Bloggers Unite

Tag: Nano

  • ಸುತ್ತಲಿನ ಕಾರು ಧಗಧಗ – ನ್ಯಾನೋ ಮಾತ್ರ ಸೇಫ್

    ಸುತ್ತಲಿನ ಕಾರು ಧಗಧಗ – ನ್ಯಾನೋ ಮಾತ್ರ ಸೇಫ್

    ಬೆಂಗಳೂರು: ಏರ್ ಶೋ ಅಗ್ನಿ ಅವಘಡದಲ್ಲಿ ನೂರಾರು ಕಾರುಗಳು ಬೆಂಕಿಯ ನರ್ತನಕ್ಕೆ ಸುಟ್ಟು ಕರಕಲಾಗಿದ್ದಾರೆ, ಅಚ್ಚರಿ ಎಂಬಂತೆ ನ್ಯಾನೋ ಕಾರು ಮಾತ್ರ ಸೇಫ್ ಆಗಿದೆ.

    ಪಾರ್ಕಿಂಗ್ ನಲ್ಲಿದ್ದ ಕಾರು ಬೆಂಕಿಯ ಪ್ರಭಾವಕ್ಕೆ ಮುಂಭಾಗ ಬಂಪರ್ ಮಾತ್ರ ಕರಗಿದ್ದು, ಇಂಜಿನ್ ಸೇರಿದಂತೆ ಬೇರೆ ಯಾವುದೇ ಭಾಗಕ್ಕೆ ಹಾನಿ ಆಗಿಲ್ಲ. ಆದರೆ ನ್ಯಾನೋ ಕಾರಿನ ಸುತ್ತಲು ಇದ್ದ ಐಶಾರಾಮಿಗಳು ಕಾರುಗಳು ಮಾತ್ರ ಮಾಲೀಕರ ಕಣ್ಣ ಮುಂದೆಯೇ ನೋಡ ನೋಡುತ್ತಿದಂತೆ ಬೆಂಕಿಗೆ ಆಹುತಿಯಾಗಿದೆ.

    ಮೂಲತಃ ನಾಗಪುರ ವ್ಯಕ್ತಿಗೆ ಸೇರಿದ ಕಾರು ಇದ್ದಾಗಿದೆ ಎಂಬ ಮಾಹಿತಿ ಲಭಿಸಿದೆ. ಘಟನೆಯಲ್ಲಿ 150 ಕ್ಕೂ ಹೆಚ್ಚು ಬೈಕ್, 300ಕ್ಕೂ ಹೆಚ್ಚು ಕಾರುಗಳು ಸುಟ್ಟು ಕರಕಲಾಗಿದ್ದು, ವಾರಾಂತ್ಯದ ರಜೆಯನ್ನು ಕಳೆಯಲು ಬಂದ ಬೆಂಗಳೂರಿನ ಜನರಿಗೆ ಇದೊಂದು ಶಾಕ್ ಆಗಿತ್ತು ಎಂದೇ ಹೇಳಬಹುದಾಗಿದೆ. ಇದನ್ನೂ ಓದಿ:ಮದ್ವೆಯಾಗಿ ಮೊದ್ಲ ಬಾರಿಗೆ ಪತಿಯ ಮನೆಗೆ ಈ ಕಾರಿನಲ್ಲೇ ಬಂದಿದ್ದೆ: ಕಾರ್ ಮಾಲಕಿ ಕಣ್ಣೀರು

    ರತನ್ ಟಾಟಾ ಅವರ ಕನಸಿನ ಕಾರು ಎಂದೇ ಖ್ಯಾತಿ ಪಡೆದಿದ್ದ ನ್ಯಾನೋ ಕಾರನ್ನು ಭಾರತದಲ್ಲೇ ಕಡಿಮೆ ಬೆಲೆಗೆ ತಯಾರಿಸಲಾಗಿತ್ತು. ಈ ಮಾದರಿಯ ಕಾರು ಪ್ರಪಂಚದಲ್ಲೇ ಅಗ್ಗದ ಕಾರು ಎಂಬ ಖ್ಯಾತಿಯನ್ನು ಪಡೆದಿತ್ತು. ದೇಶದ ಮಧ್ಯಮ ವರ್ಗದ ಜನರನ್ನು ಗಮನದಲ್ಲಿಟ್ಟುಕೊಂಡು ಕಾರನ್ನು ಟಾಟಾ ಮೋಟಾರ್ಸ್ ಸಂಸ್ಥೆ ವಿನ್ಯಾಸ ಮಾಡಿತ್ತು. ಇದನ್ನೂ ಓದಿ:1 ಸಾವಿರ ಕಾರ್ ಪಾರ್ಕ್ ಮಾಡಿದ್ದ ಜಾಗದಲ್ಲಿ ಬೆಂಕಿ ಅವಘಡ: ಅಗ್ನಿಶಾಮಕ ದಳದ ಡಿಜಿಪಿ

    ಸದ್ಯ ದುರಂತದಲ್ಲಿ ಹಾನಿಗೊಂಡಿರುವ ಕಾರುಗಳ ಬಗ್ಗೆ ಸ್ಥಳದಲ್ಲಿ ಪ್ರಾಥಮಿಕ ಮಾಹಿತಿ ನೀಡಲಾಗುತ್ತಿದೆ. ನಾಳೆ ಯಲಹಂಕ ಪೊಲೀಸ್ ಠಾಣೆಯಲ್ಲಿ ಕಾರು ಸುಟ್ಟು ಕರಕಲಾಗಿರುವ ಕಾರುಗಳ ಬಗ್ಗೆ ಅಧಿಕೃತ ಪತ್ರವನ್ನು ಪಡೆಯಬಹುದಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

    ಏರೋ ಅಗ್ನಿ ಅವಘಡಕ್ಕೆ ಕಾರಣ ಏನು ಎಂಬ ಬಗ್ಗೆ ಅನುಮಾನ ಮೂಡಿದ್ದು, ಬೆಂಗಳೂರಿನಿಂದ ಏರ್ ಶೋ ಶಿಫ್ಟ್ ಮಾಡಲು ಇಂತಹ ಪ್ರಯತ್ನ ನಡೆಸಿದ್ದರಾ ಎಂಬ ಪ್ರಶ್ನೆಯನ್ನ ಏರ್ ಶೋದಲ್ಲಿ ಭಾಗವಹಿಸಿದ್ದ ಸಾರ್ವಜನಿಕರು ಅನುಮಾನ ವ್ಯಕ್ತಪಡಿಸಿದ್ದಾರೆ. ದುರಂತ ಕಾರಣ ತಿಳಿಯಲು ಇಲಾಖೆ ತನಿಖೆ ನಡೆಸಲು ಆದೇಶ ನೀಡಿದೆ.

    https://www.youtube.com/watch?v=odvGPUDiklw

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

  • ವಿಶ್ವದ ಅಗ್ಗದ ಕಾರು `ನ್ಯಾನೋ’ ಸ್ಥಗಿತಕ್ಕೆ ಟಾಟಾ ಮೋಟಾರ್ಸ್ ತೀರ್ಮಾನ?

    ವಿಶ್ವದ ಅಗ್ಗದ ಕಾರು `ನ್ಯಾನೋ’ ಸ್ಥಗಿತಕ್ಕೆ ಟಾಟಾ ಮೋಟಾರ್ಸ್ ತೀರ್ಮಾನ?

    ನವದೆಹಲಿ: ಅಗ್ಗದ ಕಾರು ಎಂದೇ ಹೆಸರುಗಳಿಸಿದ್ದ ನ್ಯಾನೋ ಕಾರು ಸದ್ಯ ಮಾರುಕಟ್ಟೆಯಿಂದ ಮರೆಯಾಗುವ ಎಲ್ಲಾ ಲಕ್ಷಣಗಳು ಕಂಡುಬಂದಿದ್ದು, ನ್ಯಾನೋ ಮಾರಾಟದಲ್ಲಿ ದೀರ್ಘ ಕುಸಿತ ಕಂಡುಬಂದ ಹಿನ್ನೆಲೆಯಲ್ಲಿ ಟಾಟಾ ಮೋಟಾರ್ಸ್ ನ್ಯಾನೋ ಉತ್ಪಾದನೆಯನ್ನು ಸ್ಥಗಿತಗೊಳಿಸುವ ತೀರ್ಮಾನಕ್ಕೆ ಬಂದಿದೆ ಎನ್ನಲಾಗಿದೆ.

    ಟಾಟಾ ನ್ಯಾನೋ ಕಾರಿನ ಸ್ಥಗಿತ ಕುರಿತು ಇದುವರೆಗೂ ಯಾವುದೇ ಹೇಳಿಕೆಗಳನ್ನು ಟಾಟಾ ಕಂಪನಿ ನೀಡಿಲ್ಲ. ಆದರೆ ನ್ಯಾನೋ ಉತ್ಪಾದನೆ ಮಾಡುವ ಎಲ್ಲಾ ಘಟಕಗಳನ್ನು ಒಂದೊಂದಾಗಿ ನಿಲ್ಲಿಸುತ್ತಿರುವುದು ನ್ಯಾನೋ ಉತ್ಪಾದನೆಯ ಸ್ಥಗಿತ ಕುರಿತು ಎಲ್ಲಾ ಲಕ್ಷಣಗಳು ಕಂಡುಬರುತ್ತಿದೆ.

    ಜೂನ್ ತಿಂಗಳಿನಲ್ಲಿ ಕೇವಲ 1 ನ್ಯಾನೋ ಕಾರು ಉತ್ಪಾದನೆಯಾಗಿದೆ. ಅಲ್ಲದೇ ಕಳೆದ ವರ್ಷ 2017ಕ್ಕೆ ಹೊಲಿಸಿದರೆ ಒಟ್ಟು 275 ಕಾರುಗಳನ್ನು ರಫ್ತಾಗಿದ್ದರೆ, ಈ ವರ್ಷ ಜೂನ್ ತಿಂಗಳಲ್ಲಿ ಕೇವಲ 25 ಕಾರುಗಳನ್ನು ರಫ್ತುಮಾಡಿದೆ. ಅಲ್ಲದೇ 2017ರಲ್ಲಿ ಒಟ್ಟು 167 ಕಾರುಗಳನ್ನು ಮಾರಾಟಗೊಂಡಿದ್ದವು. ಆದರೆ ಇಂದು 2018ರ ಜೂನ್ ತಿಂಗಳಲ್ಲಿ ನ್ಯಾನೋದ ಕೇವಲ ಮೂರು ಕಾರುಗಳು ಮಾರಾಟಗೊಂಡಿವೆ.

    ಈ ಕುರಿತು ಪ್ರತಿಕ್ರಿಯಿಸಿ ಟಾಟಾ ಮೋಟಾರ್ಸ್ ಕಂಪೆನಿಯ ಅಧಿಕಾರಿಗಳು, ಸದ್ಯ ಮಾರುಕಟ್ಟೆಯಲ್ಲಿರುವ ಪರಿಸ್ಥಿತಿಯಿಂದಾಗಿ ನ್ಯಾನೋ ನಿರ್ಮಾಣವನ್ನು 2019ಕ್ಕೆ ಮುಂದುವರಿಸಲು ಸಾಧ್ಯವಿಲ್ಲ. ಅಲ್ಲದೇ ನ್ಯಾನೋ ಸ್ಥಗಿತಗೊಳಿಸುವ ಕುರಿತು ಸಂಸ್ಥೆ ಯಾವುದೇ ನಿರ್ಧಾರಗಳನ್ನು ತೆಗೆದುಕೊಂಡಿಲ್ಲ. ಗ್ರಾಹಕರ ಬೇಡಿಕೆಯನ್ನು ನೋಡಿಕೊಂಡು ಮುಂದಿನ ತೀರ್ಮಾನ ಕೈಗೊಳ್ಳುತ್ತೇವೆಂದು ತಿಳಿಸಿದ್ದಾರೆ.

    2008ರ ಆಟೋ ಎಕ್ಸ್-ಪೋನಲ್ಲಿ ಮೊದಲ ಬಾರಿ ನ್ಯಾನೋ ಕಾರು ಕಾಣಿಸಿಕೊಂಡು 2009ರಲ್ಲಿ ವಿಶ್ವದ ಮಾರುಕಟ್ಟೆಗೆ ಲಗ್ಗೆ ಇಟ್ಟಿತ್ತು. ರತನ್ ಟಾಟಾರವರು ಭಾರತೀಯರಿಗೆ ಕೊಟ್ಟಿದ್ದ ಮಾತಿನಂತೆ 1 ಲಕ್ಷ ರೂಪಾಯಿಗೆ ನ್ಯಾನೋ ಕಾರನ್ನು ಗ್ರಾಹಕರಿಗೆ ನೀಡಿತ್ತು. ನ್ಯಾನೋ ಕಾರು ವಿಶ್ವದಲ್ಲಿಯೇ ಅಗ್ಗದ ಕಾರು ಎಂಬ ಹೆಸರು ಸಹ ಪಡೆದುಕೊಂಡಿತ್ತು.

    ಟಾಟಾ ಸನ್ಸ್ ಮಾಜಿ ಮುಖ್ಯಸ್ಥ ಸೈರಸ್ ಮಿಸ್ತ್ರಿ ಈ ಹಿಂದೆ, ಟಾಟಾ ನ್ಯಾನೋ ಉತ್ಪಾದನೆಯಿಂದ ಸಂಸ್ಥೆಗೆ 1,000 ಸಾವಿರ ಕೋಟಿ ರೂಪಾಯಿ ನಷ್ಟವಾಗಿದ್ದು, ನ್ಯಾನೋ ಕಾರು ಉತ್ಪಾದನೆಯಿಂದ ಸಂಸ್ಥೆಗೆ ಯಾವುದೇ ರೀತಿಯ ಲಾಭ ಸಹ ಗಳಿಸಿಲ್ಲ. ರತನ್ ಟಾಟಾರವರ ಕನಸಿನ ಕೂಸಗಿದ್ದರಿಂದ ನ್ಯಾನೋ ಕಾರನ್ನು ಭಾವನಾತ್ಮಕ ಕಾರಣಗಳಿಂದಾಗಿ ಇನ್ನೂ ಉತ್ಪಾದನೆ ಮಾಡುತ್ತಿದ್ದೇವೆ ಎಂದು ತಿಳಿಸಿದ್ದರು.