Bloggers Unite

Tag: IPL

  • ಮತ್ತಷ್ಟು ರಂಜನೆ ನೀಡಲು ಐಪಿಎಲ್ 11ನೇ ಅವೃತ್ತಿಯಲ್ಲಿ ಬದಲಾಯ್ತು ನಿಯಮಗಳು!

    ಮತ್ತಷ್ಟು ರಂಜನೆ ನೀಡಲು ಐಪಿಎಲ್ 11ನೇ ಅವೃತ್ತಿಯಲ್ಲಿ ಬದಲಾಯ್ತು ನಿಯಮಗಳು!

    ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ ಆರಂಭದೊಂದಿಗೆ ಕ್ರಿಕೆಟ್ ಅಭಿಮಾನಿಗಳಿಗೆ ಭಾರೀ ಮನೋರಂಜನೆ ದೊರೆಯುತ್ತಿದ್ದು. ಟೀಂ ಫ್ರಾಂಚೈಸಿಗಳು ಟೂರ್ನಿಯಲ್ಲಿ ಹಣದ ಹೊಳೆಯನ್ನೇ ಹರಿಸಿದ್ದಾರೆ. ಇದರೊಂದಿಗೆ 11 ನೇ ಆವೃತ್ತಿಯ ಟೂರ್ನಿ ಹಲವು ವಿಶೇಷತೆಗಳಿಗೆ ಕಾರಣವಾಗಿದೆ.

    ಮಿಡ್ ಸೀಸನ್ ಟ್ರಾನ್ಸ್ ಫಾರ್: ಟೂರ್ನಿಯಲ್ಲಿ ಪ್ರಮುಖವಾಗಿ `ಮಿಡ್ ಸೀಸನ್ ಟ್ರಾನ್ಸ್ ಫಾರ್’ ಎಂಬ ಹೊಸ ನಿಯಮ ಜಾರಿಗೆಯಾಗಿದೆ. ಈ ನಿಯಮದ ಪ್ರಕಾರ ಟೂರ್ನಿಯಲ್ಲಿ ಯಾವುದೇ ಪಂದ್ಯವನ್ನು ಆಡದ ಆಟಗಾರರು ಹರಾಜದ ತಂಡದ ಬದಲಾಗಿ ಬೇರೆಂದು ತಂಡ ಸೇರಲು ಅವಕಾಶ ನೀಡಲಾಗಿದೆ. ಅಲ್ಲದೇ ಈ ವೇಳೆ ಎರಡು ಪಂದ್ಯ ಮತ್ತು ಅದಕ್ಕಿಂತ ಕಡಿಮೆ ಪಂದ್ಯಗಳನ್ನು ಆಡಿದ್ದರೂ, ತಂಡದ ಬದಲಾವಣೆಗೆ ಅವಕಾಶವಿದೆ.

     

    ಮಿಡ್ ಸೀಸನ್ ಟ್ರಾನ್ಸ್ ಫಾರ್ ನಿಯಮ ಟೂರ್ನಿಯ ಮಧ್ಯದಲ್ಲಿ ಕೇವಲ 5 ದಿನಗಳು ಮಾತ್ರ ಅವಕಾಶ ನೀಡಲಾಗಿದೆ. 2016 ರ ಈ ನಿಯಮ ಜಾರಿಯಲ್ಲಿ ಇಲ್ಲದ ಕಾರಣ ಬೌಲರ್ ಡೇಲ್ ಸ್ಟೇನ್ನ್ ಸ್ಟೈನ್ ಗುಜರಾತ್ ಲಯನ್ಸ್ ಪರ ಆಡಲು ಸಾಧ್ಯವಾಗಿರಲ್ಲ. ಹಲವು ಆಟಗಾರರು ಇಂತಹ ಸಮಸ್ಯೆಯನ್ನು ಎದುರಿಸಿದ್ದರು.

    ಡಿಆರ್ ಎಸ್: ಐಸಿಸಿ ಹಾಗೂ ಅಂತರಾಷ್ಟ್ರೀಯ ಟಿ20 ಕ್ರಿಕೆಟ್ ಪಂದ್ಯಗಳಲ್ಲಿ ಜಾರಿ ಇದ್ದ ತೀರ್ಪು ಪುನರ್ ಪರಿಶೀಲನೆ ನೀಡುವ ನಿಯಮವನ್ನು ಜಾರಿ ಮಾಡಲಾಗಿದೆ. ಪಂದ್ಯದ ವೇಳೆ ಪ್ರತಿ ತಂಡಕ್ಕೂ ಒಂದು ಮನವಿಯನ್ನು ಸಲ್ಲಿಸುವ ಅವಕಾಶ ನೀಡಲಾಗಿದೆ.

    ಡಿಆರ್ ಎಸ್ ನಿಯಮವನ್ನು ಐಪಿಎಲ್ ಟೂರ್ನಿಯಲ್ಲಿ ಜಾರಿಗೆ ತರಲು ಹಲವು ವರ್ಷಗಳಿಂದ ಚಿಂತನೆ ನಡೆಸಲಾಗಿತ್ತು. ಇದರ ಭಾಗವಾಗಿ 11 ನೇ ಆವೃತ್ತಿಯಲ್ಲಿ ಈ ನಿಯಮವನ್ನು ಜಾರಿಗೆ ತರಲಾಗಿದೆ ಎಂದು ಐಪಿಎಲ್ ಮುಖ್ಯಸ್ಥ ರಾಜೀವ್ ಶುಕ್ಲಾ ಸ್ಪಷ್ಟನೆ ನೀಡಿದ್ದಾರೆ.

    ದೂರದರ್ಶನದಲ್ಲಿ ಐಪಿಎಲ್: ದೇಶದ ಗ್ರಾಮೀಣ ಭಾಗದ ಜನರಿಗೂ ಐಪಿಎಲ್ ತಲುಪಿಸುವ ಭಾಗವಾಗಿ ದೂದರ್ಶನದಲ್ಲೂ ಐಪಿಎಲ್ ಪಂದ್ಯಗಳ ಪ್ರಸಾರ ಮಾಡಲು ಅವಕಾಶ ನೀಡಲಾಗಿದೆ. ಈ ಕುರಿತು ನೇರ ಪ್ರಸಾರದ ಹಕ್ಕುಗಳನ್ನು ಖರೀದಿಸಿರುವ ಸ್ಟಾರ್ ವಾಹಿಯೂ ಅನುಮತಿ ನೀಡಿದೆ. ಆದರೆ ಸ್ಟಾರ್ ವಾಹಿನಿಯಲ್ಲಿ ಪ್ರಸಾರವಾದ ಒಂದು ಗಂಟೆ ತಡವಾಗಿ ದೂರದರ್ಶನದಲ್ಲಿ ಪ್ರಸಾರವಾಗಲಿದೆ.

    ವರ್ಚುವಲ್ ರಿಯಾಲಿಟಿ: ಅಂತರ್ಜಾಲದಲ್ಲಿ ಕ್ರಿಕೆಟ್ ನೇರ ಪ್ರಸಾರ ಮಾಡುತ್ತಿದ್ದ ಹಾಟ್ ಸ್ಟಾರ್ ಆ್ಯಪ್ ವರ್ಚುವಲ್ ರಿಯಾಲಿಟಿ ಸೇವೆಯನ್ನು ನೀಡುತ್ತಿದೆ. ಈ ಮಾದರಿಯಲ್ಲಿ ಪಂದ್ಯವನ್ನು ನೋಡಲು ಗ್ರಾಹಕರು ಮಾರುಕಟ್ಟೆಯಲ್ಲಿ ಹೊಸ ವಿಆರ್ ಗ್ಲಾಸ್ ಗಳನ್ನು ಖರೀದಿಸಬೇಕಿದೆ. ಅಲ್ಲದೇ ವಿಆರ್ ಸೇವೆ ತಂತ್ರಜ್ಞಾನವನ್ನು ಹೊಂದಿರುವ ಮೊಬೈಲ್ ನಲ್ಲಿ ಮಾತ್ರ ಈ ಸೇವೆ ಪಡೆಯಲು ಸಾಧ್ಯವಿದೆ.

    ವಿಆರ್ ವಿಶೇಷತೆ: ಆ್ಯಪ್ ನಲ್ಲಿ ಗ್ರಾಹಕರು ಲೈವ್ ಪ್ರಸಾರವನ್ನು ಅರ್ಧ ಗಂಟೆಗಳ ಕಾಲ ನಿಲ್ಲಿಸಿ ಮತ್ತೆ ನೋಡಲು ಅವಕಾಶ ನೀಡಲಾಗಿದೆ. ವಿಆರ್ ಬಳಕೆ ಮಾಡುವುದರಿಂದ ಕ್ರೀಡಾಂಗಣದ 360 ಡಿಗ್ರಿ ಕೋನದಲ್ಲಿಯೂ ವಿಕ್ಷೀಸಬಹುದಾಗಿದೆ. ಇದರಿಂದ ಮೈದಾನದಲ್ಲೇ ಕುಳಿತು ನೋಡುತ್ತಿರುವ ಅನುಭವ ಪಡೆಯಬಹುದು ಎಂದು ಸ್ಟಾರ್ ಇಂಡಿಯಾ ವಾಹಿನಿಯ ನಿರ್ದೇಶಕ ಸಂಜಾಯ್ ಗುಪ್ತಾ ತಿಳಿಸಿದ್ದಾರೆ.

     

  • ಔಟಾದ ಕೊಹ್ಲಿಯನ್ನು ನಿಂದಿಸಿದ ಬೌಲರ್ ರಾಣಾ – ವಿಡಿಯೋ ವೈರಲ್

    ಔಟಾದ ಕೊಹ್ಲಿಯನ್ನು ನಿಂದಿಸಿದ ಬೌಲರ್ ರಾಣಾ – ವಿಡಿಯೋ ವೈರಲ್

    ಕೊಲ್ಕತ್ತಾ: ಭಾನುವಾರ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಕೊಲ್ಕತ್ತಾ ನೈಟ್ ರೈಡರ್ಸ್ ಪಂದ್ಯದಲ್ಲಿ ತನ್ನ ಬೌಲಿಂಗ್ ನಲ್ಲಿ ಔಟ್ ಆದ ಕೊಹ್ಲಿಯನ್ನು ರಾಣಾ ನಿಂದಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

    ಒಬ್ಬ ಕಿರಿಯ ಆಟಗಾರ ಭಾರತ ತಂಡದ ನಾಯಕನನ್ನು ನಿಂದಿಸಿದ್ದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಟೀಕೆ ವ್ಯಕ್ತವಾಗಿದೆ. ರಾಣಾ ಒಂದು ಓವರ್ ಎಸೆದು 11 ರನ್ ನೀಡಿ ಕೊಹ್ಲಿ ಮತ್ತು ಎಬಿಡಿ ವಿಲಿಯರ್ಸ್ ವಿಕೆಟ್ ಪಡೆದಿದ್ದರು.

    2 ವಿಕೆಟ್ ಕಳೆದು ಕೊಂಡು 127 ರನ್ ಗಳಿಸಿದ್ದ ಆರ್‌ಸಿಬಿ ಹಠಾತ್ ಎರಡು ವಿಕೆಟ್ ಕಳೆದುಕೊಂಡ ಪರಿಣಾಮ 14.3 ಓವರ್ ಗಳಲ್ಲಿ 127 ರನ್ ಗಳಿಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು.

    ಮೊದಲ ಪಂದ್ಯದಲ್ಲೇ ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ಕೋಲ್ಕತ್ತಾ ನೈಟ್ ರೈಡರ್ಸ್ ಗೆ ಶರಣಾಗಿದ್ದು, 4 ವಿಕೆಟ್ ಗಳಿಂದ ಗೆಲ್ಲುವ ಮೂಲಕ ಕೆಕೆಆರ್ ಶುಭಾರಂಭ ಮಾಡಿದೆ. 177 ರನ್ ಗಳ ಸವಾಲನ್ನು ಪಡೆದ ಕೋಲ್ಕತ್ತಾ 18.5 ಓವರ್ ಗಳಲ್ಲಿ 177 ರನ್ ಹೊಡೆಯುವ ಮೂಲಕ ಜಯದ ಖಾತೆ ತೆರೆದಿದೆ.

    ಆರ್‌ಸಿಬಿ ಗುರಿ ಬೆನ್ನತ್ತಿದ ಕೆಕೆಆರ್ ಆರಂಭಿಕ ಆಘಾತ ಕ್ರಿಸ್ ಲಿನ್ (5) ಪಡೆದ ಬಳಿಕವೂ ಸುನೀಲ್ ನರೇನ್ ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಉತ್ತಮ ಆರಂಭ ಪಡೆಯಿತು. ಕೇವಲ 17 ಎಸೆತಗಳಲ್ಲಿ 5 ಸಿಕ್ಸರ್ 4 ಬೌಂಡರಿಗಳಿಂದ ಅರ್ಧ ಶತಕ ಹೊಡೆದು ಔಟಾದರು. ಈ ವೇಳೆ ಉಮೇಶ್ ಯಾದವ್ ಮಿಂಚಿನ ದಾಳಿ ನಡೆಸಿ ನರೇನ್ (50), ರಾಬಿನ್ ಉತ್ತಪ್ಪ (13) ವಿಕೆಟ್ ಪಡೆದು ಕೆಕೆಆರ್ ವೇಗಕ್ಕೆ ಕಡಿವಾಣ ಹಾಕಿದರು.

    ಬಳಿಕ ಕ್ರೀಸಿಗಿಳಿದ ನಾಯಕ ದಿನೇಶ್ ಕಾರ್ತಿಕ್ ಹಾಗೂ ನಿತೀಶ್ ರಾಣಾ ನಿಧಾನಗತಿಯ ಬ್ಯಾಟಿಂಗ್ ನಡೆಸಿ ತಂಡಕ್ಕೆ ಚೇತರಿಕೆ ನೀಡಿದರು. ಈ ವೇಳೆ ತಲಾ ಎರಡು ಬೌಂಡರಿ, ಸಿಕ್ಸರ್ ಸಿಡಿಸಿದ್ದ ರಾಣಾ ವಾಷಿಂಗ್ಟನ್ ಸುಂದರ್ ಗೆ ವಿಕೆಟ್ ಒಪ್ಪಿಸಿದರು. ವಿಕೆಟ್ ಉರುಳುತ್ತಿದ್ದರೂ ದಿನೇಶ್ ಕಾರ್ತಿಕ್ ಔಟಾಗದೇ 35 ರನ್(29 ಎಸೆತ, 4 ಬೌಂಡರಿ) ಸಿಡಿಸಿ ತಂಡಕ್ಕೆ ಜಯವನ್ನು ತಂದುಕೊಟ್ಟರು.

    ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ನಿಗದಿತ 20 ಓವರ್ ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 176 ರನ್ ಗಳಿಸಿತ್ತು. ಆರ್‌ಸಿಬಿ ಪರ ಬ್ಯಾಟಿಂಗ್ ಆರಂಭಿಸಿದ ಕ್ವಿಂಟನ್ ಡಿ ಕಾಕ್ 4 ರನ್ ಗಳಿಸಿ ಪೆವಿಲಿಯನ್ ಸೇರಿದರು. ಬಳಿಕ ಬಳಿಕ ಕ್ರೀಸಿಗಿಳಿದ ನಾಯಕ ಕೊಹ್ಲಿ, ಆರಂಭಿಕ ಆಟಗಾರ ಬ್ರೆಂಡನ್ ಮೆಕಲಮ್ ಜೊತೆ ಸೇರಿ ಬಿರುಸಿನ ಬ್ಯಾಟಿಂಗ್ ಮಾಡಿದರು. ಈ ವೇಳೆ 27 ಎಸೆತಗಳಲ್ಲಿ 43 ರನ್ ಗಳಿಸಿದ್ದ ಮೆಕಲಮ್ ಸುನೀಲ್ ನರೈನ್ ಬೌಲಿಂಗ್ ನಲ್ಲಿ ಬೌಲ್ಡ್ ಆದರು. ಎರಡನೇ ವಿಕೆಟ್ ಗೆ ಕೊಹ್ಲಿ, ಮೆಕಲಮ್ ಜೋಡಿ 41 ರನ್ ಜೊತೆಯಾಟ ನೀಡಿತ್ತು.

    ಬಳಿಕ ಸ್ಫೋಟಕ ಆಟಗಾರ ಎಬಿಡಿ 22 ಎಸೆತಗಳಲ್ಲಿ 5 ಸಿಕ್ಸರ್, 1 ಬೌಂಡರಿ ನೆರವಿನಿಂದ 44 ರನ್ ಸಿಡಿಸಿ 3ನೇ ವಿಕೆಟ್ ಗೆ 64 ರನ್ ಸೇರಿಸಿದರು. ಈ ವೇಳೆ 15ನೇ ಓವರ್‍ನ ಎಸೆದ ನಿತೀಶ್ ರಾಣಾ ಬೌಲಿಂಗ್ ನಲ್ಲಿ ಕ್ಯಾಚ್ ನೀಡಿ ಔಟಾದರು. ನಿಧಾನಗತಿಯ ಬ್ಯಾಟಿಂಗ್ ಮಾಡುತ್ತಿದ್ದ ಕೊಹ್ಲಿ 33 ಎಸೆತಗಳಲ್ಲಿ 31 ರನ್ ಗಳಿಸಿದ್ದ ವೇಳೆ ಇದೇ ಓವರ್ ನಲ್ಲಿ ಬೌಲ್ಡ್ ಆಗುವ ಮೂಲಕ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು. ಬಳಿಕ ಸರ್ಫರಾಜ್ ಖಾನ್ (6) ಬಂದಷ್ಟೇ ವೇಗದಲ್ಲಿ ಔಟಾದರು. ಇನ್ನಿಂಗ್ಸ್ ಕೊನೆಯಲ್ಲಿ ಮಂದೀಪ್ ಸಿಂಗ್ ಬಿರುಸಿನ ಆಟವಾಡಿ ಕೇವಲ 18 ಎಸೆತಗಳಲ್ಲಿ 2 ಸಿಕ್ಸರ್, 4 ಬೌಂಡರಿ ನೆರವಿನಿಂದ 37 ರನ್ ಸಿಡಿಸಿ ತಂಡದ ಸ್ಪರ್ಧಾತ್ಮಕ ಮೊತ್ತ ಗಳಿಸಲು ನೆರವಾದರು.

    ರೈಡರ್ಸ್ ಪರ ವಿನಯ್ ಕುಮಾರ್, ನಿತೀಶ್ ರಾಣಾ, 2 ಪಡೆದರೆ. ಜಾನ್ಸನ್ ಚಾವ್ಲಾ, ಸುನೀಲ್ ನರೇನ್ ತಲಾ ಒಂದು ವಿಕೆಟ್ ಪಡೆದರು.

    https://twitter.com/VinayTr85616518/status/983006469254721536

  • ನರೇನ್ ಸ್ಫೋಟಕ ಅರ್ಧಶತಕ- ಮೊದಲ ಪಂದ್ಯದಲ್ಲಿ ಮುಗ್ಗರಿಸಿದ ಆರ್‌ಸಿಬಿ

    ನರೇನ್ ಸ್ಫೋಟಕ ಅರ್ಧಶತಕ- ಮೊದಲ ಪಂದ್ಯದಲ್ಲಿ ಮುಗ್ಗರಿಸಿದ ಆರ್‌ಸಿಬಿ

    ಕೋಲ್ಕತ್ತಾ: ಮೊದಲ ಪಂದ್ಯದಲ್ಲೇ ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ಕೋಲ್ಕತ್ತಾ ನೈಟ್ ರೈಡರ್ಸ್ ಗೆ ಶರಣಾಗಿದೆ. 4 ವಿಕೆಟ್ ಗಳಿಂದ ಗೆಲ್ಲುವ ಮೂಲಕ ಕೆಕೆಆರ್ ಶುಭಾರಂಭ ಮಾಡಿದೆ.

    177 ರನ್ ಗಳ ಸವಾಲನ್ನು ಪಡೆದ ಕೋಲ್ಕತ್ತಾ 18.5 ಓವರ್ ಗಳಲ್ಲಿ 177 ರನ್ ಹೊಡೆಯುವ ಮೂಲಕ ಜಯದ ಖಾತೆ ತೆರೆಯಿತು.

    ಆರ್‌ಸಿಬಿ ಗುರಿ ಬೆನ್ನತ್ತಿದ ಕೆಕೆಆರ್ ಆರಂಭಿಕ ಆಘಾತ ಕ್ರಿಸ್ ಲಿನ್ (5) ಪಡೆದ ಬಳಿಕವೂ ಸುನೀಲ್ ನರೇನ್ ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಉತ್ತಮ ಆರಂಭ ಪಡೆಯಿತು. ಕೇವಲ 17 ಎಸೆತಗಳಲ್ಲಿ 5 ಸಿಕ್ಸರ್ 4 ಬೌಂಡರಿಗಳಿಂದ ಅರ್ಧ ಶತಕ ಹೊಡೆದು ಔಟಾದರು. ಈ ವೇಳೆ ಉಮೇಶ್ ಯಾದವ್ ಮಿಂಚಿನ ದಾಳಿ ನಡೆಸಿ ನರೇನ್ (50), ರಾಬಿನ್ ಉತ್ತಪ್ಪ (13) ವಿಕೆಟ್ ಪಡೆದು ಕೆಕೆಆರ್ ವೇಗಕ್ಕೆ ಕಡಿವಾಣ ಹಾಕಿದರು.

    ಬಳಿಕ ಕ್ರೀಸಿಗಿಳಿದ ನಾಯಕ ದಿನೇಶ್ ಕಾರ್ತಿಕ್ ಹಾಗೂ ನಿತೀಶ್ ರಾಣಾ ನಿಧಾನಗತಿಯ ಬ್ಯಾಟಿಂಗ್ ನಡೆಸಿ ತಂಡಕ್ಕೆ ಚೇತರಿಕೆ ನೀಡಿದರು. ಈ ವೇಳೆ ತಲಾ ಎರಡು ಬೌಂಡರಿ, ಸಿಕ್ಸರ್ ಸಿಡಿಸಿದ್ದ ರಾಣಾ ವಾಷಿಂಗ್ಟನ್ ಸುಂದರ್ ಗೆ ವಿಕೆಟ್ ಒಪ್ಪಿಸಿದರು. ವಿಕೆಟ್ ಉರುಳುತ್ತಿದ್ದರೂ ದಿನೇಶ್ ಕಾರ್ತಿಕ್ ಔಟಾಗದೇ 35 ರನ್(29 ಎಸೆತ, 4 ಬೌಂಡರಿ) ಸಿಡಿಸಿ ತಂಡಕ್ಕೆ ಜಯವನ್ನು ತಂದುಕೊಟ್ಟರು.

    ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ನಿಗದಿತ 20 ಓವರ್ ಗಳಲ್ಲಿ ಏಳು ವಿಕೆಟ್ ನಷ್ಟಕ್ಕೆ 176 ರನ್ ಗಳಿಸಿತ್ತು. ಆರ್ ಸಿ ಬಿ ಪರ ಬ್ಯಾಟಿಂಗ್ ಆರಂಭಿಸಿದ ಕ್ವಿಂಟನ್ ಡಿ ಕಾಕ್ 4 ರನ್ ಗಳಿಸಿ ಪೆವಿಲಿಯನ್ ಸೇರಿದರು. ಬಳಿಕ ಬಳಿಕ ಕ್ರೀಸಿಗಿಳಿದ ನಾಯಕ ಕೊಹ್ಲಿ, ಆರಂಭಿಕ ಆಟಗಾರ ಬ್ರೆಂಡನ್ ಮೆಕಲಮ್ ಜೊತೆ ಸೇರಿ ಬಿರುಸಿನ ಬ್ಯಾಟಿಂಗ್ ಮಾಡಿದರು. ಈ ವೇಳೆ 27 ಎಸೆತಗಳಲ್ಲಿ 43 ರನ್ ಗಳಿಸಿದ್ದ ಮೆಕಲಮ್ ಸುನೀಲ್ ನರೈನ್ ಬೌಲಿಂಗ್ ನಲ್ಲಿ ಬೌಲ್ಡ್ ಆದರು. ಎರಡನೇ ವಿಕೆಟ್ ಗೆ ಕೊಹ್ಲಿ, ಮೆಕಲಮ್ ಜೋಡಿ 41 ರನ್ ಜೊತೆಯಾಟ ನೀಡಿತ್ತು.

    ಬಳಿಕ ಸ್ಫೋಟಕ ಆಟಗಾರ ಎಬಿಡಿ 22 ಎಸೆತಗಳಲ್ಲಿ 5 ಸಿಕ್ಸರ್, 1 ಬೌಂಡರಿ ನೆರವಿನಿಂದ 44 ರನ್ ಸಿಡಿಸಿ 3ನೇ ವಿಕೆಟ್ ಗೆ 64 ರನ್ ಸೇರಿಸಿದರು. ಈ ವೇಳೆ 15ನೇ ಓವರ್‍ನ ಎಸೆದ ನಿತೀಶ್ ರಾಣಾ ಬೌಲಿಂಗ್ ನಲ್ಲಿ ಕ್ಯಾಚ್ ನೀಡಿ ಔಟಾದರು. ನಿಧಾನಗತಿಯ ಬ್ಯಾಟಿಂಗ್ ಮಾಡುತ್ತಿದ್ದ ಕೊಹ್ಲಿ 33 ಎಸೆತಗಳಲ್ಲಿ 31 ರನ್ ಗಳಿಸಿದ್ದ ವೇಳೆ ಇದೇ ಓವರ್ ನಲ್ಲಿ ಬೌಲ್ಡ್ ಆಗುವ ಮೂಲಕ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು. ಬಳಿಕ ಸರ್ಫರಾಜ್ ಖಾನ್ (6) ಬಂದಷ್ಟೇ ವೇಗದಲ್ಲಿ ಔಟಾದರು. ಇನ್ನಿಂಗ್ಸ್ ಕೊನೆಯಲ್ಲಿ ಮಂದೀಪ್ ಸಿಂಗ್ ಬಿರುಸಿನ ಆಟವಾಡಿ ಕೇವಲ 18 ಎಸೆತಗಳಲ್ಲಿ 2 ಸಿಕ್ಸರ್, 4 ಬೌಂಡರಿ ನೆರವಿನಿಂದ 37 ರನ್ ಸಿಡಿಸಿ ತಂಡದ ಸ್ಪರ್ಧಾತ್ಮಕ ಮೊತ್ತ ಗಳಿಸಲು ನೆರವಾದರು.

    ರೈಡರ್ಸ್ ಪರ ವಿನಯ್ ಕುಮಾರ್, ನಿತೀಶ್ ರಾಣಾ, 2 ಪಡೆದರೆ. ಜಾನ್ಸನ್ ಚಾವ್ಲಾ, ಸುನೀಲ್ ನರೇನ್ ತಲಾ ಒಂದು ವಿಕೆಟ್ ಪಡೆದರು.

  • ವಾರ್ನರ್ ದಾಖಲೆ ಸರಿಗಟ್ಟಿದ ಗೌತಮ್ ಗಂಭೀರ್

    ವಾರ್ನರ್ ದಾಖಲೆ ಸರಿಗಟ್ಟಿದ ಗೌತಮ್ ಗಂಭೀರ್

    ಮೊಹಾಲಿ: ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ನಾಯಕ ಗೌತಮ್ ಗಂಭೀರ್ ಕಿಂಗ್ಸ್ ಇಲೆವನ್ ಪಂಜಾಬ್ ವಿರುದ್ಧ ಅರ್ಧಶತಕ ಗಳಿಸುವ ಮೂಲಕ ಐಪಿಎಲ್ ಟೂರ್ನಿಯಲ್ಲಿ ಹೆಚ್ಚು ಅರ್ಧಶತಕ ಹೊಡೆದಿದ್ದ ವಾರ್ನರ್ ದಾಖಲೆಯನ್ನು ಸರಿಗಟ್ಟಿದ್ದಾರೆ.

    ಐಪಿಎಲ್ ಟೂರ್ನಿಯಲ್ಲಿ ಈ ಮೂಲಕ 36 ನೇ ಅರ್ಧಶತಕ ಸಿಡಿಸಿದ ಗಂಭೀರ್ ಪಟ್ಟಿಯಲ್ಲಿ ಆಗ್ರಸ್ಥಾನವನ್ನು ಹಂಚಿಕೊಂಡಿದ್ದಾರೆ. ಸದ್ಯ ಚೆಂಡು ವಿರೂಪಗೊಳಿದ ಪ್ರಕರಣದಲ್ಲಿ ಐಪಿಎಲ್ ನಿಂದ ಹೊರಗುಳಿದಿರುವ ವಾರ್ನರ್ ದಾಖಲೆಯನ್ನು ಗಂಭೀರ್ ಮುರಿಯುವ ಅವಕಾಶವಿದೆ. ಈ ಪಟ್ಟಿಯಲ್ಲಿ ನಂತರದ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ (32) ಮೂರನೇ ಸ್ಥಾನ, ಸುರೇಶ್ ರೈನಾ (31) 4ನೇ ಸ್ಥಾನ, ಆರ್ ಸಿಬಿ ನಾಯಕ ಕೊಹ್ಲಿ (30) ನಂತರದ ಸ್ಥಾನ ಪಡೆದಿದ್ದಾರೆ.

    ಐಪಿಎಲ್ 11 ನೇ ಆವೃತ್ತಿಯ ಮೊದಲ ಪಂದ್ಯದಲ್ಲೇ ಗೌತಮ್ ಗಂಭೀರ್ ಅರ್ಧ ಶತಕ ಗಳಿಸಿದ್ದಾರೆ. ಪಂದ್ಯದಲ್ಲಿ 36 ಎಸೆತಗಳಲ್ಲಿ 1 ಸಿಕ್ಸರ್, 4 ಬೌಂಡರಿ ನೆರವಿನಿಂದ ಅರ್ಧಶತಕ ಸಿಡಿಸಿದರು.

    ಕಳೆದ ಟೂರ್ನಿಯಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ನಾಯಕತ್ವ ವಹಿಸಿದ್ದ ಗಂಭೀರ್ ಈ ಬಾರಿ ಡೆಲ್ಲಿ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

    ಗಂಭೀರ್ ಕಳೆದ 10 ಆವೃತ್ತಿಗಳ ಆರಂಭಿಕ ಪಂದ್ಯಗಳಲ್ಲಿ ಗಳಿದ ಪಟ್ಟಿ: 58 , 15, 72, 1, 0, 41, 0, 57, 38, 76, 50. ಒಟ್ಟಾರೆ 11 ಆವೃತ್ತಿಗಳ ಆರಂಭಿಕ ಪಂದ್ಯಗಳಲ್ಲಿ 68 ರನ್ ಸರಾಸರಿ ಯೊಂದಿಗೆ 5 ಅರ್ಧಶತಕಗಳನ್ನು ಸಿಡಿಸಿದ್ದಾರೆ.

  • 11 ಕೋಟಿ ನೀಡಿ ಖರೀದಿಸಿದ್ದಕ್ಕೆ ಮೊದಲ ಪಂದ್ಯದಲ್ಲಿ ಪವರ್ ತೋರಿಸಿದ ರಾಹುಲ್!

    11 ಕೋಟಿ ನೀಡಿ ಖರೀದಿಸಿದ್ದಕ್ಕೆ ಮೊದಲ ಪಂದ್ಯದಲ್ಲಿ ಪವರ್ ತೋರಿಸಿದ ರಾಹುಲ್!

    ಮೊಹಾಲಿ: ಕಿಂಗ್ಸ್ ಇಲೆವೆನ್ ಪಂಜಾಬಿನ ಆರಂಭಿಕ ಆಟಗಾರ ಕೆಎಲ್ ರಾಹುಲ್ ಐಪಿಎಲ್ ನಲ್ಲಿ ವೇಗದ ಅರ್ಧಶತಕ ಸಿಡಿಸಿ ದಾಖಲೆ ಬರೆದಿದ್ದಾರೆ.

    ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧ ನಡೆದ ಮೊದಲ ಪಂದ್ಯದಲ್ಲಿ ಕೇವಲ 14 ಎಸೆತದಲ್ಲಿ ಅರ್ಧಶತಕ ಹೊಡೆದಿದ್ದಾರೆ. ಪಂದ್ಯದ ಮೊದಲ ಓವರ್ ನಲ್ಲಿ ಸಿಕ್ಸರ್ ಬೌಂಡರಿ ಸಿಡಿಸಿದ ರಾಹುಲ್ 51 ರನ್(16 ಎಸೆತ, 6 ಬೌಂಡರಿ, 4 ಸಿಕ್ಸರ್) ಸಿಡಿಸಿ ಔಟಾದರು.

    ರಾಹುಲ್ ಆರ್ಭಟ ಹೀಗಿತ್ತು:
    ಟ್ರೆಂಟ್ ಬೋಲ್ಟ್ ಎಸೆದ ಮೊದಲ ಓವರ್ ನಲ್ಲಿ 2 ಬೌಂಡರಿ, ಒಂದು ಸಿಕ್ಸರ್, ಎರಡು ರನ್ ಸಿಡಿಸಿ ಒಟ್ಟು 16 ರನ್ ಚಚ್ಚಿದ್ದರು. ಶಮಿ ಎಸೆದ ಎರಡನೇ ಓವರ್ ನಲ್ಲಿ ಒಂದು ಸಿಕ್ಸರ್, ಒಂದು ಬೌಂಡರಿ ಹೊಡೆದಿದ್ದರು. ಅಮಿತ್ ಮಿಶ್ರಾ ಎಸೆದ ಮೂರನೇ ಓವರ್ ನಲ್ಲಿ ರಾಹುಲ್ 24 ರನ್ ಬಾರಿಸಿ ವೇಗದ ಅರ್ಧಶತಕ ದಾಖಲಿಸಿದರು. ಮೊದಲ ಎಸೆತವನ್ನು ಬೌಂಡರಿಗೆ ಅಟ್ಟಿದ್ದರೆ ಎರಡು ಮತ್ತು ಮೂರನೇ ಎಸೆತವನ್ನು ಸಿಕ್ಸರ್ ಗೆ ಎತ್ತಿದ್ದರು. ನಾಲ್ಕು ಮತ್ತು ಐದನೇ ಎಸೆತವನ್ನು ಬೌಂಡರಿಗೆ ಅಟ್ಟಿದರು. ಮೊದಲ ವಿಕೆಟಿಗೆ ರಾಹುಲ್ ಮತ್ತು ಅಗರ್‍ವಾಲ್ 3.2 ಓವರ್ ಗಳಲ್ಲಿ 58 ರನ್ ಕೂಡಿಹಾಕಿದ್ದರು. 4.5ನೇ ಓವರ್ ನಲ್ಲಿ ರಾಹುಲ್ ಔಟಾದಾಗ ಪಂಜಾಬ್ ತಂಡ 2 ವಿಕೆಟ್ ನಷ್ಟಕ್ಕೆ 64 ರನ್ ಗಳಿಸಿತ್ತು.

    ಯಾವ ಎಸೆತದಲ್ಲಿ ಎಷ್ಟು ರನ್?
    14 ಎಸೆತ – 0, 2, 0, 6, 4, 4, 6, 4, 1, 4, 6, 6, 4, 4 ಒಟ್ಟಾರೆ 51 ರನ್

    ಐಪಿಎಲ್‍ನಲ್ಲಿ ವೇಗದ ಅರ್ಧಶತಕ ಸಿಡಿಸಿದ ಆಟಗಾರರು:
    2018 – ಕೆಎಲ್ ರಾಹುಲ್, 14 ಎಸೆತ
    2014 – ಯೂಸೂಫ್ ಪಠಾಣ್, 15 ಎಸೆತ
    2017 – ಸುನಿಲ್ ನರೈನ್, 15 ಎಸೆತ
    2014 – ಸುರೇಶ್ ರೈನಾ, 16 ಎಸೆತ

    ಬೆಂಗಳೂರಿನಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಆಟಗಾರರ ಹರಾಜು ಪ್ರಕ್ರಿಯೆಯಲ್ಲಿ ರಾಹುಲ್ ಅವರಿಗೆ 2 ಕೋಟಿ ರೂ. ಮೂಲ ಬೆಲೆ ನಿಗದಿಯಾಗಿತ್ತು. ಆದರೆ ಅವರ ಆಟದ ಪರಿಚವಿದ್ದ ಕಾರಣ ಮೊತ್ತ ಏರಿಕೆಯಾಗಿ ಕಿಂಗ್ಸ್ ಇಲೆವೆನ್ ತಂಡ ಬರೋಬ್ಬರಿ 11 ಕೋಟಿ ರೂ. ನೀಡಿ ಖರೀದಿ ಮಾಡಿತ್ತು.

  • ಗೆಲುವಿನ ಆಟ ಮಾತ್ರ ನನ್ನದಾಗಿತ್ತು: ಕೊನೆಯ 11 ಎಸೆತದಲ್ಲಿ ಪಂದ್ಯದ ಚಿತ್ರಣವನ್ನೇ ಬದಲಾಯಿಸಿದ ಬ್ರಾವೋ ಮಾತು

    ಗೆಲುವಿನ ಆಟ ಮಾತ್ರ ನನ್ನದಾಗಿತ್ತು: ಕೊನೆಯ 11 ಎಸೆತದಲ್ಲಿ ಪಂದ್ಯದ ಚಿತ್ರಣವನ್ನೇ ಬದಲಾಯಿಸಿದ ಬ್ರಾವೋ ಮಾತು

    ಮುಂಬೈ: ಎರಡು ವರ್ಷಗಳ ಬಳಿಕ ಐಪಿಎಲ್ ಗೆ ರೀ ಎಂಟ್ರಿ ಕೊಟ್ಟ ಚೆನ್ನೈ ಸೂಪರ್ ಕಿಂಗ್ಸ್ ಗೆಲುವಿನೊಂದಿಗೆ ಟೂರ್ನಿಯಲ್ಲಿ ಭರ್ಜರಿ ಶುಭಾರಂಭ ಮಾಡಿದ್ದು, ಅಭಿಮಾನಿಗಳಿಗೆ ಆರಂಭದಲ್ಲೇ ಸಂತಸ ನೀಡಿದೆ.

    ವಾಂಖೇಡೆಯಲ್ಲಿ ಶನಿವಾರ ನಡೆದ ಐಪಿಎಲ್ 11ನೇ ಆವೃತ್ತಿಯ ಮೊದಲ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಬ್ರಾವೋ ಚೆನ್ನೈ ಗೆಲುವಿಗೆ ಕಾರಣರಾದರು. ಕೇವಲ 30 ಎಸೆತಗಳಲ್ಲಿ 68 ರನ್ ಸಿಡಿಸಿ ಭರ್ಜರಿ ಪ್ರದರ್ಶನ ನೀಡಿದರು.

    ಪಂದ್ಯದ ಬಳಿಕ ಮಾತನಾಡಿದ ಬ್ರಾವೋ, ತಾನು ಯಾವುದೇ ಟೂರ್ನಿಯನ್ನು ಗೆಲುವಿನೊಂದಿಗೆ ಆರಂಭಿಸಲು ಇಷ್ಟ ಪಡುತ್ತೇನೆ. ಹಾಗೆಯೇ ಐಪಿಎಲ್‍ನಲ್ಲೂ ತಂಡದ ಗೆಲುವಿನೊಂದಿಗೆ ಶುಭಾರಂಭವಾಗಿದೆ. ಚೆನ್ನೈ ಮತ್ತು ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ತನ್ನ ಪ್ರದರ್ಶನಕ್ಕೆ ಪ್ರೇರಣೆ ಎಂದು ಹೇಳಿದರು.

    25 ಎಸೆತಗಳಲ್ಲಿ ಅರ್ಧ ಶತಕ ಸಿಡಿಸಿದ್ದರೂ ಸಂಭ್ರಮಾಚರಣೆ ಮಾಡಿಲ್ಲ ಯಾಕೆ ಎನ್ನುವ ಪ್ರಶ್ನೆಗೆ, ಬ್ಯಾಟಿಂಗ್ ವೇಳೆ ಪಂದ್ಯದ ಕೊನೆಯ ಓವರ್ ವರೆಗೂ ಆಡಲು ನಿರ್ಧರಿಸಿದ್ದೆ. ಅದರಂತೆ ಅರ್ಧ ಶತಕ ಪೂರೈಸಿದ ವೇಳೆಯೂ ಯಾವುದೇ ಸಂಭ್ರಮಾಚರಣೆ ಮಾಡಿಲ್ಲ. ತಂಡದ ಗೆಲುವು ಮುಖ್ಯವಾಗಿತ್ತು ಎಂದು ಉತ್ತರಿಸಿದರು.

    ಚೆನ್ನೈ ತಂಡ 75 ರನ್ ಗಳಿಗೆ 5 ಪ್ರಮುಖ ವಿಕೆಟ್ ಕಳೆದುಕೊಂಡ ವೇಳೆ ಭರ್ಜರಿ ಬ್ಯಾಟಿಂಗ್ ನಡೆಸಿ ಬ್ರಾವೋ ತಂಡಕ್ಕೆ ಆಸರೆಯಾದರು. ಕೊನೆಯ 18 ಎಸೆತಗಳಲ್ಲಿ 47 ರನ್ ಗಳ ಅಗತ್ಯವಿತ್ತು. ಮಿಚೆಲ್‌ ಮೆಕ್‌ಕ್ಲೆನಗನ್‌ ಬೌಲಿಂಗ್ ನಲ್ಲಿ 2 ಸಿಕ್ಸರ್ ಹಾಗೂ 1 ಬೌಂಡರಿ ಸಿಡಿಸಿ 18ನೇ ಓವರ್ ನಲ್ಲಿ 20 ರನ್ ಕಲೆ ಹಾಕಿದರು. ಬಳಿಕ ಬೆಸ್ಟ್ ಡೆತ್ ಬೌಲರ್ ಎಂದು ಹೆಗ್ಗಳಿಕೆ ಪಡೆದ ಬುಮ್ರಾ ಬೌಲಿಂಗ್ ನಲ್ಲಿ 3 ಸಿಕ್ಸರ್ ಸಿಡಿಸಿ ತಂಡದ ಗೆಲುವು ಖಚಿತ ಪಡಿಸಿದರು. ಈ ಮೂಲಕ ಬುಮ್ರಾ ಬೌಲಿಂಗ್ ಓವರ್ ಒಂದರಲ್ಲಿ 3 ಸಿಕ್ಸರ್ ಸಿಡಿಸಿದ ಮೊದಲಿಗ ಎಂಬ ಹೆಗ್ಗಳಿಗೆ ಬ್ರಾವೋ ಪಾತ್ರರಾದರು.

    ಅಂತಿಮವಾಗಿ ಚೆನ್ನೈ ಒಂದು ಎಸೆತ ಬಾಕಿ ಇರುವಂತೆ ಗೆಲುವಿನ ನಗೆ ಬೀರಿತು. ಎರಡು ವರ್ಷಗಳ ಬಳಿಕ ಐಪಿಎಲ್ ಗೆ ಪ್ರವೇಶ ಪಡೆದ ಮೊದಲ ಪಂದ್ಯಲ್ಲೇ ಚೆನ್ನೈ ತಂಡ ಅಭಿಮಾನಿಗಳಿಗೆ ಗೆಲುವಿನ ಉಡುಗೊರೆ ನೀಡಿದೆ. ಸ್ಫೋಟಕ ಬ್ಯಾಟಿಂಗ್ ನಡೆಸಿ 68 ರನ್(30 ಎಸೆತ, 3 ಬೌಂಡರಿ, 7 ಸಿಕ್ಸರ್) ಚಚ್ಚಿದ ಬ್ರಾವೋ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

    ಇದಕ್ಕೂ ಮುನ್ನ ಬ್ಯಾಟಿಂಗ್ ನಡೆಸಿದ ಮುಂಬೈ 20 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 165 ರನ್ ಗಳಿಸಿತ್ತು. ತಂಡದ ಪರ ಸೂರ್ಯ ಕುಮಾರ್ ಯಾದವ್ 43, ಕೃಷ್ಣ 40, ಕೃಣಲ್ ಪಾಂಡ್ಯ 41 ರನ್ ನೇರವಿನಿಂದ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತ್ತು.

  • ಐಪಿಎಲ್ ನಲ್ಲಿ ದಾಖಲೆ ನಿರ್ಮಿಸಿದ ಕೊಹ್ಲಿ

    ಐಪಿಎಲ್ ನಲ್ಲಿ ದಾಖಲೆ ನಿರ್ಮಿಸಿದ ಕೊಹ್ಲಿ

    ಬೆಂಗಳೂರು: ರಾಯಲ್ಸ್ ಚಾಲೆಂಜರ್ಸ್ ಟೀಂ ನಾಯಕ ವಿರಾಟ್ ಕೊಹ್ಲಿ ಐಪಿಎಲ್ ನಲ್ಲಿ ದಾಖಲೆ ನಿರ್ಮಿಸಿದ್ದಾರೆ.

    ಐಪಿಎಲ್ 11 ಅವೃತ್ತಿಗಳಲ್ಲಿ ಒಂದೇ ತಂಡದ ಪರ ಆಡಿದ ಏಕೈಕ ಆಟಗಾರ ಎನ್ನುವ ಹೆಗ್ಗಳಿಕೆಗೆ ಕೊಹ್ಲಿ ಪಾತ್ರರಾಗಿದ್ದಾರೆ.

    2008 ರಲ್ಲಿ ಆರಂಭವಾದ ಐಪಿಎಲ್ ಲೀಗ್ ನಲ್ಲಿ ಮೊದಲ ಬಾರಿಗೆ ಬೆಂಗಳೂರು ತಂಡ ಅವರನ್ನು ಬೃಹತ್ ಮೊತ್ತವನ್ನು ನೀಡಿ ಖರೀದಿಸಿತ್ತು, ಬಳಿಕ 11 ಅವೃತ್ತಿಗಳಲ್ಲಿ ಕೊಹ್ಲಿ ತಂಡವನ್ನು ಮುನ್ನಡೆಸಿದ್ದಾರೆ.

    ಐಪಿಎಲ್ ಲೀಗ್ ನಲ್ಲಿ ಗರಿಷ್ಠ ಮೊತ್ತವನ್ನು ಪಡೆಯುತ್ತಿರುವ ಕೊಹ್ಲಿ ಜನವರಿಯಲ್ಲಿ ನಡೆದ ಐಪಿಎಲ್ 11 ನೇ ಅವೃತ್ತಿಯಲ್ಲಿ 17 ಕೋಟಿ ರೂ. ನೀಡಿ ಆರ್ ಸಿಬಿ ತನ್ನಲ್ಲೇ ಉಳಿಸಿಕೊಂಡಿತ್ತು.

    ಐಪಿಎಲ್ ಅವೃತ್ತಿಯಲ್ಲಿ ಒಟ್ಟಾರೆ 149 ಪಂದ್ಯಗಳನ್ನು ಆಡಿರುವ ಕೊಹ್ಲಿ, 129.82 ಸ್ಟ್ರೈಕ್ ರೇಟ್‍ನಲ್ಲಿ 4,418 ರನ್ ಗಳಿಸಿದ್ದಾರೆ. ಅಲ್ಲದೇ 4 ಶತಕ ಹಾಗೂ 30 ಅರ್ಧ ಶತಕಗಳು ಸಿಡಿಸಿದ್ದಾರೆ. ಆದರೆ ಇದುವರೆಗೆ ನಡೆದಿರುವ 10 ಆವೃತ್ತಿಗಳಲ್ಲಿ ಒಂದು ಬಾರಿಯೂ ಚಾಂಪಿಯನ್ ಆಗಿಲ್ಲ, 11 ನೇ ಆವೃತ್ತಿ ಆಡಲು ಸಿದ್ಧವಗಿರುವ ತಂಡ ಕಪ್ ಗೆಲ್ಲುವ ವಿಶ್ವಾಸದಲ್ಲಿದೆ.

    ಕೊಹ್ಲಿ ಐಪಿಎಲ್ ಸಾಧನೆ:
    ಪಂದ್ಯ -149
    ರನ್ -4,412
    ಸರಾಸರಿ -37.44
    ಸ್ಟ್ರೈಕ್ ರೇಟ್ – 129.82
    ಶತಕ – 04
    ಅರ್ಧ ಶತಕ – 30
    ಬೌಂಡರಿ – 382
    ಸಿಕ್ಸರ್ – 160
    ಕ್ಯಾಚ್ – 61
    ವಿಕೆಟ್ – 4
    ಬೆಸ್ಟ್ ಬೌಲಿಂಗ್ – 2/25

  • ಟೆಲಿವಿಷನ್ ಹಕ್ಕುಗಳಿಂದ ಕೋಟಿ ಕೋಟಿ ಗಳಿಸಿದ ಬಿಸಿಸಿಐ: ಒಂದು ಪಂದ್ಯಕ್ಕೆ ಬಿಸಿಸಿಐಗೆ ಎಷ್ಟು ಕೋಟಿ ಸಿಗುತ್ತೆ?

    ಟೆಲಿವಿಷನ್ ಹಕ್ಕುಗಳಿಂದ ಕೋಟಿ ಕೋಟಿ ಗಳಿಸಿದ ಬಿಸಿಸಿಐ: ಒಂದು ಪಂದ್ಯಕ್ಕೆ ಬಿಸಿಸಿಐಗೆ ಎಷ್ಟು ಕೋಟಿ ಸಿಗುತ್ತೆ?

    ನವದೆಹಲಿ: ಸ್ಟಾರ್ ಇಂಡಿಯಾ ಭಾರತದಲ್ಲಿ ಕ್ರಿಕೆಟ್ ನ ನೇರಪ್ರಸಾರ ಹಾಗೂ ಡಿಜಿಟಲ್ ಹಕ್ಕುಗಳಲ್ಲಿ ತನ್ನ ಪ್ರಾಬಲ್ಯವನ್ನು ಮುಂದುವರಿಸಿದ್ದು, ಮುಂದಿನ ಐದು ವರ್ಷಗಳ ಅವಧಿ (2018-2023) ಗೆ ಭಾರತದ ಕ್ರಿಕೆಟ್ ನ ನೇರಪ್ರಸಾರ ಹಕ್ಕನ್ನು ದಾಖಲೆಯ 6,138 ಕೋಟಿ ರೂಪಾಯಿಗೆ ಸ್ಟಾರ್ ಇಂಡಿಯಾ ಖರೀದಿಸಿದೆ.

    ಕಳೆದ ಮೂರು ದಿನಗಳಿಂದ ನಡೆಯುತ್ತಿರುವ ಇ-ಮಾರಾಟದಲ್ಲಿ ಸೋನಿ ಮತ್ತು ರಿಲಯನ್ಸ್ ಜಿಯೋ ಸಂಸ್ಥೆಯನ್ನು ಹಿಂದಿಕ್ಕಿದ ಸ್ಟಾರ್ ಇಂಡಿಯಾ ವಿಶ್ವ ಕ್ರಿಕೆಟ್ ನೇರಪ್ರಸಾರ ಒಪ್ಪಂದವನ್ನು ಪಡೆದಿದೆ. ಈ ಒಪ್ಪಂದವೂ ಏಪ್ರಿಲ್ 2018 ರಿಂದ ಮಾರ್ಚ್ 2023ರ ಅವಧಿಯವರೆಗೂ ಚಾಲ್ತಿಯಲ್ಲಿದೆ. ಇದೇ ಮೊದಲ ಬಾರಿಗೆ ಬಿಸಿಸಿಐ ಮಾಧ್ಯಮ ಹಕ್ಕುಗಳ ಮಾರಾಟವನ್ನು ಇ-ಬಿಡಿಂಗ್ ಮೂಲಕ ನಡೆಸಿತು.

    ಮೂರು ದಿನಗಳ ಅವಧಿಯಲ್ಲಿ ನಡೆದ ಬಿಡ್ ಮಂಗಳವಾರ ಹಾಗೂ ಬುಧವಾರ ಬಿಡ್ ಮೊತ್ತ ಹೆಚ್ಚಳಕ್ಕೆ 1 ಗಂಟೆಯ ಅವಧಿ ನೀಡಲಾಗಿತ್ತು. ಗುರುವಾರ ಈ ಅವಧಿಯನ್ನು 30 ನಿಮಿಷಕ್ಕೆ ಇಳಿಸಲಾಗಿತ್ತು. ಕ್ರಮವಾಗಿ ಮಂಗಳವಾರ ಹಾಗೂ ಬುಧವಾರ ಅಂತ್ಯಕ್ಕೆ 4,442 ಕೋಟಿ ರೂ., 6,032.50 ಕೋಟಿ ರೂ.ಗೆ ಹೆಚ್ಚಳವಾಗಿತ್ತು. ಕೊನೆಯ ದಿನವಾದ ಗುರುವಾರ ಸಣ್ಣ ಪ್ರಮಾಣದಲ್ಲಿ ಬಿಡ್ ಮೊತ್ತ ಏರಿಕೆ ಕಂಡು 6,138 ಕೋಟಿ ರೂ. ಗಳಿಗೆ ಸ್ಟಾರ್ ಸಂಸ್ಥೆ ಹಕ್ಕು ಪಡೆಯಿತು.

    ಬಿಸಿಸಿಐ ಈ ಬಿಡ್ ಮುಕ್ತಾಯದ ನಂತರ ಮೊದಲ ವರ್ಷ ನಡೆಯುವ ಪ್ರತಿ ಪಂದ್ಯಕ್ಕೆ 46 ಕೋಟಿ ರೂ. ಪಡೆಯಲಿದೆ. ಎರಡನೇ ಹಾಗೂ ಮೂರನೇ ವರ್ಷದಲ್ಲಿ ಕ್ರಮವಾಗಿ ಈ ಮೊತ್ತ 47 ಕೋಟಿ ರೂ., 46.50 ಕೋಟಿ ರೂ. ಗೆ ಹೆಚ್ಚಾಗಲಿದೆ. ಒಪ್ಪಂದ ಕೊನೆಯ ವರ್ಷದ ವೇಳೆ ಈ ಮೊತ್ತ ಪ್ರತಿ ಪಂದ್ಯಕ್ಕೆ 78.90 ಕೋಟಿ ರೂ. ಪಡೆಯಲಿದೆ.

    ಕಳೆದೊಂದು ವರ್ಷದಲ್ಲಿ ಬಿಸಿಸಿಐ 25 ಸಾವಿರ ಕೋಟಿಗೂ ಅಧಿಕ ಮೊತ್ತದ ಒಪ್ಪಂದ ಪಡೆದಿದೆ. ಐಪಿಎಲ್ ಶೀರ್ಷಿಕೆ ಒಪ್ಪಂದಕ್ಕೆ (ವಿವೋ ಸಂಸ್ಥೆ)2,199 ಕೋಟಿ ಹಾಗೂ ಟೀಂ ಪ್ರಾಯೋಜಕತ್ವಕ್ಕೆ (ಒಪ್ಪೊ ಮೊಬೈಲ್ ಸಂಸ್ಥೆ)1,079 ಕೋಟಿ ರೂ. ಒಪ್ಪಂದ ಮಾಡಿಕೊಂಡಿದೆ. ಸ್ಟಾರ್ ಸಂಸ್ಥೆ ಐಪಿಎಲ್ ಮಾರಾಟ ಹಕ್ಕುಗಳನ್ನು 2.55 ಶತಕೋಟಿ ಯುಎಸ್ ಡಾಲರ್ (ಸುಮಾರು 16,347 ಕೋಟಿ ರೂ. ಗಳಿಗೆ)ಪಡೆದುಕೊಂಡಿತ್ತು.

     

    ವಿಶ್ವ ಇತರೇ ಲೀಗ್‍ಗಳ ಪ್ರತಿ ಪಂದ್ಯದ ಪ್ರಸಾರದ ಮೊತ್ತ:
    ನ್ಯಾಷನಲ್ ಫುಟ್ ಬಾಲ್ ಲೀಗ್ (ಎನ್‍ಎಫ್‍ಎಲ್)- 22.47 ಮಿಲಿಯನ್ ಯುಎಸ್ ಡಾಲರ್ (ಸುಮಾರು 146 ಕೋಟಿ ರೂ.)
    ಇಂಡಿಯನ್ ಕ್ರಿಕೆಟ್ – 9.26 ಮಿಲಿಯನ್ ಯುಎಸ್ ಡಾಲರ್ (ಸುಮಾರು 60.18 ಕೋಟಿ ರೂ.)
    ಪ್ರೀಮಿಯರ್ ಲೀಗ್ – 13.15 ಮಿಲಿಯನ್ ಯುಎಸ್ ಡಾಲರ್ (ಸುಮಾರು 85.44 ಕೋಟಿ ರೂ.)
    ಐಪಿಎಲ್-8.47 ಮಿಲಿಯನ್ ಯುಎಸ್ ಡಾಲರ್ (ಸುಮಾರು 55.03 ಕೋಟಿ)
    ನ್ಯಾಷನಲ್ ಬ್ಯಾಸ್‍ಕೆಟ್ ಬಾಲ್ ಲೀಗ್ (ಎನ್‍ಬಿಎ) – 1.99 ಮಿಲಿಯನ್ ಯುಎಸ್ ಡಾಲರ್ (ಸುಮಾರು 12.34 ಕೋಟಿ ರೂ.)
    ಮೇಜರ್ ಲೀಗ್ ಬೆಸ್ ಬಾಲ್ (ಎಂಎಲ್‍ಬಿ)- 0.63 ಮಿಲಿಯನ್ ಯುಎಸ್ ಡಾಲರ್ (ಸುಮಾರು 4.09 ಕೋಟಿ ರೂ.)

    ಬಿಸಿಸಿಐ ಆದಾಯ ವರ್ಷಗಳಲ್ಲಿ:
    2012-18: 125 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 8,123 ಕೋಟಿ ರೂ.)
    2018-23: 189 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 1,228 ಕೋಟಿ ರೂ.)
    ಐಪಿಎಲ್ 2018-22: 508 ಮಿಲಿಯನ್ ಡಾಲರ್ (ಸುಮಾರು 33,007 ಕೋಟಿ ರೂ.)

    ಬಿಸಿಸಿಐ ಆದಾಯ ಪ್ರತಿ ಪಂದ್ಯಕ್ಕೆ:
    2012-18: 6.17 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 40,08 ಕೋಟಿ ರೂ.)
    2018-23: 9.26 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 60.16 ಕೋಟಿ ರೂ.)
    ಐಪಿಎಲ್ 2018-22: 8.47 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 55.03 ಕೋಟಿ ರೂ.)

    ಕ್ರಿಕೆಟ್ ಟಾಪ್ ಪ್ರಸಾರ ಒಪ್ಪಂದಗಳು
    ಐಪಿಎಲ್ 2018-22: 508 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 33,012 ಕೋಟಿ ರೂ.)
    ಇಂಗ್ಲೆಂಡ್ ಕ್ರಿಕೆಟ್ 2020-24: 287 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 18,650 ಕೋಟಿ ರೂ.)
    ಇಂಡಿಯನ್ ಕ್ರಿಕೆಟ್ 2018-23: 189 ಮಿಲಿಯನ್‍ಅಮೆರಿಕನ್ ಡಾಲರ್ (ಸುಮಾರು 12,281 ಕೋಟಿ ರೂ.)
    ಆಸ್ಟ್ರೇಲಿಯಾ ಕ್ರಿಕೆಟ್ 2013-18: 100 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 6,498 ಕೋಟಿ ರೂ.)

  • ದೂರದರ್ಶನದಲ್ಲೂ ಪ್ರಸಾರವಾಗುತ್ತೆ ಐಪಿಎಲ್- ಆದಾಯ ಹಂಚಿಕೆ ಹೇಗೆ?

    ದೂರದರ್ಶನದಲ್ಲೂ ಪ್ರಸಾರವಾಗುತ್ತೆ ಐಪಿಎಲ್- ಆದಾಯ ಹಂಚಿಕೆ ಹೇಗೆ?

    ನವದೆಹಲಿ: 11ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಕ್ರಿಕೆಟ್ ಲೀಗ್ ಗೆ ಏಪ್ರಿಲ್ 7 ರಿಂದ ಚಾಲನೆ ದೊರೆಯಲಿದ್ದು, ದೂರದರ್ಶನ ವಾಹಿನಿಯಲ್ಲೂ ಐಪಿಎಲ್ ಪಂದ್ಯಗಳನ್ನು ವೀಕ್ಷಿಸಬಹುದು.

    ಕಳೆದ ಸೆಪ್ಟೆಂಬರ್ ತಿಂಗಳಿನಲ್ಲಿ ನಡೆದ ಐಪಿಎಲ್ ನೇರ ಪ್ರಸಾರದ ಮಾರಾಟ ಹಕ್ಕುಗಳನ್ನು ಸ್ಟಾರ್ ವಾಹಿನಿ ಪಡೆದುಕೊಂಡಿತ್ತು. ಸದ್ಯ ಇದರ ಜೊತೆಗೆ ಭಾರತದಲ್ಲಿ ನಡೆಯುವ ಎಲ್ಲಾ ದ್ವಿಪಕ್ಷೀಯ ಸರಣಿಯ ನೇರ ಪ್ರಸಾರದ ಹಕ್ಕನ್ನು ಸ್ಟಾರ್ ಸಂಸ್ಥೆ 6,138 ಕೋಟಿ ರೂ. ಗೆ ಪಡೆದುಕೊಂಡಿದೆ.

    ಈ ವೇಳೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ನೀಡಿದ ಸಲಹೆ ಮೇರೆಗೆ ಡಿಡಿ ವಾಹಿನಿಯಲ್ಲೂ ಪ್ರಸಾರ ನೀಡಲು ಅನುಮತಿ ನೀಡಿದೆ. ಈ ಕುರಿತು ಟ್ವೀಟ್ ಮಾಡಿರುವ ಪ್ರಸಾರ ಭಾರತಿ ಡಿಡಿ ವಾಹಿನಿಯಲ್ಲಿ ಐಪಿಎಲ್ ಪಂದ್ಯಗಳ ಪ್ರಸಾರವನ್ನು ಖಚಿತ ಪಡಿಸಿದೆ.

     

    ಸ್ಟಾರ್ ವಾಹಿಸಿ ಸಿಇಒ ಉದಯ್ ಶಂಕರ್ ನಿಡಿರುವ ಮಾಹಿತಿ ಪ್ರಕಾರ ಐಪಿಎಲ್ ನ ಭಾನುವಾರ ಎರಡು ಪಂದ್ಯಗಳಲ್ಲಿ ಒಂದು ಪಂದ್ಯವನ್ನು ಮಾತ್ರ ಪ್ರಸಾರ ಮಾಡಲಾಗುತ್ತದೆ ಎಂದು ತಿಳಿಸಿದ್ದಾರೆ. ಅಲ್ಲದೇ ಸ್ಟಾರ್ ವಾಹಿನಿಯಲ್ಲಿ ಪ್ರಸಾರವಾದ ಬಳಿಕ ಒಂದು ಗಂಟೆ ತಡವಾಗಿ ದೂರದರ್ಶನ ಚಾನೆಲ್ ನಲ್ಲಿ ಐಪಿಎಲ್ ಪಂದ್ಯಗಳು ಪ್ರಸಾರವಾಗಲಿದೆ. ಇದು ಭಾರತದಲ್ಲಿ ನಡೆಯುವ ಪಂದ್ಯಗಳನ್ನು ಜನರ ಅನುಕೂಲಕ್ಕಾಗಿ ಪ್ರಸಾರ ಮಾಡಲು ಅವಕಾಶ ಮಾಡಿಕೊಡಬೇಕೆಂಬ ದೂರದರ್ಶನದ ಮನವಿಗೆ ಒಪ್ಪಿಗೆ ನೀಡಲಾಗಿದೆ ಎಂದು ತಿಳಿಸಿದ್ದಾರೆ.

    ಡಿಡಿ ವಾಹಿನಿಗೆ ಆದಾಯ ಸೃಷ್ಟಿ ಮಾಡುವ ಉದ್ದೇಶದಿಂದ ವಾರ್ತಾ ಸಚಿವಾಲಯದ ಅಭಿಪ್ರಾಯದ ಮೇರೆಗೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಇಲಾಖೆ ಈ ಮನವಿಯನ್ನು ಸ್ಟಾರ್ ಸಂಸ್ಥೆಯ ಮುಂದೆ ಪ್ರಸ್ತುತ ಪಡಿಸಿತ್ತು. ಆದರೆ ಭಾರತದಲ್ಲಿ ನಡೆಯುವ ಇತರೇ ಲೀಗ್ ಗಳ ಪ್ರಸಾರದ ಕುರಿತು ನಿಯಮಗಳ ಒಪ್ಪಂದ ಕುರಿತು ನಿರ್ಧಾರ ಕೈಗೊಳ್ಳುವುದಾಗಿ ಸಚಿವಾಲಯ ಅಧಿಕಾರಿಗಳು ತಿಳಿಸಿದ್ದಾರೆ.

    ಆದಾಯ ಹಂಚಿಕೆ ಹೇಗೆ: ದೂರದರ್ಶನದಲ್ಲಿ ಪ್ರಸಾರವಾಗುವ ಪಂದ್ಯಗಳಿಂದ ಗಳಿಸುವ ಆದಾಯದಲ್ಲಿ ಶೇ.50 ಆಧಾರ ಮೇಲೆ ಹಂಚಿಕೆ ಮಾಡಿಕೊಳ್ಳಲಿದೆ. ಈ ಕುರಿತು ಮಾಹಿತಿ ಮತ್ತು ಪ್ರಸಾರ ಇಲಾಖೆ ಅನುಮತಿಗಾಗಿ ಸಿದ್ಧತೆ ನಡೆಸಿದೆ.

    ಈ ನಿರ್ಧಾರದಿಂದ ಸ್ಟಾರ್ ವಾಹಿನಿಯ ಸಂಪರ್ಕ ಇಲ್ಲದ ಐಪಿಎಲ್ ಅಭಿಮಾನಿಗಳು ದೂರದರ್ಶನದ ಮೂಲಕ ಪಂದ್ಯಗಳನ್ನು ನೋಡಬಹುದಾಗಿದೆ.

     

  • ಅಭಿಮಾನಿಗಳಿಗೆ ಆರ್‌ಸಿಬಿಯಿಂದ ವಿಶೇಷ ಗಿಫ್ಟ್!

    ಅಭಿಮಾನಿಗಳಿಗೆ ಆರ್‌ಸಿಬಿಯಿಂದ ವಿಶೇಷ ಗಿಫ್ಟ್!

    ಬೆಂಗಳೂರು: ಐಪಿಎಲ್-11ಕ್ಕೆ ಆರ್‌ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ ತಮ್ಮ ಅಭಿಮಾನಿಗಳಿಗೆ ಈ ಬಾರಿ 12 ಸಂಖ್ಯೆಯ ಜರ್ಸಿಯನ್ನು ಅರ್ಪಿಸಿದ್ದಾರೆ.

    ಆರ್‌ಸಿಬಿ ಫೇಸ್‍ಬುಕ್ ಪೇಜ್‍ನಲ್ಲಿ ವಿರಾಟ್ ಕೊಹ್ಲಿ ಒಂದು ವಿಡಿಯೋವನ್ನು ಹಾಕಿದ್ದಾರೆ. ವಿಡಿಯೋದಲ್ಲಿ ವಿರಾಟ್ ತಮ್ಮ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿ 12ರ ಜರ್ಸಿಯನ್ನು ಅರ್ಪಿಸಿದ್ದಾರೆ. ಅಷ್ಟೇ ಅಲ್ಲದೇ ನಾನು ನನ್ನ ತಂಡದ ಬಗ್ಗೆ ಮಾತನಾಡಲು ಇಲ್ಲಿ ಬಂದಿಲ್ಲ. ನಮ್ಮ ತಂಡದ ಹಿಂದಿರುವ ಮತ್ತೊಂದು ತಂಡದ ಬಗ್ಗೆ ಮಾತನಾಡುತ್ತೇನೆ. ಆ ತಂಡ ಬೇರೆ ಯಾವುದೂ ಅಲ್ಲ. ನಮ್ಮ ಫ್ಯಾನ್ಸ್ ತಂಡ ಎಂದು ವಿರಾಟ್ ತಿಳಿಸಿದ್ದಾರೆ.

    ಈಗ ನಾವು ನಮ್ಮ ಅಭಿಮಾನಿಗಳಿಗಾಗಿ ಒಂದು ವಿಶೇಷ ಉಡುಗೊರೆ ಕೊಡಲು ಮುಂದಾಗಿದ್ದೇವೆ. ಇಷ್ಟು ವರ್ಷದಿಂದ ನಮ್ಮ ತಂಡವನ್ನು ಬೆಂಬಲಿಸುತ್ತಿರುವ ಅಭಿಮಾನಿಗಳಿಗಾಗಿ ಜರ್ಸಿ ಸಂಖ್ಯೆ 12 ನ್ನು ಮೀಸಲಿಡುತ್ತೇವೆ ಎಂದು ಹೇಳಿದ್ದಾರೆ.

    ಈ ಜರ್ಸಿಯನ್ನು ಫ್ಯಾನ್ಸ್ ಗಳಿಗಾಗಿ ಡಿಸೈನ್ ಮಾಡಲಾಗಿದ್ದು, ಈ ಜರ್ಸಿಯಲ್ಲಿ 12 ಸಂಖ್ಯೆ ಬರೆಯಲಾಗಿದೆ. ಇದರ ಪ್ರಕಾರ ನಮ್ಮ ಎಲ್ಲ ಫ್ಯಾನ್ಸ್ ಗಳು ಈ ತಂಡದ 12ನೇ ಸದಸ್ಯರಾಗಲಿದ್ದಾರೆ. ಇಷ್ಟು ವರ್ಷ ನಮ್ಮನ್ನು ಬೆಂಬಲಿಸಿದ್ದಕ್ಕೆ ಧನ್ಯವಾದಗಳು ಎಂದು ವಿರಾರ್ಟ್ ಕೊಹ್ಲಿ ವಿಡಿಯೋದಲ್ಲಿ ಹೇಳಿದ್ದಾರೆ.