ಬಿಗ್‌ಬಾಸ್‌ನ (Bigg Boss) ಪ್ರತಿ ಸೀಸನ್‌ನಲ್ಲೂ ಪ್ರೇಮಕಥೆ ಹುಟ್ಟೋದು ಸಾಮಾನ್ಯ. ಈ ಸೀಸನ್‌ನಲ್ಲಿ ದ್ವೇಷದ ಕಥೆ ಹೆಚ್ಚಾಗಿದ್ದರಿಂದ ಪ್ರೇಮಕಥೆ ಕಳೆದುಹೋಗಿತ್ತು. ಗಿಲ್ಲಿ, ಕಾವ್ಯ ಸ್ನೇಹಿತರಂತಿದ್ದಾರೆ. ಇದು ನಿಜವಾದ ಪ್ರೇಮಕಥೆಯಲ್ಲ ಅನ್ನೋದು ವೀಕ್ಷಕರಿಗೆ ತಿಳಿದಿದೆ. ಆದರೆ ಇವರ ಮಧ್ಯೆ ಅಸಲಿ ಲವ್‌ಬರ್ಡ್ಸ್ (Love Birds) ಹುಟ್ಟುಕೊಂಡಿದ್ದಾರೆ. ಆ ಜೋಡಿಯೇ ರಾಶಿಕಾ ಹಾಗೂ ಸೂರಜ್.
ವೈಲ್ಡ್‌ ಕಾರ್ಡ್‌ ಮೂಲಕ ಬಿಗ್‌ಬಾಸ್ ಮನೆಗೆ ಎಂಟ್ರಿ ಕೊಟ್ಟ ಸೂರಜ್ ಸಿಂಗ್ ಮನೆಗೆ ಎಂಟ್ರಿ ಕೊಟ್ಟ ದಿನವೇ ಮನೆಯಲ್ಲಿರೋ ಹುಡುಗಿಯರ ಮಧ್ಯೆ ಒಬ್ಬರಿಗೆ ರೋಸ್ ಕೊಡುವ ಚಟುವಟಿಕೆಯಲ್ಲಿ ರಾಶಿಕಾಗೆ (Rashika) ಕೆಂಪು ಗುಲಾಬಿ ಕೊಟ್ಟಿದ್ದರು. ಹಾಗೆಯೇ ಶುರುವಾದ ಕಣ್ಣೋಟಗಳು ಕಲೆತು ಬಲಿತು ಜೋಡಿಯಾಗಿದೆ.
ಮಾಡೆಲ್/ಶೆಫ್ ಆಗಿರುವ ಸೂರಜ್ (Suraj Singh) ರಾಶಿಕಾರನ್ನು ಒಲಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಸೂರಜ್ ಸೌಮ್ಯ ಸ್ವಭಾವಕ್ಕೆ ಹ್ಯಾಡ್ಸಂ ಲುಕ್‌ಗೆ ರಾಶಿಕಾ ಬೌಲ್ಡ್‌ ಆದಂತಿದೆ. ಸದ್ಯಕ್ಕಂತೂ ಮನೆಯಲ್ಲಿ ಪ್ರಯಣ ಪಕ್ಷಿಗಳಂತೆ ಈ ಜೋಡಿ ಸುತ್ತಾಡುತ್ತಿದೆ. ಇಷ್ಟು ಸಾಲದು ಎನ್ನುವಂತೆ ಅಶ್ವಿನಿ ಗೌಡ, ಸೂರಜ್‌ರನ್ನು ಮಗ ಎಂದು ಕರೆದಿದ್ದಾರೆ. ಹಿಂದೊಮ್ಮೆ ರಾಶಿಕಾರನ್ನು ಸೊಸೆ ಎಂದು ಕರೆದಿದ್ದರು. ಇದನ್ನೂ ಓದಿ: ಗಿಲ್ಲಿ ಕಾಲೆಳೆದು ಹೊಟ್ಟೆ ಹುಣ್ಣಾಗಿಸಿದ ಕಿಚ್ಚ ಸುದೀಪ್
ಪ್ರತಿ ಪ್ರೇಮಿಗಳ ನಡುವೆ ಏರ್ಪಡುವಂತೆ ಸಣ್ಣದೊಂದು ಪೊಸೆಸ್ಸಿವ್‌ನೆಸ್ ಇಬ್ಬರಲ್ಲಿ ಮೂಡಿದೆ. ರಾಶಿಕಾಗಾಗಿ ಸೂರಜ್ ವಿಶೇಷ ತಿನಿಸು ಮಾಡಿಕೊಡುತ್ತಿದ್ದಾರೆ. ಇಬ್ಬರು ಏಕಾಂತ ಬಯಸುತ್ತಿದ್ದಾರೆ. ಕೈ ಹಿಡಿದು ನೀನ್ಯಾಕೆ ನನ್ನ ಅವೈಡ್ ಮಾಡ್ದೆ, ನೀನ್ಯಾಕೆ ನನ್ನನ್ನು ಆಗ ಮಾತನಾಡಿಸಿಲ್ಲ? ಬೇಜಾರಾಯ್ತಾ? ಯಾರ್ ಏನೇ ಅಂದ್ರೂ ನಾನ್ ನಿನ್ನ ಜೊತೆ ಇರ್ತೀನಿ ಆಯ್ತಾ? ಈ ರೀತಿಯ ಸಂಭಾಷಣೆಗಳು ಇಬ್ಬರ ನಡುವೆ ಏರ್ಪಟ್ಟಿದೆ. ಇದನ್ನೂ ಓದಿ: ಉತ್ತರ ಭಾರತದಲ್ಲಿ ಕಾಂತಾರ ಸಿನಿಮಾ ಹವಾ: ಬಾಕ್ಸಾಫೀಸ್‌ನಲ್ಲಿ 200 ಕೋಟಿ ಕ್ಲಬ್!
ಸದ್ಯಕ್ಕೆ ಸೂರಜ್ ರಾಶಿಕಾ ಲವ್‌ಸ್ಟೋರಿ ಫಸ್ಟ್ ಹಾಫ್‌ನಲ್ಲಿದೆ. ಸೆಕೆಂಡ್‌ ಹಾಫ್‌ನಲ್ಲಿ ಇನ್ನೇನಾಗುತ್ತೋ? ಕ್ಲೈಮ್ಯಾಕ್ಸ್‌ವರೆಗೂ ಇರುತ್ತೋ ಇಲ್ವೋ ಎಂಬ ಕುತೂಹಲ ಹೆಚ್ಚಾಗಿದೆ.
