Bloggers Unite

Tag: model

  • ಮಾಡೆಲ್‍ಗೆ ಅಶ್ಲೀಲ ಫೋಟೋ ಕಳುಹಿಸಿ, ಲೈಂಗಿಕ ಕಿರುಕುಳ ನೀಡಿದ್ದ ಗಾಯಕ ಅರೆಸ್ಟ್

    ಮಾಡೆಲ್‍ಗೆ ಅಶ್ಲೀಲ ಫೋಟೋ ಕಳುಹಿಸಿ, ಲೈಂಗಿಕ ಕಿರುಕುಳ ನೀಡಿದ್ದ ಗಾಯಕ ಅರೆಸ್ಟ್

    ದುಬೈ: ಬಾಲಿವುಡ್ ಗಾಯಕ ಮಿಕಾ ಸಿಂಗ್ ಮಾಡೆಲ್‍ಗೆ ಅಶ್ಲೀಲ ಫೋಟೋ ಕಳುಹಿಸಿ ಲೈಂಗಿಕ ಕಿರುಕುಳ ನೀಡಿ ದುಬೈನಲ್ಲಿ ಅರೆಸ್ಟ್ ಆಗಿದ್ದಾರೆ.

    17 ವರ್ಷದ ಬ್ರೇಜಿಲಿಯನ್ ಮಾಡೆಲ್‍ಗೆ ಗಾಯಕ ಮಿಕಾ ಸಿಂಗ್ ಅಶ್ಲೀಲ ಫೋಟೋ ಕಳುಹಿಸಿ ಲೈಂಗಿಕ ಕಿರುಕುಳ ನೀಡಿದ್ದಾರೆ. ಬ್ರೇಜಿಲಿಯನ್ ಹುಡುಗಿ ಮುರಾಕ್ಕಾಬಾತ್ ಪೊಲೀಸ್ ಠಾಣೆಯಲ್ಲಿ ಅಶ್ಲೀಲ ಫೋಟೋ ಕಳುಹಿಸಿದ್ದ ಮಿಕಾ ವಿರುದ್ಧ ದೂರು ನೀಡಿದ್ದರು.

    ಹುಡುಗಿಯ ದೂರು ಸ್ವೀಕರಿಸಿದ ಪೊಲೀಸರು ಬೆಳಗ್ಗಿನ ಜಾವ ಸುಮಾರು 3 ಗಂಟೆಗೆ ಬುರ್ ದುಬೈನಲ್ಲಿ ಗಾಯಕ ಮಿಕಾ ಸಿಂಗ್‍ರನ್ನು ಬಂಧಿಸಿದ್ದಾರೆ.

    ಮಿಕಾ ದುಬೈನಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಹೋಗಿದ್ದರು. ಈ ವೇಳೆ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಮಿಕಾ ಸ್ನೇಹಿತರು ಗಾಯಕನನ್ನು ಜೈಲಿನಿಂದ ಹೊರತರಲು ಪ್ರಯತ್ನ ಪಡುತ್ತಿದ್ದಾರೆ.

    2007ರಲ್ಲಿ ರಾಖಿ ಸಾವಂತ್ ಅವರು ಮಿಕಾ ಸಿಂಗ್ ಅವರ ಬರ್ತ್ ಡೇ ಪಾರ್ಟಿಗೆ ಹೋಗಿದ್ದರು. ಈ ವೇಳೆ ಮಿಕಾ, ರಾಖಿ ಸಾವಂತ್‍ ರನ್ನು ಬಲವಂತವಾಗಿ ಎಳೆದು ಕಿಸ್ ಮಾಡಿದ್ದಾರೆ. ಈ ಕಿಸ್ ಸಾಕಷ್ಟು ವಿವಾದ ಸೃಷ್ಟಿಸಿತ್ತು. ಅಲ್ಲದೇ ರಾಖಿ ಸಾವಂತ್, ಮಿಕಾ ಅವರ ಮೇಲೆ ರೊಚ್ಚಿಗೆದ್ದಿದ್ದರು.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

  • ಪ್ರೇಯಸಿಗಾಗಿ ಶಿಕ್ಷಕಿ ಪತ್ನಿಯ ಹತ್ಯೆ!

    ಪ್ರೇಯಸಿಗಾಗಿ ಶಿಕ್ಷಕಿ ಪತ್ನಿಯ ಹತ್ಯೆ!

    ನವದೆಹಲಿ: ದೆಹಲಿಯ ವಬಾನಾ ಪ್ರದೇಶದಲ್ಲಿ ನಡೆದಿದ್ದ ಶಿಕ್ಷಕಿಯೊಬ್ಬರ ಕೊಲೆಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.

    ಸುನಿತಾ(38) ಕೊಲೆಯಾಗಿದ್ದ ಶಿಕ್ಷಕಿ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಶಿಕ್ಷಕಿ ಪತಿ ಮಂಜೀತ್ (38), ಆತನ ಪಾಟ್ನರ್ ಏಂಜೆಲ್ ಗುಪ್ತಾ ಮತ್ತು ಏಂಜೆಲ್ ಗುಪ್ತಾಳ ತಂದೆ ರಾಜೀವ್ ಬಂಧಿತ ಆರೋಪಿಗಳು. ಬಂಧಿತ ಏಂಜೆಲ್ ಗುಪ್ತಾ ವೃತ್ತಿಯಲ್ಲಿ ಮಾಡೆಲ್ ಆಗಿದ್ದಾಳೆ ಎಂದು ತಿಳಿದು ಬಂದಿದೆ.

    ಆರೋಪಿ ಮಂಜೀತ್ ಹಾಗೂ ಏಂಜೆಲ್ ಗುಪ್ತಾ ಗುರ್ಗಾಂವ್ ನಲ್ಲಿ ಭೇಟಿಯಾಗಿದ್ದು, ಪರಿಚಯದಿಂದ ಇಬ್ಬರು ಪ್ರೀತಿಸುತ್ತಿದ್ದರು. ಮದುವೆಯಾಗಲು ನಿರ್ಧಾರ ಮಾಡಿದ್ದರು. ಆದರೆ ಸುನಿತಾಗೆ ಪತಿ ಮತ್ತು ಗುಪ್ತಾಳ ನಡುವಿನ ಸಂಬಂಧ ತಿಳಿದಿದೆ. ಹೀಗಾಗಿ ಗುಪ್ತಾಳ ಜೊತೆಗಿನ ಪತಿಯ ಸಂಬಂಧವನ್ನು ವಿರೋಧಿಸಿದ್ದಕ್ಕೆ ಸುನಿತಾಳನ್ನು ಕೊಲೆ ಮಾಡಿದ್ದಾರೆ ಎಂದು ಡಿಪಿಸಿ ರಜನೀಶ್ ಗುಪ್ತಾ ಹೇಳಿದ್ದಾರೆ.

    ಸುನಿತಾರನ್ನು ಕೊಲೆ ಮಾಡಲು ಕಾಂಟ್ರ್ಯಾಕ್ಟ್ ಕೊಲೆಗಾರರನ್ನು ನೇಮಕ ಮಾಡಲಾಗಿತ್ತು. ಆದ್ದರಿಂದ ತನಿಖೆ ಮಾಡಲಾಗುತ್ತಿದೆ. ಈ ವೇಳೆ ಅವರ ಹೆಸರನ್ನು ಬಹಿರಂಗ ಪಡಿಸಬಾರದು ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.

    ಹರಿಯಾಣದ ಸೋನೆಪಟ್ ನ ಸರ್ಕಾರಿ ಶಾಲೆಯಲ್ಲಿ ಸುನಿತಾ ಶಿಕ್ಷಕಿಯಾಗಿದ್ದರು. ಸೋಮವಾರ ಬೆಳಗ್ಗೆ ಸುನೀತಾ ಅವರು ಬವಾನಾದಲ್ಲಿ ತನ್ನ ಸ್ಕೂಟರ್ ಪಕ್ಕದಲ್ಲಿ ಗುಂಡಿನ ಪೆಟ್ಟು ತಿಂದು ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿದ್ದರು. ಬಳಿಕ ಅವರನ್ನು ನೋಡಿ ಮಹಿಳೆಯೊಬ್ಬರು ಪೊಲೀಸರಿಗೆ ಮಾಹಿತಿ ತಿಳಿಸಿದ್ದಾರೆ. ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು ತನಿಖೆಯನ್ನು ಆರಂಭಿಸಿದ್ದಾರೆ.

    ಏಂಜೆಲ್ ಗುಪ್ತಾ

    ಮೊದಲಿಗೆ ಸುನಿತಾ ಕೊಲೆಗೆ ಕಾರಣವೆಂದು ತನಿಖೆ ಮಾಡುತ್ತಿದ್ದಾಗ ಇದು ದರೋಡೆಗಾಗಿ ನಡೆದಿಲ್ಲ ಎಂದು ತಿಳಿದು ಬಂದಿತ್ತು. ಏಕೆಂದರೆ ಆಕೆ ಬಿದ್ದಿದ್ದ ಜಾಗದಲ್ಲಿ ಅವರಿಗೆ ಸೇರಿದ ವಸ್ತುಗಳಾದ ನಗದು ಮತ್ತು ಫೋನ್, ಬ್ಯಾಗ್ ಸ್ಥಳದಲ್ಲಿಯೇ ಸಿಕ್ಕಿತ್ತು.

    ಪತಿ ಸುನಿತಾ ಕೊಲೆಯಲ್ಲಿ ಭಾಗಿಯಾಗಿದ್ದು, ಆತನಿಗೆ ಇದ್ದ ಸಂಬಂಧದ ಬಗ್ಗೆ ಸುನಿತಾ ಕುಟುಂಬದ ಸದಸ್ಯರು ಪೊಲೀಸರಿಗೆ ತಿಳಿಸಿದ್ದಾರೆ. ಬಳಿಕ ಶಿಕ್ಷಕಿ ಸುನಿತಾ ಡೈರಿಯಲ್ಲಿ ಏಂಜಲ್ ಗುಪ್ತಾ ಬಗ್ಗೆ ಮಾಹಿತಿಯಿತ್ತು. ಕೊನೆಗೆ ಪೊಲೀಸರು ಅನುಮಾನಗೊಂಡು ಮಂಜೀತ್ ನನ್ನು ವಿಚಾರಣೆ ನಡೆಸಲು ಕರೆಸಿದ್ದಾರೆ. ಇತ್ತ ಮುಂಬೈನಲ್ಲಿದ್ದ ಏಂಜೆಲ್ ಕೂಡ ತನಿಖೆಗೆ ಒಳಪಡಿಸಿದ್ದಾರೆ.

    ಸುನಿತಾ ಕೊಲೆಗೆ ಗುಪ್ತಾಳ ತಂದೆಯೂ ಕೂಡ ಸಾಥ್ ನೀಡಿದ್ದು, ಸದ್ಯಕ್ಕೆ ಪೊಲೀಸರು ಮೂವರನ್ನು ಬಂಧಿಸಿ ವಿಚಾರಣೆ ಮಾಡುತ್ತಿದ್ದಾರೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ಮಾಡೆಲ್ ಮರ್ಡರ್ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್- ಸೆಕ್ಸ್ ನಿರಾಕರಿಸಿದ್ದಕ್ಕೆ ಕೊಲೆ!

    ಮಾಡೆಲ್ ಮರ್ಡರ್ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್- ಸೆಕ್ಸ್ ನಿರಾಕರಿಸಿದ್ದಕ್ಕೆ ಕೊಲೆ!

    ಮುಂಬೈ: ಮಾಡೆಲ್‍ನನ್ನು ವಿದ್ಯಾರ್ಥಿಯೊಬ್ಬ ಬರ್ಬರವಾಗಿ ಹತ್ಯೆ ಮಾಡಿ ಶವವನ್ನು ಸೂಟ್‍ಕೇಸ್‍ನಲ್ಲಿ ತೆಗೆದುಕೊಂಡು ಹೋದ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್ ಸಿಕ್ಕಿದ್ದು, ಸೆಕ್ಸ್ ನಿರಾಕರಿಸಿದ್ದಕ್ಕೆ ಯುವತಿಯನ್ನು ಕೊಲೆ ಮಾಡಿದ್ದಾನೆ ಎಂಬ ಸತ್ಯ ಹೊರ ಬಂದಿದೆ.

    ಮಾನ್ಸಿ ದೀಕ್ಷಿತ್(20) ಸೆಕ್ಸ್ ನಿರಾಕರಿಸಿದ್ದಕ್ಕೆ 19 ವರ್ಷದ ವಿದ್ಯಾರ್ಥಿ ಮುಜಾಮಿಲ್ ಸೈಯಿದ್ ಕೊಲೆ ಮಾಡಿ ಅಂಧೇರಿಯಿಂದ ಮಲಾಡ್‍ಗೆ ಶವವನ್ನು ಸೂಟ್‍ಕೇಸ್‍ನಲ್ಲಿ ತೆಗೆದುಕೊಂಡು ಹೋಗಿ ಬಿಸಾಕಿದ್ದಾನೆ.

    ಘಟನೆ ವಿವರ:
    ಮಾನ್ಸಿ ದೀಕ್ಷಿತ್ ಮಾಡೆಲ್ ಆಗಲು ರಾಜಸ್ಥಾನದಿಂದ ಮುಂಬೈಗೆ ಬಂದಿದ್ದಳು. ಮಾನ್ಸಿ ಹಾಗೂ ಸೈಯಿದ್ ಇಂಟರ್ ನೆಟ್‍ನಲ್ಲಿ ಪರಸ್ಪರ ಪರಿಚಯ ಮಾಡಿಕೊಂಡಿದ್ದಾರೆ. ಮಾನ್ಸಿ ಅಂಧೇರಿಯಲ್ಲಿರುವ ಸೈಯಿದ್ ಅಪಾರ್ಟ್ ಮೆಂಟ್‍ನಲ್ಲಿ ಭೇಟಿಯಾಗಿದ್ದಳು. ಈ ವೇಳೆ ಸೈಯಿದ್ ದೈಹಿಕ ಸಂಪರ್ಕ ಬೆಳೆಸಲು ಮಾನ್ಸಿ ಹತ್ತಿರ ಕೇಳಿಕೊಂಡಿದ್ದಾನೆ. ಆದರೆ ಮಾನ್ಸಿ ಇದನ್ನು ನಿರಾಕರಿಸಿದ್ದಾಳೆ. ಇದರಿಂದ ರೊಚ್ಚಿಗೆದ್ದ ಸೈಯಿದ್ ಸ್ಟೂಲ್‍ನಿಂದ ಮಾನ್ಸಿ ಮೇಲೆ ಹಲ್ಲೆ ಮಾಡಿದ್ದಾನೆ.

    ರಹಸ್ಯ ಬಿಚ್ಚಿಟ್ಟ ಆರೋಪಿ:
    ಘಟನೆಯ ಬಳಿಕ ಆರೋಪಿ ಸೈಯಿದ್ ಪೊಲೀಸರ ಬಳಿ ಬೇರೆ ಬೇರೆ ಹೇಳಿಕೆಗಳನ್ನು ನೀಡುತ್ತಿದ್ದನು. ಪೊಲೀಸರು ಸತತವಾಗಿ ಆತನನ್ನು ವಿಚಾರಣೆ ಮಾಡುತ್ತಿದ್ದರು. ಈ ವೇಳೆ ಮಾನ್ಸಿ ಸೆಕ್ಸ್‍ಗೆ ನಿರಾಕರಿಸಿದ್ದಕ್ಕೆ ಆಕೆಯ ಮೇಲೆ ಹಲ್ಲೆ ಮಾಡಿದೆ. ಇದರಿಂದ ಆಕೆ ಪ್ರಜ್ಞೆ ತಪ್ಪಿದ್ದಳು. ನಾನು ಆಕೆಯನ್ನು ಎಚ್ಚರಗೊಳಿಸಲು ಪ್ರಯತ್ನಿಸಿದ್ದೆ. ಮಾನ್ಸಿಗೆ ಎಚ್ಚರವಾಗುತ್ತಿತ್ತು. ಆದರೆ ಆ ಸಮಯದಲ್ಲಿ ನನ್ನ ತಾಯಿ ಅಲ್ಲಿಗೆ ಬರುತ್ತಾರೆಂಬ ಭಯದಿಂದ ನಾನು ಅಲ್ಲಿದ್ದ ಹಗ್ಗದಿಂದ ಆಕೆಯ ಕತ್ತು ಹಿಸುಕಿ ಕೊಲೆ ಮಾಡಿದೆ ಎಂದು ಸೈಯಿದ್ ಹೇಳಿದ್ದಾನೆ.

    ಪೊಲೀಸರಿಗೆ ಮಾಹಿತಿ ನೀಡಿದ ಕ್ಯಾಬ್ ಡ್ರೈವರ್:
    ಮಾನ್ಸಿ ದೀಕ್ಷಿತ್ ಸ್ಥಳದಲ್ಲೇ ಸಾವನ್ನಪ್ಪಿದ್ದ ನಂತರ ಸೈಯಿದ್ ಕ್ಯಾಬ್‍ಗೆ ಫೋನ್ ಮಾಡಿದ್ದನು. ನಂತರ ಮಾನ್ಸಿಯ ಶವವನ್ನು ಸೂಟ್‍ಕೇಸ್‍ನಲ್ಲಿ ಹೊತ್ತು ಖಾಸಗಿ ಕ್ಯಾಬ್‍ನಲ್ಲಿ ಅಂಧೇರಿಯಿಂದ ಮಲಾಡ್‍ಗೆ ಸಾಗಿಸಿದ್ದನು. ಬಳಿಕ ಮಲಾಡ್‍ನ ನಿರ್ಜನ ಪ್ರದೇಶದಲ್ಲಿ ಶವ ಬಿಸಾಡಿ ಆಟೋ ರಿಕ್ಷಾದಲ್ಲಿ ಹೊರಟ ಸೈಯೀದ್‍ನನ್ನು ಗಮನಿಸಿದ ಕ್ಯಾಬ್ ಡ್ರೈವರ್ ಪೊಲೀಸರಿಗೆ ಮಾಹಿತಿ ನೀಡಿದ್ದನು. ಕ್ಷಣ ಮಾತ್ರದಲ್ಲೇ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದಾಗ ಮಾಡೆಲ್ ಶವ ಪತ್ತೆಯಾಗಿತ್ತು.

    ಆರೋಪಿ ವಿರುದ್ಧ ಪೊಲೀಸರು ಐಪಿಸಿ ಸೆಕ್ಷನ್ ಅಡಿಯಲ್ಲಿ ಎಫ್‍ಐಆರ್ ದಾಖಲಿಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಮಾನ್ಸಿ ದೀಕ್ಷಿತ್ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಿ ಆರೋಪಿಯನ್ನು ಕೋರ್ಟ್‍ಗೆ ಹಾಜರು ಪಡಿಸಿದ್ದಾರೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ವಿದ್ಯಾರ್ಥಿಯಿಂದ ಮಾಡೆಲ್ ಕೊಲೆ – ಸೂಟ್‍ಕೇಸ್‍ನಲ್ಲಿ ಶವ ತುಂಬಿ ಬಿಸಾಡಿದ

    ವಿದ್ಯಾರ್ಥಿಯಿಂದ ಮಾಡೆಲ್ ಕೊಲೆ – ಸೂಟ್‍ಕೇಸ್‍ನಲ್ಲಿ ಶವ ತುಂಬಿ ಬಿಸಾಡಿದ

    ಮುಂಬೈ: ಮಾಡೆಲ್‍ನನ್ನು ವಿದ್ಯಾರ್ಥಿಯೊಬ್ಬ ಬರ್ಬರವಾಗಿ ಹತ್ಯೆ ಮಾಡಿ ಶವವನ್ನು ಸೂಟ್‍ಕೇಸ್‍ನಲ್ಲಿ ತೆಗೆದುಕೊಂಡು ಹೋಗಿ ಬಿಸಾಡಿದ ಪ್ರಕರಣವೊಂದು ಮಹರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ.

    ಮಾನ್ಸಿ ದೀಕ್ಷಿತ್(20) ಕೊಲೆಯಾದ ಮಾಡೆಲ್. 20 ವರ್ಷದ ವಿದ್ಯಾರ್ಥಿ ಮುಜಾಮಿಲ್ ಸೈಯಿದ್ ಮಾಡೆಲ್ ಹತ್ಯೆ ಮಾಡಿ ಅಂಧೇರಿಯಿಂದ ಮಲಾಡ್‍ಗೆ ಶವವನ್ನು ಸೂಟ್‍ಕೇಸ್‍ನಲ್ಲಿ ತೆಗೆದುಕೊಂಡು ಹೋಗಿ ಬಿಸಾಕಿದ್ದಾನೆ.

    ಕೊಲೆಯಾದ ಮಾನ್ಸಿ ದೀಕ್ಷಿತ್ ಮಾಡೆಲ್ ಆಗಲು ರಾಜಸ್ಥಾನದಿಂದ ಮುಂಬೈಗೆ ಬಂದಿದ್ದಳು. ಮಾನ್ಸಿ ದೀಕ್ಷಿತ್ ಇಂಟರ್ ನೆಟ್‍ನಲ್ಲಿ ಪರಸ್ಪರ ಪರಿಚಯ ಮಾಡಿಕೊಂಡಿದ್ದಾರೆ. ಸೋಮವಾರ ಮಧ್ಯಾಹ್ನ ಅಂಧೇರಿಯಲ್ಲಿರುವ ಸೈಯಿದ್ ಅಪಾರ್ಟ್‍ಮೆಂಟ್‍ನಲ್ಲಿ ಭೇಟಿಯಾಗಿದ್ದಾಳೆ. ಈ ವೇಳೆ ಮಾತಿಗೆ ಮಾತು ಬೆಳೆದು ಸೈಯಿದ್ ಕೈಗೆ ಸಿಕ್ಕ ವಸ್ತುವಿನಿಂದ ಹಲ್ಲೆ ಮಾಡಿದ್ದಾನೆ.

    ಮಾನ್ಸಿ ದೀಕ್ಷಿತ್ ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಸೂಟ್‍ಕೇಸ್‍ನಲ್ಲಿ ಹೊತ್ತು ಖಾಸಗಿ ಕ್ಯಾಬ್‍ನಲ್ಲಿ ಅಂಧೇರಿಯಿಂದ ಮಲಾಡ್‍ಗೆ ಸಾಗಿಸಿದ್ದಾನೆ. ನಂತರ ಮಲಾಡ್‍ನ ನಿರ್ಜನ ಪ್ರದೇಶದಲ್ಲಿ ಶವ ಬಿಸಾಡಿ ಆಟೋ ರಿಕ್ಷಾದಲ್ಲಿ ಹೊರಟ ಸೈಯೀದ್‍ನನ್ನು ಗಮನಿಸಿದ ಕ್ಯಾಬ್ ಡ್ರೈವರ್ ಪೊಲೀಸರಿಗೆ ಮಾಹಿತಿ ನೀಡಿದ್ದಾನೆ.

    ಕ್ಷಣ ಮಾತ್ರದಲ್ಲೇ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದಾಗ ಮಾಡೆಲ್ ಶವ ಪತ್ತೆಯಾಗಿದೆ. ಸದ್ಯ ಆರೋಪಿ ವಿರುದ್ಧ ಪೊಲೀಸರು ಐಪಿಸಿ ಸೆಕ್ಷನ್ ಅಡಿಯಲ್ಲಿ ಎಫ್‍ಐಆರ್ ದಾಖಲಿಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಸದ್ಯ ಮಾನ್ಸಿ ದೀಕ್ಷಿತ್ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಿ ಆರೋಪಿಯನ್ನು ಕೋರ್ಟ್‍ಗೆ ಹಾಜರು ಪಡಿಸಿದ್ದಾರೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ಬಾತ್ ರೂಮಿನಲ್ಲಿ ತಾಯಿಯನ್ನೇ ಕೊಲೆಗೈದ 23ರ ಮಾಡೆಲ್!

    ಬಾತ್ ರೂಮಿನಲ್ಲಿ ತಾಯಿಯನ್ನೇ ಕೊಲೆಗೈದ 23ರ ಮಾಡೆಲ್!

    ಮುಂಬೈ: 23 ವರ್ಷದ ಮಾಡೆಲ್ ಒಬ್ಬ ತಾಯಿಯೊಂದಿಗೆ ಹಣದ ವಿಚಾರವಾಗಿ ಜಗಳವಾಡುತ್ತಾ ಸ್ನಾನಗೃಹದಲ್ಲಿ ಆಕೆಯನ್ನು ತಳ್ಳಿ ಕೊಲೆ ಮಾಡಿರುವ ಘಟನೆ ಮುಂಬೈನಲ್ಲಿ ನಡೆದಿದೆ.

    ಸುನಿತಾ ಸಿಂಗ್ ಮಗನಿಂದಲೇ ಹತ್ಯೆಗೊಳಗಾದ ತಾಯಿ. ಮಗ ಲಕ್ಷ್ಯ ಸಿಂಗ್ ನನ್ನು ಓಶಿವಾರ ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ. ನ್ಯಾಯಾಲಯ ಅಕ್ಟೋಬರ್ 8 ರವರೆಗೆ ಪೊಲೀಸ್ ಕಸ್ಟಡಿಗೆ ಆತನನ್ನು ನೀಡಿದೆ.

    ಪ್ರಾಥಮಿಕ ತನಿಖೆಯ ಪ್ರಕಾರ ತಾಯಿ ಮತ್ತು ಮಗ ಮಾದಕ ವ್ಯಸನಕ್ಕೆ ಒಳಗಾಗಿದ್ದರು. ಆರೋಪಿಯನ್ನು ವಿಚಾರಣೆಗೊಳಪಡಿಸುತ್ತೇವೆ ಮತ್ತು ಹತ್ಯೆಗೆ ನಿಖರವಾಗಿ ಕಾರಣವೇನು ಎಂಬುದರ ಬಗ್ಗೆ ತನಿಖೆ ನಡೆಸುತ್ತಿದ್ದೇವೆ ಎಂದು ಠಾಣೆಯ ಇನ್ಸ್ ಪೆಕ್ಟರ್ ಎಂದು ಹೇಳಿದ್ದಾರೆ.

    ಏನಿದು ಘಟನೆ?
    ಬುಧವಾರ ಮಧ್ಯರಾತ್ರಿ ತಾಯಿ ಸುನಿತಾ ಸಿಂಗ್ ಮಾದಕ ವಸ್ತುಗಳನ್ನು ಸೇವಿಸಿದ್ದಾಳೆ. ನಂತರ ಹಣದ ವಿಷಯವಾಗಿ ತಾಯಿ ಸುನಿತಾ ಜೊತೆ ಮಗ ಲಕ್ಷ್ಯ ಸಿಂಗ್ ಜಗಳ ನಡೆದಿದೆ. ಜಗಳ ವಿಕೋಪಕ್ಕೆ ತೆರಳಿದ್ದು, ಮಗ ಸ್ನಾನಗೃಹಕ್ಕೆ ಆಕೆಯನ್ನು ತಳ್ಳಿದ್ದಾನೆ. ತಾಯಿಯ ತಲೆಯನ್ನು ಬಾತ್ ರೂಮಿನಲ್ಲಿರುವ ಟಬ್ ಗೆ ಹೊಡೆದು ಬಳಿಕ ಹೊರಗಡೆ ಲಾಕ್ ಮಾಡಿದ್ದಾನೆ. ಲಕ್ಷ್ಯ ಬೆಳಿಗ್ಗೆ ಬಾಗಿಲು ತೆರೆದಾಗ, ತಾಯಿ ಸಾವನ್ನಪ್ಪಿರುವುದು ಬೆಳಕಿಗೆ ಬಂದಿದೆ. ಈ ಘಟನೆಯ ಸಮಯದಲ್ಲಿ ಫ್ಲಾಟ್‍ನಲ್ಲಿ ಸುನೀತಾ, ಲಕ್ಷ್ಯ, ಆಕೆಯ ಪ್ರೇಯಸಿ ಮತ್ತು ಇಬ್ಬರು ವ್ಯಕ್ತಿಗಳು ಇದ್ದರು ಎಂದು ತಿಳಿದು ಬಂದಿದೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ಕುಡಿದ ನಶೆಯಲ್ಲಿ ಹಿರಿಯ ಮಹಿಳೆ ಜೊತೆ ಅಸಭ್ಯವಾಗಿ ವರ್ತಿಸಿದ ಮಾಡೆಲ್ ಅರೆಸ್ಟ್!

    ಕುಡಿದ ನಶೆಯಲ್ಲಿ ಹಿರಿಯ ಮಹಿಳೆ ಜೊತೆ ಅಸಭ್ಯವಾಗಿ ವರ್ತಿಸಿದ ಮಾಡೆಲ್ ಅರೆಸ್ಟ್!

    ಗುರುಗ್ರಾಮ: ಕುಡಿದ ನಶೆಯಲ್ಲಿ ಹಿರಿಯ ಮಹಿಳೆ ಜೊತೆ ಅಸಭ್ಯವಾಗಿ ವರ್ತಿಸಿದ ಯೂರೋಪ್‍ನ ಎಸ್ಟೋನಿಯಾದ ಮಾಡೆಲ್‍ವೊಬ್ಬನನ್ನು ಹರ್ಯಾಣದ ಗುರುಗ್ರಾಮದ ಪೊಲೀಸರು ಬಂಧಿಸಿದ್ದಾರೆ.

    ಸೋವೊಲೆವ್ ವ್ಲಾಡಿಸ್ಲಾವ್(21) ಬಂಧಿತ ಮಾಡೆಲ್. ಭಾನುವಾರ ಗುರುಗ್ರಾಮ ಮಾಲ್‍ವೊಂದರಲ್ಲಿ ಸೋವೊಲೆವ್ ಇಂಗ್ಲೀಷ್‍ನಲ್ಲಿ ಮಾತನಾಡುತ್ತಾ, ಹಿರಿಯ ಮಹಿಳೆ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾನೆ. ಅಲ್ಲದೇ ಪಾರ್ಕಿಂಗ್ ಸ್ಥಳದಲ್ಲಿ ಅವರ ಮೇಲೆ ಕಲ್ಲು ತೂರಿದ್ದಾನೆ.

    ಸೋವೊಲೆವ್ ಕುಡಿದ ನಶೆಯಲ್ಲಿ ಅರ್ಧ ಗಂಟೆ ಹೈ ಡ್ರಾಮಾ ನಡೆಸಿ ಅಲ್ಲಿದ ಹಿರಿಯ ಮಹಿಳೆ ಕೆನ್ನೆಗೆ ಹೊಡೆದಿದ್ದಾನೆ. ಅಲ್ಲದೇ ಮಹಿಳೆಯ ಕೈ ಜೋರಾಗಿ ತಿರುಗಿಸಿ, ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾನೆ ಎಂದು ಸ್ಥಳೀಯರೊಬ್ಬರು ಪೊಲೀಸರಿಗೆ ತಿಳಿಸಿದ್ದಾರೆ.

    ಸೋವೊಲೆವ್ ಡಿ.ಟಿ ಮಾಲ್‍ನಲ್ಲಿರುವ ರೆಸ್ಟೋ ಬಾರ್ ಗೆ ಬಂದಿದ್ದನು. ನಂತರ ಅಲ್ಲಿಂದ ತನ್ನ ಗೆಸ್ಟ್ ಹೌಸ್‍ಗೆ ಹೋಗುವಾಗ ದಾರಿಯಲ್ಲಿ ಸಿಗುವವರನ್ನು ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾನೆ ಎಂದು ಗುರುಗ್ರಾಮದ ಪೊಲೀಸ್ ಅಧಿಕಾರಿ ಶುಭಾಷ್ ಬೋಕನ್ ಹೇಳಿದ್ದಾರೆ.

    ಕುಡಿದ ನಶೆಯಲ್ಲಿ ಸೋವೊಲೆವ್ ಮಹಿಳೆ ಜೊತೆ ಅನುಚಿತವಾಗಿ ವರ್ತಿಸಿದ್ದಾನೆ. ಸೋವೊಲೆವ್ ಮದ್ಯಪಾನ ಮಾಡಿರುವುದು ವೈದ್ಯಕೀಯ ಪರೀಕ್ಷೆಯಲ್ಲಿ ದೃಢಪಟ್ಟಿದೆ. ಸದ್ಯ ಸೋವೊಲೆವ್ ಶಾಂತಿಯನ್ನು ಹಾಳು ಮಾಡಿದ್ದಕ್ಕೆ ನಾವು ಆತನನ್ನು ಬಂಧಿಸಿದ್ದೇವೆ ಎಂದು ಎಸಿಪಿ ಶಮ್‍ಶೇರ್ ಸಿಂಗ್ ತಿಳಿಸಿದ್ದಾರೆ.

    ಸೋವೊಲೆವ್ ಮಾಡೆಲಿಂಗ್‍ನ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಉದ್ಯೋದ ವೀಸಾದಲ್ಲಿ ಭಾರತಕ್ಕೆ ಆಗಮಿಸಿದ್ದನು. ಸದ್ಯ ಆರೋಪಿ ಸೋವೊಲೆವ್‍ನನ್ನು ಸಿಟಿ ಮ್ಯಾಜಿಸ್ಟ್ರೇಟ್ ಬಳಿ ಹಾಜರುಪಡಿಸಲಾಗಿದ್ದು, ಜಾಮೀನಿನ ಮೇಲೆ ಆತನನ್ನು ಬಿಡುಗಡೆ ಮಾಡಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ನಗ್ನ ಫೋಟೋ ವೈರಲ್ ಮಾಡಿದ ಮಾಡೆಲ್‍ಗೆ 10 ತಿಂಗ್ಳು ಜೈಲು!

    ನಗ್ನ ಫೋಟೋ ವೈರಲ್ ಮಾಡಿದ ಮಾಡೆಲ್‍ಗೆ 10 ತಿಂಗ್ಳು ಜೈಲು!

    ನವದೆಹಲಿ: ಮಾಡೆಲ್ ಒಬ್ಬನ ನಗ್ನ ಫೋಟೋವನ್ನು ಕ್ಲಿಕ್ಕಿಸಿ, ವೈರಲ್ ಮಾಡಿದ್ದ ಕಾರಣ ದಕ್ಷಿಣ ಕೊರಿಯಾದ ಕೋರ್ಟ್ ಮಾಡಲ್ ಒಬ್ಬಳಿಗೆ 10 ತಿಂಗಳ ಜೈಲು ಶಿಕ್ಷೆಯನ್ನು ವಿಧಿಸಿದೆ.

    ಅಹನ್, ಜೈಲು ಶಿಕ್ಷೆಗೆ ಗುರಿಯಾಗಿರೋ ರೂಪದರ್ಶಿ. ಈಕೆಗೆ ಕೋರ್ಟ್ 10 ತಿಂಗಳ ಜೈಲು ಶಿಕ್ಷೆಯ ಜೊತೆಗೆ 40 ಗಂಟೆಗಳ ಕೌನ್ಸೆಲಿಂಗ್ ಶಿಕ್ಷೆಯನ್ನು ವಿಧಿಸಿದೆ. ಅಹನ್ ವೃತ್ತಿಯಲ್ಲಿ ಮಾಡೆಲ್ ಆಗಿದ್ದು, ಈಕೆ ಪುರುಷ ಮಾಡೆಲ್ ಒಬ್ಬನ ನಗ್ನ ಫೋಟೋ ತೆಗೆದು ಅದನ್ನು ಸಾಮಾಜಿಕ ಜಾಲತಾಣಗಳಿಗೆ ಅಪ್ಲೋಡ್ ಮಾಡಿದ್ದಾಳೆ. ಆ ಫೋಟೋಗೆ ಅನೇಕರು ವಿಭಿನ್ನ ರೀತಿಯಲ್ಲಿ ಕಮೆಂಟ್ ಮಾಡಿದ್ದರು. ಇದನ್ನು ನೋಡಿದ ಮಾಡೆಲ್, ಅಹನ್ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.

    ಮಾಡೆಲ್ ನೀಡಿದ ದೂರಿನ ಅನ್ವಯ ಆಕೆಯನ್ನು ಬಂಧಿಸಲಾಗಿದೆ. ನಾವು ಆಕೆಯ ಮನೆ ಮೇಲೆ ದಾಳಿ ನಡೆಸಿ ಕೆಲವು ಸಾಕ್ಷ್ಯ ದಾಖಲೆಗಳನ್ನು ವಶಕ್ಕೆ ಪಡೆದಿದ್ದೇವೆ. ಬಳಿಕ ಆಕೆಯನ್ನು ನ್ಯಾಯಲಯಕ್ಕೆ ಹಾಜರು ಪಡಿಸಿದ್ದು, ಕೋರ್ಟ್ 10 ತಿಂಗಳು ಜೈಲು ಶಿಕ್ಷೆ ನೀಡಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

    ಇತ್ತೀಚೆಗೆ ದಕ್ಷಿಣ ಕೊರಿಯಾದಲ್ಲಿ ಸ್ಪೈ ಕ್ಯಾಮೆರಾ ಬಳಸಿ ಅಶ್ಲೀಲ ವಿಡಿಯೋ ಕ್ಲಿಕ್ ಮಾಡುತ್ತಿರುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಅದರಲ್ಲೂ ಶಾಲೆ, ಟ್ರೈನ್, ಕಚೇರಿ, ಡ್ರೆಸ್ಸಿಂಗ್ ರೂಮ್ ಮತ್ತು ರಸ್ತೆಯಲ್ಲೂ ವಿಡಿಯೋಗಳನ್ನು ಮಾಡಲಾಗುತ್ತಿದೆ.

    2010 ರಲ್ಲಿ ದಕ್ಷಿಣಾ ಕೊರಿಯಾದಲ್ಲಿ ಸ್ಪೈ ಕ್ಯಾಮೆರಾದ ಮೂಲಕ ಸುಮಾರು 1,100 ಕ್ಕೂ ಹೆಚ್ಚು ವಿಡಿಯೋ ರೆಕಾರ್ಡ್ ಮಾಡಲಾಗಿತ್ತು. ಆದರೆ ಇತ್ತೀಚೆಗೆ 6,500 ಕ್ಕೂ ಹೆಚ್ಚು ವಿಡಿಯೋಗಳು ಹೆಚ್ಚಾಗಿವೆ. ಕೆಲವರು ವಿಡಿಯೋ ಮಾಡಿ ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡುತ್ತಾರೆ. ಇನ್ನು ಕೆಲವರು ಆ ಫೋಟೋಗಳನ್ನು ಮಾರಾಟ ಮಾಡುತ್ತಿದ್ದಾರೆ ಎಂಬುದಾಗಿ ವರದಿಯಾಗಿದೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

  • ವಿಶ್ವದಲ್ಲೇ ಫಸ್ಟ್..ಚೆಂದುಳ್ಳಿ ಚೆಲುವೆಯರ ಗುಪ್ತಾಂಗದಿಂದ ಬಿಯರ್ ತಯಾರಿ!

    ವಿಶ್ವದಲ್ಲೇ ಫಸ್ಟ್..ಚೆಂದುಳ್ಳಿ ಚೆಲುವೆಯರ ಗುಪ್ತಾಂಗದಿಂದ ಬಿಯರ್ ತಯಾರಿ!

    ಪೋಲಂಡ್ : ಬೀರ್ ಪ್ರಿಯರು ಪ್ರತಿಬಾರಿ ಕುಡಿಯುವಾಗ ಹೊಸ ಬ್ರ್ಯಾಂಡ್ ಹುಡುಕುತ್ತಿರುತ್ತಾರೆ. ಕೆಲ ಪಡ್ಡೆ ಹುಡುಗರು ಮೊದಲ ಪೆಗ್‍ನಲ್ಲಿಯೇ ಕಿಕ್ ಸಿಗಬೇಕೆಂಬ ಮಾತುಗಳನ್ನು ಆಡುತ್ತಿರುತ್ತಾರೆ. ಆದರೆ ಪೋಲಂಡ್ ದೇಶದ ಪೊಲೀಶ್ ಎಂಬ ಕಂಪೆನಿ ವಿಶ್ವದಲ್ಲೇ ಮೊದಲ ಬಾರಿಗೆ ಚೆಂದುಳ್ಳಿ ಚೆಲುವೆಯರ ಗುಪ್ತಾಂಗ(ಯೋನಿ)ದಿಂದ ಹೊಸ ಮಾದರಿಯ ಬಿಯರ್ ತಯಾರಿಸಿದೆ. ಜುಲೈ 28 ರಂದು ಬಿಯರ್ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದ್ದು, ಕೆಲ ದಿನಗಳಿಂದ ಭಾರತದಲ್ಲಿಯೂ ಭಾರೀ ಚರ್ಚೆಯ ವಿಷಯವಾಗಿದೆ.

    ಜುಲೈ 28 ಪೊಲಿಶ್ ಸಿಟಿಯ ಮಾರುಕಟ್ಟೆಯಲ್ಲಿ ವಗಿನಾ ಬಿಯರ್ ಲಭ್ಯವಿದ್ದು, ಕಂಪೆನಿ ತನ್ನ ಮದ್ಯದ ಬಾಟಲಿಗೆ ‘ದ ಆರ್ಡರ್ ಆಫ್ ಯೋನಿ’ (The Order of Yoni) ಎಂಬ ಸಂಸ್ಕೃತ ಹೆಸರನ್ನಿಟ್ಟು ಮಾರುಕಟ್ಟೆಗೆ ಪರಿಚಯಿಸಿದೆ. ಮಹಿಳೆಯರ ಗುಪ್ತಾಂಗದಿಂದ ತಯಾರಿಸಿದ ಈ ಮದ್ಯದ ಬಾಟಲ್‍ಗಳಲ್ಲಿ ಎರಡು ಮಾದರಿ ಇದ್ದು, ಒಂದು ಬಾಟಲ್ ಆಫ್ ಲಸ್ಟ್ ಮತ್ತೊಂದು ಬಾಟಲ್ ಆಫ್ ಪ್ಯಾಶನ್ ಎರಡೂ ಬಾಟಲ್‍ಗಳು ಶೇ. 8ರಷ್ಟು ಆಲ್ಕೋಹಾಲ್ ಪ್ರಮಾಣವನ್ನು ಹೊಂದಿರುತ್ತವೆ. ಸದ್ಯ ಈ ಮದ್ಯದ ಪೊಲಿಶ್ ಸಿಟಿಯಲ್ಲಿ ಮಾತ್ರ ಲಭ್ಯವಿದ್ದು, ಒಂದು ಬಾಟಲ್ ಗೆ 25 ಜೊಲ್ಟಿ (466 ರೂ.) ಬೆಲೆ ನಿಗದಿ ಮಾಡಿದೆ.

    ಹೇಗೆ ತಯಾರುಗುತ್ತೆ?
    ಮೊದಲಿಗೆ ಚಲುವೆಯರ ಯೋನಿಯಿಂದ Gynaelogical Stick ಬಳಸಿ ಆಮ್ಲವನ್ನು ಹೊರ ತೆಗೆಯಲಾಗುತ್ತದೆ. ಹೊರ ಬಂದ ಆಮ್ಲದಿಂದ ಅದರಲ್ಲಿ ಸ್ತ್ರಿತನ (lactic acid bacteria) ವನ್ನು ಬೇರ್ಪಡಿಸಿ ಹಲವು ಹಂತಗಳಲ್ಲಿ ಶುದ್ಧೀಕರಿಸಲಾಗುತ್ತದೆ. ಶುದ್ಧೀಕರಿಸಿದ ಆಮ್ಲದಲ್ಲಿ ನೀರು ಸೇರಿದಂತೆ ಮದ್ಯ ತಯಾರಿಕೆಯಲ್ಲಿ ಬಳಸುವ ವಸ್ತುಗಳನ್ನು ಮಿಶ್ರಣ ಮಾಡಲಾಗುತ್ತದೆ. ಕೊನೆಗೆ ಅಲ್ಲಿ ತಯಾರದ ಮದ್ಯವನ್ನು Poznan lab ಗೆ ಕಲಸಿ ಗುಣಮಟ್ಟತೆಯನ್ನು ಖಾತ್ರಿ ಮಾಡಿಕೊಂಡ ನಂತರವೇ ಬಾಟಲ್ ಸೀಲ್ ಆಗುತ್ತದೆ.

    2016ರಲ್ಲಿ ಈ ಯೋಜನೆಯನ್ನು ಕೈಗೆತ್ತಿಕೊಂಡಿದ್ದ ಕಂಪೆನಿ 2018ರಲ್ಲಿ ಪೂರ್ಣಗೊಳಿಸಿದೆ. ತಾನು ಯಾವ ಚೆಲುವೆಯ ಯೋನಿಯಿಂದ ತಯಾರಿಸಿದ ಮದ್ಯವನ್ನು ಕುಡಿಯುತ್ತಿದ್ದೇನೆ ಎಂಬುವುದು ಆ ಗ್ರಾಹಕನಿಗೆ ತಿಳಿಯಲು ಬಾಟಲಿಯಲ್ಲಿ ಚೆಲುವೆಯ ಫೋಟೋವನ್ನು ಮುದ್ರಿಸಲಾಗಿದೆ. ಬಾಟಲ್ ಮೇಲೆ ಮದ್ಯ ಸೇವಿಸುವಾಗ ಯಾವ ರೀತಿಯ ಫೀಲ್ ಮಾಡಬೇಕೆಂಬುದುನ್ನು ಸಹ ರೊಮ್ಯಾಂಟಿಕ್ ಸಾಲುಗಳನ್ನು ಕಂಪೆನಿ ತನ್ನ ವೆಬ್‍ಸೈಟ್ ನಲ್ಲಿ ತಿಳಿಸಿದೆ.

    ಕೆಲ ಮಹಿಳೆಯರು ಮದ್ಯದ ಬಗ್ಗೆ ಅಸಮಾಧಾನ ಹೊರಹಾಕಿದ್ದು, ಇದು ಸ್ತ್ರೀತನಕ್ಕೆ (Sick And Misogynistic) ಅವಮಾನ ಎಂದು ಆಕ್ರೋಶ ಹೊರಹಾಕಿದ್ದಾರೆ. ಮತ್ತೆ ಕೆಲವರು ಈ ಮದ್ಯದ ಸೇವನೆಯಿಂದ ಪುರುಷರ ಆರೋಗ್ಯದಲ್ಲಿ ಏರಳಿತ ಉಂಟಾಗುವ ಸಾಧ್ಯತೆಗಳಿರಬಹುದು ಎಂದು ಭಯವನ್ನು ವ್ಯಕ್ತಪಡಿಸಿದ್ದಾರೆ.

    ಮದ್ಯ ತಯಾರಿಸುವಾಗ ಹಲವು ಹಂತಗಳಲ್ಲಿ ಲ್ಯಾಕ್ಟಿಕ್ ಆಸಿಡ್ ಬ್ಯಾಕ್ಟೀರಿಯಾ (lactic acid bacteria) ನ್ನು ಬೇರ್ಪಡಿಸಲಾಗುತ್ತದೆ. ಬ್ಯಾಕ್ಟಿರಿಯಾ ಬೇರ್ಪಡಿಸಿದ ಬಳಿಕ ಮದ್ಯವನ್ನು ಪೂಜ್ನಾನ್ ಪ್ರಯೋಗಾಲಯದಲ್ಲಿ ಎರಡು ಬಾರಿ ಪರೀಕ್ಷಿಸಲಾಗುತ್ತದೆ. ಪ್ರಯೋಗಾಲಯದಿಂದ ಬಾಟಲ್‍ಗಳು ಕಂಪೆನಿ ಸೇರಿದಾಗ ಅದರ ದಿನಾಂಕ ಮತ್ತಿತರ ಲೇಬಲ್ ಹಾಕಲಾಗುವುದು. ಹೀಗೆ ಹತ್ತು ಹಲವು ವಿವಿಧ ಮಾರ್ಗಗಳಲ್ಲಿ ನಾವು ಪರಿಶೀಲಿಸುತ್ತೇವೆ ಎಂದು ಕಂಪೆನಿ ಜಾಹೀರಾತಿನಲ್ಲಿ ಹೇಳಿ ತನ್ನ ಉತ್ಪನ್ನದ ವಿರುದ್ಧ ಬಂದಿರುವ ಆರೋಪಗಳನ್ನು ತಳ್ಳಿ ಹಾಕಿದೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ: www.instagram.com/publictvnews

  • ಕಲ್ಲಿನಲ್ಲೇ ಕೆತ್ತನೆಯಾಯ್ತು ಮತ್ತೊಂದು ಹಂಪಿಯ ಕಲ್ಲಿನ ರಥ!

    ಕಲ್ಲಿನಲ್ಲೇ ಕೆತ್ತನೆಯಾಯ್ತು ಮತ್ತೊಂದು ಹಂಪಿಯ ಕಲ್ಲಿನ ರಥ!

    ಬಳ್ಳಾರಿ: ವಿಶ್ವವಿಖ್ಯಾತ ಹಂಪಿಯ ಕಲ್ಲಿನ ರಥದ ಮಾದರಿಯ ಮತ್ತೊಂದು ಕಲ್ಲಿನ ರಥದ ಕಲಾಕೃತಿ ಮಾಡುವುದು ಕಷ್ಟಸಾಧ್ಯ. ಆದರೆ ಅಂತಹ ಮಾದರಿ ಕಲಾಕೃತಿಯನ್ನು ಬಳ್ಳಾರಿಯ ಶಿಲ್ಪಕಲಾ ಶಿಬಿರದಲ್ಲಿ ಕೆತ್ತನೆ ಮಾಡಲಾಗಿದೆ.

    ಹೌದು, ಜಿಲ್ಲೆಯ ಶಿಲ್ಪಕಲಾ ಅಕಾಡೆಮಿ ಹಾಗೂ ರಂಗಭಾರತಿ ವತಿಯಿಂದ ಹೂವಿನಹಡಗಲಿಯಲ್ಲಿ ನಡೆದ ಶಿಲ್ಪ ಕಲಾ ಶಿಬಿರದಲ್ಲಿ ಕೆತ್ತನೆ ಮಾಡಲಾಗಿದೆ. ದೇಶ ವಿದೇಶದಲ್ಲಿನ ಹಲವಾರು ಅಪರೂಪದ ಶಿಲ್ಪಕಲಾ ಕೃತಿಗಳ ಮಾದರಿ ಕಲಾಕೃತಿಗಳ ಕೆತ್ತನೆ ಮಾಡಿರುವುದು ಇದೀಗ ಎಲ್ಲರ ಕಣ್ಮನ ಸೆಳೆಯುತ್ತಿದೆ.

    13 ದಿನಗಳ ಕಾಲ ಹಗಲಿರುಳು ಎನ್ನದೇ ಕೆತ್ತನೆ ಮಾಡಿರುವ ಕಲಾಕೃತಿಗಳು ಇದೀಗ ಎಲ್ಲರ ಕಣ್ಮನ ಸೆಳೆಯುತ್ತಿದೆ. ವಿಶ್ವ ವಿಖ್ಯಾತ ಹಂಪಿಯ ಸ್ಮಾರಕಗಳು, ಬದಾಮಿ ಚಾಲುಕ್ಯರ ಕಾಲದ ಕಲ್ಲಿನ ಕಲಾಕೃತಿಗಳನ್ನು ಇಲ್ಲಿ ಕಾಣಬಹುದಾಗಿದೆ.

    ಹಾಸನ, ಉತ್ತರ ಕನ್ನಡ, ಮಂಡ್ಯ ಸೇರಿದಂತೆ ರಾಜ್ಯದ ವಿವಿಧ ಭಾಗದ ಶಿಲ್ಪಕಲಾವಿದರು 13 ದಿನಗಳ ಶಿಬಿರದಲ್ಲಿ ಕೃಷ್ಣಶಿಲೆಯ ಕಲ್ಲಿನಲ್ಲಿ ಹಂಪಿಯ ಕಲ್ಲಿನ ರಥ, ಬದಾಮಿ ಚಾಲುಕ್ಯರ ಕಲಾಕೃತಿಗಳು. ಕಾಂಬೋಡಿಯಾದ ಬುದ್ದ, ಅಫ್ಘಾನಿಸ್ತಾನದ ಬುದ್ದ, ಪಾಸ್ಟಿಂಗ್ ಬುದ್ದ, ಗಾಂಧಾರ ಶೈಲಿಯ ಬುದ್ದ, ಜ್ಞಾನದ ಬೆಳವಣಿಗೆಗೆ ಪುಸ್ತಕಗಳೆ ಆಧಾರ ಎನ್ನುವಂತಹ ಸಮಕಾಲಿನ ಶಿಲ್ಪ ಕಲಾಕೃತಿಗಳನ್ನು ಕೆತ್ತನೆ ಮಾಡಿದ್ದಾರೆ. ಅಲ್ಲದೇ ಆಮೆ, ವಿಶ್ವ, ಪುಸ್ತಕ, ಮರ ಹೊಂದಿರುವ ಸಮಕಾಲಿನ ಶಿಲ್ಪಗಳ ಕಲಾಕೃತಿಗಳು ಸೇರಿದಂತೆ ವಿವಿಧ ಕಲಾಕೃತಿಗಳು ನೋಡುಗರ ಕಣ್ಮನ ಸೆಳೆಯುತ್ತಿವೆ.

    ಇತಂಹ ಶಿಬಿರವನ್ನು ಆಯೋಜನೆ ಮಾಡಿದ್ದು ನಮಗೆ ಹೆಮ್ಮೆಯ ಸಂಗತಿಯಾಗಿದೆ. 13 ದಿನಗಳ ಅಲ್ಪ ಅವಧಿಯಲ್ಲೇ ಅಪರೂಪದ ಶಿಲ್ಪ ಕಲಾಕೃತಿಗಳನ್ನು ರಚಿಸಿರುವುದು ನಿಜಕ್ಕೂ ಅದ್ಭುತ ಸಾಧನೆಯಾಗಿದೆ. ಇಂತಹ ಇನ್ನಷ್ಟೂ ಶಿಲ್ಪಕಲಾ ಶಿಬಿರಗಳು ನಡೆದಲ್ಲಿ ಮತ್ತಷ್ಟೂ ಅಪರೂಪದ ಶಿಲ್ಲಕಲಾಕೃತಿಗಳು ಹೊರಹೊಮ್ಮುವುದರಲ್ಲಿ ಎರಡು ಮಾತಿಲ್ಲ ಎಂದು ಶಿಬಿರದ ಆಯೋಜಕರು ಹರ್ಷ ವ್ಯಕ್ತಪಡಿಸಿದ್ದಾರೆ.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictvnews

  • ಮಗುವಿಗೆ ಸ್ತನಪಾನ ಮಾಡಿಸುತ್ತಲೇ ರ‍್ಯಾಂಪ್ ಮೇಲೆ ರೂಪದರ್ಶಿ ಕ್ಯಾಟ್‍ವಾಕ್: ವಿಡಿಯೋ ನೋಡಿ

    ಮಗುವಿಗೆ ಸ್ತನಪಾನ ಮಾಡಿಸುತ್ತಲೇ ರ‍್ಯಾಂಪ್ ಮೇಲೆ ರೂಪದರ್ಶಿ ಕ್ಯಾಟ್‍ವಾಕ್: ವಿಡಿಯೋ ನೋಡಿ

    ವಾಷಿಂಗ್ಟನ್: ಅಮೆರಿಕಾದ ರೂಪದರ್ಶಿಯೊಬ್ಬರು ಮಗುವಿಗೆ ಸ್ತನಪಾನ ಮಾಡಿಸುತ್ತ, ರ‍್ಯಾಂಪ್ ಮೇಲೆ ಕ್ಯಾಟ್‍ವಾಕ್ ಮಾಡುವ ಮೂಲಕ ಭಾರೀ ಚರ್ಚೆಗೆ ಕಾರಣವಾಗಿದ್ದಾರೆ.

    ಮಾರಾ ಮಾರ್ಟಿನ್ ಕ್ಯಾಟ್‍ವಾಕ್ ಮಾಡುತ್ತಲೇ ತನ್ನ ಮಗಳಿಗೆ ಸ್ತನಪಾನ ಮಾಡಿಸಿದ ಸ್ವಿಮ್ ಸೂಟ್ ಮಾಡೆಲ್. ಇತ್ತೀಚೆಗೆ ಮಿಯಾಮಿ ಸ್ವಿಮ್ ವೀಕ್ ರ‍್ಯಾಂಪ್ ವಾಕ್ ಕಾರ್ಯಕ್ರಮದಲ್ಲಿ ಮಾರಾ ಮಾರ್ಟಿನ್ ತನ್ನ ಐದು ತಿಂಗಳ ಮಗಳಿಗೆ ಸ್ತನಪಾನ ಮಾಡುತ್ತಲೇ ಹೆಜ್ಜೆ ಹಾಕಿ ಭಾರೀ ಸದ್ದು ಮಾಡಿದ್ದರು.

    ಮಾರಾ ಮಾರ್ಟಿನ್ ಮಗುವಿಗೆ ಸ್ತನಪಾನ ಮಾಡಿಸುತ್ತ ಹೆಜ್ಜೆ ಹಾಕುವಾಗ, ಅಲ್ಲಿನ ಶಬ್ಧದಿಂದ ಮಗಳು ಗಾಬರಿಯಾಗದಿರಲಿ ಅಂತಾ ಮಗುವಿನ ಕಿವಿಗೆ ಹೆಡ್‍ಫೋನ್ ಹಾಕಿದ್ದರು. ಮಾರಾ ಮಾರ್ಟಿನ್ ಪುಳಕ ನೀಡುವ ಕ್ಯಾಟ್‍ವಾಕ್ ಹಾಗೂ ಆಕೆ ಮಗುವಿಗೆ ಸ್ತನಪಾನ ಮಾಡಿಸುತ್ತಲೇ ಧೈರ್ಯದಿಂದ ರ್ಯಾಂಪ್‍ವಾಕ್ ಮಾಡಿದ್ದನ್ನು ಕಂಡು ಪ್ರೇಕ್ಷಕರು ಬೆರಗಾಗಿದ್ದರು.

    ನಾನು ನಿತ್ಯವೂ ಹೀಗೆ ನನ್ನ ಮಗುವಿಗೆ ನಡೆದಾಡುತ್ತಲೇ ಸ್ತನಪಾನ ಮಾಡಿಸುತ್ತೇನೆ. ಮಹಿಳೆ ಹೀಗೂ ಮಾಡುತ್ತ ಮಗುವಿಗೆ ಸ್ತನಪಾನ ಮಾಡಿಸಬಹುದು ಎನ್ನುವುದನ್ನು ಮಹಿಳೆಯರಿಗೆ ಹೇಳಿಕೊಡಲು ಹೀಗೆ ಮಾಡಿದ್ದಾಗಿ ಮಾರಾ ಹೇಳಿಕೊಂಡಿದ್ದಾರೆ.

    ರ‍್ಯಾಂಪ್ ವಾಕ್ ಕಾರ್ಯಕ್ರಮದಲ್ಲಿ ಇನ್ನೇನು ಹೆಜ್ಜೆ ಹಾಕಬೇಕು ಎನ್ನುವಷ್ಟರಲ್ಲಿ ಮಗಳು ಹಸಿವಿನಿಂದ ಅಳಲಾರಂಭಿಸಿದಳು. ಆಗ ಅಲ್ಲಿದ್ದವರು ಮಗುವಿನೊಂದಿಗೆ ಕ್ಯಾಟ್‍ವಾಕ್ ಮಾಡಲು ಸಲಹೆ ನೀಡಿದ್ದರು ಎಂದು ಮಾರಾ ಹೇಳುವ ಮೂಲಕ ನಿಜವಾದ ಕಾರಣವನ್ನು ತೆರೆದಿಟ್ಟಿದ್ದಾರೆ.

    ಮಗುವಿಗೆ ಹಾಲುಣಿಸುತ್ತಾ ಕ್ಯಾಟ್‍ವಾಕ್ ಮಾಡಲು ಅವಕಾಶ ನೀಡಿದ ನಿಮಗೆ ಧನ್ಯವಾದಗಳು, ನಿಮ್ಮಂಥವರಿಂದಾಗಿ ನನ್ನ ಮಗಳು ಒಂದು ಉತ್ತಮ ಪ್ರಪಂಚದಲ್ಲಿ ಬೆಳೆಯುತ್ತಾಳೆ ಎಂದು ಮಾರಾ ಮಾರ್ಟಿನ್ ಸಾಮಾಜಿಕ ತಾಣದಲ್ಲಿ ಕಾರ್ಯಕ್ರಮ ಆಯೋಜಕರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.

    https://www.instagram.com/p/BlVtY2Xhyj3/?utm_source=ig_embed