ಬೆಂಗಳೂರು: ದೀಪಾವಳಿ ಹಬ್ಬಕ್ಕೆ ಬೆಂಗಳೂರಲ್ಲಿ ಪಟಾಕಿ ಮಾರೋಕೆ ಲೈಸನ್ಸ್ ಕಡ್ಡಾಯಗೊಳಿಸಿ ಬೆಂಗಳೂರು ಪೊಲೀಸ್ ಆಯುಕ್ತರು ಆದೇಶ ಹೊರಡಿಸಿದ್ದಾರೆ. ಪಟಾಕಿ ಮಾರಾಟಕ್ಕೆ ಹಲವು ನಿಯಮಗಳನ್ನು ವಿಧಿಸಿದ್ದಾರೆ.
ನಿಯಮಗಳು:
1. ಕರ್ನಾಟಕ ಅಗ್ನಿಶಾಮಕದಳ ಡಿಜಿಪಿ ಹೆಸರಲ್ಲಿ 5 ಸಾವಿರ ರೂಪಾಯಿ ಡಿಡಿ
2. ಬೆಂಗಳೂರು ಪೊಲೀಸ್ ಆಯುಕ್ತರ ಹೆಸರಲ್ಲಿ 1 ಸಾವಿರ ರೂಪಾಯಿ ಡಿಡಿ ಪಾವತಿಸಬೇಕು.
3. ಮೂರು ತಿಂಗಳಿಗೂ ಇತ್ತೀಚಿನ ಭಾವಚಿತ್ರ
4. ದೃಢೀಕೃತ ಆಧಾರ್ ಕಾರ್ಡ್ ಅಥವಾ ವೋಟರ್ ಐಡಿ ಜೆರಾಕ್ಸ್
5. ಒಂದು ಕುಟುಂಬಕ್ಕೆ ಒಂದೇ ಮೈದಾನದಲ್ಲಿ ಪಟಾಕಿ ಮಾರಾಟಕ್ಕೆ ಅವಕಾಶ
6. ವ್ಯಾಪಾರಸ್ಥರು ಜಿಎಸ್‍ಟಿ ನಂಬರ್ ಹೊಂದಿರಬೇಕು.
7. ಅಕ್ಟೋಬರ್ 13ರಿಂದ 26ರವರೆಗೆ ಲೈಸನ್ಸ್‍ಗೆ ಅರ್ಜಿ ಸಲ್ಲಿಸಬಹುದು.
ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಮತ್ತು ಅಗ್ನಿ ಶಾಮಕದಳ ಅವರಿಂದ ಗುರುತಿಸಲ್ಪಟ್ಟಿರುವ ಸುರಕ್ಷಿತ ಮೈದನಾ ಅಥವಾ ಸ್ಥಳಗಳಲ್ಲಿ ಮಾತ್ರ ತಾತ್ಕಲಿಕ ಪಟಾಕಿ ಮಳಿಗೆಯನ್ನು ತೆರೆಯಲು ಅವಕಾಶ ನೀಡಲಾಗಿದೆ. ಇದನ್ನು ಹೊರತುಪಡಿಸಿ ಬೇರೆ ಯಾವುದೇ ಸ್ಥಳಗಳಲ್ಲಿ ಪಟಾಕಿ ಮಾರಾಟ ಮಾಡಿದ್ದಲ್ಲಿ, ಅಂತಹವರ ವಿರುದ್ಧ ಸ್ಫೋಟಕ ಕಾಯ್ದೆ, ಕರ್ನಾಟಕ ಪೊಲೀಸ್ ಕಾಯ್ದೆ, ಇನ್ನಿತರ ಅಪರಾಧ ಸಂಹಿತೆ ಅಡಿಗಳಲ್ಲಿ ಕಾನೂನು ರೀತಿ ಕ್ರಮ ಜರುಗಿಸಲಾಗವುದು ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
