ಕೊರೊನಾ ಲಾಕ್‍ಡೌನ್ ಹಿನ್ನೆಲೆಯಲ್ಲಿ ಜನರು ಗೃಹಬಂಧನದಲ್ಲಿದ್ದಾರೆ. ಹಿರಿಯರು ಹೇಗೋ ಮನೆಯಲ್ಲಿ ಟೈಂ ಪಾಸ್ ಮಾಡ್ತಾರೆ. ಕುಟುಂಬಸ್ಥರು ಜೊತೆಯಾಗಿ ಇರೋದರಿಂದ ಸಂಜೆ ಏನಾದ್ರೂ ಸ್ನಾಕ್ಸ್ ಬೇಕೇ ಬೇಕು. ಸರ್ಕಾರ ಲಾಕ್‍ಡೌನ್ ಘೋಷಿಸುವದರಿಂದ ಹೊರಗಡೆ ಹೋಗುವ ಹಾಗಿಲ್ಲ. ಹಾಗಾಗಿ ಆರೋಗ್ಯಕರವಾದ ಕಾಬೂಲ್ ಕಡಲೆ ಫೈ ಮಾಡಿಕೊಳ್ಳಿ.
ಬೇಕಾಗುವ ಸಾಮಗ್ರಿಗಳು
ಕಾಬೂಲ್ ಕಡಲೆ – 1/4 ಕೆಜಿ
ಉಪ್ಪು – ರುಚಿಗೆ ತಕ್ಕಷ್ಟು
ಖಾರದ ಪುಡಿ – ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ
* ಮೊದಲು ಕಾಬೂಲ್ ಕಡಲೆಯನ್ನು ಕುಕ್ಕರ್‍ಗೆ ಹಾಕಿ 1 ಕೂಗು ಕೂಗಿಸಿಕೊಳ್ಳಿ ಅಥವಾ ಒಂದು ದಿನವಿಡೀ ನೀರಿನಲ್ಲಿ ನೆನಸಿಡಿ..
(ನೀರಿನಲ್ಲಿ ನೆನೆಸುವುದಕ್ಕಿಂತ ಕುಕ್ಕರ್‍ನಲ್ಲಿ ಕೂಗಿಸಿದ್ರೆ ಒಳ್ಳೆದು)
* ಈಗ ಕುಕ್ಕರ್ ನಿಂದ ಕಾಬೂಲ್ ಕಡಲೆಯನ್ನು ಸೋಸಿಕೊಳ್ಳಿ
* ಈಗ ಒಂದು ಬಾಣಲೆಗೆ ಎಣ್ಣೆ ಹಾಕಿ ಕಾಯಲು ಬಿಡಿ
* ಎಣ್ಣೆ ಕಾದ ಮೇಲೆ ಸಣ್ಣ ಸಣ್ಣ ತೂತಿರುವ ಜಾಲರಿಯೊಳಗೆ ಕಾಬೂಲ್ ಕಡಲೆಯನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಿ
* ಹೀಗೆ ಎಲ್ಲಾ ಕಾಬೂಲ್ ಕಡಲೆಯನ್ನು ಫ್ರೈ ಮಾಡಿಕೊಳ್ಳಿ
* ಈಗ ಒಂದು ಮಿಕ್ಸಿಂಗ್ ಬೌಲ್‍ಗೆ ಫ್ರೈ ಮಾಡಿದ ಕಾಬೂಲ್ ಕಡಲೆಯನ್ನು ಹಾಕಿಕೊಂಡು ರುಚಿಗೆ ತಕ್ಕಷ್ಟು ಉಪ್ಪು, ಖಾರವನ್ನು ಮಿಕ್ಸ್ ಮಾಡಿ