ಬಾಗಲಕೋಟೆ: ತನ್ನ ಮರಿ ಸತ್ತಿದ್ದರೂ ಇನ್ನು ಬದುಕಿದೆ ಎಂಬ ರೀತಿಯಲ್ಲಿ ತಾಯಿ ಕೋತಿಯೊಂದು ಮರಿಯ ಅಸ್ಥಿಪಂಜರವನ್ನು ಹಿಡಿದು ಓಡಾಡುತ್ತಿರುವ ಮನ ಮನಮಿಡಿಯುವ ಪ್ರಸಂಗವೊಂದು ಬಾಗಲಕೋಟೆ ಜಿಲ್ಲೆ ತೇರದಾಳ ಪಟ್ಟಣದಲ್ಲಿ ನಡೆದಿದೆ.
ತೇರದಾಳ ಪಟ್ಟಣದ ಕಾರ್ಪೊರೇಷನ್ ಕಾಲೋನಿಯಲ್ಲಿ ಕೋತಿಯೊಂದು ತನ್ನ ಮರಿ ಸತ್ತಿದ್ದರೂ ಅದು ಬದುಕಿದೆ ಎಂಬಂತೆ ಅದರ ಅಸ್ಥಿಪಂಜರ ಹಿಡಿದು ಓಡಾಡುತ್ತಿದೆ. ತಾಯಿ ಮಂಗ ಹಾಗೂ ಮರಿಯ ಕರುಳ ಬಳ್ಳಿ ಸಂಬಂಧದ ಸನ್ನಿವೇಶ ಜನರ ಮನ ಕಲಕುವಂತೆ ಮಾಡಿದೆ.
ಈಗಿನ ಕಾಲದಲ್ಲಿ ಹೆತ್ತ ಮಕ್ಕಳನ್ನು ಬೀದಿಗೆ ಬಿಸಾಕುವ ಜನರ ಮಧ್ಯೆ ಮಂಗನ ತಾಯಿ ಪ್ರೀತಿ ನೋಡಿ ಜನ ನಿಬ್ಬೆರಗಾಗಿದ್ದಾರೆ. ತನ್ನ ಮರಿ ಸತ್ತು ಎರಡು ತಿಂಗಳಾದರೂ ಅಸ್ಥಿಪಂಜರ ತಬ್ಬಿಕೊಂಡು ಓಡಾಡುತ್ತಿರುವ ತಾಯಿ ಮಂಗನನ್ನು ನೋಡಿ ಸ್ಥಳೀಯರು ಆಶ್ವರ್ಯಗೊಂಡಿದ್ದಾರೆ.