ಲಾಲ್ ಮಾಸ್ ರಾಜಸ್ಥಾನದ ಅತ್ಯಂತ ಜನಪ್ರಿಯ ಮಾಂಸಾಹಾರಿ ರೆಸಿಪಿ. ಸಾಂಪ್ರದಾಯಿಕವಾಗಿ ಲಾಲ್ ಮಾಸ್ ಅನ್ನು ಮಟನ್, ಮೊಸರು ಹಾಗೂ ರಾಜಸ್ಥಾನದ ವಿಶೇಷ ಕೆಂಪು ಮಥಾನಿಯಾ ಮೆಣಸಿನಕಾಯಿಗಳನ್ನು ಬಳಸಿ ತಯಾರಿಸಲಾಗುತ್ತದೆ. ನಾವಿಂದು ರಾಜಸ್ಥಾನಿ ಲಾಲ್ ಮಾಸ್ ಮಾಡೋದು ಹೇಗೆಂದು ನೋಡೋಣ.
ಬೇಕಾಗುವ ಪದಾರ್ಥಗಳು:
ಮಟನ್ – 500 ಗ್ರಾಂ
ಮೊಸರು – 1 ಕಪ್
ರಾಜಸ್ಥಾನಿ ಕೆಂಪು ಮಥಾನಿಯಾ ಕೆಂಪು ಮೆಣಸಿನಕಾಯಿ – 10 + 5 (ಯಾವುದೇ ಇತರ ಒಣ ಮೆಣಸಿನಕಾಯಿ ಬಳಸಬಹುದು)
ಹೆಚ್ಚಿದ ಈರುಳ್ಳಿ – 2
ಶುಂಠಿ ಪೇಸ್ಟ್ – 2 ಟೀಸ್ಪೂನ್
ಬೆಳ್ಳುಳ್ಳಿ ಪೇಸ್ಟ್ – 2 ಟೀಸ್ಪೂನ್
ಸಾಸಿವೆ ಎಣ್ಣೆ – ಅರ್ಧ ಕಪ್
ದಾಲ್ಚಿನಿ ಎಲೆ – 2
ಲವಂಗ – 5
ಏಲಕ್ಕಿ – 4
ಅರಿಶಿನ ಪುಡಿ – ಅರ್ಧ ಟೀಸ್ಪೂನ್
ಕೊತ್ತಂಬರಿ – 2 ಟೀಸ್ಪೂನ್
ಕಾಶ್ಮೀರಿ ಕೆಂಪು ಮೆಣಸಿನ ಪುಡಿ – 1 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಹೆಚ್ಚಿದ ಬೆಳ್ಳುಳ್ಳಿ – 2 ಟೀಸ್ಪೂನ್
ತುಪ್ಪ – 2 ಟೀಸ್ಪೂನ್
ಇದ್ದಿಲು – 1 ಇದನ್ನೂ ಓದಿ: ಮೊಘಲ್ ಸ್ಟೈಲ್‌ನ ಮಟನ್ ಕಡೈ ಚಪ್ಪರಿಸಿ ನೋಡಿ
ಮಾಡುವ ವಿಧಾನ:
* ಮೊದಲಿಗೆ 10 ಕೆಂಪು ಮೆಣಸಿನಕಾಯಿಗಳನ್ನು ಬೆಚ್ಚಗಿನ ನೀರಿನಲ್ಲಿ 30 ನಿಮಿಷಗಳ ಕಾಲ ನೆನೆಸಿ, ನಂತರ ನೀರನ್ನು ಸೋಸಿ ಮಿಕ್ಸರ್ ಜಾರ್‌ನಲ್ಲಿ ನುಣ್ಣಗೆ ರುಬ್ಬಿಕೊಳ್ಳಿ.
* ಬಾಣಲೆಯಲ್ಲಿ ಸಾಸಿವೆ ಎಣ್ಣೆಯನ್ನು ಬಿಸಿ ಮಾಡಿ ಕೊತ್ತಂಬರಿಯನ್ನು ಹುರಿದು ಪುಡಿ ಮಾಡಿಕೊಳ್ಳಿ.
* ದಾಲ್ಚಿನ್ನಿ ಎಲೆ, ಏಲಕ್ಕಿ ಮತ್ತು ಲವಂಗವನ್ನು ಎಣ್ಣೆಯಲ್ಲಿ ಕರಿದುಕೊಳ್ಳಿ. ಬಳಿಕ ಈರುಳ್ಳಿ ಸೇರಿಸಿ, ತಿಳಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.
* ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಮತ್ತು ಒಂದು ನಿಮಿಷ ಬೆರೆಸಿ.
* ಶುಂಠಿ ಪೇಸ್ಟ್ ಸೇರಿಸಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ.
* ಬಳಿಕ ಮಟನ್ ಸೇರಿಸಿ ಮಿಶ್ರಣ ಮಾಡಿ ಮತ್ತು ಬೇಯಿಸಿ.
* ಅರಿಶಿನ ಪುಡಿ ಮತ್ತು ಉಪ್ಪು ಸೇರಿಸಿ ಮಧ್ಯಮ ಉರಿಯಲ್ಲಿ 5 ನಿಮಿಷ ನಿರಂತರವಾಗಿ ಬೆರೆಸಿಕೊಳ್ಳಿ.
* ನಂತರ ಮುಚ್ಚಳವನ್ನು ಮುಚ್ಚಿ ಮತ್ತು ಕಡಿಮೆ ಉರಿಯಲ್ಲಿ 15 ನಿಮಿಷ ಬೇಯಿಸಿ. ನಡುವೆ ಬೆರೆಸಿಕೊಳ್ಳಿ.
* 2 ಕಪ್ ಬೆಚ್ಚಗಿನ ನೀರನ್ನು ಸುರಿದು, ಕುದಿಯಲು ಬಿಡಿ. ನೀರು ಕುದಿಯಲು ಪ್ರಾರಂಭಿಸಿದಾಗ ಮುಚ್ಚಳವನ್ನು ಮುಚ್ಚಿ 40 ರಿಂದ 45 ನಿಮಿಷ ಬೇಯಿಸಿ.
* ಬಳಿಕ ಮುಚ್ಚಳವನ್ನು ತೆಗೆದು ಬೆರೆಸಿ ಮತ್ತು ಬಟ್ಟಲಿಗೆ ವರ್ಗಾಯಿಸಿ.
* ಗ್ಯಾಸ್ ಸ್ಟೌವ್ ಮೇಲೆ 5 ನಿಮಿಷಗಳ ಕಾಲ ಮಧ್ಯಮ ಉರಿಯಲ್ಲಿ ಇದ್ದಿಲುಗಳನ್ನು ಕಾಯಿಸಿಕೊಳ್ಳಿ.
* ಸಣ್ಣ ಪ್ಯಾನ್‌ನಲ್ಲಿ ತುಪ್ಪವನ್ನು ಬಿಸಿ ಮಾಡಿ, 5 ಒಣ ಕೆಂಪು ಮೆಣಸಿನಕಾಯಿ, ಕಾಶ್ಮೀರಿ ಕೆಂಪು ಮೆಣಸಿನ ಪುಡಿ ಮತ್ತು ಕತ್ತರಿಸಿದ ಬೆಳ್ಳುಳ್ಳಿ ಸೇರಿಸಿ. ಅದು ಹುರಿಯಲು ಪ್ರಾರಂಭಿಸಿದಾಗ ಮಾಂಸದ ಕರಿ ಬಟ್ಟಲಿಗೆ ಸೇರಿಸಿ.
* ಉಕ್ಕಿನ ಬಟ್ಟಲಿನಲ್ಲಿ ಕಾಯಿಸಿದ ಇದ್ದಿಲನ್ನು ಹಾಕಿ, ಬಟ್ಟಲನ್ನು ಕರಿ ಬಟ್ಟಲಿನಲ್ಲಿ ಇಡಿ. ಮೇಲಿನಿಂದ ತುಪ್ಪವನ್ನು ಸುರಿಯಿರಿ. ಹೊಗೆ ಏರಲು ಪ್ರಾರಂಭಿಸಿದಾಗ. ಬೌಲ್ ಅನ್ನು ಮುಚ್ಚಳದಿಂದ ಮುಚ್ಚಿ ಮತ್ತು ಮುಚ್ಚಳದ ಮೇಲೆ ಭಾರವಾದ ವಸ್ತುವನ್ನು ಇಡಿ.
* ಒಂದೆರಡು ನಿಮಿಷ ಹಾಗೇ ಬಿಟ್ಟು ಬಳಿಕ ತೆರೆದರೆ ರಾಜಸ್ಥಾನಿ ಲಾಲ್ ಮಾಸ್ ಸವಿಯಲು ಸಿದ್ಧವಾಗಿದೆ. ಇದನ್ನೂ ಓದಿ: ಈರುಳ್ಳಿ, ಟೊಮೆಟೋ ಯಾವ್ದೂ ಬೇಡ – ಹೀಗೆ ಮಾಡಿ ರುಚಿಕರ ಚಿಕನ್ ಫ್ರೈ
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
