Bloggers Unite

Tag: recipe

  • ಗಣೇಶ ಹಬ್ಬಕ್ಕೆ ಫಟಾಫಟ್ ಮಾಡಿ ಚೂರ್ಮಾ ಲಡ್ಡು

    ಗಣೇಶ ಹಬ್ಬಕ್ಕೆ ಫಟಾಫಟ್ ಮಾಡಿ ಚೂರ್ಮಾ ಲಡ್ಡು

    ಎಲ್ಲರ ಮನೆಗಳಲ್ಲಿ ಗಣೇಶ ಹಬ್ಬಕ್ಕೆ ಭರ್ಜರಿ ನಡೆಯುತ್ತಿರುತ್ತದೆ. ಅದರಲ್ಲೂ ಮಹಿಳೆಯರಿಗೆ ಪ್ರಸಾದಕ್ಕೆ ಏನು ಮಾಡಬೇಕು ಗೊಂದಲದಲ್ಲಿಯೇ ಮುಳುಗಿರುತ್ತಾರೆ. ಸಾಮಾನ್ಯವಾಗಿ ಗಣೇಶನ ಹಬ್ಬಕ್ಕೆ ಮೋದಕ, ಸಿಹಿ ಕಡಬು ಮಾಡುತ್ತಾರೆ. ಈ ವರ್ಷ ಸ್ವಲ್ಪ ವಿಭಿನ್ನವಾಗಿ ಚೂರ್ಮಾ ಲಡ್ಡು ಮಾಡಿ. ಚೂರ್ಮಾ ಲಡ್ಡು ಮಾಡುವ ವಿಧಾನ ಈ ಕೆಳಗಿನಂತಿದೆ.

    ಬೇಕಾಗುವ ಸಾಮಾಗ್ರಿಗಳು:
    1. ಚೂರ್ಮ(ರವೆ) – 2 ಕಪ್
    2. ತುಪ್ಪ – ಅರ್ಧ ಕಪ್
    3. ಬೆಲ್ಲ – ಒಂದುವರೆ ಕಪ್
    4. ಏಲಕ್ಕಿ ಪುಡಿ – 1/4 ಚಮಚ
    5. ಒಣಗಿದ ತೆಂಗಿನ ತುರಿ -2 ಚಮಚ
    6. ಬಾದಾಮಿ, ಗೋಡಂಬಿ – ಅರ್ಧ ಕಪ್
    7. ಒಣದ್ರಾಕ್ಷಿ -2 ಚಮಚ
    8. ಗಸೆಗಸೆ – 1/2 ಚಮಚ

    ಮಾಡುವ ವಿಧಾನ
    * ಒಂದು ಬೌಲ್‍ಗೆ ರವಾ, ತುಪ್ಪ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ಸ್ವಲ್ಪ ಸ್ವಲ್ಪ ನೀರು (ಅರ್ಧ ಕಪ್) ಹಾಕಿ ಊರ್ಣದ ರೀತಿ ಮಿಕ್ಸ್ ಮಾಡಿಕೊಳ್ಳಿ.
    * ಈಗ ಪ್ಲೇಟ್ ಮುಚ್ಚಿಟ್ಟು 30 ನಿಮಿಷ ಹಾಗೆ ಬಿಡಿ.
    * ಈಗ ಮಿಕ್ಸ್ ಮಾಡಿದ್ದ ಊರ್ಣವನ್ನು ಸಣ್ಣಗೆ ಉಂಡೆ ಮಾಡಿ, ವಡೆ ರೀತಿ ಸ್ವಲ್ಪ ತಟ್ಟಿ ಒಂದು ಪ್ಲೇಟಿನಲ್ಲಿ ಇಟ್ಟುಕೊಳ್ಳಿ.
    * ಒಂದು ಬಾಣಲೆಗೆ ಎಣ್ಣೆ ಹಾಕಿ, ಕಾದ ನಂತರ ಉಂಡೆ ಮಾಡಿಟ್ಟಿದ್ದನ್ನು ಹಾಕಿ 12-13 ನಿಮಿಷ ಬೇಯಿಸಿ.
    * ಈಗ ಒಂದು ಬೌಲ್‍ಗೆ ಹಾಕಿ ಸಣ್ಣ ಸಣ್ಣಗೆ ಕಟ್ ಮಾಡಿ ಮಿಕ್ಸಿ ಜಾರಿಗೆ ಹಾಕಿ ರುಬ್ಬಿಕೊಂಡು ಪುಡಿ ಮಾಡಿಕೊಳ್ಳಿ.
    * ಒಂದು ಪ್ಯಾನ್‍ಗೆ ಎರಡು ಚಮಚ ತುಪ್ಪ ಹಾಕಿ, ಅದಕ್ಕೆ ಪೀಸ್ ಪೀಸ್ ಮಾಡಿದ್ದ ಬೆಲ್ಲವನ್ನು ಹಾಕಿ. (ಸಿಹಿ ಬೇಕಾದಲ್ಲಿ ಇನ್ನೂ ಹಾಕಬಹುದು)
    * ಬೆಲ್ಲ ಕರಗಿದ ನಂತರ ಅದಕ್ಕೆ ಏಲಕ್ಕಿ ಪುಡಿ ಹಾಕಿ ಮಿಕ್ಸ್ ಮಾಡಿ.
    * ಈಗ ಒಂದು ಬೌಲ್‍ಗೆ ರುಬ್ಬಿದ ಪುಡಿ, ಬೆಲ್ಲದ ಪಾಕ, ತೆಂಗಿನ ತುರಿ, ಸಣ್ಣಗೆ ಪೀಸ್ ಮಾಡಿರುವ ಬಾದಾಮಿ, ಗೋಡಂಬಿ, ಒಣದ್ರಾಕ್ಷಿ, ಗಸಗಸೆ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.
    * ಈಗ ಕೈಯಲ್ಲಿ ಲಡ್ಡು ಆಕಾರಕ್ಕೆ ಉಂಡೆ ಮಾಡಿ ಒಂದು ಪ್ಲೇಟ್‍ಗೆ ಹಾಕಿ 2-3 ಗಂಟೆ ಒಣಗಲು ಬಿಡಿ. ನಂತರ ಗಣೇಶನಿಗಾಗಿ ಚೂರ್ಮ ಲಡ್ಡು ಸಿದ್ಧ. ಮೋಲ್ಡ್ ಬಳಸಿ ಬೇಕಾದ ಆಕಾರದಲ್ಲಿ ಲಡ್ಡುಗಳನ್ನು ಮಾಡಬಹುದು.

    ಇದನ್ನೂ ಓದಿ: ಗಣೇಶನಿಗೆ ಪ್ರಿಯವಾದ ಮೋದಕ ಮಾಡುವ ವಿಧಾನ

    ಇದನ್ನೂ ಓದಿ: ಗಣೇಶನಿಗಾಗಿ ಸಿಹಿ ಕಡುಬು ಮಾಡುವ ವಿಧಾನ

  • ಗಣೇಶನಿಗೆ ಪ್ರಿಯವಾದ ಮೋದಕ ಮಾಡುವ ವಿಧಾನ

    ಗಣೇಶನಿಗೆ ಪ್ರಿಯವಾದ ಮೋದಕ ಮಾಡುವ ವಿಧಾನ

    ಗಣಪನಿಗೆ ಇಷ್ಟವಾಗುವ ತಿಂಡಿಗಳಲ್ಲಿ ಮೋದಕವೂ ಒಂದು. ಗಣೇಶನನ್ನು ಮೋದಕ ಪ್ರಿಯ ಎಂದು ಕೂಡ ಕರೆಯುತ್ತಾರೆ. ಆದ್ದರಿಂದ ನಿಮಗಾಗಿ ಗಣಪನಿಗೆ ಪ್ರಿಯವಾದ ಮೋದಕ ಸಿಹಿ ಮಾಡುವ ವಿಧಾನ ಇಲ್ಲಿದೆ…

    ಬೇಕಾಗುವ ಸಾಮಾಗ್ರಿಗಳು
    1. ಮೈದಾ ಹಿಟ್ಟು – 1 ಕಪ್
    2. ಚಿರೋಟಿ ರವೆ – 1/4 ಕಪ್
    3. ಉಪ್ಪು – ಚಿಟಿಕೆ
    4. ಬೆಲ್ಲ – 1 ಅಚ್ಚು
    5. ಕೊಬ್ಬರಿ ತುರಿ – 1 ಕಪ್
    6. ಏಲಕ್ಕಿ ಪುಡಿ
    7. ಗಸಗಸೆ – 1 ಚಮಚ
    8. ಎಳ್ಳು -ಸ್ವಲ್ಪ
    9. ಗೋಡಂಬಿ, ಬಾದಾಮಿ – 3-4 ಚಮಚ
    1. ಎಣ್ಣೆ – ಕರಿಯಲು

    ಮಾಡುವ ವಿಧಾನ
    * ಮೊದಲಿಗೆ ಒಂದು ಬೌಲ್‍ಗೆ ಚಿರೋಟಿ ರವೆ, ಮೈದಾ ಹಿಟ್ಟು, ಉಪ್ಪು ಸೇರಿಸಿ ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿಕೊಂಡು ತಟ್ಟೆ ಮುಚ್ಚಿಡಿ.
    * ನಂತರ ಒಂದು ಪ್ಯಾನ್ ಅನ್ನು ಒಲೆಯ ಮೇಲಿಟ್ಟು ಅದಕ್ಕೆ ಸೋಸಿಕೊಂಡ ಬೆಲ್ಲದ ನೀರು, ಕೊಬ್ಬರಿ ತುರಿಯನ್ನು ಹಾಕಿ ಫ್ರೈ ಮಾಡಿರಿ.
    * ಊರ್ಣ ಸ್ವಲ್ಪ ಗಟ್ಟಿಯಾದಂತೆ ಅದಕ್ಕೆ ಏಲಕ್ಕಿ ಪುಡಿ, ಹುರಿದ ಗಸಗಸೆ, ಪುಡಿ ಮಾಡಿದ ಎಳ್ಳು, ಹುರಿದು ಸಣ್ಣಗೆ ಹೆಚ್ಚಿದ ಗೋಡಂಬಿ, ಬಾದಾಮಿಯನ್ನು ಸೇರಿಸಿ ಮಿಕ್ಸ್ ಮಾಡಿರಿ, ತಣ್ಣಗಾಗಲು ಬಿಡಿ.
    * ಈಗ ಹಿಟ್ಟನ್ನು ತೆಗೆದುಕೊಂಡು ಪೂರಿ ಆಕಾರಕ್ಕಿಂತ ಸ್ವಲ್ಪ ಕಡಿಮೆ ಲಟ್ಟಿಸಿ ಅದರೊಳಗೆ 1/2 ಚಮಚ ಊರ್ಣ ಸೇರಿಸಿ ಮಧ್ಯಕ್ಕೆ ಮಡಚಿ
    * ಮೋದಕ ರೀತಿಯಲ್ಲಿ ಅಂದರೆ ಬೆಳ್ಳುಳ್ಳಿ ಆಕಾರದಲ್ಲಿ ಮಡಚಿ. ಊರ್ಣ ಆಚೆ ಬಾರದಂತೆ ನೋಡಿಕೊಳ್ಳಿ.
    * ಈಗ ಮಾಡಿಟ್ಟುಕೊಂಡ ಹಲವು ಮೋದಕಗಳನ್ನು ಕಾದ ಎಣ್ಣೆಯಲ್ಲಿ ಹಾಕಿ ಕರಿಯಿರಿ.
    ( ಡ್ರೈಫ್ರೂಟ್ಸ್, ಎಳ್ಳು ಬೇಕಿದ್ದಲ್ಲಿ ಮಾತ್ರ ಬಳಸಬಹುದು ಅದಕ್ಕೆ ಬದಲಾಗಿ ಹುರಿಗಡಲೆ ಪುಡಿ ಬಳಸಬಹುದು)

  • ಆಲೂ ಟಿಕ್ಕಿ ಮಾಡುವ ವಿಧಾನ

    ಆಲೂ ಟಿಕ್ಕಿ ಮಾಡುವ ವಿಧಾನ

    ರಜಾ ದಿನಗಳು ಬಂತೆಂದರೆ ಸಾಕು ಮಕ್ಕಳು ಕೇಳುವ ತಿಂಡಿ ತಿನಿಸುಮಾಡಿಕೊಡಲು ಅಮ್ಮಂದಿರು ಪರದಾಡುತ್ತಲೇ ಇರುತ್ತಾರೆ. ಮನೆಯಲ್ಲಿ ಮಾಡಿಕೊಟ್ಟಿಲ್ಲ ಎಂದರೆ ಮಕ್ಕಳು ಹೊರಗಡೆ ಸಿಗುವ ತಿನಿಸುಗಳಿಗೆ ಮಾರುಹೋಗುತ್ತಾರೆ. ಇದರಿಂದ ಮಕ್ಕಳ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಸಾಮಾನ್ಯವಾಗಿ ಮಕ್ಕಳಿಗೆ ಆಲೂಗಡ್ಡೆಯ ಟಿಕ್ಕಿ ಇಷ್ಟವಾಗುತ್ತದೆ. ಆದ್ದರಿಂದ ಮಕ್ಕಳಿಗೆ ಇಷ್ಟವಾಗುವ ರೀತಿಯಲ್ಲಿ ಮನೆಯಲ್ಲಿಯೇ ಆಲೂ ಟಿಕ್ಕಿ ಮಾಡಿಕೊಡಿ. ಇದರಿಂದ ಅವರ ಆರೋಗ್ಯದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ನಿಮಗಾಗಿ ಆಲೂ ಟಿಕ್ಕಿ ಮಾಡುವ ವಿಧಾನ ಇಲ್ಲಿದೆ….

    ಬೇಕಾಗುವ ಸಾಮಾಗ್ರಿಗಳು
    1. ಬೇಯಿಸಿದ ಆಲೂಗಡ್ಡೆ – 3
    2. ಬೇಯಿಸಿದ ಬಟಾಣಿ – ಮುಕ್ಕಾಲು ಕಪ್
    3. ಕತ್ತರಿಸಿದ ಈರುಳ್ಳಿ – 2
    4. ಹಸಿರು ಮೆಣಸಿನ ಕಾಯಿ – 2
    5. ಮೆಣಸಿನ ಪುಡಿ – 1 ಚಮಚ
    6. ಗರಂ ಮಸಾಲೆ -2 ಚಮಚ
    7. ಜೀರಿಗೆ ಪುಡಿ – 1ಚಮಚ
    8. ಪುದೀನ ಸೊಪ್ಪು – ಒಂದು ಸಣ್ಣ ಕಪ್
    9. ಬ್ರೆಡ್ – 2 ಬೌಲ್
    10. ಅಕ್ಕಿ ಹಿಟ್ಟು – 3 ಬೌಲ್
    11. ರುಚಿಗೆ ತಕ್ಕಷ್ಟು ಉಪ್ಪು

    ಮಾಡುವ ವಿಧಾನ
    *  ಬೇಯಿಸಿದ ಆಲೂಗಡ್ಡೆಯಲ್ಲಿ ಸಿಪ್ಪೆ ತೆಗೆದು ಒಂದು ದೊಡ್ಡ ಬೌಲ್‍ನಲ್ಲಿ ಹಾಕಿರಿ.
    * ಈಗ ಅದಕ್ಕೆ ಎಲ್ಲ ಪದಾರ್ಥಗಳು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. (ನೀರು ಬಳಸಬಾರದು)
    * ಮಿಕ್ಸ್ ಮಾಡಿದ ನಂತರ ಅದನ್ನು ಕೈಯಲ್ಲಿ ಸಣ್ಣದಾಗಿ ಇಡ್ಲಿ ಆಕಾರಕ್ಕೆ ತಟ್ಟಿಕೊಳ್ಳಿ.
    * ನಂತರ ಒಲೆಯ ಮೇಲೆ ತವ ಇಟ್ಟು ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಿ. ಎಣ್ಣೆ ಕಾದ ನಂತರ ತಟ್ಟಿದ ಪದಾರ್ಥವನ್ನು ಹಾಕಿ ಮಧ್ಯಮ ಉರಿಯಲ್ಲಿಟ್ಟು 5 ನಿಮಿಷ ಎರಡೂ ಬದಿಯನ್ನು ಬೇಯಿಸಿ.
    * ಬೆಂದ ನಂತರ ಅದನ್ನು ಒಂದು ಪ್ಲೇಟ್‍ಗೆ ಹಾಕಿ ಸಾಸ್ ಜೊತೆ ಸವಿಯಿರಿ.

  • ಥಟ್ ಅಂತ ಟೊಮೆಟೊ ಗೊಜ್ಜು ಮಾಡೋ ವಿಧಾನ

    ಥಟ್ ಅಂತ ಟೊಮೆಟೊ ಗೊಜ್ಜು ಮಾಡೋ ವಿಧಾನ

    ಸರಳವಾಗಿ ಮತ್ತು ತಕ್ಷಣವೇ ಮಾಡಬಹುದಾದಂತಹ ವಿಶಿಷ್ಟ ಅಡುಗೆಯ ಶೈಲಿಯಲ್ಲಿ ಟೊಮೆಟೊ ಗೊಜ್ಜು ಒಂದಾಗಿದೆ. ಟೊಮೆಟೊದಿಂದ ಹಲವಾರು ಅಡುಗೆಯನ್ನು ಮಾಡಬಹುದು. ವಿಶಿಷ್ಟವಾದ ಮತ್ತು ಹೆಚ್ಚು ರುಚಿಕರವಾದ ಟೊಮೆಟೊ ಗೊಜ್ಜನ್ನು ಮಾಡುವುದು ತುಂಬಾ ಸರಳವಾಗಿರುತ್ತದೆ. ಆದ್ದರಿಂದ ನಿಮಗಾಗಿ ಟೊಮೆಟೊ ಗೊಜ್ಜು ಮಾಡುವ ಸುಲಭ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು
    1. ಟೊಮೆಟೊ – 2
    2. ಈರುಳ್ಳಿ – 1
    3. ಜೀರಿಗೆ, ಸಾಸಿವೆ- 1 ಚಮಚ
    4. ಅಡುಗೆ ಎಣ್ಣೆ – 3 ಚಮಚ
    5. ಮೆಣಸಿನ ಕಾಯಿ -2
    6. ಉಪ್ಪು – ರುಚಿಗೆ ತಕ್ಕಷ್ಟು
    7. ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ
    8. ತೆಂಗಿನ ಕಾಯಿ ತುರಿ – ಒಂದು ಸಣ್ಣ ಬೌಲ್
    9. ಗಸಗಸೆ – ಅರ್ಧ ಚಮಚ
    10. ಕೊತ್ತಂಬರಿ ಸೊಪ್ಪು -ಸ್ವಲ್ಪ

    ಮಾಡುವ ವಿಧಾನ
    * ಗಸಗಸೆಯ ಜೊತೆಗೆ ತೆಂಗಿನಕಾಯಿ ತುರಿಯನ್ನು ಮಿಕ್ಸಿಗೆ ಹಾಕಿ ರುಬ್ಬಿಕೊಳ್ಳಿ.
    * ನಂತರ ಒಂದು ಬಾಣಲೆಯನ್ನು ಒಲೆಯ ಮೇಲಿಟ್ಟು ಕಾದ ಮೇಲೆ ಎಣ್ಣೆ ಹಾಕಿ, ನಂತರ ಅದಕ್ಕೆ ಜೀರಿಗೆ ಮತ್ತು ಸಾಸಿವೆಯನ್ನು ಹಾಕಿ ಫ್ರೈ ಮಾಡಿಕೊಳ್ಳಿ.
    * ಅದಕ್ಕೆ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಜೊತೆಗೆ ಸಣ್ಣಗೆ ಕತ್ತರಿಸಿದ ಈರುಳ್ಳಿ ಮತ್ತು ಮೆಣಸಿನ ಕಾಯಿಯನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದುಕೊಳ್ಳಿ.
    * ನಂತರ ಅದಕ್ಕೆ ಸಣ್ಣಗೆ ಕತ್ತರಿಸಿದ ಟೊಮೆಟೊ ಜೊತೆ ರುಬ್ಬಿಕೊಂಡ ಕಾಯಿತುರಿ ಮಿಶ್ರಣ, ಸ್ವಲ್ಪ ನೀರು ಜೊತೆಗೆ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಬಾಣಲೆಗೆ ಪ್ಲೇಟ್ ಮುಚ್ಚಿ ಮಧ್ಯಮ ಉರಿಯಲ್ಲಿ ಬೇಯಿಸಿಕೊಳ್ಳಿ.
    * 15 ನಿಮಿಷಗಳ ನಂತರ ಆ ಪ್ಲೇಟನ್ನು ತೆಗೆದು ಅದಕ್ಕೆ ಸ್ವಲ್ಪ ಕೊತ್ತಂಬರಿ ಸೊಪ್ಪನ್ನು ಹಾಕಿದರೆ ಟೊಮೆಟೊ ಗೊಜ್ಜು ಸವಿಯಲು ಸಿದ್ಧ.
    * ಟೊಮೆಟೊ ಗೊಜ್ಜನ್ನು ನೀರು ದೋಸೆ, ಅನ್ನ ಮತ್ತು ಚಪಾತಿಯ ಜೊತೆ ಸೇವಿಸಬಹುದಾಗಿದೆ.

  • ಮುಂಗಾರಿಗೆ ರುಚಿರುಚಿಯಾಗಿ ಪೆಪ್ಪರ್ ರಸಂ ಮಾಡುವ ವಿಧಾನ

    ಮುಂಗಾರಿಗೆ ರುಚಿರುಚಿಯಾಗಿ ಪೆಪ್ಪರ್ ರಸಂ ಮಾಡುವ ವಿಧಾನ

    ಮುಂಗಾರು ಮಳೆ ಪ್ರಾರಂಭವಾಗಿದೆ. ಪ್ರತಿದಿನ ಜಿಟಿ ಜಿಟಿ ಮಳೆಯಾಗುತ್ತಿರುತ್ತದೆ. ಜೊತೆಗೆ ಬೆಚ್ಚನೆಯ ವಾತಾವರಣ. ಹೀಗಾಗಿ ಮೆನೆಯಲ್ಲಿ ಮಕ್ಕಳಿಗೆ, ಮನೆಯವರಿಗೆ ನೆಗಡಿ, ಕೆಮ್ಮು ಮತ್ತು ಗಂಟಲು ಕಿರಿಕಿರಿ ಉಂಟಾಗುತ್ತಾರೆ. ಇವುಗಳೆಲ್ಲವನ್ನು ತಡೆಯಬೇಕಾದರೆ ಮನೆಯಲ್ಲಿ ಆಗಾಗ ಮೆಣಸಿನ ರಸಂ ಮಾಡಿ ಕೊಡಿ. ಇದರಿಂದ ಕೆಮ್ಮು ಮತ್ತು ಗಂಟಲು ಕಿರಿಕಿರಿ ಕಡಿಮೆಯಾಗುತ್ತದೆ. ಮುಂಗಾರಿನ ವಾತಾವರಣಕ್ಕೂ ತುಂಬಾ ರುಚಿಯಾಗಿರುತ್ತದೆ. ಆದ್ದರಿಂದ ನಿಮಗಾಗಿ ಮೆಣಸಿನ ರಸಂ ಮಾಡುವ ವಿಧಾನ ಇಲ್ಲಿದೆ….

    ಬೇಕಾಗುವ ಸಾಮಾಗ್ರಿಗಳು:
    1. ಕಾಳು ಮೆಣಸು – 2 ಚಮಚ
    2. ಜೀರಿಗೆ – 1 ಚಮಚ
    3. ಶುಂಠಿ -ಸ್ವಲ್ಪ
    4. ಬೆಳ್ಳುಳ್ಳಿ – 6-7
    5. ಅರಿಶಿಣ -ಚಿಟಿಕೆ
    6. ಹುಣಸೆ ರಸ – 2 ಚಮಚ
    7. ಉಪ್ಪು – ರುಚಿಗೆ ತಕ್ಕಷ್ಟು
    8. ಬೆಲ್ಲ – 2 ಚಮಚ
    9. ಕೊತ್ತಂಬರಿ ಸುಪ್ಪು -ಸ್ವಲ್ಪ

    ಮಾಡುವ ವಿಧಾನ
    * ಮೊದಲಿಗೆ ಮೆಣಸು, ಜೀರಿಗೆ, ಶುಂಠಿ, ಬೆಳ್ಳುಳ್ಳಿ ಎಲ್ಲವನ್ನೂ ಜಜ್ಜಿಕೊಂಡು ಮಿಕ್ಸ್ ಮಾಡಿಕೊಳ್ಳಿ.
    * ಬಳಿಕ ಒಂದು ಪ್ಯಾನ್‍ಗೆ ಎರಡು ಲೋಟ ನೀರು ಹಾಕಿ ಕ್ಯಾಪ್ ಮುಚ್ಚಿ 2 ರಿಂದ 3 ನಿಮಿಷ ಕಾಯಿಸಿ.
    * ನೀರು ಕುದಿಯುತ್ತಿದ್ದಾಗ ಜಜ್ಜಿಕೊಂಡಿದ್ದ ಮಿಶ್ರಣ, ಚಿಟಿಕೆ ಅರಿಶಿಣ, ಹುಣಸೆ ರಸ, ರುಚಿಗೆ ತಕ್ಕಷ್ಟು ಉಪ್ಪು, ಬೆಲ್ಲ ಹಾಕಿ ಎಲ್ಲವನ್ನು ಮಿಕ್ಸ್ ಮಾಡಿ. ಕ್ಯಾಪ್ ಮುಚ್ಚಿ 5 ನಿಮಿಷ ಬೇಯಿಸಿ. ನಂತರ ಒಗ್ಗರಣೆ ಹಾಕಿ.

    ಒಗ್ಗರಣೆಗೆ ಬೇಕಾಗುವ ಸಾಮಾಗ್ರಿಗಳು
    1. ತುಪ್ಪ – 1 ಚಮಚ
    2. ಸಾಸಿವೆ – 1 ಚಮಚ
    3. ಒಣ ಮೆಣಸಿನ ಕಾಯಿ – 1
    4. ಕರಿಬೇವು – 3-4
    5 ಇಂಗು – ಚಿಟಿಕೆ

    * ಒಂದು ಸಣ್ಣ ಬೌಲ್‍ಗೆ ತುಪ್ಪ, ಸಾಸಿವೆ, ಒಣ ಮೆಣಸಿನ ಕಾಯಿ, ಕರಿಬೇವು, ಇಂಗು ಹಾಕಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಿ.
    * ಈಗ ಕುದಿಯುದ್ದಿದ್ದ ರಸಂಗೆ ಒಗ್ಗರಣೆ ಹಾಕಿ, ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಹಾಕಿದರೆ ರುಚಿ ರುಚಿಯಾದ ಪೆಪ್ಪರ್ ರಸಂ ಸವಿಯಲು ಸಿದ್ಧ.
    * ಈ ರಸಂ ಅನ್ನು ಅನ್ನಕ್ಕೆ ಮಿಕ್ಸ್ ಮಾಡಿಕೊಂಡು ತಿನ್ನಬಹುದು. ಜೊತೆಗೆ ಬರಿ ರಸಂ ಅನ್ನು ಸವಿಯಬಹದು. ಇದು ಆರೋಗ್ಯಕ್ಕೂ ಒಳ್ಳೆಯದು.

  • ಖಡಕ್ ಚಿಕನ್ 65 ಮಾಡುವ ವಿಧಾನ

    ಖಡಕ್ ಚಿಕನ್ 65 ಮಾಡುವ ವಿಧಾನ

    ವೀಕೆಂಡ್ ಬಂದರೆ ಸಾಕು ಮನೆಯಲ್ಲಿ ಏನಾದರೂ ಸ್ಪೆಷಲ್ ಮಾಡಬೇಕು ಎಂದು ಯೋಚನೆ ಮಾಡುತ್ತಾ ಕುಳಿತಿರುತ್ತೀರಿ. ಆದ್ದರಿಂದ ನಾವು ತಿಳಿಸುವ ಚಿಕನ್ 65 ಟ್ರೈ ಮಾಡಿ ರುಚಿ ನೋಡಿ. ಅತ್ಯಂತ ಸುಲಭವಾಗಿ ಹಾಗೂ ರುಚಿಕರವಾಗಿ ಚಿಕನ್ 65 ಮಾಡುವ ವಿಧಾನ ಇಲ್ಲಿದೆ. ಈ ಚಿಕನ್ ಚೈನಿಸ್ ಸ್ಟೈಲ್‍ನಲ್ಲಿ ಒಂದಾಗಿದೆ.

    ಬೇಕಾಗುವ ಸಾಮಾಗ್ರಿಗಳು:
    1. ಚಿಕನ್ – 450 ಗ್ರಾಂ
    2. ಕೊತ್ತಂಬರಿ ಪುಡಿ – 3 ಚಮಚ
    3. ಮೊಸರು – 3 ಚಮಚ
    4. ಹಸಿ ಮೆಣಸಿನ ಕಾಯಿ – 4
    5. ಅಡುಗೆ ಎಣ್ಣೆ – 2 ಚಮಚ
    6. ಕೆಂಪು ಮೆಣಸಿನ ಪುಡಿ – 1 ಚಮಚ
    7. ಅರಿಶಿಣ ಪುಡಿ – 1/2 ಚಮಚ
    8 ಕರಿಬೇವಿನ ಎಲೆಗಳು – 6
    9. ಟೊಮೆಟೋ – ಸ್ವಲ್ಪ
    10. ಉಪ್ಪು – ರುಚಿಗೆ ತಕ್ಕಷ್ಟು
    11. ಮೊಟ್ಟೆ – 1
    12. ಈರುಳ್ಳಿ- 2
    13. ಕಾನ್ ಫ್ಲೋರ್ ಹಿಟ್ಟು

    ಮಾಡುವ ವಿಧಾನ:
    * ಮೊದಲು 450 ಗ್ರಾಂ ಚಿಕನ್‍ಗೆ ಕಾನ್ ಫ್ಲೋರ್ ಹಿಟ್ಟನ್ನು ಹಾಕಿ ಮಿಕ್ಸ್ ಮಾಡಿಕೊಂಡು ಕಾದ ಎಣ್ಣೆಯಲ್ಲಿ ಚೆನ್ನಾಗಿ ಫ್ರೈ ಮಾಡಿಕೊಳ್ಳಬೇಕು.
    * ಬಳಿಕ ಒಂದು ಪ್ಯಾನ್‍ಗೆ ಎಣ್ಣೆ ಹಾಕಿ ಕಡಿಮೆ ಉರಿಯಲ್ಲಿ ಹಸಿ ಮೆಣಸಿನ ಕಾಯಿ, ಟೊಮೆಟೋ, ಚಿಕ್ಕದಾಗಿ ಕಟ್ ಮಾಡಿಕೊಂಡ ಈರುಳ್ಳಿ, ಕೆಂಪು ಮೆಣಸಿನ ಪುಡಿ, ಅರಿಶಿಣ ಪುಡಿ, ರುಚಿಗೆ ಉಪ್ಪು, ಕರಿಬೇವಿನ ಎಲೆ ಹಾಕಿ ಫ್ರೈ ಮಾಡಿಕೊಳ್ಳಿ.
    * ಬಳಿಕ ಫ್ರೈ ಮಾಡಿಕೊಂಡ ಎಲ್ಲ ಐಟಮ್‍ಗೆ ಈಗಾಗಲೇ ಫ್ರೈ ಮಾಡಿದ್ದ ಚಿಕನ್ ಹಾಕಿ. ನಂತರ ಅದಕ್ಕೆ ಮೊಸರು ಹಾಕಿ 3 ನಿಮಿಷ ಮತ್ತೆ ಫ್ರೈ ಮಾಡಿಕೊಳ್ಳಿ.
    * 3 ನಿಮಿಷ ಫ್ರೈ ಮಾಡಿಕೊಂಡ ಬಳಿಕ ಮೊಟ್ಟೆ ಹಾಕಿ ಮತ್ತೆ 5 ನಿಮಿಷಗಳ ಕಾಲ ಫ್ರೈ ಮಾಡಿದರೆ ಖಡಕ್ ಚಿಕನ್ 65 ಸವಿಯಲು ರೆಡಿ.

  • ರುಚಿಯಾದ ಮಟನ್ ಕರ್ರಿ ಮಾಡುವ ವಿಧಾನ

    ರುಚಿಯಾದ ಮಟನ್ ಕರ್ರಿ ಮಾಡುವ ವಿಧಾನ

    ಭಾನುವಾರ ಬಂದರೆ ಸಾಕು ನಾನ್ ವೆಜ್ ಪ್ರಿಯರಿಗೆ ಸಂಭ್ರಮ. ರಜಾ ದಿನವಾಗಿದ್ದರಿಂದ ಕೆಲವರ ಮನೆಯಲ್ಲಿ ನಾನ್ ವೆಜ್ ಮಾಡಲೇಬೇಕಾಗುತ್ತದೆ. ಪ್ರತಿವಾರದಂತೆ ಚಿಕನ್ ಸಾಂಬಾರ್, ಕಬಾಬ್, ಬಿರಿಯಾನಿ ಮಾಡಿದರೆ ಮನೆಯವರಿಗೂ ಬೇಸರವಾಗುತ್ತದೆ. ಆದ್ದರಿಂದ ನಿಮಗಾಗಿ ರುಚಿರುಚಿಯಾಗಿ ಮಟನ್ ಕರ್ರಿ ಮಾಡುವ ಸುಲಭ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು:
    1. ಮಟನ್ – 1 ಕೆ.ಜಿ.
    2. ಬೆಳ್ಳುಳ್ಳಿ – 1
    3. ಅರಿಶಿಣ – ಚಿಟಿಕೆ
    4. ಲವಂಗ – 7
    5. ಏಲಕ್ಕಿ- 3
    6. ಕೆಂಪು ಮೆಣಸಿನ ಕಾಯಿ – 8
    7. ಈರುಳ್ಳಿ – 4
    8. ಕೊಬ್ಬರಿ ತುರಿ – 2 ಕಪ್
    9. ಗಸಗಸೆ – 2 ಚಮಚ
    10. ಕರಿ ಮೆಣಸಿನ ಕಾಳು – 8
    11. ಖಾರದ ಪುಡಿ -2 ಚಮಚ
    12. ಶುಂಠಿ – ಸ್ವಲ್ಪ
    13. ಉಪ್ಪು ರುಚಿಗೆ ತಕ್ಕಷ್ಟು
    14. ಎಣ್ಣೆ – 4-5 ಚಮಚ

    ಮಾಡುವ ವಿಧಾನ:
    * ಮೊದಲಿಗೆ ಹಸಿ ಮೆಣಸಿನಕಾಯಿ, ಬೆಳ್ಳುಳ್ಳಿ ಮತ್ತು ಶುಂಠಿಯನ್ನು ಒಂದು ಮಿಕ್ಸಿ ಜಾರಿಗೆ ಹಾಕಿಕೊಂಡು ರುಬ್ಬಿಕೊಳ್ಳಿ.
    * ತೊಳೆದ ಸಣ್ಣೆಗೆ ಕತ್ತರಿಸಿದ ಮಟನ್‍ಗೆ ರುಬ್ಬಿದ ಪದಾರ್ಥವನ್ನು ಅದರ ಮೇಲೆ ಸವರಿ ಒಂದೂವರೆ ಗಂಟೆ ಇಡಿ.
    * ಕೊಬ್ಬರಿ ತುರಿಯನ್ನು ಹುರಿದುಕೊಂಡು, ಅದರ ಜೊತೆಗೆ ಕಟ್ ಮಾಡಿದ್ದ ಈರುಳ್ಳಿ(1 ಈರುಳ್ಳಿ), ಗಸಗಸೆ, ಲವಂಗ, ಏಲಕ್ಕಿ, ಕರಿಮೆಣಸು, ಖಾರದ ಪುಡಿ ಹಾಕಿಕೊಂಡು ರುಬ್ಬಿಕೊಳ್ಳಿ.
    * ಈ ಒಂದು ಬೌಲ್‍ಗೆ 4-5 ಚಮಚ ಎಣ್ಣೆ ಹಾಕಿ, ಬಿಸಿಯಾದ ಬಳಿಕ ಅದಕ್ಕೆ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಚಿಟಿಕೆ ಅರಿಶಿಣ ಹಾಕಿ ಫ್ರೈ ಮಾಡಿ.
    * ಬಳಿಕ ಅದಕ್ಕೆ ರುಬ್ಬಿದ ಮಸಾಲೆ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಮಟನ್ ಹಾಕಿ ಬೇಕೆನಿಸಿದರೆ ನೀರು ಹಾಕಿ ಬೇಯಿಸಬೇಕು. ಬೆಂದ ನಂತರ ಕೆಳಗೆ ಇಳಿಸಿ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಹಾಕಿದರೆ ರುಚಿರುಚಿಯಾದ ಮಟನ್ ಕರ್ರಿ ಸವಿಯಲು ಸಿದ್ಧ.

  • ದಿಢೀರ್ ಮಸಾಲ ರೈಸ್ ಮಾಡುವ ವಿಧಾನ

    ದಿಢೀರ್ ಮಸಾಲ ರೈಸ್ ಮಾಡುವ ವಿಧಾನ

    ದಿನಬೆಳಗಾದರೆ ಎಲ್ಲರಿಗೂ ಯಾವ ತಿಂಡಿ ಮಾಡುವುದು ಎಂಬುದೇ ದೊಡ್ಡ ಚಿಂತೆಯಾಗಿರುತ್ತದೆ. ಅದರಲ್ಲೂ ಕೆಲಸಕ್ಕೆ ಹೋಗುವ ಮಹಿಳೆಯರಂತೂ ಯಾವ ಅಡುಗೆ ಬೇಗನೆ ಮಾಡಬಹುದು ಎಂದು ಯೋಚಿಸುತ್ತಿರುತ್ತಾರೆ. ಕೆಲವೇ ನಿಮಿಷಗಳಲ್ಲಿ ಸುಲಭವಾಗಿ ಬಹುರುಚಿಕರವಾಗಿ ತಯಾರಿಸಬಲ್ಲ ಬೆಳಗ್ಗಿನ ತಿಂಡಿಗಳು ಬಹಳಷ್ಟಿವೆ. ಅವುಗಳಲ್ಲಿ ಮಸಾಲ ರೈಸ್ ಕೂಡ ಒಂದು. ಕೇವಲ ಹತ್ತು ನಿಮಿಷಗಳಲ್ಲಿ ತಯಾರಿಸಬಹುದಾದ ಹಾಗೂ ವಿಭಿನ್ನ ರುಚಿ ನೀಡುವ ಈ ರೆಸಿಪಿ ಮಕ್ಕಳಿಗೆ ಕೂಡ ಇಷ್ಟವಾಗುತ್ತದೆ.

    ಬೇಕಾಗುವ ಸಾಮಾಗ್ರಿಗಳು:
    1. ಬಾಸುಮತಿ ರೈಸ್/ಮಾಮೂಲಿ ಅನ್ನ- ಎರಡು ಕಪ್
    2. ಹಸಿಮೆಣಸಿನಕಾಯಿ- 2
    3. ಈರುಳ್ಳಿ- ಅರ್ಧ ಕಪ್
    4. ಟೊಮಾಟೊ- ಅರ್ಧ ಕಪ್
    5. ಬೀನ್ಸ್ – ಕಾಲು ಕಪ್
    6. ಹಸಿ ಬಟಾಣಿ- ಕಾಲು ಕಪ್
    7. ಕ್ಯಾರೆಟ್- ಕಾಲು ಕಪ್
    8. ದಪ್ಪಮೆಣಸಿಕಾಯಿ- 1 ಕಪ್
    9. ದನಿಯಾ ಪುಡಿ- 1 ಚಮಚ
    10. ಅರಿಶಿನ – ಕಾಲು ಚಮಚ
    11. ಗರಂ ಮಸಾಲ- 1 ಚಮಚ
    12. ಅಡುಗೆ ಎಣ್ಣೆ – 2 ಚಮಚ
    13. ಶುಂಠಿ,ಬೆಳ್ಳುಳ್ಳಿ ಪೇಸ್ಟ್- 1 ಚಮಚ
    14. ಉಪ್ಪು- ರುಚಿಗೆ ತಕ್ಕಷ್ಟು
    15. ಖಾರದ ಪುಡಿ- 1 ಚಮಚ

    ಮಾಡುವ ವಿಧಾನ:
    * ಮೊದಲು ಒಂದು ಪ್ಯಾನ್‍ಗೆ 2 ಚಮಚ ಎಣ್ಣೆ ಹಾಕಿ ಒಲೆಯ ಮೇಲಿಡಿ.
    * ಎಣ್ಣೆ ಕಾದ ನಂತರ ಕಟ್ ಮಾಡಿದ ಈರುಳ್ಳಿ, ಹಸಿಮೆಣಸಿನಕಾಯಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಚೆನ್ನಾಗಿ ಹಸಿವಾಸನೆ ಹೋಗುವರೆಗೆ ಬಾಡಿಸಿ ಅದಕ್ಕೆ ಹೆಚ್ಚಿದ ಟೊಮಾಟೊವನ್ನು ಸೇರಿಸಿ ಚೆನ್ನಾಗಿ ಹುರಿಯಿರಿ.
    * ಟೊಮಾಟೊ ಬೆಂದ ನಂತರ ಅದಕ್ಕೆ ಹೆಚ್ಚಿದ ಕ್ಯಾರೆಟ್, ಬೀನಿಸ್, ದಪ್ಪಮೆಣಸಿನಕಾಯಿ ಹಾಗೂ ಬಟಾಣಿಯನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.
    * ಮಧ್ಯಮ ಉರಿಯಲ್ಲಿ ಪ್ಯಾನ್ ಮೇಲೆ ಒಂದು ಮುಚ್ಚುಳ ಮುಚ್ಚಿ 5 ನಿಮಿಷ ಬೇಯಿಸಿ.
    * ತರಕಾರಿ ಬೆಂದ ನಂತರ ಖಾರದ ಪುಡಿ, ದನಿಯಾ ಪುಡಿ, ಅರಿಶಿಣ, ಗರಂ ಮಸಾಲ ಹಾಕಿ ಮಿಕ್ಸ್ ಮಾಡಿ ಕಡಿಮೆ ಉರಿಯಲ್ಲಿ ಬೇಯಿಸಿರಿ.
    * ನಂತರ ಅದಕ್ಕೆ ಬಾಸುಮತಿ ಅಕ್ಕಿಯಲ್ಲಿ ತಯಾರಿಸಿದ ಅನ್ನವನ್ನು ಹಾಕಿ (ಮಾಮೂಲಿ ಅನ್ನವನ್ನೂ ಬಳಸಬಹುದು) ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ನಿಧಾನವಾಗಿ ಮಿಕ್ಸ್ ಮಾಡಿ.
    * 2 ನಿಮಿಷಗಳ ಕಾಲ ಮುಚ್ಚುಳ ಮುಚ್ಚಿ ಬೇಯಿಸಿ. ಈಗ ಮಸಾಲ ರೈಸ್ ರೆಡಿಯಾಗಿದ್ದು, ಬಿಸಿ ಬಿಸಿ ಮಸಾಲ ರೈಸ್ ಸರ್ವ್ ಮಾಡಿ.

    [wonderplugin_video iframe=”https://www.youtube.com/watch?v=7Z2BzrhFEKQ” lightbox=0 lightboxsize=1 lightboxwidth=960 lightboxheight=540 autoopen=0 autoopendelay=0 autoclose=0 lightboxtitle=”” lightboxgroup=”” lightboxshownavigation=0 showimage=”” lightboxoptions=”” videowidth=600 videoheight=400 keepaspectratio=1 autoplay=1 loop=1 videocss=”position:relative;display:block;background-color:#000;overflow:hidden;max-width:100%;margin:0 auto;” playbutton=”https://publictv.in/wp-content/plugins/wonderplugin-video-embed/engine/playvideo-64-64-0.png”]

  • ತಿಂಗಳಾದರೂ ಗರಿಗರಿಯಾಗಿರುವ ರವೆ ಚಕ್ಕುಲಿ ಮಾಡುವ ವಿಧಾನ

    ತಿಂಗಳಾದರೂ ಗರಿಗರಿಯಾಗಿರುವ ರವೆ ಚಕ್ಕುಲಿ ಮಾಡುವ ವಿಧಾನ

    ಚಕ್ಕುಲಿ ಎಂದರೆ ಯಾರಿಗೆ ತಾನೇ ಇಷ್ಟವಾಗೋಲ್ಲ ಹೇಳಿ? ಸಂಜೆಯಾಯ್ತು ಎಂದರೆ ಒಂದು ಕಪ್ ಬಿಸಿ ಬಿಸಿ ಕಾಫಿ ಅಥವಾ ಟೀ ಜೊತೆಗೆ ಏನಾದರು ಕುರುಕಲು ಇದ್ದರೆ ಅದರ ಮಜಾನೇ ಬೇರೆ. ಅದರಲ್ಲೂ ಚಕ್ಕುಲಿ ಇದ್ದರಂತೂ ಇನ್ನಷ್ಟು ಸೊಗಸು. ಆದರೆ ಎಣ್ಣೆಯಲ್ಲಿ ಕರೆದಂತಹ ಚಕ್ಕಲಿಯನ್ನು ಹೆಚ್ಚೆಂದರೆ ಒಂದು ವಾರ ಇಟ್ಟುಕೊಂಡು ತಿನ್ನಬಹುದಷ್ಟೆ, ಒಂದು ವಾರ ಕಳೆದ ಮೇಲೆ ಅದು ವಾಸನೇ ಬಂದೋ ಅಥವಾ ಮೆತ್ತಗೆ ಆಗಿನೋ ಹಾಳಾಗಿಬಿಡುತ್ತದೆ. ಹೀಗಾಗಿ ತಿಂಗಳಾದರೂ ಕೆಡದೆ ಮೆತ್ತಗಾಗದೆ ಗರಿಗರಿಯಾಗಿಯೇ ಇರುವ ರವೆ ಚಕ್ಕುಲಿ ಮಾಡುವ ಸುಲಭ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು
    1. ಚಿರೋಟಿ ರವೆ- 1 ಕಪ್
    2. ಹುರಿಗಡ್ಲೆ ಪುಡಿ – 1 ಕಪ್
    3. ಅಕ್ಕಿಹಿಟ್ಟು – 3 ಕಪ್
    4. ಬಿಳಿ ಎಳ್ಳು – 1 ಚಮಚ
    5. ಜೀರಿಗೆ – 1 ಚಮಚ
    6. ಕರಿಮೆಣಸಿನ ಪುಡಿ/ಖಾರದ ಪುಡಿ – ಅರ್ಧ ಚಮಚ
    7. ಬೆಣ್ಣೆ – 2 ಚಮಚ
    8. ಉಪ್ಪು- ರುಚಿಗೆ ತಕ್ಕಷ್ಟು
    9. ಎಣ್ಣೆ- ಕರಿಯಲು

    ಮಾಡುವ ವಿಧಾನ:
    * ಒಂದು ಪ್ಯಾನ್‍ನಲ್ಲಿ ಎರಡೂವರೆ ಕಪ್‍ನಷ್ಟು ನೀರು ಹಾಕಿ ಒಲೆಯ ಮೇಲಿಟ್ಟು ಕಾಯಲು ಬಿಡಿ.
    * ನೀರು ಕುದಿಯುವಾಗ ಅದಕ್ಕೆ ಒಂದು ಕಪ್ ಚಿರೋಟಿ ರವೆ ಸೇರಿಸಿ ಚೆನ್ನಾಗಿ ತಿರುಗಿಸಿ. ನಂತರ ಅದನ್ನು ಮುಚ್ಚಿ 2-3 ನಿಮಿಷಗಳವರೆಗೆ ಬೇಯಲು ಬಿಡಿ. ಅದು ಬೆಂದ ನಂತರ ಕೈಯಾಡಿಸಿ ಪಕ್ಕಕ್ಕಿಡಿ.
    * ಒಂದು ದೊಡ್ಡ ಮಿಕ್ಸಿಂಗ್ ಬೌಲ್‍ನಲ್ಲಿ ಒಂದು ಕಪ್ ಹುರಿಗಡ್ಲೆ ಹಿಟ್ಟಿಗೆ ಮೂರು ಕಪ್ ಅಕ್ಕಿಹಿಟ್ಟು ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು, ಎಳ್ಳು, ಜೀರಿಗೆ, ಖಾರದಪುಡಿ/ ಮೆಣಸಿನ ಪುಡಿ ಹಾಗೂ ಬೆಣ್ಣೆ (ಬೆಣ್ಣೆ ಇಲ್ಲವಾದರೆ ಕಾಯಿಸಿದ  ತುಪ್ಪವನ್ನು ಸೇರಿಸಿ) ಹಿಟ್ಟನ್ನು ಚೆನ್ನಾಗಿ ಮಿಕ್ಸ್ ಮಾಡಿ.
    * ಮಿಕ್ಸ್ ಮಾಡಿದ ಹಿಟ್ಟಿಗೆ ಬೇಯಿಸಿ ಇಟ್ಟಿದ್ದ ರವ ಮುದ್ದೆಯನ್ನು ಸೇರಿಸಿ ಸ್ವಲ್ಪ ಸ್ವಲ್ಪವೇ ನೀರು ಸೇರಿಸುತ್ತಾ ಚಕ್ಕುಲಿ ಹಿಟ್ಟಿನ ಹದಕ್ಕೆ ಕಲಸಿಡಿ.(ತುಂಬಾ ಗಟ್ಟಿಯೂ ಬೇಡ, ತೆಳ್ಳಗೂ ಬೇಡ ಹದವಾಗಿರಬೇಕು)
    * ಹೀಗೆ ಕಲಸಿದ ಹಿಟ್ಟನ್ನು ಸ್ವಲ್ಪ ಎಣ್ಣೆಯೊಂದಿಗೆ ನಾದಿಕೊಳ್ಳಿ.


    * ನಾದಿದ ಹಿಟ್ಟನ್ನು ಚಕ್ಕುಲಿ ಹೊರಳಿಗೆ ಎಣ್ಣೆ ಸವರಿ ಹಿಟ್ಟನ್ನು ತುಂಬಿ ಚಕ್ಕುಲಿಯನ್ನು ಒತ್ತಿ ಇಡಿ.
    * ಒಂದು ಬಾಣಲೆಯಲ್ಲಿ ಕರಿಯಲು ಬೇಕಾದಷ್ಟು ಎಣ್ಣೆಯನ್ನು ಕಾಯಲು ಇಡಿ. (ಎಣ್ಣೆಯನ್ನು ಹೊಗೆ ಬರುವಷ್ಟು ಕಾಯಿಸಬಾರದು).
    * ಮಧ್ಯಮ ಉರಿಯಲ್ಲಿಟ್ಟು ಬಾಣಲೆಯಲ್ಲಿ ಬೇಯುವಷ್ಟು ಚಕ್ಕುಲಿಗಳನ್ನು ಹಾಕಿ, ಎಣ್ಣೆಯಲ್ಲಿ ಬಂದ ಗುಳ್ಳೆಗಳು ಹೋದ ನಂತರ ಚಕ್ಕುಲಿಗಳನ್ನು ಮಗುಚಿ ಬೇಯಿಸಿ.
    * ಚಕ್ಕಲಿಯ ಎರಡೂ ಕಡೆ ಹೊಂಬಣ್ಣ ಬರುವವರೆಗೆ ಬೇಯಿಸಿ. ತಣ್ಣಗಾದ ಚಕ್ಕುಲಿಗಳನ್ನು ಏರ್ ಕಂಟೈನರ್ ಬಾಕ್ಸ್ ನಲ್ಲಿ ಹಾಕಿ ಮುಚ್ಚಿಡಿ.

    ವಿಶೇಷ ಸೂಷನೆ: * 2 ಚಮಚಕ್ಕಿಂತ ಹೆಚ್ಚಿನ ಬೆಣ್ಣೆ ಹಾಕಬೇಡಿ
    * ಚಿರೋಟಿ ರವೆಯನ್ನು ಮಾತ್ರ ಬಳಸಿ
    * ತಣ್ಣಗಾಗುವವರೆಗೆ ಚಕ್ಕಲಿಯನ್ನು ಡಬ್ಬಿಯಲ್ಲಿ ಹಾಕಬೇಡಿ

  • ಕೆಲವೇ ನಿಮಿಷಗಳಲ್ಲಿ ಮ್ಯಾಂಗೋ ಜಾಮ್ ಮಾಡುವ ವಿಧಾನ

    ಕೆಲವೇ ನಿಮಿಷಗಳಲ್ಲಿ ಮ್ಯಾಂಗೋ ಜಾಮ್ ಮಾಡುವ ವಿಧಾನ

    ಮಕ್ಕಳಿಗೆ ಜಾಮ್ ಅಂದರೆ ತುಂಬಾ ಇಷ್ಟ. ಈಗ ಮಾವಿನ ಹಣ್ಣಿನ ಸೀಸನ್ ಆಗಿದೆ. ಆದರೆ ಮಕ್ಕಳು ಹಣ್ಣುಗಳನ್ನು ತಿನ್ನಲು ಇಷ್ಟಪಡುವುದಿಲ್ಲ. ಹೀಗಾಗಿ ಮಕ್ಕಳಿಗಾಗಿ ಮ್ಯಾಂಗ್ ಜಾಮ್ ಮಾಡಿಕೊಡಿ. ಆರೋಗ್ಯಕ್ಕೂ ಉತ್ತಮವಾದ ಮ್ಯಾಂಗೋ ಜಾಮ್ ಮಾಡುವ ಸುಲಭ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು
    1. ಮಾವು – ಎರಡರಿಂದ ಮೂರು
    2. ಸಕ್ಕರೆ – ರುಚಿಗೆ ತಕ್ಕಷ್ಟು
    3. ನೀರು – ಒಂದು ಲೋಟ
    4 ನಿಂಬೆಹಣ್ಣು – ಅರ್ಧ

    ಮಾಡುವ ವಿಧಾನ
    * ಮುಕ್ಕಾಲು ಭಾಗದಷ್ಟು ಅಂದರೆ ತೀರಾ ಹಣ್ಣಾಗಿರದ ಮಾವಿನಹಣ್ಣು ತೆಗೆದುಕೊಂಡು. ಸಿಪ್ಪೆ ತೆಗೆದು ಸ್ಲೈಸ್ ಮಾಡಿ ಮಿಕ್ಸಿ ಜಾರ್‍ಗೆ ಹಾಕಿ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.
    * ಈಗ ಒಂದು ನಾನ್ ಸ್ಟಿಕ್ ಪ್ಯಾನ್‍ಗೆ ರುಬ್ಬಿದ ಮಿಶ್ರಣ ಹಾಕಿ ಕಡಿಮೆ ಉರಿಯಲ್ಲಿ ಬೇಯಿಸಿ.
    * ಅದಕ್ಕೆ ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿ ಕೈಯಾಡಿಸುತ್ತೀರಿ.
    * ಬಳಿಕ ಅರ್ಧ ನಿಂಬೆಹಣ್ಣಿನ ರಸ ಸೇರಿಸಿ ಚೆನ್ನಾಗಿ ಬೇಯಿಸಿ. ಆಗ ಮಿಶ್ರಣ ಜಾಮ್ ರೀತಿ ಗಟ್ಟಿ ಆಗುತ್ತಾ ಬರುತ್ತದೆ.(ತಳಹತ್ತಿಸಬೇಡಿ)
    * ಈಗ ಕೆಳಗಿಳಿಸಿ ಜಾಮ್ ಸ್ಟೋರ್ ಮಾಡಿ ತಿನ್ನಬಹುದು.