Bloggers Unite

Tag: Mother Monkey

  • ತನ್ನ ಜೀವ ಪಣಕ್ಕಿಟ್ಟು ಪುಟ್ಟ ಮರಿಯನ್ನು ರಕ್ಷಿಸಿದ ತಾಯಿ ಕೋತಿ – ವಿಡಿಯೋ ವೈರಲ್

    ತನ್ನ ಜೀವ ಪಣಕ್ಕಿಟ್ಟು ಪುಟ್ಟ ಮರಿಯನ್ನು ರಕ್ಷಿಸಿದ ತಾಯಿ ಕೋತಿ – ವಿಡಿಯೋ ವೈರಲ್

    ನವದೆಹಲಿ: ತಾಯಿ ಪ್ರೀತಿಗೆ ಸಾಟಿಯಿಲ್ಲ, ತಾಯಿ ಎದುರು ಆ ದೇವರೇ ಸಲಾಂ ಹೊಡೆಯುತ್ತಾನೆ ಎಂಬ ಮಾತಿದೆ. ಮನುಷ್ಯರೇ ಆಗಲಿ, ಪ್ರಾಣಿಗಳೇ ಆಗಲಿ ತಾಯಿ ಮಮತೆ, ಪ್ರೀತಿ ಒಂದೆ. ಇದಕ್ಕೆ ಉದಾಹರಣೆ ಎನ್ನುವಂತೆ ಸಾಮಾಜಿಕ ಜಾಲತಾಣಗಳಲ್ಲಿ ತಾಯಿ ಕೋತಿ ತನ್ನ ಮರಿಯನ್ನು ರಕ್ಷಣೆ ಮಾಡಿರುವ ವಿಡಿಯೋವೊಂದು ಸಖತ್ ವೈರಲ್ ಆಗಿದ್ದು, ತನ್ನ ಪ್ರಣವನ್ನು ಲೆಕ್ಕಿಸದೆ ತಾಯಿ ಕೋತಿ ತನ್ನ ಪುಟ್ಟ ಮರಿಯ ಜೀವ ಉಳಿಸಿದ ದೃಶ್ಯ ನೆಟ್ಟಿಗರ ಮನ ಮುಟ್ಟಿದೆ.

    ವೈರಲ್ ವಿಡಿಯೋದಲ್ಲಿ ಕೋತಿಯೊಂದು ತನ್ನ ಕಂದನನ್ನು ಪ್ರಾಣದ ಹಂಗು ತೊರೆದು ರಕ್ಷಿಸಿದ ದೃಶ್ಯ ಸೆರೆಯಾಗಿದೆ. ಕಟ್ಟಡದಿಂದ ಮತ್ತೊಂದು ಕಟ್ಟಡಕ್ಕೆ ಹಾರುವಾಗ ವಿದ್ಯುತ್ ತಂತಿಯ ಮಧ್ಯದಲ್ಲಿ ಸಿಲುಕಿ, ಜೀವ ಉಳಿಸಿಕೊಳ್ಳಲು ಒದ್ದಾಡುತ್ತಿದ್ದ ಪುಟ್ಟ ಮರಿಯನ್ನು ತಾಯಿ ಕೋತಿ ತನ್ನ ಜೀವ ಪಣಕ್ಕಿಟ್ಟು ರಕ್ಷಿಸಿರುವ ದೃಶ್ಯ ನೋಡಿ ನೆಟ್ಟಿಗರು ಮನಸೋತಿದ್ದಾರೆ.

    ತನ್ನ ಜೀವವನ್ನು ಲೆಕ್ಕಿಸದೆ ಮರಿಗಾಗಿ ತಾಯಿ ಕೋತಿ ಕಟ್ಟದದಿಂದ ವಿದ್ಯುತ್ ತಂತಿಯ ಮೇಲೆ ಹಾರಿ, ತನ್ನ ಕರುಳ ಕುಡಿಯನ್ನು ರಕ್ಷಿಸಿರುವುದು ತಾಯಿಯ ನಿಸ್ವಾರ್ಥ ಪ್ರೀತಿ ಏನು ಎಂಬುದನ್ನು ತಿಳಿಸುತ್ತೆ ಎಂದು ನೆಟ್ಟಿಗರು ಈ ದೃಶ್ಯವನ್ನು ವರ್ಣಿಸಿದ್ದಾರೆ.

    ಈ ಹೃದಯಸ್ಪರ್ಶಿ ವಿಡಿಯೋವನ್ನು ಅರಣ್ಯ ಅಧಿಕಾರಿ ಪ್ರವೀಣ್ ಕಾಸ್ವಾನ್ ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಇದು ತಾಯಿ ನಡೆಸಿದ ರಕ್ಷಣಾ ಕಾರ್ಯಾಚರಣೆ, ವಿಫಲವಾಗಲು ಸಾಧ್ಯವೆ ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದ್ದು, ತಾಯಿ ಪ್ರೀತಿಗೆ, ದಿಟ್ಟತನಕ್ಕೆ ಸಲಾಂ ಎಂದಿದ್ದಾರೆ.

  • ಆಹಾರಕ್ಕಾಗಿ ಮೂಕ ರೋಧನೆ – ಮರಿ ಪಾಲನೆಗೆ ತುತ್ತು ಆಹಾರಕ್ಕಾಗಿ ತಾಯಿ ಪರದಾಟ

    ಆಹಾರಕ್ಕಾಗಿ ಮೂಕ ರೋಧನೆ – ಮರಿ ಪಾಲನೆಗೆ ತುತ್ತು ಆಹಾರಕ್ಕಾಗಿ ತಾಯಿ ಪರದಾಟ

    ಹುಬ್ಬಳ್ಳಿ: ದೇಶಾದ್ಯಂತ ಲಾಕ್‍ಡೌನ್ ಜಾರಿಯಿರುವ ಹಿನ್ನೆಲೆ ಜನರು ಆಹಾರಕ್ಕಾಗಿ ಪರದಾಡುವಂತ ಸ್ಥಿತಿಯನ್ನು ನೋಡಿದ್ದೇವೆ. ಜನರ ನೆರವಿಗೆ ಸಾಕಷ್ಟು ಮಂದಿ ಮುಂದೆ ಬಂದಿದ್ದಾರೆ. ಆದರೇ ಮೂಕ ಪ್ರಾಣಿಗಳು ಕೂಡ ಆಹಾರವಿಲ್ಲದೇ ಸಂಕಷ್ಟಕ್ಕೆ ಸಿಲುಕಿದ್ದು, ತಾಯಿ ಮಂಗವೊಂದು ತನ್ನ ಮರಿ ಪಾಲನೆಗೆ ತುತ್ತು ಆಹಾರಕ್ಕಾಗಿ ಪರಿತಪಿಸುತ್ತಿರುವ ದೃಶ್ಯ ಮನಕಲಕುವಂತಿದೆ.

    ತಾಯಿ ಮಂಗವೊಂದು ತನ್ನ ಪುಟ್ಟ ಮರಿಗಾಗಿ ಆಹಾರ ಹುಡುಕಿಕೊಂಡು ಆಹಾರ ಅರಸಿ ಸಾಗುತ್ತಿರುವ ದೃಶ್ಯ ಹುಬ್ಬಳ್ಳಿಯ ಲ್ಯಾಮಿಂಗ್ಟನ್ ರಸ್ತೆಯಲ್ಲಿ ಕಂಡುಬಂದಿದೆ. ಅರಣ್ಯ ಹಾಗೂ ಉದ್ಯಾನವನಗಳಲ್ಲಿ ಆಹಾರ ಪಡೆದುಕೊಂಡು ಜೀವನ ನಡೆಸುತ್ತಿದ್ದ ಮಂಗಗಳು ಈಗ ಎಲ್ಲಿಯೂ ಕೂಡ ಆಹಾರವಿಲ್ಲದೆ ಪರದಾಡುವಂತಾಗಿದೆ. ಲಾಕ್‍ಡೌನ್ ಬಿಸಿ ಮನುಷ್ಯನಿಗೆ ಮಾತ್ರವಲ್ಲದೆ ಪ್ರಾಣಿಗಳಿಗೂ ತಟ್ಟಿದ್ದು, ಆಹಾರ ಅರಸಿಕೊಂಡು ಮಂಗಗಳು ನಗರದತ್ತ ಮುಖ ಮಾಡಿವೆ. ಕಾಲೋನಿಗಳಲ್ಲಿ ಜನರು ಹಾಕುತ್ತಿದ್ದ ಅಳಿದು ಉಳಿದ ಆಹಾರವನ್ನು ನೆಚ್ಚಿಕೊಂಡು ಜೀವನಕ್ಕೆ ದಾರಿ ಮಾಡಿಕೊಂಡಿರುವ ಮಂಗಗಳು ಈಗ ಆಹಾರವಿಲ್ಲದೆ ಸಂಕಷ್ಟದ ಸುಳಿಯಲ್ಲಿ ಸಿಲುಕಿಕೊಂಡಿವೆ. ಜನರಿಗೆ ಆಹಾರವಿಲ್ಲದಿದ್ದರೆ ಕಷ್ಟವನ್ನು ಹೇಳಿಕೊಂಡು ಆಹಾರ ಪಡೆಯುತ್ತಾರೆ. ಆದರೇ ಮೂಕ ಪ್ರಾಣಿಗಳ ರೋಧನ ಹೇಳ ತೀರದಾಗಿದೆ.

    ತುತ್ತು ಆಹಾರಕ್ಕಾಗಿ ಮಂಗಗಳು ಪಡುತ್ತಿರುವ ಕಷ್ಟ ಮನಕಲಕುವಂತಿದೆ. ಅದರಲ್ಲೂ ತಾಯಿ ಮಂಗವೊಂದು ತನ್ನ ಪುಟ್ಟ ಕಂದಮ್ಮನನ್ನು ಉದರದಲ್ಲಿ ಹೊತ್ತಿಕೊಂಡು ಆಹಾರವನ್ನು ಹುಡುಕುತ್ತಿರುವ ದೃಶ್ಯ, ಸ್ಥಳದಲ್ಲಿ ಬಿಸಾಡಿದ ಹಾಲಿನ ಪ್ಯಾಕೆಟ್‍ನಲ್ಲಿ ಉಳಿದ ಹಾಲನ್ನು ಮಂಗ ಕುಡಿಯುತ್ತಿರುವುದು, ನೆಲದಲ್ಲಿ ಚೆಲ್ಲಿದ ಹಾಲನ್ನು ಮಂಗಗಳು ಕುಡಿಯುತ್ತಿರುವುದು, ಕಸದ ರಾಶಿಯಲ್ಲಿ ಸಿಕ್ಕ ಅಲ್ಪಸ್ವಲ್ಪ ಆಹಾರವನ್ನು ಆರಿಸಿ ತಿನ್ನುತ್ತಿರುವ ಮಂಗಗಳ ದೃಶ್ಯಗಳನ್ನು ನೋಡಿದರೆ ಕಣ್ಣಂಚಲ್ಲಿ ನೀರು ತುಂಬುತ್ತದೆ.

  • ಸತ್ತ ಕರುಳ ಕುಡಿಯನ್ನ ಹೊತ್ತು ತಿರುಗುತ್ತಿದೆ ಕೋತಿ!

    ಸತ್ತ ಕರುಳ ಕುಡಿಯನ್ನ ಹೊತ್ತು ತಿರುಗುತ್ತಿದೆ ಕೋತಿ!

    ಚಿಕ್ಕಬಳ್ಳಾಪುರ: ಸತ್ತು ಕರಳುಕುಡಿ ಮರಿಕೋತಿಯನ್ನು ಎಲ್ಲೂ ಬಿಡದೇ ಕಳೆದ ಎರಡು ದಿನಗಳಿಂದ ತಾಯಿ ಕೋತಿಯೊಂದು ಹೊತ್ತು ತಿರುಗುತ್ತಿರುವ ಮನಕಲಕುವ ಘಟನೆ ಚಿಕ್ಕಬಳ್ಳಾಪುರದ್ಲಲಿ ನಡೆದಿದೆ.

    ಜಿಲ್ಲೆಯ ಗೌರಿಬಿದನೂರು ನಗರದಲ್ಲಿ ಆಗ ತಾನೆ ತನ್ನ ಕರುಳ ಬಳ್ಳಿ ಹಂಚಿಕೊಂಡು ಹುಟ್ಟಿರುವ ಕೋತಿ ಮರಿಯೊಂದು ಸತ್ತು ಹೋಗಿದೆ. ಕೋತಿ ಮರಿ ಸತ್ತು ಹೋಗಿದರೂ ಸಹ ತಾಯಿ ಕೋತಿ ಅದನ್ನು ತಾನು ಎಲ್ಲಿ ಹೋದರೂ ಅಲ್ಲಿಗೆ ಕರೆದುಕೊಂಡು ಹೋಗುತ್ತಿದೆ.

    ಗೌರಿಬಿದನೂರು ನಗರದ ಅಂಚೆ ಕಚೇರಿ ಅಸುಪಾಸಿನಲ್ಲೇ ಕೋತಿ ಅಡ್ಡಾಡುತ್ತಿದ್ದು. ತಾಯಿ ಕೋತಿಯ ಮಮತೆ ಕಂಡು ನೋಡುಗರು ಮನಕಲಕುವಂತಿದೆ.

    ಈ ಹಿಂದೆ ಚಾಮರಾಜನಗರದ ಭ್ರಮರಾಂಭ ಬಡಾವಣೆಯಲ್ಲಿ ಕೋತಿಯೊಂದು ಒಂದು ವಾರ ತನ್ನ ಮೃತ ಮರಿಯನ್ನು ತನ್ನ ಕಂಕುಳಿನಲ್ಲಿ ಹೊತ್ತು ತಿರುಗಾಡುತ್ತಿತ್ತು. ಕೋತಿ ತಾಯಿಗೆ ತನ್ನ ಕಂದ ಒಂದು ವಾರದ ಹಿಂದೆಯೇ ಮೃತಪಟ್ಟಿತ್ತು ಎಂಬ ವಿಷಯ ತಿಳಿದಿರಲಿಲ್ಲ. ತಿಳಿದಿದ್ರು ತಾಯಿ ಕರುಳು ಮಾತ್ರ ತನ್ನ ಮರಿ ಸಾವನ್ನಪ್ಪಿಲ್ಲ ಎಂಬ ಭಾವನೆಯಲ್ಲೇ ಇತ್ತು. ತನ್ನ ಕಂದ ಈಗ ಏಳುತ್ತೆ, ಆಗ ಏಳುತ್ತೆ ಎಂಬ ಭಾವನೆಯಲ್ಲೇ ತಾಯಿ ಕೋತಿ ಮರಿ ಕೋತಿಯ ಮುಖವನ್ನು ನೆಕ್ಕಿ ಎಬ್ಬಿಸಲು ಪ್ರಯತ್ನ ಪಟ್ಟಿತ್ತು.