-ಶೇ.48ರಷ್ಟು ಮತಗಳಿಂದ ನನ್ನ ಜಯ
ಡೆಹರಾಡೂನ್: ನನ್ನ ವಿಧಾನಸಭಾ ಕ್ಷೇತ್ರದ ಶೇ.52ರಷ್ಟು ಭಾಗದಲ್ಲಿ ಪಾಕಿಸ್ತಾನವಿದೆ. ನಾನು ಕೇವಲ ಶೇ.48ರಷ್ಟು ಮತಗಳನ್ನು ಪಡೆದು ಶಾಸಕನಾಗಿದ್ದೇನೆ ಎಂದು ಬಿಜೆಪಿ ಶಾಸಕ ಸುರೇಶ್ ರಾಠೋಡ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಹರಿದ್ವಾರ ಜಿಲ್ಲೆಯ ಜ್ವಾಲಾಪುರ ಕ್ಷೇತ್ರದ ಶಾಸಕ ಸುರೇಶ್ ರಾಠೋಡ ಹೇಳಿಕೆ ಉತ್ತರಾಖಂಡನಲ್ಲಿ ಸಂಚಲನ ಮೂಡಿಸಿದೆ. ರಸ್ತೆ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಶಾಸಕರು, ಈ ರಸ್ತೆ 67 ಕಿ.ಮೀ. ಉದ್ದವಿದೆ. ನನ್ನ ಕ್ಷೇತ್ರವು 67 ಕಿ.ಮೀ. ಇದೆ. ಈ ರಸ್ತೆಯ ಒಟ್ಟಾರೆ ಶೇ.52 ರಷ್ಟು ಭಾಗ ಪಾಕಿಸ್ತಾನ ಇದೆ. ಈ ಏರಿಯಾ ಸಂಪೂರ್ಣವಾಗಿ ಪಾಕಿಸ್ತಾನದಂತಿದೆ. ಉಳಿದ ಶೇ.48ರಷ್ಟು ಭಾಗದಲ್ಲಿಯ ಜನರ ಮತಗಳಿಂದ ಶಾಸಕನಾಗಿದ್ದೇನೆ ಎಂದು ಹೇಳುವ ಮೂಲಕ ಮುಸ್ಲಿಂರು ತಮಗೆ ಮತ ನೀಡಿಲ್ಲ ಎಂದರು.
ಶಾಸಕರು ಒಂದು ಸಮುದಾಯ ಜನರನ್ನು ಉದ್ದೇಶಿಸಿ ಮಾತನಾಡುವಾಗ ಈ ಹೇಳಿಕೆ ನೀಡುವ ಮೂಲಕ ಕ್ಷೇತ್ರವನ್ನು ವಿಭಜಿಸುವ ಹುನ್ನಾರ ನಡೆಸಿದ್ದಾರೆ. ಶಾಸಕರು ತಮ್ಮ ಈ ಮಾತುಗಳಿಂದ ಒಂದು ಸಮುದಾಯದ ಜನರನ್ನು ಒಲೈಸುವ ರಾಜಕಾರಣಕ್ಕೆ ಮುಂದಾಗಿರೋದು ದುರಂತ. ವಿವಾದಾತ್ಮಕ ಹೇಳಿಕೆ ಮೂಲಕ ಶಾಂತಿ ಕದಡಲು ಶಾಸಕರು ಮುಂದಾಗುತ್ತಿದ್ದಾರೆ ಎಂದು ಸ್ಥಳೀಯ ವಿಪಕ್ಷ ಮುಖಂಡರು ಆರೋಪಿಸಿದ್ದಾರೆ.
Suresh Rathore,BJP Uttarakhand MLA from Jawalapur: The road is 67km long,my territory is 67km long. 52% of that portion is of Pakistan only, That 'total Pak' area also falls in my share.I win on basis of votes of rest 48% portion.Our politics is based on votes in this 48% (07.10) pic.twitter.com/NJCn0qAoZ1
— ANI (@ANI) October 7, 2019
ಜ್ವಾಲಾಪುರ ಕ್ಷೇತ್ರ ಹೆಚ್ಚು ಮುಸ್ಲಿಂ ಮತದಾರರನ್ನು ಹೊಂದಿದೆ. 2012ರಿಂದ ಜ್ವಾಲಾಪುರದಿಂದ ಬಿಜೆಪಿ ಅಭ್ಯರ್ಥಿಗಳು ಗೆಲುವು ದಾಖಲಿಸುತ್ತಾ ಬಂದಿದ್ದಾರೆ. ಶಾಸಕರ ಹೇಳಿಕೆಗೆ ಉತ್ತರಾಖಂಡ ರಾಜ್ಯದಲ್ಲಿ ಭಾರೀ ಆಕ್ರೋಶ ವ್ಯಕ್ತವಾಗಿದೆ. ಇತ್ತ ಸಾಮಾಜಿಕ ಜಾಲತಾಣಗಳಲ್ಲಿ ಪರ-ವಿರೋಧ ಚರ್ಚೆಗಳು ಆರಂಭಗೊಂಡಿದೆ. ಇದುವರೆಗೂ ಶಾಸಕ ಸುರೇಶ್ ಮಾತ್ರ ಯಾವುದೇ ಸ್ಪಷ್ಟನೆ ನೀಡದೇ ಮೌನವಾಗಿದ್ದಾರೆ.