ಸಲಿಂಗ ವಿವಾಹಕ್ಕೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್ (Supreme Court) ಕೆಲ ದಿನಗಳ ಹಿಂದೆಯಷ್ಟೇ ಮಹತ್ವದ ತೀರ್ಪೊಂದನ್ನು ನೀಡಿದೆ. ಸಲಿಂಗ ವಿವಾಹಕ್ಕೆ ಕಾನೂನಿನಲ್ಲಿ ಮಾನ್ಯತೆ ನೀಡಬೇಕು ಎಂದು ಸಲ್ಲಿಸಿದ್ದ ಮನವಿಯನ್ನು ಸುಪ್ರೀಂ ನಿರಾಕರಿಸಿದೆ. ಸಲಿಂಗ ವಿವಾಹಕ್ಕೆ ಕಾನೂನಿನಲ್ಲಿ ಮಾನ್ಯತೆ ಇಲ್ಲ ಎಂಬ ವಿಚಾರವನ್ನೂ ಸ್ಪಷ್ಟಪಡಿಸಿದೆ. ಈ ತೀರ್ಪಿನಿಂದ ಸಹಜವಾಗಿ ಎಲ್‌ಜಿಬಿಟಿಕ್ಯೂ (Lesbian, Gay, Bisexual, Transgender and Queer) ಸಮುದಾಯಕ್ಕೆ ಬೇಸರವಾಗಿದೆ. ಈ ಸಮಾಜದಲ್ಲಿ ತಾವು ಎದುರಿಸುತ್ತಿರುವ ಸವಾಲುಗಳಿಗೆ ಸುಪ್ರೀಂ ತೀರ್ಪಿನಿಂದ ಪರಿಹಾರ ಸಿಗಬಹುದು ಎಂದು ನಿರೀಕ್ಷಿಸಿದ್ದ ಈ ಸಮುದಾಯಕ್ಕೆ ನಿರಾಸೆಯಾಗಿದೆ.
ಸಲಿಂಗ ವಿವಾಹ (Same Sex Marriage) ಮತ್ತು ಕಾನೂನು ಎನ್ನುವುದು ತುಂಬಾ ಸಂಕೀರ್ಣವಾದ ವಿಚಾರ. ಯಾವುದೇ ದೇಶದ ಸಮಾಜ, ಸಂಸ್ಕೃತಿ, ಸಂಪ್ರದಾಯ, ವಿವಾಹ ಪದ್ಧತಿ, ಕಾನೂನು ಎಲ್ಲವನ್ನೂ ಮುಖ್ಯವಾಗಿಟ್ಟುಕೊಂಡು ಸಲಿಂಗ ವಿವಾಹ ವಿಚಾರವನ್ನು ನೋಡಬೇಕಾಗುತ್ತದೆ. ಸಲಿಂಗ ವಿವಾಹಕ್ಕೆ ಮಾನ್ಯತೆ ಬೇಕು ಎಂದು ಹೋರಾಡುವವರಂತೆಯೇ, ಅದನ್ನು ವಿರೋಧಿಸುವವರೂ ಇದ್ದಾರೆ. ಸಲಿಂಗ ಸಂಬಂಧ ಅಥವಾ ವಿವಾಹ ವಿಚಾರವನ್ನು ಒಂದೊಂದು ದೇಶದಲ್ಲೂ ಒಂದೊಂದು ದೃಷ್ಟಿಕೋನದಲ್ಲಿ ವಿಶ್ಲೇಷಿಸಲಾಗುತ್ತದೆ. ಆದರೆ ಭಾರತದಲ್ಲಿ ಇದನ್ನು ನೋಡುವ ದೃಷ್ಟಿಕೋನವೇ ಬೇರೆ. ಇದನ್ನೂ ಓದಿ: ಸಲಿಂಗ ವಿವಾಹಕ್ಕೆ ಮಾನ್ಯತೆ ನೀಡದಿರುವುದು ದೇಶಕ್ಕೆ ಅವಮಾನ- ಲಕ್ಷ್ಮಿ ಮಂಚು
ಏನಿದು ಸಲಿಂಗ ಕಾಮ ಮತ್ತು ವಿವಾಹ? ಈ ವಿವಾಹಕ್ಕೆ ಯಾವ್ಯಾವ ದೇಶಗಳು ಮಾನ್ಯತೆ ನೀಡಿವೆ? ಮೊದಲ ಸಲಿಂಗ ವಿವಾಹ ಎಲ್ಲಿ ಆಗಿದ್ದು? ಭಾರತದಲ್ಲಿ ಇದಕ್ಕಿರುವ ಪರ ಮತ್ತು ವಿರೋಧ ಏನು ಎಂಬ ಬಗ್ಗೆ ವಿವರವಾಗಿ ಇಲ್ಲಿ ತಿಳಿಸಲಾಗಿದೆ. ಭಾರತದ ವಿಚಾರಕ್ಕೆ ಬಂದರೆ ವಿಶೇಷ ವಿವಾಹ ಕಾಯ್ದೆ ಬಗ್ಗೆ ತಿಳಿದುಕೊಳ್ಳುವುದು ಮುಖ್ಯ.
ಏನಿದು ಸಲಿಂಗ ಕಾಮ?
Homosexuality ಎಂಬ ಪದ ಬಂದಿದ್ದು ಗ್ರೀಕ್ ಹಾಗೂ ಲ್ಯಾಟಿನ್ ಮೂಲದಿಂದ. Homos ಎಂದರೆ Same ಎಂದರ್ಥ. Homosexuality ಎಂದರೆ ಒಂದೇ ಲಿಂಗದವರು ನಡೆಸುವ ಲೈಂಗಿಕತೆ (ಹೆಣ್ಣು ಹೆಣ್ಣನ್ನು ಹಾಗೂ ಗಂಡು ಗಂಡನ್ನು ಮೋಹಿಸುವುದು). ಸಾಮಾನ್ಯವಾಗಿ ಗಂಡಸರಿಬ್ಬರ ನಡುವಿನ ರತಿಕ್ರೀಡೆಯನ್ನು Gay ಎಂದು ಕರೆದರೆ, ಸ್ತ್ರೀಯರ ನಡುವಿನ ಸಲಿಂಗ ಕಾಮವನ್ನು Lesbianism ಎನ್ನುತ್ತಾರೆ. ಪುರುಷ ಹಾಗೂ ಸ್ತ್ರೀ ಇಬ್ಬರ ಜತೆಯೂ ಸರಸವಾಡುವವರನ್ನು Bisexual ಎಂದು ಕರೆಯಲಾಗುತ್ತದೆ. ಇದನ್ನೂ ಓದಿ: ಸಲಿಂಗ ವಿವಾಹಕ್ಕೆ ಕಾನೂನಿನ ಮಾನ್ಯತೆ ನೀಡಲು ಸಾಧ್ಯವಿಲ್ಲ: ಸುಪ್ರೀಂ ತೀರ್ಪಿನಲ್ಲಿ ಏನಿದೆ?
1960 ರ ದಶಕದಲ್ಲಿ ಸಲಿಂಗ ಕಾಮ ವಿಚಾರ ಬ್ರಿಟನ್‌ನಲ್ಲಿ ದೊಡ್ಡ ಚರ್ಚೆಯನ್ನೇ ಹುಟ್ಟುಹಾಕುತ್ತದೆ. ನಂತರ ಅದು ವಿಶ್ವಾದ್ಯಂತ ವ್ಯಾಪಕ ಚರ್ಚೆಗೆ ಕಾರಣವಾಗುತ್ತದೆ. ಬರಬರುತ್ತ ಅದೊಂದು ಹೋರಾಟವಾಗಿಯೂ ರೂಪುಗೊಳ್ಳುತ್ತದೆ. ಸಲಿಂಗಿಗಳು ಸಲಿಂಗ ವಿವಾಹವನ್ನು ಮಾನ್ಯ ಮಾಡಬೇಕು, ಅದಕ್ಕೆ ಕಾನೂನಿನಲ್ಲಿ ಒಂದು ಹಕ್ಕಾಗಿ ಅವಕಾಶ ನೀಡಬೇಕು ಎಂದು ಒತ್ತಾಯಿಸುತ್ತಾರೆ. ಯೂರೋಪ್‌ನಲ್ಲಿ ಹೆಚ್ಚು ಚರ್ಚೆ ಹುಟ್ಟುಹಾಕಿದ ಈ ವಿಚಾರ ನಂತರ ಭಾರತಕ್ಕೂ ಕಾಲಿಡುತ್ತದೆ. ‘ಸಲಿಂಗ ಕಾಮವೇನು ಶಿಕ್ಷಾರ್ಹ ಅಪರಾಧವಲ್ಲ’ ಎಂದು 2009 ರಲ್ಲಿ ದೆಹಲಿ ಹೈಕೋರ್ಟ್ ತೀರ್ಪೊಂದನ್ನು ನೀಡುತ್ತದೆ. ಅಲ್ಲಿಂದೀಚೆಗೆ ಭಾರತದಲ್ಲಿ ಇದರ ಪರವಾಗಿ ಹೋರಾಡುವವರಿಗೆ ನೈತಿಕ ಸ್ಥೈರ್ಯ ಬರುತ್ತದೆ.
2001 ರಲ್ಲಿ ಜಗತ್ತಿನಲ್ಲೇ ಮೊದಲ ಬಾರಿಗೆ ನೆದರ್ಲೆಂಡ್ಸ್‌ನಲ್ಲಿ ಸಲಿಂಗ ವಿವಾಹ ನಡೆಯಿತು. ಅಲ್ಲಿಂದೀಚೆಗೆ 30 ಕ್ಕೂ ಹೆಚ್ಚು ದೇಶಗಳು ಸಲಿಂಗ ವಿವಾಹಕ್ಕೆ ಕಾನೂನು ಮಾನ್ಯತೆ ನೀಡಿದವು. ಹೆಚ್ಚಾಗಿ ಅಮೆರಿಕ ಮತ್ತು ಯುರೋಪ್‌ ರಾಷ್ಟ್ರಗಳಲ್ಲಿ ಈ ವಿವಾಹಗಳಿಗೆ ಮಾನ್ಯತೆ ದೊರಕಿದೆ. ಯಾವ್ಯಾವ ದೇಶಗಳಲ್ಲಿ ಯಾವ್ಯಾವ ವರ್ಷದಲ್ಲಿ ಸಲಿಂಗ ವಿವಾಹಕ್ಕೆ ಕಾನೂನುಬದ್ಧ ಮಾನ್ಯತೆ ನೀಡಲಾಗಿದೆ ಎಂಬ ವಿವರ ಇಲ್ಲಿದೆ.
ಯಾವ ದೇಶಗಳಲ್ಲಿ ಮಾನ್ಯತೆ?
2013 ರಲ್ಲಿ ಉರುಗ್ವೆ ದೇಶದಲ್ಲಿ ಸಲಿಂಗ ವಿವಾಹಕ್ಕೆ ಕಾನೂನುಬದ್ಧ ಮಾನ್ಯತೆ ದೊರೆಯಿತು. ಅಂತೆಯೇ 2001 ರಲ್ಲಿ ನೆದರ್ಲೆಂಡ್ಸ್‌, 2003 ರಲ್ಲಿ ಬೆಲ್ಜಿಯಂ, 2005 ರಲ್ಲಿ ಸ್ಪೇನ್ ಮತ್ತು ಕೆನಡಾ, 2006 ರಲ್ಲಿ ದಕ್ಷಿಣ ಆಫ್ರಿಕಾ, 2009 ರಲ್ಲಿ ಸ್ವೀಡನ್‌ ಮತ್ತು ನಾರ್ವೆ, 2010 ರಲ್ಲಿ ಪೋರ್ಚುಗಲ್‌-ಐಸ್‌ಲೆಂಡ್-ಅರ್ಜೆಂಟೀನಾ, 2012 ರಲ್ಲಿ ಡೆನ್ಮಾರ್ಕ್‌, 2013 ರಲ್ಲಿ ನ್ಯೂಜಿಲೆಂಡ್‌ ಮತ್ತು ಬ್ರೆಜಿಲ್, 2014 ರಲ್ಲಿ ಲಂಡನ್‌, 2015 ರಲ್ಲಿ ಅಮೆರಿಕ-ಲಕ್ಸೆಂಬರ್ಗ್-ಐರ್ಲೆಂಡ್, 2016 ರಲ್ಲಿ ಕೊಲಂಬಿಯಾ, 2017 ರಲ್ಲಿ ಮಾಲ್ಟಾ-ಫಿನ್‌ಲೆಂಡ್-ಆಸ್ಟ್ರೇಲಿಯಾ, 2019 ರಲ್ಲಿ ತೈವಾನ್‌-ಈಕ್ವೆಡಾರ್-ಆಸ್ಟ್ರಿಯಾ, 2020 ರಲ್ಲಿ ಕೋಸ್ಟ ರಿಕಾ, 2022 ರಲ್ಲಿ ಸ್ವಿಜರ್ಲೆಂಡ್‌-ಸ್ಲೊವೇನಿಯಾ-ಮೆಕ್ಸಿಕೊ, ಕ್ಯೂಬಾ-ಚಿಲಿ, 2023 ರಲ್ಲಿ ಅಂಡೋರಾ ದೇಶಗಳಲ್ಲಿ ಅನುಮತಿ ನೀಡಲಾಯಿತು. ಇದನ್ನೂ ಓದಿ: ಸಲಿಂಗ ವಿವಾಹ ಕಾನೂನು ಮಾನ್ಯತೆ ವಿಚಾರಣೆ – ಸಿಜೆಐ ಹಿಂದೆ ಸರಿಯುವಂತೆ ಸಲ್ಲಿಸಿದ್ದ ಮನವಿ ತಿರಸ್ಕೃತ
ಪಾಶ್ಚಾತ್ಯ ದೇಶಗಳ ಸಂಸ್ಕೃತಿಯೇ?
ಸಲಿಂಗ ಸಂಬಂಧ ಮತ್ತು ಸಲಿಂಗ ವಿವಾಹ ಎಂಬುದು ಭಾರತೀಯತೆ ಅಲ್ಲ. ಭಾರತೀಯ ಸಂಸ್ಕೃತಿಯೂ ಅಲ್ಲ, ನೈಸರ್ಗಿಕವೂ ಅಲ್ಲ. ಇದು ಪಾಶ್ಚಾತ್ಯ ದೇಶಗಳಿಂದ ಬಂದ ಸಂಸ್ಕೃತಿ. ಇದು ಭಾರತೀಯ ಸಂಸ್ಕೃತಿ ಅಲ್ಲದೇ ಇರುವ ಕಾರಣಕ್ಕೆ ಸಲಿಂಗ ವಿವಾಹಕ್ಕೆ ಕಾನೂನಿನ ಮಾನ್ಯತೆ ನೀಡಬಾರದು ಎಂಬುದು ಕೇಂದ್ರ ಸರ್ಕಾರದ ವಾದ. ಸುಪ್ರೀಂ ಕೋರ್ಟ್‌ನಲ್ಲಿ ಈ ಸಂಬಂಧ ಕೇಂದ್ರ ಸರ್ಕಾರ ತನ್ನ ಪ್ರತಿಪಾದನೆ ವ್ಯಕ್ತಪಡಿಸಿದೆ.
ಭಾರತದಲ್ಲಿ ವಿವಾಹಗಳಿಗೆ ನೋಂದಣಿ ಹೇಗೆ?
ಮದುವೆ, ವಿಚ್ಛೇದನ ಮತ್ತು ದತ್ತು ಪಡೆಯುವುದು ಮುಂತಾದ ವೈಯಕ್ತಿಕ ಕಾನೂನಿನ ಸಮಸ್ಯೆಗಳು ಧಾರ್ಮಿಕ ಕಾನೂನುಗಳಿಂದ ನಿಯಂತ್ರಿಸಲ್ಪಡುತ್ತವೆ. ಭಾರತದಲ್ಲಿನ ವಿವಾಹಗಳನ್ನು ಹಿಂದೂ ವಿವಾಹ ಕಾಯ್ದೆ-1955, ಮುಸ್ಲಿಂ ವಿವಾಹ ಕಾಯ್ದೆ-1954 ಅಥವಾ ವಿಶೇಷ ವಿವಾಹ ಕಾಯಿದೆ-1954 ರಂತಹ ಆಯಾ ವೈಯಕ್ತಿಕ ಕಾನೂನುಗಳ ಅಡಿಯಲ್ಲಿ ನೋಂದಾಯಿಸಲಾಗಿದೆ. ದಂಪತಿ ಒಂದೇ ಧರ್ಮಕ್ಕೆ ಸೇರಿದ ಸಂದರ್ಭಗಳಲ್ಲಿ ಮಾತ್ರ ಕಾಯ್ದೆಗಳು ಅನ್ವಯವಾಗುತ್ತದೆ. ಇಲ್ಲದಿದ್ದರೆ, ಮದುವೆಗೆ ಮೊದಲು ಸಂಗಾತಿಯು ಇನ್ನೊಬ್ಬರ ಧರ್ಮಕ್ಕೆ ಮತಾಂತರಗೊಳ್ಳಬೇಕು. ಇದನ್ನೂ ಓದಿ: ಸಲಿಂಗ ವಿವಾಹಗಳು ಶ್ರೀಮಂತರ ಪರಿಕಲ್ಪನೆಗಳಲ್ಲ – ಸುಪ್ರೀಂ ಕೋರ್ಟ್
ಏನಿದು ವಿಶೇಷ ವಿವಾಹ ಕಾಯ್ದೆ?
1954 ರ ಅಕ್ಟೋಬರ್‌ನಲ್ಲಿ ಸಂಸತ್ತಿನಲ್ಲಿ ವಿಶೇಷ ವಿವಾಹ ಕಾಯ್ದೆಯನ್ನು ಅಂಗೀಕರಿಸಲಾಯಿತು. ತಮ್ಮ ಧಾರ್ಮಿಕ ಗುರುತನ್ನು ಬಿಟ್ಟುಕೊಡದೆ ಅಥವಾ ಮತಾಂತರಗೊಳ್ಳದೆ ಅಂತರ್-ಧರ್ಮೀಯ ಅಥವಾ ಅಂತರ-ಜಾತಿ ಜೋಡಿಗಳು ವಿವಾಹವಾಗುವುದಕ್ಕೆ ವಿಶೇಷ ವಿವಾಹ ಕಾಯಿದೆ-1954 ಅನುವು ಮಾಡಿಕೊಡುತ್ತದೆ. ಧರ್ಮ, ಜಾತಿ ಭೇದವಿಲ್ಲದೇ ವಿಶೇಷ ವಿವಾಹ ಕಾಯ್ದೆಯು ದೇಶದ ಎಲ್ಲ ನಾಗರಿಕರನ್ನೂ ಒಳಗೊಳ್ಳುತ್ತದೆ. ಮದುವೆಯ ಶಾಸ್ತ್ರೋಕ್ತ ಮತ್ತು ನೋಂದಣಿ ಎರಡಕ್ಕೂ ಇದು ಕಾರ್ಯವಿಧಾನವನ್ನು ನೀಡುತ್ತದೆ. ಈ ಕಾಯಿದೆಯು ಧರ್ಮಕ್ಕಿಂತ ಹೆಚ್ಚಾಗಿ ಮದುವೆಯನ್ನು ಅನುಮೋದಿಸುತ್ತದೆ.
ವಿಶೇಷ ವಿವಾಹ ಕಾಯ್ದೆ ಚರ್ಚೆ ಯಾಕೆ?
ಧರ್ಮ, ಜಾತಿ, ಲಿಂಗ ಭೇದವಿಲ್ಲದೇ ವಿಶೇಷ ವಿವಾಹ ಕಾಯ್ದೆಯು ದೇಶದ ಎಲ್ಲ ನಾಗರಿಕರನ್ನೂ ಒಳಗೊಳ್ಳುತ್ತದೆ ಎಂಬ ವಿಚಾರವನ್ನು ಈ ಹಿಂದೆ ಸುಪ್ರೀಂ ಕೋರ್ಟ್ ಪ್ರತಿಪಾದಿಸಿತ್ತು. ಹೀಗಾಗಿ ಈ ಕಾಯ್ದೆ ಅಡಿಯಲ್ಲೇ ಸಲಿಂಗ ಜೋಡಿಗಳ ವಿವಾಹಕ್ಕೆ ಕಾನೂನು ಮಾನ್ಯತೆ ನೀಡಬೇಕು ಎಂದು ಮನವಿ ಮಾಡಲಾಗಿತ್ತು. ಆದರೆ ಅದಕ್ಕೆ ಸುಪ್ರೀಂ ಕೋರ್ಟ್ ನಿರಾರಿಸಿದೆ. ಸಲಿಂಗ ಜೋಡಿ ಮದುವೆಯಾಗುವ ಹಕ್ಕನ್ನು ನ್ಯಾಯಾಂಗ ಗುರುತಿಸುವುದಿಲ್ಲ. ಈ ವಿಷಯದ ಬಗ್ಗೆ ಕಾನೂನು ರೂಪಿಸುವುದು ಸಂಸತ್ತು ಅಥವಾ ರಾಜ್ಯ ಶಾಸಕಾಂಗಕ್ಕೆ ಬಿಟ್ಟಿದ್ದು ಎಂದು ತೀರ್ಪಿನಲ್ಲಿ ತಿಳಿಸಿದೆ. ಇದನ್ನೂ ಓದಿ: ಸಲಿಂಗ ವಿವಾಹಕ್ಕೆ ನಟ ಚೇತನ್‌ ಬೆಂಬಲ
ವಿಶೇಷ ವಿವಾಹ ಕಾಯ್ದೆಗೆ ಸಲಿಂಗ ಒಕ್ಕೂಟವನ್ನ ಏಕೆ ಸೇರಿಸಲಿಲ್ಲ?
* ವಿಶೇಷ ವಿವಾಹ ಕಾಯ್ದೆ ವಿಷಯವನ್ನು ಸಂಸತ್ತು ನಿರ್ಧರಿಸಬೇಕು. ವಿಶೇಷ ವಿವಾಹ ಕಾಯ್ದೆಯ ಸೆಕ್ಷನ್‌ 4 ಅನ್ನು ರದ್ದುಪಡಿಸಿದರೆ ಪ್ರಗತಿಪರ ಶಾಸನದ ಪ್ರಯೋಜನಗಳನ್ನು ಕಳೆದುಕೊಳ್ಳಬೇಕಾಗುವ ಅಪಾಯವಿದೆ. ಇದು ದೇಶವನ್ನು ಸ್ವಾತಂತ್ರ್ಯಪೂರ್ವ ಯುಗಕ್ಕೆ ಕೊಂಡೊಯ್ಯಲಿದೆ. ಭಾರತೀಯ ಉತ್ತರಾಧಿಕಾರ ಕಾಯ್ದೆ ಅಥವಾ ಹಿಂದೂ ಉತ್ತರಾಧಿಕಾರ ಕಾಯ್ದೆಯನ್ನು ಒಮ್ಮೆ ಗಮನಿಸಿದರೆ ಈ ಪ್ರಕರಣವು ಶಾಸಕಾಂಗದ ವ್ಯಾಪ್ತಿಗೆ ಸೇರುತ್ತದೆ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
