Bloggers Unite

Tag: lioness

  • ಸಫಾರಿ ಬಯಸಿ ಕಾರ್ ಬಾಗಿಲು ತೆಗೆದು ಲಿಫ್ಟ್ ಕೇಳಿದ ಸಿಂಹ- ವಿಡಿಯೋ

    ಸಫಾರಿ ಬಯಸಿ ಕಾರ್ ಬಾಗಿಲು ತೆಗೆದು ಲಿಫ್ಟ್ ಕೇಳಿದ ಸಿಂಹ- ವಿಡಿಯೋ

    ಕೇಪ್‍ಟೌನ್: ಸಫಾರಿ ಬಯಸಿದ ಹೆಣ್ಣು ಸಿಂಹವೊಂದು ಕಾರ್ ಬಾಗಿಲು ತೆಗೆದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

    ಹೌದು. ದಕ್ಷಿಣ ಆಫ್ರಿಕಾದಲ್ಲಿ ಸಫಾರಿ ಸವಾರಿಯನ್ನು ಆನಂದಿಸುತ್ತಿದ್ದ ಕುಟುಂಬವೊಂದು ಸಿಂಹ ತಮ್ಮ ಕಾರಿನ ಬಾಗಿಲು ತೆರೆದಾಗ ಆತಂಕಕ್ಕೆ ಒಳಗಾಗಿದ್ದರು. ಈ ಘಟನೆಯ ವಿಡಿಯೋವನ್ನು ಭಾರತೀಯ ಅರಣ್ಯ ಸೇವೆ (ಐಎಫ್‍ಎಸ್) ಅಧಿಕಾರಿ ಸುಸಂತ ನಂದಾ ಟ್ವೀಟ್ ಮಾಡಿದ್ದಾರೆ.

    “ಹೆಣ್ಣು ಸಿಂಹವು ಸಫಾರಿ ಹೋಗಲು ಬಯಸುತ್ತಿದೆ. ಅದು ಕಾರಿನ ಬಾಗಿಲು ತೆರೆದು ಲಿಫ್ಟ್ ಕೇಳಿತು. ಇಂತಹ ಘಟನೆ ನಿಮ್ಮ ಮುಂದಿನ ಸಫಾರಿಗಳಲ್ಲಿಯೂ ಸಂಭವಿಸಬಹುದು. ಕಾಡು ಪ್ರಾಣಿಗಳಿಂದ ಸುರಕ್ಷಿತ ದೂರವನ್ನು ಕಾಪಾಡಿಕೊಳ್ಳಿ” ಎಂದು ನಂದಾ ಬರೆದುಕೊಂಡಿದ್ದಾರೆ.

    ಕಾರಿನಲ್ಲಿದ್ದ ಕುಟುಂಬವೊಂದು ದೂರದಿಂದ ಸಿಂಹಗಳ ಗುಂಪನ್ನು ನೋಡುತ್ತಾ ಮುಂದೆ ಸಾಗುತ್ತಿತ್ತು. ಕುತೂಹಲದಿಂದ ಹೆಣ್ಣು ಸಿಂಹ ಒಂದು ಸಫಾರಿ ಕಾರಿನ ಕಡೆಗೆ ನಡೆದು ಬಂದಿತು. ಬಳಿಕ ಕಾರಿನ ಬಾಗಿಲು ತೆರೆದಾಗ ಪ್ರಯಾಣಿಕರು ಗಾಬರಿಗೊಂಡಿದ್ದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.

    ಈ ವಿಡಿಯೋವನ್ನು 15 ಸಾವಿರಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದು, ಕೆಲವರು ಆಘಾತ ವ್ಯಕ್ತಪಡಿಸಿ ಮುಂದೆ ಏನಾಯಿತು ಎಂದು ತಿಳಿಯುವ ಕುತೂಹಲ ವ್ಯಕ್ತಪಡಿಸಿದ್ದಾರೆ. “ವಾಹ್ ಸಿಂಹ ಎಷ್ಟು ಬುದ್ಧಿವಂತವಾಗಿದೆ. ಬಾಗಿಲನ್ನು ಅಷ್ಟು ಸುಲಭವಾಗಿ ತೆರೆಯಿತು” ಎಂದು ನೆಟ್ಟಿಗರೊಬ್ಬರು ಪ್ರತಿಕ್ರಿಸಿದ್ದಾರೆ. ಮತ್ತೊಬ್ಬರು, “ಬಾಗಿಲುಗಳನ್ನು ಅನ್‍ಲಾಕ್ ಮಾಡದೆ ಬಿಡುವುದು ಎಷ್ಟು ಮೂರ್ಖತನ” ಎಂದು ಕಾರಿನಲ್ಲಿದ್ದವರ ಬಗ್ಗೆ ಅಸಮಾಧಾನ ಹೊರ ಹಾಕಿದ್ದಾರೆ.

  • ರೋಡ್‍ಗಿಳಿದ ಸಿಂಹಿಣಿಯನ್ನು ಕಂಡು ಕಕ್ಕಾಬಿಕ್ಕಿ ಓಡಿದ ಗ್ರಾಮಸ್ಥರು

    ರೋಡ್‍ಗಿಳಿದ ಸಿಂಹಿಣಿಯನ್ನು ಕಂಡು ಕಕ್ಕಾಬಿಕ್ಕಿ ಓಡಿದ ಗ್ರಾಮಸ್ಥರು

    ಗಾಂಧಿನಗರ: ಮೃಗಾಲಯದಲ್ಲಿ ಬೋನಿನಲ್ಲಿಟ್ಟ ಸಿಂಹ/ಸಿಂಹಿಣಿಗಳನ್ನು ಹತ್ತಿರದಿಂದ ಕಂಡಾಗಲೇ ಕೆಲವರು ಹೆದರುತ್ತಾರೆ. ಹೀಗಿರುವಾಗ ರಾಜರೋಷವಾಗಿ ಸಿಂಹಿಣಿಯೊಂದು ರಸ್ತೆಗಿಳಿದು ಗ್ರಾಮಸ್ಥರನ್ನು ಬೆಚ್ಚಿಬೀಸಿರುವ ವಿಡಿಯೋವೊಂದು ಸಖತ್ ವೈರಲ್ ಆಗುತ್ತಿದೆ.

    ರಾತ್ರಿ ಹೊತ್ತು ಕಾಡು ಪ್ರದೇಶದಲ್ಲಿ ಹಾದು ಹೋಗುವ ರಸ್ತೆಗಳ ಮೇಲೆ ಸಿಂಹ, ಹುಲಿ ಹಾಗೂ ಇತರೆ ಕಾಡು ಪ್ರಾಣಿಗಳು ಕಾಣಿಸಿಕೊಳ್ಳೋದು ಸಾಮಾನ್ಯ. ಆದರೆ ಗುಜರಾತ್‍ನ ಮಾಧವ್‍ಪುರದಲ್ಲಿ ಹಾಡಹಗಲೇ ಸಿಂಹಿಣಿಯೊಂದು ಬೀದಿಗಿಳಿದು ಅಡ್ಡಾದಿಡ್ಡಿ ಓಡಾಡಿ ಗ್ರಾಮಸ್ಥರನ್ನು ಬೆಚ್ಚಿ ಬೀಳಿಸಿದೆ.

    ರಸ್ತೆ ಮೇಲೆ ಸಿಂಹಿಣಿ ಓಡಾಡುತ್ತಿರುವ ವಿಡಿಯೋವನ್ನು ಭಾರತೀಯ ಅರಣ್ಯ ಸೇವಾ ಅಧಿಕಾರಿ ಸುಶಾಂತಾ ನಂದಾ ಅವರು ತಮ್ಮ ಟ್ವಿಟ್ಟರ್‍ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಸದ್ಯ ಎಲ್ಲೆಡೆ ವೈರಲ್ ಆಗಿದ್ದು, ಇಷ್ಟು ವೇಗವಾಗಿ ಸಿಂಹಿಣಿ ಓಡಿಸಿಕೊಂಡು ಬಂದರೆ ಜಗತ್ತಿನ ಅತೀ ವೇಗದ ಓಟಗಾರ ಉಸೇನ್ ಬೋಲ್ಟ್ ಕೂಡ ಅದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಬರೆದು ಅಧಿಕಾರಿ ವಿಡಿಯೋವನ್ನು ಟ್ವೀಟ್ ಮಾಡಿದ್ದಾರೆ.

    ವಿಡಿಯೋದಲ್ಲಿ ಮೊದಲು ಗ್ರಾಮಸ್ಥರು ತಮ್ಮ ಪಾಡಿಗೆ ತಾವು ಮಾತನಾಡುತ್ತಾ, ಓಡಾಡುತ್ತಾ ನಿಂತಿರುತ್ತಾರೆ. ಇದೇ ವೇಳೆ ವೇಗವಾಗಿ ಓಡಿಬಂದ ಸಿಂಹಿಣಿ ಗ್ರಾಮಕ್ಕೆ ಎಂಟ್ರಿಕೊಡುತ್ತೆ. ಸಿಂಹಿಣಿಯನ್ನು ಕಂಡ ತಕ್ಷಣ ಗ್ರಾಮಸ್ಥರು ಎದ್ನೋ, ಬಿದ್ನೋ ಎಂದು ಓಡಿ ಹೋಗುತ್ತಿರುವ ದೃಶ್ಯ, ಸಿಂಹಿಣಿ ವೇಗವಾಗಿ ಜನರ ಮಧ್ಯೆ ಓಡಿ ಹೋದ ದೃಶ್ಯಗಳು ಸೆರೆಯಾಗಿದೆ.

  • ಜಿಂಕೆಮರಿಯನ್ನ ಬೇಟೆಯಾಡದೆ ಅದರ ಆರೈಕೆಯಲ್ಲಿ ತೊಡಗಿತು ಸಿಂಹಿಣಿ- ಇಲ್ಲಿದೆ ಕಾರಣ

    ಜಿಂಕೆಮರಿಯನ್ನ ಬೇಟೆಯಾಡದೆ ಅದರ ಆರೈಕೆಯಲ್ಲಿ ತೊಡಗಿತು ಸಿಂಹಿಣಿ- ಇಲ್ಲಿದೆ ಕಾರಣ

    ವಿಂಡ್‍ಹೋಕ್: ಸಾಮಾನ್ಯವಾಗಿ ಈ ಫೋಟೋಗಳನ್ನ ನೋಡಿದಾಗ ಸಿಂಹಿಣಿ ಜಿಂಕೆಯನ್ನ ಬೇಟೆಯಾಡಲು ಹಿಡಿದುಕೊಂಡಿದೆ ಎಂದು ಅನ್ನಿಸಬಹುದು. ಆದ್ರೆ ಇದರ ಹಿಂದೆ ಒಂದು ಮನಮುಟ್ಟುವ ಕಥೆಯಿದೆ.

    ಸಿಂಹಿಣಿ ಜಿಂಕೆಮರಿಯ ತಲೆಯನ್ನ ನೆಕ್ಕುತ್ತಾ, ಅದನ್ನ ಆರೈಕೆ ಮಾಡುತ್ತಾ ಮರಿಯ ರಕ್ಷಣೆಗೆ ನಿಂತಿರೋದನ್ನ ಫೋಟೋಗಳಲ್ಲಿ ಕಾಣಬಹುದು. ನೈಋತ್ಯ ಆಫ್ರಿಕಾದ ನಮೀಬಿಯಾದ ಇಟೋಶಾ ಪ್ಯಾನ್ ಗೇಮ್ ರಿಸರ್ವ್ ನಲ್ಲಿ ಈ ದೃಶ್ಯವನ್ನು ಕಂಡು ಅಮೆರಿಕದ ಫೋಟೋಗ್ರಾಫರ್ ಗೋರ್ಡನ್ ಡೊನೋವ್ಯಾನ್ ಆಶ್ಚರ್ಯಚಕಿತರಾಗಿದ್ರು. ಡೊನೋವ್ಯಾನ್ ಸಿಂಹಿಣಿ ಹಾಗೂ ಜಿಂಕೆಮರಿ ನಡುವಿನ ಈ ಅಪೂರೂಪದ ಬಾಂಧವ್ಯವನ್ನ ತನ್ನ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ.

    ವಿರೋಧಿ ತಂಡದ ಸಿಂಹವೊಂದು ಸಿಂಹಗಳ ಗುಂಪನ್ನ ಆಕ್ರಮಿಸಿಕೊಂಡ ಬಳಿಕ ಸಿಂಹಿಣಿಯ ಎರಡು ಗಂಡು ಮರಿಗಳನ್ನ ಕೊಂದುಹಾಕಿತ್ತು. ಇದರಿಂದ ದುಃಖದಲ್ಲಿದ್ದ ಸಿಂಹಿಣಿ, ಜಿಂಕೆ ಮರಿಯನ್ನ ತನ್ನ ಮರಿಯಂತೆಯೇ ಆರೈಕೆ ಮಾಡ್ತಿದೆ ಅಂತ ಗೋರ್ಡನ್ ಅವರಿಗೆ ಇಲ್ಲಿನ ಗೈಡ್ ತಿಳಿಸಿದ್ದಾರೆ. ಸಾಮಾನ್ಯವಾಗಿ ಜಿಂಕೆಗಳು ಸಿಂಹಗಳಿಗೆ ಆಹಾರ. ಆದ್ರೆ ದುಃಖದಲ್ಲಿರುವ ಸಿಂಹಿಣಿ ಜಿಂಕೆಮರಿಯನ್ನ ಕೊಲ್ಲೋ ಬದಲು ಅದನ್ನ ದತ್ತು ಪಡೆದು ಆರೈಕೆ ಮಾಡ್ತಿದೆ.

    ಇದೊಂದು ವಿಚಿತ್ರ ಆದರೂ ಆಶ್ಚರ್ಯಕರ ದೃಶ್ಯವಾಗಿತ್ತು. ಸಿಂಹಿಣಿ ಜಿಂಕೆಮರಿಯನ್ನ ಕೊಂದುಬಿಡುತ್ತದೆ ಎಂದು ನಾನು ಕಾಯುತ್ತಿದ್ದೆ, ಆದ್ರೆ ಅದು ಆಗಲೇ ಇಲ್ಲ. ಸಿಂಹಿಣಿ ಬಂದು ಜಿಂಕೆಮರಿಯ ತಲೆಯನ್ನ ಸವರಲು ಶುರು ಮಾಡಿತು. ಪ್ರಕೃತಿಯ ನಿಗೂಢವೇ ಇಂಥದ್ದು. ಮುಂದೆ ಏನಾಗುತ್ತದೆ ಎಂದು ತಿಳಿಯಲು ಸಾಧ್ಯವಾಗಲ್ಲ ಎಂದು ಗೋರ್ಡನ್ ಹೇಳಿದ್ದಾರೆ.

    ಗೋರ್ಡನ್ ಈ ದೃಶ್ಯವನ್ನ ಸುಮಾರು 2 ಗಂಟೆಗಳ ಕಾಲ ವೀಕ್ಷಿಸಿದ್ದಾಗಿ ಹೇಳಿದ್ದಾರೆ.