Tag: recipe

ಕೊರೊನಾ ಲಾಕ್‍ಡೌನ್ ಹಿನ್ನೆಲೆಯಲ್ಲಿ ಜನರು ಮನೆಯಲ್ಲಿದ್ದಾರೆ. ಹಿರಿಯರು ಹೇಗೋ ಮನೆಯಲ್ಲಿ ಟೈಂ ಪಾಸ್ ಮಾಡುತ್ತಾರೆ. ಆದರೆ ಈಗ ಮಕ್ಕಳು ಕೂಡ ಮನೆಯಲ್ಲಿರುವುದರಿಂದ ಸಂಜೆ ಏನಾದ್ರೂ ಸ್ನಾಕ್ಸ್ ಬೇಕೇ ಬೇಕು ಎಂದು ಕೇಳುತ್ತಾರೆ. ಆದ್ದರಿಂದ ನಿಮಗಾಗಿ ಖಾರ ಕಡ್ಲೆಬೀಜ ಮಾಡುವ ವಿಧಾನ ಇಲ್ಲಿದೆ…

ಬೇಕಾಗುವ ಸಾಮಗ್ರಿಗಳು
1. ಕಡ್ಲೆಬೀಜ – 1/4 ಕೆಜಿ
2. ಕಡಲೆಹಿಟ್ಟು – 100 ಗ್ರಾಂ
3. ಖಾರದ ಪುಡಿ – ರುಚಿಗೆ ತಕ್ಕಷ್ಟು
4. ಉಪ್ಪು – ರುಚಿಗೆ ತಕ್ಕಷ್ಟು
5. ಅರಿಶಿನ ಪುಡಿ – ಚಿಟಿಕೆ
6. ಎಣ್ಣೆ – ಕರಿಯಲು

ಮಾಡುವ ವಿಧಾನ
* ಒಂದು ಮಿಕ್ಸಿಂಗ್ ಬೌಲ್‍ಗೆ ಕಡಲೆಹಿಟ್ಟು, ಖಾರದ ಪುಡಿ, ಉಪ್ಪು, ಅರಿಶಿಣ, ನೀರು ಸೇರಿಸಿ ಬೋಂಡ ಹದಕ್ಕಿಂತ ಸ್ವಲ್ಪ ಗಟ್ಟಿಯಾಗಿ ಕಲಸಿಕೊಳ್ಳಿ.
* ಈಗ ಕಡ್ಲೆಬೀಜವನ್ನು ಮಿಶ್ರಣಕ್ಕೆ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.
* ಮಿಶ್ರಣ ಚೆನ್ನಾಗಿ ಮಿಕ್ಸ್ ಆಗಲು 15-20 ನಿಮಿಷಗಳ ಕಾಲ ನೆನೆಯಲು ಬಿಡಿ.
* ಈಗ ಒಂದು ಬಾಣಲೆಗೆ ಎಣ್ಣೆ ಹಾಕಿ ಕಾಯಲು ಬಿಡಿ
* ಎಣ್ಣೆ ಕಾದ ಮೇಲೆ ಮಿಶ್ರಣದಲ್ಲಿದ್ದ ಕಡ್ಲೆಬೀಜವನ್ನು ಕೈಯಲ್ಲಿ ಎತ್ತಿಕೊಂಡು ಬಿಡಿಬಿಡಿಯಾಗಿ ಪಕೋಡ ಮಾಡುವ ರೀತಿ ಬಿಡಿ.
* ಚೆನ್ನಾಗಿ ಕಡ್ಲೆಬೀಜ ಫ್ರೈ ಮಾಡಿದರೆ ಖಾರ ಕಡ್ಲೆಬೀಜ ಸವಿಯಲು ಸಿದ್ಧ.

ಕೊರೊನಾ ಭೀತಿಯಿಂದ ಎಲ್ಲರೂ ಮನೆಯಲ್ಲಿಯೇ ಇದ್ದಾರೆ. ಮನೆಯಲ್ಲಿ ಇದ್ದರೆ ಟೈಂ ಪಾಸ್ ಮಾಡುವುದು ತುಂಬಾ ಕಷ್ಟ. ಅದರಲ್ಲೂ ಮಕ್ಕಳಿದ್ದರೆ ಅವರು ತಿನ್ನಲು ತಿಂಡಿ ಕೇಳುತ್ತಿರುತ್ತಾರೆ. ಹೊರಗೆ ಹೋಗಿ ತಂದು ಕೊಡೋಣ ಎಂದ್ರೆ ಯಾವುದೇ ಅಂಗಡಿ ಓಪನ್ ಇರುವುದಿಲ್ಲ. ಆದರೆ ದಿನಸಿ ಅಂಗಡಿ ಓಪನ್ ಇರುತ್ತೆ. ಹೀಗಾಗಿ ಮಾಸ್ಕ್ ಹಾಕಿಕೊಂಡು ಸಾಮಾಜಿಕ ಅಂತರ ಕಾಯ್ದುಕೊಂಡು ಕಡ್ಲೆಕಾಳು ತನ್ನಿ. ಇನ್ನೂ ಮನೆಯಲ್ಲಿ ಉಪ್ಪು ಇರುತ್ತದೆ. ಈ ಎರಡು ಸಾಮಗ್ರಿಗಳಿಂದಲೇ ಕಡ್ಲೆಕಾಳಿನ ಉಪ್ಪುಪ್ಪು ಹುರಿಗಡಲೆ ಮಾಡುವ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು
1. ಕಡ್ಲೆಕಾಳು- 1/4 ಕೆಜಿ
2. ಉಪ್ಪು – 2 ಕಪ್

ಮಾಡುವ ವಿಧಾನ
* ಒಂದು ಅಲ್ಯೂಮಿನಿಯಂ ಅಥವಾ ಕಬ್ಬಿಣದ ಬಾಣಲೆ ಇದ್ದರೆ ಒಳಿತು.
* ಬಾಣಲೆಗೆ 2 ಕಪ್ ಉಪ್ಪನ್ನು ಹಾಕಿ 2 ನಿಮಿಷ ಫ್ರೈ ಮಾಡಿ.
* ಈ ಉಪ್ಪು ಬಿಸಿಯಾದ ಮೇಲೆ ಕಡ್ಲೆಕಾಳನ್ನು ಹಾಕಿ ಹೈ ಫ್ಲೇಮ್‍ನಲ್ಲಿ ಫ್ರೈ ಮಾಡಿ.
* ಉಪ್ಪಿನ ಕಾವಿಗೆ ಕಡ್ಲೆಕಾಳಿನ ಸಿಪ್ಪೆ ಹೊಡೆದು ಹುರಿಗಡಲೆ ಆಗುತ್ತದೆ.
* ಬಳಿಕ ಉಪ್ಪಿನಿಂದ ಹುರಿಗಡಲೆಯನ್ನು ಬೇರ್ಪಡಿಸಿದರೆ ಕಡ್ಲೆಕಾಳಿನ ಉಪ್ಪುಪ್ಪು ಹುರಿಗಡಲೆ ಸಿದ್ಧ

ಕೊರೊನಾ ಭೀತಿಯಿಂದ ಇಡೀ ದೇಶವೇ ಲಾಕ್‍ಡೌನ್ ಆಗಿದೆ. ಹೀಗಾಗಿ ದಿನಪೂರ್ತಿ ಮನೆಯಲ್ಲಿಯೇ ಇರಬೇಕು. ಬೇಸರವಾದಾಗ ಹೊರಗೆ ಹೋಗಿ ಏನಾದರೂ ತಿಂದುಕೊಂಡು ಬರೋಣ ಎಂದರೂ ಆಗುವುದಿಲ್ಲ. ಇತ್ತ ಮನೆಯಲ್ಲಿ ಮಕ್ಕಳು ಸೇರಿದಂತೆ ಎಲ್ಲರೂ ಇರುವುದರಿಂದ ತಿನ್ನಲೂ ಏನಾದರೂ ಕೇಳುತ್ತಿರುತ್ತಾರೆ…ಅವರಿಗಾಗಿ ಏನ್ ಮಾಡೋದು ಎಂದು ಯೋಚನೆ ಮಾಡುತ್ತಿರುತ್ತೀರಾ. ಆದ್ದರಿಂದ ನಿಮಗಾಗಿ ಕೆಲವೇ ನಿಮಿಷಗಳಲ್ಲಿ ರೆಡಿಯಾಗುವ ಕಡ್ಲೆಬೇಳೆ ಖಾರ ಫ್ರೈ ಮಾಡುವ ವಿಧಾನ ಇಲ್ಲಿದೆ…..

ಬೇಕಾಗುವ ಸಾಮಗ್ರಿಗಳು
1. ಕಡ್ಲೆಬೇಳೆ – 1/4 ಕೆಜಿ
2. ಖಾರದ ಪುಡಿ – ರುಚಿಗೆ ತಕ್ಕಷ್ಟು
3. ಉಪ್ಪು – ರುಚಿಗೆ ತಕ್ಕಷ್ಟು
4. ಎಣ್ಣೆ – ಕರಿಯಲು

ಮಾಡುವ ವಿಧಾನ
* ಮೊದಲು 4-5 ಗಂಟೆಗಳ ಕಾಲ ಕಡ್ಲೆಬೇಳೆಯನ್ನು ನೀರಿನಲ್ಲಿ ನೆನೆಸಿ ಸೋಸಿಕೊಳ್ಳಿ.
* ಈಗ ಒಂದು ಬಾಣಲೆಗೆ ಎಣ್ಣೆ ಹಾಕಿ ಕಾಯಲು ಬಿಡಿ.
* ಎಣ್ಣೆ ಕಾದ ಮೇಲೆ ಸಣ್ಣ ಸಣ್ಣ ತೂತಿರುವ ಜಾಲರಿಯೊಳಗೆ ಕಡ್ಲೆಬೇಳೆಯನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿ.
* ಬೇಳೆ ನಿಂದಿರುವ ಕಾರಣ 2-3 ನಿಮಿಷಗಳ ಕಾಲ ಬೇಯಿಸಿದರೆ ಗರಿಗರಿ ಎನ್ನುತ್ತೆ. ಹೀಗೆ ಎಲ್ಲಾ ಬೇಳೆಯನ್ನು ಫ್ರೈ ಮಾಡಿಕೊಳ್ಳಿ.
* ಈಗ ಒಂದು ಮಿಕ್ಸಿಂಗ್ ಬೌಲ್‍ಗೆ ಫ್ರೈ ಮಾಡಿದ ಕಡ್ಲೆಬೇಳೆ ಹಾಕಿಕೊಂಡು ಉಪ್ಪು ಖಾರವನ್ನು ಮಿಕ್ಸ್ ಮಾಡಿ.
(ನಿಮಗೆ ಉಪ್ಪು, ಖಾರ ತಿಂದು ಬೇಜರಾಗಿದ್ರೆ, ಗರಂ ಮಸಾಲ, ಮ್ಯಾಗಿ ಮಸಾಲ, ಪೆಪ್ಪರ್ ಪೌಡರ್ ಮಸಾಲವನ್ನು ಸಹ ಬಳಸಬಹುದು. ಟೇಸ್ಟೂ ಚೆನ್ನಾಗಿರುತ್ತದೆ)

ಈ ರೀತಿ ಕಡ್ಲೆಬೇಳೆ ಖಾರ ಫ್ರೈ ಮಾಡಿದರೆ ಇದನ್ನು ಕೆಲದಿನಗಳ ಕಾಲ ಇಟ್ಟುಕೊಂಡು ತಿನ್ನಬಹುದು.