– ಬಾಲಿವುಡ್ ಮಂದಿಗೂ ಸವಾಲ್ ಆಯ್ತು ಹುಲಿಗಳ ಸಂಖ್ಯೆ
ಮುಂಬೈ: ಸಾಮಾಜಿಕ ಜಾಲತಾಣದಲ್ಲಿ ಹುಲಿಗಳಿರುವ ಒಂದು ಚಿತ್ರ ಟ್ರೆಂಡ್ ಹುಟ್ಟುಹಾಕುತ್ತಿದ್ದು, ಈ ಫೋಟೋದಲ್ಲಿ ಎಷ್ಟು ಹುಲಿಗಳಿವೆ ಎಂದು ನೆಟ್ಟಿಗರು ಸಖತ್ ತಲೆಕೆಡಿಸಿಕೊಂಡಿದ್ದಾರೆ.
ಕೊರೊನಾ ವೈರಸ್ ಭೀತಿಯಿಂದ ಇಡೀ ದೇಶವೇ ಲಾಕ್‍ಡೌನ್ ಆಗಿದೆ. ಈ ನಡುವೆ ಮನೆಯಲ್ಲೇ ಕುಳಿತಿರುವ ಸಾಮಾನ್ಯ ಜನರು ಮತ್ತು ಸೆಲೆಬ್ರಟಿಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸಕ್ರಿವಾಗಿ ಇದ್ದಾರೆ. ಈಗ ಸೋಶಿಯಲ್ ಮೀಡಿಯಾದಲ್ಲಿ ಹುಲಿಗಳಿರುವ ಒಂದು ಫೋಟೋ ಸಖತ್ ಶೇರ್ ಆಗುತ್ತಿದ್ದು, ಅದರಲ್ಲಿ ಎಷ್ಟು ಹುಲಿಗಳಿವೆ ಎಂದು ಕಂಡು ಹಿಡಿಯಲು ನೆಟ್ಟಿಗರು ತುಂಬ ಕಷ್ಟಪಡುತ್ತಿದ್ದಾರೆ.
How Many Tigers You See In This Pic ? pic.twitter.com/GPOvxKYdRc
— Neer 🇮🇳 (@isharmaneer) April 22, 2020
ಮೊದಲಿಗೆ ಟ್ವಿಟ್ಟರ್ ಬಳಕೆದಾರ ಶರ್ಮಾ ನೀರ್ ಎಂಬುವವರು ಬುಧವಾರ ಈ ಚಿತ್ರವನ್ನು ಹಂಚಿಕೊಂಡು ಇದರಲ್ಲಿ ಎಷ್ಟು ಹುಲಿಗಳಿವೆ ಕಂಡುಹಿಡಿಯಿರಿ ಎಂದು ಚಾಲೆಂಜ್ ಮಾಡಿದ್ದಾರೆ. ಈ ಚಿತ್ರದಲ್ಲಿ ಮೊದಲ ನೋಡಲು ಎರಡು ದೊಡ್ಡ ಹುಲಿಗಳು ಮತ್ತು ಎರಡು ಹುಲಿ ಮರಿಗಳು ಕಾಣುತ್ತವೆ. ಆದರೆ ಇದನ್ನೂ ಹತ್ತಿರದಿಂದ ಗಮನಿಸಿ ನೋಡಿದರೆ ಬಹಳ ಹುಲಿಗಳ ಚಿತ್ರ ನಮಗೆ ಕಂಡು ಬರುತ್ತವೆ. ಸದ್ಯ ಟ್ವಿಟ್ಟರ್ ನಲ್ಲಿ ಈ ಚಿತ್ರ ನೆಟ್ಟರಿಗರ ಕುತೂಹಲಕ್ಕೆ ಕಾರಣವಾಗಿದೆ.
16
— Dia Mirza (@deespeak) April 23, 2020
ಈ ಚಿತ್ರದ ಕುತೂಹಲದ ಕಥೆ ಬಾಲಿವುಡ್ ಮಂದಿಯ ತಲೆಯನ್ನು ಕೆಡಿಸಿದ್ದು, ಈ ಚಿತ್ರವನ್ನು ನೋಡಿದ ಬಾಲಿವುಡ್ ಬಿಗ್‍ಬಿ ಅಮಿತಾಬ್ ಬಚ್ಚನ್ ಕೂಡ ಚಿತ್ರದಲ್ಲಿರುವ ಹುಲಿಗಳನ್ನು ಎಣಿಸಿದ್ದಾರೆ. ಈ ವಿಚಾರವಾಗಿ ಟ್ವೀಟ್ ಮಾಡಿರುವ ಬಿಗ್‍ಬಿ ಈ ಚಿತ್ರದಲ್ಲಿ 11 ಹುಲಿಗಳಿವೆ ಎಂದು ಬರೆದುಕೊಂಡಿದ್ದಾರೆ. ಬಿಗ್‍ಬಿ ನಂತರ ಬಾಲಿವುಡ್ ನಟಿ ದಿಯಾ ಮಿರ್ಜಾ ಕೂಡ ಹುಲಿಗಳನ್ನು ಎಣಿಸಿದ್ದು, ಇದರಲ್ಲಿ 16 ಹುಲಿಗಳಿವೇ ಎಂದು ಕಮೆಂಟ್ ಮಾಡಿದ್ದಾರೆ.
https://twitter.com/Ajay_Singh56/status/1253155513472253952
ದಿಯಾ ಮಿರ್ಜಾ ಅವರ ಸಂಖ್ಯೆಯನ್ನು ಒಪ್ಪಿಕೊಂಡಿರುವ ಬಾಲಿವುಡ್‍ನ ಮೊತ್ತೋರ್ವ ನಟಿ ಪ್ರಾಚಿ ದೇಸಾಯಿ, ಹೌದು ಈ ಚಿತ್ರದಲ್ಲಿ 16 ಹುಲಿಗಳು ಇವೆ ಇದೆ ಕಮೆಂಟ್ ಮಾಡಿದ್ದಾರೆ. ಆದರೆ ಟ್ವಿಟ್ಟರ್ ಬಳಕೆದಾರರು ಈ ಚಿತ್ರವನ್ನು ನೋಡಿ ತಮ್ಮದೇ ಅದ ಉತ್ತರಗಳನ್ನು ನೀಡುತ್ತಿದ್ದು, ಕೆಲವರು 20 ಹುಲಿಗಳಿವೆ 18 ಹುಲಿಗಳು ಇದ್ದಾವೆ ಎಂದು ಫೋಟೋವನ್ನು ಮಾರ್ಕ್ ಮಾಡಿ ಟ್ವೀಟ್ ಮಾಡಿದ್ದಾರೆ.
