Tag: Kylie jenner

ವಾಷಿಂಗ್ಟನ್: ಸೆಲೆಬ್ರೆಟಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಹಣ ಗಳಿಸುವ ಸಂಗತಿ ಸಾಮಾನ್ಯವಾಗಿ ಎಲ್ಲರಿಗು ತಿಳಿದಿರುತ್ತೆ. ಇನ್‍ಸ್ಟಾಗ್ರಾಮ್‍ನಲ್ಲಿ ಒಂದು ಪೋಸ್ಟ್ ಮಾಡಿದರೆ ಸಾಕು ಇವರ ಖಾತೆಗೆ ಕೋಟ್ಯಂತರ ರೂ. ಬಂದು ಬೀಳುತ್ತೆ. ಹೀಗೆಯೇ ಇನ್‍ಸ್ಟಾಗ್ರಾಮ್‍ನಲ್ಲಿ ಅತೀ ಹೆಚ್ಚು ಹಣ ಗಳಿಸುವವರ ಪಟ್ಟಿಯಲ್ಲಿ 21 ವರ್ಷದ ಅಮೆರಿಕ ಮಾಡೆಲ್ ಕೈಲಿ ಜೆನ್ನರ್ ವಿಶ್ವದಲ್ಲೇ ನಂ.1 ಸ್ಥಾನದಲ್ಲಿದ್ದಾರೆ.

ಹೌದು. ಕೇವಲ 21ರ ವಯಸ್ಸಿನಲ್ಲೇ ಕೈಲಿ ಜೆನ್ನರ್ ಇನ್‍ಸ್ಟಾಗ್ರಾಮ್ ಒಂದು ಪೋಸ್ಟ್ ಗೆ ಬರೋಬ್ಬರಿ 8.74 ಕೋಟಿ ರೂ. ಹಣವನ್ನು ಗಳಿಸುತ್ತಿದ್ದಾರೆ. ಇನ್ ಸ್ಟಾಗ್ರಾಮ್ ಟೂಲ್ ಹೂಪರ್ ‘ಇನ್ ಸ್ಟಾಗ್ರಾಮ್ ಶ್ರೀಮಂತರ ಪಟ್ಟಿ 2019’ ಬಿಡುಗಡೆ ಮಾಡಿದೆ. ಈ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಪಡೆಯುವ ಮೂಲಕ ವಿಶ್ವದಲ್ಲೇ ಅತೀ ಹೆಚ್ಚು ಹಣ ಗಳಿಸುವ ಸೆಲೆಬ್ರೆಟಿಯಾಗಿ ಹೊರ ಹೊಮ್ಮಿದ್ದಾರೆ.

ಮೂಲತಃ ಕ್ಯಾಲಿಫೋರ್ನಿಯಾದ ಲಾಸ್ ಎಂಜಲೀಸ್‍ನವರಾದ ಕೈಲಿ, ಕೇವಲ ಮಾಡೆಲ್ ಮಾತ್ರವಲ್ಲದೆ, ಉದ್ಯಮಿ ಕೂಡ ಆಗಿದ್ದಾರೆ. ಕೈಲಿ ವಿಶ್ವದಲ್ಲೇ ಅತೀ ಹೆಚ್ಚು ಮಂದಿ ಫಾಲೋವರ್ಸ್ ಇರುವ ಸೆಲೆಬ್ರೆಟಿ ಆಗಿದ್ದಾರೆ. ಇವರು ಇನ್‍ಸ್ಟಾಗ್ರಾಮ್‍ನಲ್ಲಿ ಬರೋಬ್ಬರಿ 13.92 ಕೋಟಿ ಫಾಲೋವರ್ಸ್ ಹೊಂದಿದ್ದಾರೆ. ಅಲ್ಲದೆ ಇವರ ಒಂದು ಇನ್‍ಸ್ಟಾ ಪೋಸ್ಟ್ ಗೆ ಬರೋಬ್ಬರಿ 8.74 ಕೋಟಿ ರೂ.(1.2 ಮಿಲಿಯನ್ ಡಾಲರ್) ಪಡೆಯುತ್ತಾರೆ.

ಈ ಮೂಲಕ ಇನ್‍ಸ್ಟಾಗ್ರಾಮ್‍ಯಿಂದ ವಿಶ್ವದಲ್ಲೇ ಅತೀ ಹೆಚ್ಚು ಹಣ ಗಳಿಸುವ ಕಿರಿಯ ಸೆಲೆಬ್ರೆಟಿ ಎನಿಸಿಕೊಂಡಿದ್ದಾರೆ. ಅಲ್ಲದೆ ಅತೀ ಕಿರಿಯ ವಯಸ್ಸಿನಲ್ಲೇ ಕೊಟ್ಯಧಿಪತಿ ಆಗಿ, ವಿಶ್ವದ ಕಿರಿಯ ಬಿಲಿಯನೇರ್ ಆಗಿದ್ದಾರೆ. ಕಳೆದ ಬಾರಿ ಫೋಬ್ರ್ಸ್ ಬಿಡುಗಡೆ ಮಾಡಿದ್ದ ಇನ್‍ಸ್ಟಾ ಪೋಸ್ಟ್ ಮೂಲಕ ಹೆಚ್ಚು ಗಳಿಸುವ ಸೆಲೆಬ್ರೆಟಿ ಪಟ್ಟಿಯಲ್ಲಿ ಕೂಡ ಕೈಲಿ ಮೊದಲ ಸ್ಥಾನದಲ್ಲಿದ್ದರು. ಕಳೆದ ವರ್ಷ ಅವರು ಇನ್‍ಸ್ಟಾದ ಒಂದು ಪೋಸ್ಟ್ ಗೆ 1 ಮಿಲಿಯನ್ ಡಾಲರ್(6.86 ಕೋಟಿ ರೂ.) ಗಳಿಸುತ್ತಿದ್ದರು.

ಆಗಸ್ಟ್ 10 1997ರಲ್ಲಿ ಜನಿಸಿದ ಕೈಲಿ ಲಾರೆಲ್ ಸ್ಪ್ರಿಂಗ್ ಸ್ಕೂಲ್‍ನಲ್ಲಿ ಕೈಲಿ ಹೈಸ್ಕೂಲ್ ಡಿಪ್ಲೋಮಾ ಮಾಡಿದ್ದಾರೆ. 2007ರಲ್ಲಿ ಆರಂಭವಾಗಿದ್ದ ಟಿವಿ ಸೀರಿಸ್ ‘ಕೀಪಿಂಗ್ ಅಪ್ ವಿತ್ ಕಾಡ್ರ್ಯಾಷಿಯನ್ಸ್’ ಮೂಲಕ ನಟನಾ ಜಗತ್ತಿಗೆ ಕೈಲಿ ಪರಿಚಯವಾದರು. ಬಳಿಕ 2015ರಲ್ಲಿ ‘ಕೈಲಿ ಕಾಸ್ಮೆಟಿಕ್ಸ್’ ಹೆಸರಿನಲ್ಲಿ ತಮ್ಮದೇ ಸ್ವಂತ ಕಾಸ್ಮೆಟಿಕ್ ಕಂಪನಿಯನ್ನು ಕೈಲಿ ಆರಂಭಿಸಿದರು. ಕಿರುತೆರೆ, ಹಾಲಿವುಡ್, ಮ್ಯೂಸಿಕ್ ವಿಡಿಯೋ, ಉದ್ಯಮ ಹೀಗೆ ಹಲವು ಕ್ಷೇತ್ರದಲ್ಲಿ ಕೈಲಿ ಹೆಸರು ಮಾಡಿದ್ದಾರೆ. 2013ರಲ್ಲಿ ಟೀನ್ ವಾಯ್ಸ್ ಅವಾರ್ಡ್ ಕೂಡ ಕೈಲಿ ಗಳಿಸಿದ್ದಾರೆ.

ಲವ್ ಲೈಫ್‍ನಲ್ಲಿ ಕೈಲಿ ಸಾಕಷ್ಟು ಕಾಂಟ್ರೊವರ್ಸಿ ಮಾಡಿಕೊಂಡು ಕೈಲಿ ಭಾರೀ ಸುದ್ದಿಯಾಗಿದ್ದರು. ಸದ್ಯ ಕೈಲಿ ಅಮೆರಿಕನ್ ರ್ಯಾಪರ್ ಟ್ರಾವಿಸ್ ಸ್ಕಾಟ್ ಜೊತೆ ರಿಲೆಷನ್ ಶಿಪ್‍ನಲ್ಲಿದ್ದು, ಕೈಲಿಗೆ ಒಂದು ಹೆಣ್ಣು ಮಗು ಕೂಡ ಇದೆ.