮಾಡಿ.
    * ಈಗ ರುಚಿಗೆ ತಕ್ಕಷ್ಟು ಉಪ್ಪು, ಪುದೀನ, ಕೊತ್ತಂಬರಿ ಸೊಪ್ಪು ಹಾಕಿ ಫ್ರೈ ಮಾಡಿ.
    * ಒಂದು ಲೋಟ ಅಕ್ಕಿಗೆ ಎರಡು ಲೋಟ ನೀರು ಹಾಕಿ ಕುದಿಸಿರಿ.
    * ಈಗ ನೆನೆಸಿದ ಅಕ್ಕಿ ಹಾಕಿ ಕ್ಯಾಪ್ ಹಾಕಿ.
    * ಕುಕ್ಕರಿನಲ್ಲಿ ಎರಡು ವಿಶಲ್ ಕೂಗಿಸಿದರೆ ಸಿಂಪಲ್ ಆಗಿ ಟೊಮೆಟೋ ರೈಸ್ ರೆಡಿ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ಹಬ್ಬಕ್ಕಾಗಿ ಗಸಗಸೆ, ಸಬ್ಬಕ್ಕಿ ಪಾಯಸ ಮಾಡಿ

    ಹಬ್ಬಕ್ಕಾಗಿ ಗಸಗಸೆ, ಸಬ್ಬಕ್ಕಿ ಪಾಯಸ ಮಾಡಿ

    ಹಬ್ಬಗಳು ಬಂದರೆ ಸಿಹಿ ಮಾಡಬೇಕು. ಇಂದಿನ ದಿನ ಸಿಹಿ ತಿನಿಸುಗಳನ್ನು ಎಷ್ಟೆ ಮಾಡಿದ್ರೂ ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಗಸಗಸೆ ಪಾಯಸ ಅಂದರೆ ತುಂಬಾ ಇಷ್ಟ.. ಆದ್ದರಿಂದ ನಿಮಗಾಗಿ ಸಿಂಪಲ್ ಆಗಿ ಗಸಗಸೆ ಪಾಯಸ ಮಾಡುವ ವಿಧಾನ ಇಲ್ಲಿದೆ..

    ಬೇಕಾಗುವ ಸಾಮಾಗ್ರಿಗಳು
    1. ಕೊಬ್ಬರಿ ತುರಿ – 1 ಕಪ್
    2. ಗಸಗಸೆ- 50 ಗ್ರಾಂ
    3. ಬೆಲ್ಲ – 3 ಅಚ್ಚು
    4. ಏಲಕ್ಕಿ – 2-3
    5. ಗೋಡಂಬಿ – ದ್ರಾಕ್ಷಿ – 50 ಗ್ರಾಂ
    6. ಶ್ಯಾವಿಗೆ – 100 ಗ್ರಾಂ
    7. ಕಡ್ಲೆಬೇಳೆ – ಸ್ವಲ್ಪ
    8. ಹೆಸರು ಬೇಳೆ – 50 ಗ್ರಾಂ.
    9. ತುಪ್ಪ – 2-3 ಚಮಚ

    ಮಾಡುವ ವಿಧಾನ
    * ಮೊದಲಿಗೆ ಬೆಲ್ಲವನ್ನು ನೀರಿನಲ್ಲಿ ಕರಗಿಸಿ ಸೋಸಿಕೊಳ್ಳಿ.
    * ಶ್ಯಾವಿಗೆ, ಗಸಗಸೆಯನ್ನು ಬೇರೆ ಬೇರೆಯಾಗಿ ಹುರಿದಿಟ್ಟುಕೊಳ್ಳಿ.
    * ಇತ್ತ ತುಪ್ಪದಲ್ಲಿ ಗೋಡಂಬಿ ಹಾಗೂ ದ್ರಾಕ್ಷಿಯನ್ನು ಹುರಿದಿಟ್ಟುಕೊಳ್ಳಿ
    * ಒಂದು ಮಿಕ್ಸಿ ಜಾರಿಗೆ ಕೊಬ್ಬರಿ ತುರಿ, ಹುರಿದ ಗಸಗಸೆ, ಏಲಕ್ಕಿಯನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ.
    * ದೊಡ್ಡದಾದ ಪಾತ್ರೆಯನ್ನು ಒಲೆಯ ಮೇಲಿಟ್ಟು ಅದಕ್ಕೆ ಹೆಸರು ಬೇಳೆ, ಕಡ್ಲೆಬೇಳೆ ನೀರು ಹಾಕಿ ಕುದಿಸಿ.
    * ಸ್ವಲ್ಪ ಬೆಂದ ಬಳಿಕ ಅದಕ್ಕೆ ಸೋಸಿದ ಬೆಲ್ಲದ ನೀರು, ರುಬ್ಬಿದ ಮಿಶ್ರಣವನ್ನು ಹಾಕಿ ಕುದಿಸಿ.
    * ಒಂದು ಕುದಿ ಬಂದ ಮೇಲೆ ಅದಕ್ಕೆ ಹುರಿದ ಶ್ಯಾವಿಗೆ, ಗೋಡಂಬಿ, ದ್ರಾಕ್ಷಿ ಹಾಕಿ. 2-3 ನಿಮಿಷ ಕುದಿಸಿ ತಟ್ಟೆ ಮುಚ್ಚಿ.
    * ಈಗ ತುಪ್ಪ ಹಾಕಿಕೊಂಡು ಪಾಯಸವನ್ನು ಸವಿಯಿರಿ.

    ಸಬ್ಬಕ್ಕಿ ಪಾಯಸಕ್ಕೆ ಬೇಕಾಗುವ ಸಾಮಾಗ್ರಿಗಳು
    1. ಸಬ್ಬಕ್ಕಿ – 1 ಕಪ್
    2. ಹಾಲು – ಅರ್ಧ ಲೀಟರ್
    3. ಸಕ್ಕರೆ – 4 ಚಮಚ
    4. ಏಲಕ್ಕಿ ಪುಡಿ – 1 ಚಮಚ
    5. ಗೋಡಂಬಿ – 10
    6. ದ್ರಾಕ್ಷಿ – 10
    7. ತುಪ್ಪ – ಒಂದು ಚಮಚ

    ಮಾಡುವ ವಿಧಾನ
    * ಮೊದಲಿಗೆ ಒಂದು ಕಪ್ ಸಬ್ಬಕ್ಕಿಗೆ ಅರ್ಧ ಕಪ್ ನೀರು ಸೇರಸಿ, 2-3 ಗಂಟೆ ನೆನೆಸಿ.
    * ಇತ್ತ ಒಂದು ಚಮಚ ತುಪ್ಪ ಹಾಕಿ ಗೋಡಂಬಿಯನ್ನ ಹುರಿದಿಟ್ಟುಕೊಳ್ಳಿ
    * ಈಗ ಒಂದು ಬೌಲಿಗೆ ಹಾಲು ಹಾಕಿ ಕುದಿಸಿರಿ.
    * ಹಾಲು ಬಿಸಿಯಾಗುತ್ತಲೆ ನೆನೆಸಿದ ಸಬ್ಬಕ್ಕಿಯನ್ನು ಹಾಕಿ, ತಿರುಗಿಸುತ್ತೀರಿ.
    * ಸಬ್ಬಕ್ಕಿ ತಳ ಹಿಡಿಯದಂತೆ ತಿರುವುತ್ತಾ, 4-5 ನಿಮಿಷ ಬೇಯಿಸಿಕೊಳ್ಳಿ.
    * ಸಬ್ಬಕ್ಕಿ ಚೆನ್ನಾಗಿ ಬೆಂದ ನಂತರ ಸಕ್ಕರೆಯನ್ನು ಹಾಕಿ.
    * ಸಕ್ಕರೆ ಕರಗುತ್ತಲೆ ಏಲಕ್ಕಿ ಪುಡಿಯನ್ನು ಹಾಕಿ.
    * ಈಗ ಹುರಿದಿಟ್ಟುಕೊಂಡಿದ್ದ ಗೋಡಂಬಿಯನ್ನು ಹಾಕಿ
    * ದ್ರಾಕ್ಷಿಯನ್ನು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿದ್ರೆ ರುಚಿರುಚಿಯಾದ ಸಬ್ಬಕ್ಕಿ ಪಾಯಸ ಸವಿಯಲು ಸಿದ್ಧ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv