ಬಂಗಾಳ ಶೈಲಿಯ ಮಟನ್ ಕರಿ ಕೋಶಾ ಮಾಂಗ್ಶೋ ಕಟುವಾದ ಮಸಾಲೆಯುಕ್ತ ಅಡುಗೆಯಾಗಿದ್ದು, ಮೊಸರು ಮತ್ತು ಸಾಸಿವೆ ಎಣ್ಣೆಯಿಂದ ಇದರ ಘಮ ವಿಶಿಷ್ಟತೆ ಪಡೆಯುತ್ತದೆ. ನಿಧಾನವಾಗಿ ಬೇಯಿಸಲಾಗುವ ಮಟನ್‌ನ ಈ ಕರಿ ಪ್ರತಿಯೊಬ್ಬ ಬಂಗಾಳಿ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಹೊಂದಿದೆ. ವಿಶೇಷ ಸಂದರ್ಭಗಳಲ್ಲಿ ತಯಾರಿಸಲಾಗುವ ಈ ನಾನ್ ವೆಜ್ ರೆಸಿಪಿಯನ್ನೊಮ್ಮೆ ನೀವೂ ಟ್ರೈ ಮಾಡಿ.
ಬೇಕಾಗುವ ಪದಾರ್ಥಗಳು:
ಮಟನ್ – 1 ಕೆಜಿ
ಸಿಪ್ಪೆ ಸುಲಿದು ಹೆಚ್ಚಿಕೊಂಡ ಆಲೂಗಡ್ಡೆ – 2
ಮೊಸರು – ಮುಕ್ಕಾಲು ಕಪ್
ಸಾಸಿವೆ ಎಣ್ಣೆ – 5 ಟೀಸ್ಪೂನ್
ಜೀರಿಗೆ – 1 ಟೀಸ್ಪೂನ್
ಲವಂಗ – 1 ಟೀಸ್ಪೂನ್
ಏಲಕ್ಕಿ – 2
ದಾಲ್ಚಿನ್ನಿ ಚಕ್ಕೆ – 1 ಇಂಚು
ಸೋಂಪು – 1 ಟೀಸ್ಪೂನ್
ಹೆಚ್ಚಿದ ಈರುಳ್ಳಿ – 600 ಗ್ರಾಂ
ಅರಿಶಿನ ಪುಡಿ – 1 ಟೀಸ್ಪೂನ್
ಗರಂ ಮಸಾಲೆ ಪುಡಿ – 2 ಟೀಸ್ಪೂನ್
ಕೊತ್ತಂಬರಿ ಪುಡಿ – 3 ಟೀಸ್ಪೂನ್
ಮೆಣಸಿನ ಪುಡಿ – 2 ಟೀಸ್ಪೂನ್
ಜೀರಿಗೆ ಪುಡಿ – 3 ಟೀಸ್ಪೂನ್
ಸೀಳಿದ ಹಸಿರು ಮೆಣಸಿನಕಾಯಿ – 5
ಹೆಚ್ಚಿದ ಶುಂಠಿ – 2 ಟೀಸ್ಪೂನ್
ಹೆಚ್ಚಿದ ಬೆಳ್ಳುಳ್ಳಿ – 2 ಟೀಸ್ಪೂನ್
ಒಣ ಕೆಂಪು ಮೆಣಸಿನಕಾಯಿ – 3
ತುಪ್ಪ – 2 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ನೀರು – ಅಗತ್ಯಕ್ಕೆ ತಕ್ಕಂತೆ ಇದನ್ನೂ ಓದಿ: ಟೇಸ್ಟಿ ಚೈನೀಸ್ ಪೆಪ್ಪರ್ ಚಿಕನ್
ಮಾಡುವ ವಿಧಾನ:
* ಮೊದಲಿಗೆ ಮಾಂಸಕ್ಕೆ ಶುಂಠಿ ಪೇಸ್ಟ್, ಬೆಳ್ಳುಳ್ಳಿ ಪೇಸ್ಟ್, 2 ಟೀಸ್ಪೂನ್ ಸಾಸಿವೆ ಎಣ್ಣೆ, 2-3 ಟೀಸ್ಪೂನ್ ಮೊಸರು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.
* ಸುಮಾರು 8 ಗಂಟೆಗಳ ಕಾಲ ಈ ಮಿಶ್ರಣವನ್ನು ಫ್ರಿಜ್‌ನಲ್ಲಿಡಿ.
* ಭಾರವಾದ ತಳದ ಕಬ್ಬಿಣದ ಕಡಾಯಿಗೆ ಉಳಿದ ಸಾಸಿವೆ ಎಣ್ಣೆಯನ್ನು ಹಾಕಿ, ಈರುಳ್ಳಿಯನ್ನು ಸೇರಿಸಿ ಹುರಿಯಿರಿ.
* ಒಣಗಿದ ಕೆಂಪು ಮೆಣಸಿನಕಾಯಿಯನ್ನು ಸೇರಿಸಿ.
* ಈರುಳ್ಳಿ ಹುರಿಯುತ್ತಿರುವ ವೇಳೆ ಬ್ಲೆಂಡರ್‌ಗೆ ಹೆಚ್ಚಿದ ಶುಂಠಿ, ಬೆಳ್ಳುಳ್ಳಿ, ಹಸಿರು ಮೆಣಸಿನಕಾಯಿಗಳನ್ನು ಹಾಕಿ ಒರಟಾದ ಪೇಸ್ಟ್‌ನಂತೆ ರುಬ್ಬಿಕೊಳ್ಳಿ.
* ಈರುಳ್ಳಿಗೆ ಈ ಪೇಸ್ಟ್ ಸೇರಿ, ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಹುರಿಯಿರಿ.
* ಈಗ ಗರಂ ಮಸಾಲಾ ಪುಡಿ, ಅರಿಶಿನ ಪುಡಿ, ಕೊತ್ತಂಬರಿ ಪುಡಿ, ಮೆಣಸಿನ ಪುಡಿ, ಜೀರಿಗೆ ಪುಡಿಯನ್ನು ಸ್ವಲ್ಪ ನೀರಿನೊಂದಿಗೆ ಬೆರೆಸಿ ಮಸಾಲೆ ಪೇಸ್ಟ್ ಮಾಡಿ.
* ಇದನ್ನು ಈರುಳ್ಳಿ ಮಿಶ್ರಣಕ್ಕೆ ಸೇರಿಸಿ.
* ಮ್ಯಾರಿನೇಟ್ ಮಾಡಿದ ಮಟನ್ ಸೇರಿಸಿ, ಉರಿಯನ್ನು ಕಡಿಮೆ ಇಟ್ಟು ಸುಮಾರು 90 ನಿಮಿಷಗಳ ಕಾಲ ಮುಚ್ಚಿ ಮತ್ತು ಬೇಯಿಸಿಕೊಳ್ಳಿ.
* ಮಟನ್ ಸುಡದಂತೆ ಆಗಾಗ ಅದನ್ನು ಪರೀಕ್ಷಿಸುತ್ತಿರಿ. ತಳ ಹಿಡಿಯದಂತೆ ತಡೆಯಲು ಸ್ವಲ್ಪ ಪ್ರಮಾಣದಲ್ಲಿ ನೀರನ್ನು ಸಿಂಪಡಿಸುತ್ತಿರಿ.
* ಈಗ ಉಳಿದ ಮೊಸರನ್ನು ಚೆನ್ನಾಗಿ ವಿಪ್ ಮಾಡಿಕೊಂಡು, ಮಟನ್ ಮಿಶ್ರಣಕ್ಕೆ ಸೇರಿಸಿ.
* ಹೆಚ್ಚಿದ ಆಲೂಗಡ್ಡೆ ಸೇರಿಸಿ, ನೀರು ಆವಿಯಾಗುವವರೆಗೆ ಮಾಂಸವನ್ನು ಬೇಯಿಸುವುದನ್ನು ಮುಂದುವರಿಸಿ.
* ಉಪ್ಪು ಬೆರೆಸಿ, ಮಟನ್ ಮೆತ್ತಗಾಗುವವರೆಗೆ ನಿಧಾನವಾಗಿ ಬೇಯಿಸುವುದನ್ನು ಮುಂದುವರಿಸಿ.
* ಈಗ ಉರಿಯನ್ನು ಆಫ್ ಮಾಡಿ, ತುಪ್ಪವನ್ನು ಸೇರಿಸಿ, ನಿಧಾನವಾಗಿ ಬೆರೆಸಿ.
* ಇದೀಗ ಬೆಂಗಾಲಿ ಮಟನ್ ಕರಿ ಕೋಶಾ ಮಾಂಗ್ಶೋ ಸವಿಯಲು ಸಿದ್ಧವಾಗಿದೆ. ಇದನ್ನೂ ಓದಿ: ಪಾರ್ಟಿಗೆ ಸ್ಟಾರ್ಟರ್ – ಮಟನ್ ಶಮಿ ಕಬಾಬ್ ಮಾಡಿ ನೋಡಿ
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]