ಬೆಂಗಳೂರು: ವಿಧಾನಸಭೆಯಲ್ಲಿ ಇವತ್ತು ಒಂದು ಕುತೂಹಲ ಇತ್ತು. ನೂತನ ಸಚಿವರು ಸಿದ್ದರಾಮಯ್ಯ ಜತೆ ಹೇಗೆ ರಿಯಾಕ್ಟ್ ಮಾಡ್ತಾರೆ ಅನ್ನೋದ್ರ ಬಗ್ಗೆ ಎಲ್ಲರ ಗಮನ ಇತ್ತು. ರಾಜ್ಯಪಾಲರ ಭಾಷಣದ ಬಳಿಕ ಕೆಲವೊಂದು ಸ್ವಾರಸ್ಯಕರ ಘಟನೆಗಳು ನಡೆಯಿತು. ನೂತನ ಸಚಿವರ ಹತ್ರ ಕೆಲ ಕಾಂಗ್ರೆಸ್, ಜೆಡಿಎಸ್ ಶಾಸಕರು ಹೋಗಿ ವಿಶ್ ಮಾಡಿದರು. ಮತ್ತೆ ಕೆಲವು ನೂತನ ಸಚಿವರು ಕಾಂಗ್ರೆಸ್, ಜೆಡಿಎಸ್ ಶಾಸಕರ ಹತ್ತಿರ ಹೋಗಿ ಕೈ ಕುಲುಕಿ ಬಂದ್ರು. ಆದ್ರೆ ಹೆಚ್ಚು ಗಮನ ಸೆಳೆದಿದ್ದು ಸಿದ್ದರಾಮಯ್ಯರನ್ನ ಯಾರೆಲ್ಲ ವಿಶ್ ಮಾಡ್ತಾರೆ ಅನ್ನೋದು.
ವಿಧಾನಸಭೆಯಲ್ಲಿ ಮೊದಲ ಸಾಲಿನ ಎರಡನೇ ಆಸನದಲ್ಲಿ ಸಿದ್ದರಾಮಯ್ಯ ಕುಳಿತಿದ್ದ ಕಡೆ ಮೊದಲು ಸಚಿವ ಬಿ.ಸಿ.ಪಾಟೀಲ್ ಬಂದರು. ಹೆಚ್‍ಡಿ ಕುಮಾರಸ್ವಾಮಿ, ಹೆಚ್.ಕೆ.ಪಾಟೀಲ್, ಡಿಕೆ ಶಿವಕುಮಾರ್ಚ ಮಾತನಾಡಿಸಿದ ಬಳಿಕ ನೇರವಾಗಿ ಸಿದ್ದರಾಮಯ್ಯ ಹತ್ತಿರ ಬಂದು ಬಿ.ಸಿ.ಪಾಟೀಲ್ ಕೈ ಕೊಟ್ಟರು. ಮಿನಿಸ್ಟರ್ ಆಗಿದೀವಿ ಅಂತಾ ಹಸಿರು ಶಾಲ್ ಮೇಲೆ ಕೈ ಹಾಕಿದ್ರು. ಇದಾದ ಬಳಿಕ ಉಳಿದ ಸಚಿವರು ಸ್ವಲ್ಪ ಹೊತ್ತು ಕಾಯುತ್ತಿದ್ದರು. ಹೆಚ್‍ಡಿ ಕುಮಾರಸ್ವಾಮಿ ಎದ್ದು ಹೋದ ಮೇಲೆ ನಾರಾಯಣಗೌಡ, ಗೋಪಾಲಯ್ಯ, ಶಿವರಾಂ ಹೆಬ್ಬಾರ್, ಬೈರತಿ ಬಸವರಾಜು ಸಿದ್ದರಾಮಯ್ಯ ಹತ್ತಿರ ಬಂದು ವಿಶ್ ಮಾಡಿ ಮಾತನಾಡಿದರು.
ಇದೇ ಸಂದರ್ಭದಲ್ಲಿ ಸಿದ್ದರಾಮಯ್ಯ ಬಳಿ ಬಂದ ಬಂದ ಮಹೇಶ್ ಕುಮಟಹಳ್ಳಿ ಬೈಯ್ಕೊಂಡ್ರೆ ಬೈಯ್ಕೋಬಿಡಿ ಸರ್ ಅಂತಾ ಕೈ ಮುಗಿದ್ರು. ಆಗ ಸಿದ್ದರಾಮಯ್ಯ ರಿಯಾಕ್ಟ್ ಮಾಡಿ ಮಿನಿಸ್ಟರ್ ಆಗಪ್ಪಾ ಅಂತೇಳಿ ನಗುತ್ತಿದ್ದರು. ಹೀಗೆ ನೂತನ ಸಚಿವರು ಬಂದು ಸಿದ್ದರಾಮಯ್ಯ ಜತೆ ಮಾತನಾಡುತ್ತಿದ್ದರೆ, ಅವರ ಹಿಂದಿನ ಸಾಲಿನಲ್ಲಿ ಕುಳಿತಿದ್ದ ದಿನೇಶ್ ಗುಂಡೂರಾವ್, ಕೃಷ್ಣಭೈರೇಗೌಡ, ಬೈರತಿ ಸುರೇಶ್ ನೋಡಿ ನಗುತ್ತಿದ್ದರು. ಆ ದೃಶ್ಯಗಳನ್ನು ನೋಡಿದ್ಮೇಲೆ ಅಯ್ಯೋ ಹೊರಗೆ ಹೀಗೆ ಹಿಗ್ಗಾಮುಗ್ಗಾ ಬೈದಾಡಿಕೊಂಡವರು ಇವರೇನಾ ಅಂತಾ ಅನ್ನಿಸದೇ ಇರಲಾರದು.
