ಬಹು ನಿರೀಕ್ಷಿತ ಮ್ಯಾಕ್ಸ್ ಸಿನಿಮಾದ ಪ್ರೀ ಕ್ಲೈಮ್ಯಾಕ್ಸ್ ಫೋಟೋ ಲೀಕ್ (Photo leak) ಆಗಿದೆ. ಅದೊಂದು ಸಾಹಸ ಪ್ರಧಾನ ದೃಶ್ಯವಾಗಿದ್ದು ರಗಡ್ ಲುಕ್ ನಲ್ಲಿ ಸುದೀಪ್ ಕಾಣಿಸಿಕೊಂಡಿದ್ದಾರೆ. ಕೆವಿನ್‍ ಸಾಹಸ ನಿರ್ದೇಶನದ ದೃಶ್ಯದ ಫೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಲೀಕ್ ಮಾಡಲಾಗಿದೆ. ಅದು ವೈರಲ್ ಕೂಡ ಆಗಿದೆ.
ಮ್ಯಾಕ್ಸ್ (Max) ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗ್ತಿದ್ದಂತೆ.. ‘ಮುಂದಿನ ಚಿತ್ರ ಯಾವುದು ಬಾಸ್’ ಅಂತಿದ್ದಾರೆ ಕಿಚ್ಚನ ಫ್ಯಾನ್ಸ್. ಸುದೀಪ್ (Sudeep) ಕೈಯಲ್ಲಿ ಸದ್ಯ ನಾಲ್ಕೈದು ಚಿತ್ರಗಳಿವೆ. ಅವುಗಳು ಲೈನ್‌ಅಪ್ ಕೂಡ ಆಗಿವೆ. ಆದರೆ, ಮ್ಯಾಕ್ಸ್ ನಂತರ ಯಾವ ಚಿತ್ರದ ಶೂಟಿಂಗ್‌ಗೆ ಸುದೀಪ್ ಹೋಗಲಿದ್ದಾರೆ ಅನ್ನೋದು ಅಭಿಮಾನಿಗಳ ಕಾತರಕ್ಕೆ ಕಾರಣವಾಗಿದೆ.
ಮ್ಯಾಕ್ಸ್ ಚಿತ್ರೀಕರಣ ಮುಗಿದಿದೆ. ಪೋಸ್ಟ್ಪ್ರೊಡಕ್ಷನ್ ಕೆಲ್ಸನೂ ಆಲ್‌ಮೋಸ್ಟ್ ಕಂಪ್ಲೀಟ್ ಆಗಿದೆ. ಇನ್ನೇನಿದ್ದರೂ ರಿಲೀಸ್ ಮಾಡಿ ಹಬ್ಬ ಮಾಡ್ಬೇಕು ಅಷ್ಟೆ. ಮ್ಯಾಕ್ಸ್ ಮುಗೀತಿದ್ದಂತೆ ಅನೂಪ್ ಭಂಡಾರಿ ಚಿತ್ರದಲ್ಲಿ ಕಿಚ್ಚ ನಟಿಸಲಿದ್ದಾರೆ ಎಂದು ಹೇಳಲಾಗಿತ್ತು. ಐದಾರು ವರ್ಷಗಳ ಹಿಂದೆಯೇ ಅನೌನ್ಸ್ ಆಗಿರೋ ಬಿಲ್ಲಾ ರಂಗಾ ಬಾಷಾ ಚಿತ್ರವನ್ನು ಕೈಗೆತ್ತಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದರೆ, ಸದ್ಯಕ್ಕೆ ಅನೂಪ್ ಜೊತೆ ಸಿನಿಮಾ ಇಲ್ಲ ಅಂತಿದೆ ಸೋರ್ಸ್.
ವಿಕ್ರಾಂತ್ ರೋಣಗಿಂತ ಮುಂಚೆಯೇ ಬಿಲ್ಲಾ ರಂಗಾ ಬಾಷಾ ಸೆಟ್ಟೇರಬೇಕಿತ್ತು. ಪೋಸ್ಟರ್ ರಿಲೀಸ್ ಕೂಡ ಆಗಿತ್ತು. ಆದರೆ, ಅದು ಬಿಗ್ ಬಜೆಟ್ ಮೂವ್ಹಿ ಆಗಿರೋದ್ರಿಂದ ಮುಂದಕ್ಕೆ ಹಾಕಬೇಕಾಯಿತಂತೆ. ಅಂದಾಜಿನ ಪ್ರಕಾರ ಇನ್ನೂರು ಕೋಟಿಗೂ ಅಧಿಕ ಬಜೆಟ್ ಬೇಡುವಂಥ ಚಿತ್ರವಂತೆ ಅದು. ಹಾಗಾಗಿ, ತಮಿಳು ನಿರ್ದೇಶಕ ಚರಣ್ (Charan) ಜೊತೆಗಿನ ಚಿತ್ರ ಮುಗಿದ ಮೇಲೆ ಅನೂಪ್ ಚಿತ್ರಕ್ಕೆ ಕೈಹಾಕಲಿದ್ದಾರಂತೆ ಕಿಚ್ಚ. ಅಲ್ಲಿಗೆ ಸುದೀಪ್ ಅವರ ಮುಂದಿನ ಚಿತ್ರವನ್ನು ಚರಣ್ ನಿರ್ದೇಶನ ಮಾಡೋದು ನಿಕ್ಕಿಯಾಗಿದೆ.
